ಕೊಂಕಣಿ ಕವಿ, ಕಾರ್ಯಕರ್ತ್ ಆನಿ ಕೊಂಕಣಿ ಕವಿತೆಚ್ಯಾ ಉದರ್ಗತೆಖಾತಿರ್ ವಾವುರ್ಚೊ ನಿಷ್ಠಾವಾನ್ ಸೇನಾನಿ, ಕವಿತಾ ಟ್ರಸ್ಟಾಚೊ ಸ್ಥಾಪಕ್, ಮಂಗ್ಳುರ್ಚೊ ಕವಿ ಮೆಲ್ವಿನ್ ರೊಡ್ರಿಗಸ್ ಸಾಹಿತ್ಯ ಅಕಾಡೆಮಿ, ಡೆಲ್ಲಿ ಹಾಂಗಾಸರ್ ಕೊಂಕಣಿ ಭಾಷೆಚೊ ನಿಮಂತ್ರಕ್ ಜಾವ್ನ್ ಮುಕ್ಲ್ಯಾ ಪಾಂಚ್ ವರ್ಸಾಂಚ್ಯಾ ಆವ್ಧೆಕ್ ವಿಂಚೊನ್ ಆಯ್ಲಾ.
2023 ಮಾರ್ಚ್ 11 ವೆರ್ ಸಂವಿಧಾನಾಚ್ಯಾ ಅಟ್ವ್ಯಾ ವಳೆರಿಂತ್ ಮಾನ್ಯತಾ ಆಸ್ಚ್ಯಾ ಸರ್ವ್ ಭಾರತೀಯ್ ಭಾಸಾಂಚೆಂ 99 ಪ್ರತಿನಿಧಿ ಜಮ್ಲೆಲ್ಯಾ ಸಾಹಿತ್ಯ ಅಕಾಡೆಮಿಚ್ಯಾ ಜೆರಾಲ್ ಕಾವ್ನ್‌ಸಿಲ್ ಸಭೆಂತ್ ಚಲ್ಲೆಲ್ಯ್ಯಾ ಎಲಿಸಾಂವಾಂತ್ ಕವಿ ಮೆಲ್ವಿನ್ ರೊಡ್ರಿಗಸ್ ಬಹುಮತಾನ್ ನಿಮಂತ್ರಕ್ ಮ್ಹಣುನ್ ವಿಂಚುನ್ ಆಯ್ಲೊ. ಕೊಂಕಣಿ ಭಾಶೆಚ್ಯಾ ಇತಿಹಾಸಾಂತ್‌ಚ್ ಪಯ್ಲೆ ಪಾವ್ಟಿಂ ಗೊಂಯ್ ರಾಜ್ಯಾ ಭಾಯ್ರ್ ಆನಿ ಕರ್ನಾಟಕಾಕ್ ಹೊ ಮಾನ್ ಲಾಭ್ಲಾ ಆಸುನ್, ಮುಕ್ಲ್ಯಾ ಪಾಂಚ್ ವರ್ಸಾಂಚ್ಯಾ ಆವ್ಧೆಕ್ ಕವಿ ಮೆಲ್ವಿನ್ ಸಾಹಿತ್ಯ ಅಕಾಡೆಮಿ ನವಿ ಡೆಲ್ಲಿ ಹಾಂಗಾಸಾರ್ ಕೊಂಕಣಿ ಭಾಶೆಚೊ ನಿಮಂತ್ರಕ್ ಮ್ಹಣೊನ್ ಹುದ್ದ್ಯಾರ್ ಆಸ್ತಲೊ.
ಹ್ಯಾಚ್ ವರ್ಸಾಚ್ಯಾ ಜನೆರ್ ಮಯ್ನ್ಯಾಂತ್, ಕೊಂಕ್ಣೆಚ್ಯಾ ನೋಂದಾಯಿತ್ ಸಂಸ್ಥ್ಯಾಂಚ್ಯಾ ಶಿಫಾರಸೆಚ್ಯಾ ಆದಾರಾರ್ ಕವಿ ಮೆಲ್ವಿನಾಚಿ ವಿಂಚವ್ಣ್ ಸಾಹಿತ್ಯ ಅಕಾಡೆಮಿಚ್ಯಾ ಜೆರಾಲ್ ಕಾವ್ನ್‌ಸಿಲಾಕ್ ಜಾಲ್ಲಿ. ಗೋವಾ ಸರ್ಕಾರಾನ್ ಪೂರ್ಣಾನಂದ ಚ್ಯಾರಿ ಹಾಂಚೆ ನಾಂವ್ ಸಾಹಿತ್ಯ ಅಕಾಡೆಮಿಚ್ಯಾ ಜೆರಾಲ್ ಕಾವ್ನ್‌ಸಿಲಾಕ್ ಧಾಡುನ್ ದಿಲ್ಲೆಂ.
ಉದ್ಯಮ್ ಆಡಳ್ತ್ಯಾಂತ್ ಸ್ನಾತಕ್ ಆನಿ ಸಮಾಜಶಾಸ್ತ್ರಾಂತ್ ಸ್ನಾತಕೋತ್ತರ್ ಶಿಕಪ್ ಜೊಡುನ್ ಕವಿ ಮೆಲ್ವಿನ್ ಪ್ರಸ್ತುತ್ ದಾಯ್ಜಿವಲ್ಡ್ ಮಾಧ್ಯಮ್ ಸಂಸ್ತ್ಯಾಂತ್ ನಿರ್ದೇಶಕ್ ಜಾವ್ನ್ ವಾವುರ್ನ್ ಆಸಾ. ಖಾಡಿಗಾಂವಾಂತ್ 15 ವರ್ಸಾಂ ತಾಣೆ ಕಾಮ್ ಕೆಲಾಂ.
