ವ್ಹಯ್ ಪವಿತ್ರ್‌ಸಭಾ ಪವಿತ್ರ್ ಉರಾಜೆ ತರ್ ತಿಚ್ಯಾ ಮ್ಹಣಿಯಾರ‍್ಯಾಂನಿ ಪವಿತ್ರ್‌ಪಣ್ ವಾಡವ್ನ್ ಘೆಜೆ ಆನಿ ಹ್ಯಾ ಖಾತಿರ್ ತಾಣಿಂ ದುಬ್ಳೆ ಜಾಯ್ಜೆ ಮ್ಹಣುನ್ ಪವಿತ್ರ್‌ಸಭೆಚೆ ಜಾಣಾರಿ ತ್ಯಾ ಕಾಳಾಥಾವ್ನ್ ಶಿಕೊವ್ನ್ಂಚ್ ಆಯ್ಲ್ಯಾತ್. ಸಾಂತ್ ಜುವಾಂವ್ ಮಾರಿ ವಿಯಾನ್ನಿಚ್ಯಾ ಬರವ್ಪಾಂಚೊ ಉಲ್ಲೇಕ್ ಕರ‍್ನ್ ಪಿಯುಸ್ ಬಾರಾವ್ಯಾನ್ ‘ಎಕಾ ಯಾಜಕಾನ್ ಆಪ್ಣಾಖಾತಿರ್ ಜಿಯೆಂವ್ಚೆಂ ನ್ಹಂಯ್ ಬಗಾರ್ ಸೆವೆಚ್ಯಾ ಸ್ಪಿರಿತಾನ್ ಭರುನ್ ಮೊಗಾಚೆಂ ಆಗ್ಟೆಂ ಜಾವ್ನ್ ದುಬ್ಳ್ಯಾದಾಕ್ಟ್ಯಾಂಖಾತಿರ್ ಪೆಟುನ್ ವಚುಂಕ್ ಜಾಯ್, ತಾಚಿಂ ಭೊಗ್ಣಾಂ, ತಾಚಿಂ ಚಿಂತ್ನಾಂ ತಾಚ್ಯೊ ಆಶಾ ತ್ಯೊ ತಾಚ್ಯೊ ನ್ಹಂಯ್ ತ್ಯೊ ಜೆಜು ಕ್ರಿಸ್ತಾಚ್ಯೊ ಆನಿ ಕ್ರಿಸ್ತಾಚ್ಯಾ ದುಬ್ಳ್ಯಾದಾಕ್ಟ್ಯಾಂಚ್ಯೊ ಜಾವ್ನಾಸಾಜೆ’ ಮ್ಹಣ್ ಸಾಂಗ್ಲೆಂ. ಪಳೆ: Evangelii Praecones (June 2, 1951) | PIUS XII
St. John Vianney
ಮ್ಹಣಿಯಾರಿ ಮ್ಹಣ್ಚ್ಯಾ ಸಬ್ಧಾಕ್ ಮಿನಿಸ್ಟರ್ ಮ್ಹಣ್ಚ್ಯಾ ಸಬ್ಧಾಕ್ ಸಮಸ್ಪಂದಿ ಜಾವ್ನ್ ಘೆತ್ಲಾ. ಮಿನಿಸ್ಟರ್ ಮ್ಹಣ್ಚೆಂ ‘ಆದ್ ಮಿನಿಸ್ತ್ರಾರೆ’ ಮ್ಹಣ್ಚ್ಯಾ ಲಾತ್ಯಾ ಸಬ್ಧಾಥಾವ್ನ್ ಆಯ್ಲಾ – ಹಾಚೊ ಅರ‍್ಥ್ ‘ಸೆವಾ ಕರುಂಕ್’ ಮ್ಹಣ್ ಜಾತಾ. ಆಮ್ಚ್ಯಾ ರಾಜಕೀಯ್ ವೆವಸ್ತ್ಯಾಂತ್ ಮಿನಿಸ್ಟರ್ ಮ್ಹಣ್ಚೊ ಸಬ್ಧ್ ವಾಪರ‍್ತಾತ್; ತಶೆಂ ಮ್ಹಳ್ಯಾರ್ ಮಂತ್ರಿ ಲೊಕಾಚೊ ಸೆವಾ ಕರುಂಕ್ ಆಸ್ಚೊ. ಆಮ್ಚ್ಯಾ ಯಾಜಕಾಂಕ್, ಧಾರ‍್ಮಿಕ್ ಭಾವಾಂ ಭಯ್ಣಿಂಕ್ ಪವಿತ್ರ್‌ಸಭೆಂತ್ ಸೆವೆ ಖಾತಿರ್ ನೆಮ್ತಾತ್. ರಾಜಕೀಯ್ ಶೆತಾಚೆ ಮಿನಿಸ್ಟರ್ (ಸೆವಕ್) ಲೊಕಾನ್ ವಿಂಚುನ್ ಕಾಡ್ಲಲೆ. ಶಿಕಪ್ ಆಸುಂ, ನಾಂ ಆಸುಂ ಲೊಕಾಚಿ ವಿಂಚೊವ್ಣ್ ತೆ. ಪವಿತ್ರ್‌ಸಬೆಂತ್ ತಶೆಂ ನ್ಹಂಯ್, ಸ್ವಂತ್ ಖುಶೆನ್ ಆಪುಣ್ಂಚ್ ಜಾವ್ನ್ ಮಿನಿಸ್ಟರ್ (ಸೆವಕ್) ಜಾಂವ್ಕ್ ವೆಚೆ. ಆನಿ ತಿ ತಾಂಚಿ ವಿಂಚೊವ್ಣ್ ಪರ‍್ಜೆಚಿ ನ್ಹಂಯ್ ತರೀ ಭಾವಾಡ್ತಿ ಲಾಯಿಕ್ ಲೋಕ್ ತಾಂಚ್ಯಾ ವಿಂಚೊವ್ಣೆಕ್ ಮಾನ್ತಾ ಆನಿ ತಾಂಚೆ ತರ‍್ಭೆತೆ ಖಾತಿರ್ ವ್ಹರ‍್ತೊ ದುಡು ಖರ‍್ಚ್ ಕರ್ತಾ.
ಕ್ರಿಸ್ತಾಚಿ ಆನಿ ತಾಚ್ಯಾ ಪರ‍್ಜೆಚಿ ಆಪುಣ್ ನಿರಂತರ್, ಮೊಗಾನ್ ಆನಿ ಪ್ರಾಮಾಣಿಕ್ಪಣಿಂ ಸೆವಾ ಕರ‍್ತಾಂ ಮ್ಹಣ್ ಆಯಿಲ್ಲ್ಯಾ ಕಥೋಲಿಕ್ ಯಾಜಕಾನ್ ಎಕಾ ಸೆವಕಾಪರಿಂ, ಎಕಾ ಗೊವ್ಳ್ಯಾಪರಿಂ ಆನಿ ಎಕಾ ಮುಕದಮಾಪರಿಂ ತೀನ್ ರಿತಿಂಚೆಂ ಮುಕೇಲ್ಪಣ್ ದಾಕವ್ನ್ ‘persona Christi Capitis’(ಕ್ರಿಸ್ತಾಚೆಂ ವ್ಯಕ್ತಿತ್ವ್ ಆಪ್ಣಾಯಿಲ್ಲೊ ಜಾಯ್ಜೆ) ಕ್ರಿಸ್ತಾಚೆಂ ವ್ಯಕ್ತಿತ್ವ್ ಆಪ್ಣಾಯಿಲ್ಲೊ ಜಾಯ್ಜೆ. ‘ಆಪ್ಲ್ಯಾ ಫಾಂಕಿವಂತ್ ಆನಿ ದೆಕಿವಂತ್ ಜಿಣ್ಯೆಧ್ವಾರಿಂ ಲೊಕಾಂಕ್ ಕ್ರಿಸ್ತಾವಿಶಿಂ ಶಿಕಯ್ಜೆ, ಜೊಕ್ತೆಂ ಮುಕೇಲ್ಪಣ್ ದಿಂವ್ಚೆಮಾರಿಫಾತ್ ಲೊಕಾಕ್ ಗೊವ್ಳಿಕ್ ವಾವ್ರ್ ಚಲಯ್ಜೆ, ಆಧ್ಯಾತ್ಮಿಕ್ ಮಾರ‍್ಗದರ‍್ಶನ್ ದೀಜೆ ಆನಿ ಸಾಕ್ರಾಮೆಂತಾಂಧ್ವಾರಿಂ ಲೊಕಾಕ್ ಪವಿತ್ರ್ ಕರ‍್ಚಿ ಎಕಾ ಯಾಜಕಾಚಿ ಜವಾಬ್ಧಾರಿ ಆನಿ ಹ್ಯಾ ದಿಶೆನ್ ದೆವಾಚ್ಯಾ ಪರ‍್ಜೆಚಿ ಸೆವಾ ಕರುಂಕ್ ಆನಿ ದೆವಾಥಂಯ್ ತಾಂಕಾಂ ಎಕ್ವಟಾಂವ್ಚ್ಯಾಕ್ ಎಕಾ ಯಾಜಕಾಕ್ ಪದ್ವಿ ದಿಲ್ಯಾ’ (ಸಿಸಿಸಿ 1592) ಕ್ಯಾನನ್ ಲೋ’ಚ್ ಹ್ಯಾಧ್ವಾರಿಂ ಆಮ್ಕಾಂ ಸ್ಪಷ್ಟ್ ಕರ‍್ತಾಕೀ ಯಾಜಕಾಕ್ ಕಾಂಯ್ ಪದ್ವಿ ದಿಲ್ಯಾ ತರ್ ತಿ ಪರ‍್ಜೆಚಿ ಸೆವಾ ಕರುಂಕ್.
IN PERSONA CHRISTI CAPITIS…
‘ಪೆಲ್ಯಾಂಖಾತಿರ್ ಆಪ್ಣಾಕ್‌ಚ್ ದೀಂವ್ಕ್ ಪ್ರೇರೇಪಿತ್ ಕರ‍್ಚೊ ಕಣ್ವಳೊ ಮೋಗ್ ಯಾಜಕಾಂಚ್ಯಾ ಕಾಳ್ಜಾಂತ್ ರೊಂಬ್ಲಲೊ ಆಸಾಜೆ ಮ್ಹಣುನ್’ 2016 ವ್ಯಾ ಇಸ್ವೆಂತ್ ಯಾಜಕಾಂಖಾತಿರ್ ಆಸ್ಚ್ಯಾ ಪವಿತ್ರ್‌ಸಭೆಚ್ಯಾ ದಫ್ತರಾನ್ ಪರ‍್ಗಟ್ ಕೆಲಾಂ (Congregation for the Clergy) ಜುವಾಂವ್ ಪಾವ್ಲ್ ದುಸ್ರ್ಯಾನ್ 1992 ವ್ಯಾ ವರ‍್ಸಾ ಆನಿ ಪಾವ್ಲ್ ಸವ್ಯಾನ್ 1965 ಇಸ್ವೆಂತ್ ಪರ‍್ಗಟ್ಲಲ್ಯಾ ವಿಶ್ವಪತ್ರಾಂನಿ ‘ಕಥೊಲಿಕ್ ಯಾಜಕ್ ಕ್ರಿಸ್ತಾಪರಿಂ ಪವಿತ್ರ್‌ಸಭೆಥಂಯ್ ಆನಿ ತಿಚ್ಯಾ ಸರ‍್ವ್ ಭಾವಾಡ್ತ್ಯಾಂಥಂಯ್ ಮೊವಾಳ್ ಮೊಗಾನ್ ಭರ‍್ಲಲೊ ಜಾವ್ನಾಸುನ್ ಪವಿತ್ರ್‌ಸಭೆಕ್ ಆಪ್ಣಾಕ್‌ಚ್ ಸಂಪೂರ‍್ಣ್ ತ್ಯಾಗ್ ಕರ‍್ಚೊ (ಒಪ್ಸುನ್ ದಿಂವ್ಚೊ) ಜಾವ್ನಾಸಾಜೆ’ ಮ್ಹಣ್ ಸ್ಪಷ್ಟ್ ಕೆಲಾಂ. ಪಳೆ :
- Congregation for the Clergy . The gift of the priestly vocation (ratio fundamentalis institutionis sacerdotalis)Rome: L’Osservatore Romano; 2016.
- John Paul II. Apostolic exhortation to the bishops, clergy, and faithful on the formation of priests in the circumstances of the present day (Pastores Dabo Vobis)Rome: Vatican Press; 1992.
- Paul VI. Decree on the ministry and life of priests (Presbyterorum Ordinis)Rome: Vatican Press; 1965.