ಕೊಂಕಣಿ ಕವಿತೆಚ್ಯಾ ಉದರ್ಗತೆಖಾತಿರ್ ಎಕೀನ್ಪಣಿ ವಾವುರ್ಚೆಂ ಕವಿತಾ ಟ್ರಸ್ಟ್ ಸ್ಥಾಪನ್ ಕರುನ್ ಆಜ್ ಮೆರೆನ್ ಕೊಂಕ್ಣಿ ಕವಿತೆಕ್ ಲಗ್ತಿಂ ಸುಮಾರ್ 220 ಕಾರ್ಯಿಂ ತಾಣೆ ಮಾಂಡುನ್ ಹಾಡ್ಲ್ಯಾಂತ್ ಸಾಂಗಾತಾ 34 ಪುಸ್ತಕಾಂ ಫಾಯ್ಸ್ ಕೆಲ್ಯಾಂತ್.
6 ಕವಿತಾ ಜಮೆ, 2 ಪ್ರಬಂದ್ ಸಂಗ್ರಹ್, 1 ಪದಾಂಚಿಂ ಸಿಡಿ, 3 ಭಾಷಾಂತರ್ ಕೃತಿಯೊ, 6 ಸಂಪಾದಿತ್ ಕೃತಿಯೊ ಆನಿ 1 ನವಲಿಕಾ ತಾಣೆ ಬರಯ್ಲ್ಯಾ.
ಗೋವಾಚ್ಯಾ ಕಾಣಕೋಣಾಂತ್ 2019 ವ್ಯಾ ವರ್ಸಾ ಜಾಲ್ಲ್ಯಾ 24 ವ್ಯಾ ಅಖಿಲ್ ಭಾರತ್ ಕೊಂಕಣಿ ಸಾಹಿತ್ಯ ಸಮ್ಮೇಳನಾಚೊ ಅಧ್ಯಕ್ಷ್ ಆಸ್‌ಲ್ಲೊ ಕವಿ ಮೆಲ್ವಿನ್, ಮಂಗ್ಳುರ್ಚ್ಯಾ ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಠಾನ್ ಹಾಚೊ ಟ್ರಸ್ಟಿ ಜಾವ್ನಾಸಾ.
ಕರ್ನಾಟಕ ಸರ್ಕಾರಾಚ್ಯಾ ಕೊಂಕಣಿ ಸಾಹಿತ್ಯ ಅಕಾಡೆಮಿಚೊ ಗವ್ರವ್ ಪುರಸ್ಕಾರ್, ಸಂದೇಶ ಕೊಂಕಣಿ ಸಾಹಿತ್ಯ ಪ್ರಶಸ್ತಿ, ದೊಹಾ ಖತಾರ್‌ ಎಂ.ಸಿ.ಎ. ಕಲಾ ಪುರಸ್ಕಾರ್, ದಾಯ್ಜಿ ದುಬಯ್ ಸಾಹಿತ್ಯ್ ಪುರಸ್ಕಾರ್, ಕೊಂಕಣಿ ಕುಟಮ್, ಬ್ರಾಹೇಯ್ನ್ ಅಶೆಂ ಜಾಯ್ತೆ ಪ್ರಶಸ್ತ್ಯೊ – ಪುರಸ್ಕಾರ್ ತಾಕಾ ಲಾಭ್ಲ್ಯಾತ್.
ತಾಚ್ಯಾ ಸಾಹಿತ್ಯ್ ಕೃತಿಯಾಂಕ್ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ, ಶ್ರೀಮತಿ ವಿಮಲಾ ವಿ ಪೈ ವಿಶ್ವ ಕೊಂಕಣಿ ಕವಿತಾ ಕೃತಿ ಪುರಸ್ಕಾರ್ ಆನಿ ಮಣಿಪಾಲ್ ಡೊ| ಟಿ. ಎಂ. ಎ. ಪೈ ಪುಸ್ತಕ್ ಪುರಸ್ಕಾರ್ ಫಾವೊ ಜಾಲ್ಯಾತ್.
ಆಜ್ ಜಮ್ಲೆಲ್ಯಾ ಸಾಹಿತ್ಯ ಅಕಾಡೆಮಿ ಜನರಲ್ ಕಾವ್ನ್‌ಸಿಲ್ ಎಲಿಸಾಂವಾಂತ್ ಮುಕ್ಲ್ಯಾ ಪಾಂಚ್ ವರ್ಸಾಂಚ್ಯಾ ಆವ್ಧೆಕ್ ಹರ್ಯಾಣಾಚೊ ಮಾಧವ್ ಕೌಶಿಕ್ ಅಧ್ಯಕ್ಶ್, ತಶೆಂ ಡೆಲ್ಲಿಚಿ ಕುಸುಮಾ ಶರ್ಮ ಉಪಾಧ್ಯಕ್ಶ್ ಜಾವ್ನ್ ವಿಂಚುನ್ ಆಯ್ಲ್ಯಾಂತ್.
7 comments
Obhinondon Melvyn,
Tuzo konknnicho vavr vadom
Konknnichem borem zanu!!
Congratulations 🎉
I wish and pray that you may grow taller in this field and be a pride to our Konkani community.
Congratulations Melwyn proud of your achievements
You touched the horizons where no one can reach
You deserve this post
Appreciate your hard work
Appreciate your positivity
All the best
Congratulations Melwin for reaching that hight of honor.
Hearty congratulations dear Melwyn on your well deserved position and honor. Wish you all the best in your new responsibility.
Congratulations Dear Melwyn on your well Deserved Laureal….God Bless you dear….Congratulations!!! Once again.
Dear Melwyn
Hearty congratulations! You deserve this. Proud achievement for your hard work in Konkani literature.