ಆಜ್ ಆಮ್ಚೆ ಯಾಜಕ್ ಸೆವೆಚೆ, ಮಯ್ಪಾಸಾಚೆ ಆನಿ ಕಣ್ವಳಾಯೆಚೆ ಜಾಲ್ಯಾತ್‌ಗೀ? ಕ್ರಿಸ್ತಾಚೆಂ ಪ್ರತಿರೂಪ್ ತೆ ಆಸಾತ್‌ಗೀ? ‘ಆಮ್ಚೊ ಪಾದ್ರ್ಯಾಬ್ ಎಕ್ದಮ್ ಕಡಕ್ಕ್, ಆಮ್ಚೊ ಪಾದ್ರ್ಯಾಬ್ ಶಿಸ್ತೆಚೊ ಶಿಪಾಯ್’ ಮ್ಹಣುನ್ ಆಮಿ ಸಂತೊಸ್ ಪಾವ್ತಾಂವ್. ‘ಆಮ್ಚ್ಯಾ ಪಾದ್ರ್ಯಾಬಾಲಾಗಿಂ ಉಲೊಂವ್ಕ್ ಎಕ್ದಮ್ ಭ್ಯೆಂ ದಿಸ್ತಾ ಸಾಯ್ಭಾ’ ಮ್ಹಣ್ಚೆಂ ಹಾಂವೆಂ ಸಭಾರ್ ಪಾವ್ಟಿಂ ಆಯ್ಕಾಲಾಂ. ಕ್ರಿಸ್ತ್ ಪಿಡೆಸ್ತಾಂಕ್, ನಿರ‍್ಗತಿಕಾಂಕ್, ಪಿಶ್ಯಾಂಕ್, ಸುಂಕಾಗಾರಾಂಕ್ ಸೊಧುನ್ ಭೊಂವ್ಲೊ. ‘ಹಾಂವ್ ಆಯ್ಲಾಂ ಪಾತ್ಕ್ಯಾಂಖಾತಿರ್’ ಮ್ಹಣ್ ತಾಣೆಂಚ್ ಸ್ಪಷ್ಟ್ ಕೆಲೆಂ. ಪೂಣ್ ಆಮಿ ತಾಚೆಂ ಪ್ರತಿರೂಪ್ ಮ್ಹಣ್ತಾತ್ ತೆ ಕೊಣಾಕ್ ಸೊಧುನ್ ಭೊಂವ್ತಾತ್?’
ದಾಕ್ಲೆ ದೀ ಮ್ಹಣ್ ವಿಚಾರ‍್ಲ್ಯಾರ್ ಲಾಂಬಾಯೆಕ್ ಬರವ್ನ್ ವಚಾಜೆ ಪಡ್ತಾ. ಆಮ್ಚ್ಯಾಂಕ್ ಹೆರ್ ಲಾಯಿಕ್ ಭಾವಾಡ್ತ್ಯಾಂಲಾಗಿಂ ಸೊಡ್ಯಾಂ ತಾಂಚ್ಯಾ ಸಕ್ಸೆಸರ್ – ಪ್ರಿಡಿಸಿಸರಾಂ (ಪೂರ‍್ವಾಧಿಕಾರಿ ಆನಿ ಉತ್ತರಾಧಿಕಾರಿಂ/ ಆಪ್ಣಾ ಪಯ್ಲೆಂ ಆಸ್‌ಲ್ಲೊ ಆನಿ ಆಪ್ಣಾ ಉಪ್ರಾಂತ್ ಆಯಿಲ್ಲೊ) ಮಧೆಂ ಕಿತ್ಲಿ ಮೊವಾಳಾಯ್ ಆಸಾ? ಆಪ್ಣಾ ಪಯಿಲ್ಲೆಂ ಆಸ್‌ಲ್ಲೊ ಆಪ್ಣಾಕ್ ಲಾಯ್ಕ್ ನಾಂ ಮ್ಹಣುನ್ ತಾಣೆಂ ಬಾಂದ್‌ಲ್ಲಿಂ ಬಾಂದ್ಪಾಂ ಮೋಡ್ನ್ ಘಾಲ್ಲೆ ಕಿತ್ಲೆ ದಾಕ್ಲೆ ಜಾಯ್? ಹೆಂ ಮ್ಹಜೆಂ ಕದೆಲ್ ಹಾಚೆರ್ ತುಂ ಕಸೊ ಬಸ್ಲೊಯ್? ಮ್ಹಣುನ್ ಉಟೊವ್ನ್ ಸಹಾಯಕಾಕ್ ದುಕಯಿಲ್ಲೆ ವ್ಹಡಿಲ್ ಆಸಾತ್. ಆಲ್ತಾರಿಕ್ ಚಡುಂಕ್ ನ್ಹೆಸುನ್ ರಾವ್‌ಲ್ಲ್ಯಾಚೆಂ ವಸ್ತುರ್‌ಮೆಂತ್ (ವೆಸ್ಟ್‌ಮೆಂಟ್) ಕಾಡಯಿಲ್ಲೆ ಆಸಾತ್. ಯುರೋಪಾಂತ್ ನ್ಹಂಯ್ ಉತ್ತರ್ ಇಂಡಿಯಾಂತ್ ನ್ಹಂಯ್ ಆಮ್ಚೆಚ್ ಭೊಂವಾರಿಂ. ಆಪ್ಣಾಕ್ ವಿರೋಧ್ ಆಸಾ ಮ್ಹಣ್ ಚಿಂತುನ್ ಕಿತ್ಲ್ಯಾ ಜಣಾಂಚಿ ಜೀಣ್ ಬರ‍್ಬಾದ್ ಕೆಲ್ಲೆ ಕಿತ್ಲೆ ಸ್ವಘೋಷಿತ್ ಹಿಟ್ಲರ್ ಆಸಾತ್? (ಮಂಗ್ಳುರಾಂತ್ ಆದಿಂ ಎಕ್ಲೊ ಬಿಸ್ಪ್ ಆಸ್‌ಲ್ಲೊ, ಆಪ್ಣೆಂ ಚಲುನ್ ವೆತಾನಾಂ ಸಕ್ಡಾಂನಿ ಉಬೆ ರಾವುನ್ ಆನಂದ್ ಬಾಪಾ ಕಾಡಿಜೆ ಮ್ಹಣ್ ಆಪ್ಲ್ಯಾ ಮೆಟಾಂಚೊ ವ್ಹಡ್ ಆವಾಜ್ ಉಟೊಂವ್ಕ್ ಆಪ್ಲ್ಯಾ ವ್ಹಾಣಾಂಕ್ ರುಕಾಚ್ಯೊ ಖೊಟೊ ಬಸಯಿಲ್ಲೊ – ತಾಚ್ಯಾ ಕ್ರೂರ್‌ಪಣಾವಿಶಿಂ ಏಕ್ ಪುಸ್ತಕ್‌ಚ್ ಬರವ್ಯೆತ್)
Rector Father K. J. Thomas
ಆಪುಣ್ ಮಾತ್ರ್ ಮಾನ್ ಗವ್ರವಾಕ್ ಫಾವೊ ಹೆರ್ ಸಕ್ಕಡ್ ಚಿಲ್ಲರ್ ಮ್ಹಣ್ ಕಾಡ್ಚೊ ಸಂಯ್ಭ್ ಭರ್‌ಲ್ಲೆ ಕಿತ್ಲೆ ಜಾಯ್. ಬೆಂಗ್ಳುರ್ ಸೆಮಿನರಿಚ್ಯಾ ರೆಕ್ಟರಾಕ್ ಜಿವೆಶಿಂ ಮಾರ್‌ಲ್ಲೆಂ ಕೊಣೆಂ? ತ್ಯಾ ಮಾಲ್‌ಕ್ರಿಯಾದಾಂಚ್ಯಾ ಕಾನೂನೀ ಝುಜಾಕ್ ಕೋಣ್ ಪಯ್ಶೆ ಖರ‍್ಚ್ ಕರ‍್ನ್ ಆಸಾ? ಹ್ಯಾ ವಿಶಿಂ ಸತ್ ಭಾಯ್ರ್ ಯೇಂವ್ದಿ ಮ್ಹಣ್ ಮಾಗ್ಯಾಂ. ಸಿಸ್ಟರ್ ಅಭಯ ಕಶಿ ಆನಿ ಕಿತ್ಯಾಕ್ ಖುನ್ ಜಾಲಿ? ಸಕ್ಕಡ್ ಸೊಡ್ನ್ ಎವ್ಕರಿಸ್ತಾಚೆಂ ಮ್ಹಾಪ್ರಾರ‍್ಥನ್ ಸೊಂಪ್ಚೆ ಪಯ್ಲೆಂಚ್ ರಾಜಕಾರಣಿಕ್ ಆಲ್ತಾರಿಕ್ ಆಪವ್ನ್ ಸನ್ಮಾನ್ ಕೆಲ್ಲೆಂ ಕೊಣೆಂ. ‘ತುವೆಂ ಹಾಗ್ಲ್ಯಾರ್ ಗೂ ಆನಿ ಹಾಂವೆಂ ಗಳಯ್ಲ್ಯಾರ್ ಮೊತಿಯಾಂ’ ಮ್ಹಣ್ತಲ್ಯಾಂಕ್ ದಿಸಾಜೆ ಜಾಲ್ಲೆಂ ದಿಸಾನಾಂ.
ಆನ್ಯೇಕ್ ವಿಷಯ್ ಆಸಾ ಆಮಿ ಕೊಣಾಕ್ ಬಾಪಾ, ಫಾದರ್ ಮ್ಹಣ್ ಆಪಯ್ಜೆ ಮ್ಹಣ್ಚೊ ‘ಭುಂಯ್ಚೆರ್ ಆಸ್ಚ್ಯಾ ಕೊಣಾಕ್‌ಚ್ ತುಮಿಂ ಬಾಪಾ ಮ್ಹಣುನ್ ಉಲೊ ಮಾರ‍್ನಾಕಾತ್’ (ಮಾತೆವ್ 23:9) ಮ್ಹಣ್ ಆಮ್ಚ್ಯಾ ಪರಮ್ ಮೆಸ್ತ್ರಿ ಜೆಜು ಕ್ರಿಸ್ತಾನ್ಂಚ್ ಆಮ್ಕಾಂ ಸಾಂಗ್ಲಾಂ ಆಸ್ತಾಂ ದೆವಾ ಬಾಪಾಕ್ ಆನಿ ಆಮ್ಕಾಂ ಜನ್ಮಯಿಲ್ಲ್ಯಾ ಆಮ್ಚ್ಯಾ ಆವಯ್ಚ್ಯಾ ಘೊವಾಕ್ ಮಾತ್ರ್ ಬಾಪಾ, ಫಾದರ್ ಮ್ಹಣ್ ಆಪಯ್ಲ್ಯಾರ್ ಜಾಲೆಂ. ಹೆಂ ಹಾಂವೆಂ ಮ್ಹಜ್ಯಾ ಇಷ್ಟಾಕ್ ಸಾಂಗ್ತಾನಾಂ ‘ಆಮಿ ಪಾದ್ರ್ಯಾಬಾ ಮ್ಹಣ್ಚೆಂ ನ್ಹಂಯ್‌ಗೀ, ಬಾಪಾ ಮ್ಹಣಾನಾಂವ್’ ಮ್ಹಣ್ ತಾಣೆಂ ಸಾಂಗ್ಲೆಂ. ‘ಆಳೆ ಧನ್ಯಾ ಪಾದ್ರಿ, ಪಾದ್ರೆ, ಪಾದ್ರ್ಯಾಬಾ’ ಹೆ ಸಕ್ಕಡ್ ಪಾತೆರ್ ಮ್ಹಣ್ಜೆ ಬಾಪಯ್ ಮ್ಹಣ್ಚ್ಯಾ ಅರ‍್ಥಾಚೆ ಸಬ್ಧ್’ ಮ್ಹಣ್ ತಾಕಾ ಸಮ್ಜಯ್ಲೆಂ. ತವಳ್ ತಾಚೆಂ ಸವಾಲ್ ‘ತರ್ ಹಾಂಕಾಂ ಕಶೆಂ ಆಪಂವ್ಚೆಂ ಮ್ಹಣ್ ತಾಚೆಂ ಸವಾಲ್. ತವಳ್ ಹಾಂವೆಂ ‘ತಾಂಚಿ ವೃತ್ತಿ ಪುರ‍್ವಿತಾಂಚಿ ದೆಕುನ್ ತಾಂಕಾಂ ಪುರ‍್ವಿತ್ ಮ್ಹಣುನ್ಂಚ್ ಆಪಯ್ಜೆ’ ಮ್ಹಳೆಂ. ‘ಹಾಂ ವ್ಹಯ್ ಆದಿಂಥಾವ್ನ್ ಪುರ‍್ವಿತ್ ಮ್ಹಣ್ಚೊ ಸಬ್ಧ್ ವಾಪರ‍್ಣೆಂತ್ ಆಸಾ’ ಮ್ಹಣ್ ತೊ ಉದ್ಘಾರ‍್ಲೊ. ಯಾಜಕ್ ಮ್ಹಣಾಂ, ಪುರ‍್ವಿತ್ ಮ್ಹಣಾ, ಪುಜೆಗಾರ್, ಭೊಟ್ ಮ್ಹಣಾ ಚಲ್ತಾ.
ಆವಯ್ಚ್ಯಾ ಘೊವಾಕ್ ಬಾಪ್, ಆನ್, ಬಾಬ್ ಮ್ಹಣ್ಚೆ ತೆ ಸಬ್ಧ್ ಹೆರಾಂಕ್ ವಾಪರ‍್ಲ್ಯಾರ್ ಕಶೆಂ? ಹಾಂವ್ ಎಕಾ ಕನ್ನಡ ದಿಯೆಸೆಜಿಂತ್ ಒಡ್ದಿಕ್ ಗೆಲ್ಲೊಂ, ಥಂಯ್ ವಿಗಾರ್ ಜೆರಾಲಾಕ್ 70 ವಯ್ರ್, ಬಿಸ್ಪಾಕ್ 60 ಭಿತರ್, ತರೀ ಮಾಗ್ಣ್ಯಾವಿಧಿ ಪರ‍್ಮಾಣೆಂ ವಿಗಾರ್ ಜೆರಾಲಾನ್ ಪರಮ ಪವಿತ್ರ ತಂದೆಯೇ ಮ್ಹಣ್ ಉಲ್ಲೇಕ್ ಕರಿಜೆ (‘ಭೋವ್ ಪವಿತ್ರ್ ಬಾಪಾ’) ಥಂಯ್ ಸಭಾರ್ ಅಕ್ರಿಸ್ತಾಂವ್ ಆಸ್‌ಲ್ಲೆ. ನವ್ಯಾನ್ ಓಡ್ದ್ ಘೆತ್‌ಲ್ಲ್ಯಾ ಯಾಜಕಾಲಾಗಿಂ ತಾಚೊ ಬಾಪುಯ್ ‘ಬೆಸಾಂವ್ ದಿಯಾ ಫಾದರ್’ ಮ್ಹಣ್ತಾ.
ಆಜ್‌ಕಾಲ್ ಸೊರ‍್ಯಾಚೊ ವಾದ್ ಆನಿ ವಾಸ್ ಎಕ್ದಮ್ ಚಡ್ ಜಾಲಾ. ಆಮಿ ಲಾಯಿಕ್ ಸೊರೊ ಪಿಯೆತಾಂವ್ ಮ್ಹಣ್ ಆವಾಜ್ ಕಾಡ್ಚ್ಯಾಂಕ್ ಯಾಜಕ್ ಆನಿ ಹೆರ್ ಲೋಬ್ ಘಾಲ್ತಲ್ಯಾಂಚ್ಯಾ ಸೊರ‍್ಯಾ ವಾಪರ‍್ಣೆವಿಶಿಂ ಸಾಂಗುಂಕ್ ಕಾಂಯ್ ನಾಂ. ಹಾಂವ್ ದಿಯೆಸೆಜಿಚ್ಯಾ ಗೊವ್ಳಿಕ್ ಪರಿಷಧೆಂತ್ ಆಸ್ತಾನಾಂ ಕಾಂಯ್ ಸಾತ್’ಆಟ್‌ಪಾವ್ಟಿಂ ವ್ಹಡ್ ವ್ಹಡ್ ಜಾಣಾರ‍್ಯಾಂನಿ ‘ಸೊರೊ ಜಿವಾಕ್ ಪಾಡ್ ಲೊಕಾಕ್ ವಾಯ್ಟ್’ ಮ್ಹಣ್ ಪಾಚಾರ‍್ಚೆಂ ಆನಿ ಸಭೆಂತ್ ಜೊರಾನ್ ಸಭಾರ್ ದಾಕ್ಲೆ ದೀವ್ನ್ ಉಲಂವ್ಚೆಂ ಆಸ್‌ಲ್ಲೆಂ. ಹಾಂವೆಂ ನಿಮಾಣೆಂ ‘ತಶೆಂ ತರ್ ಆಮ್ಚ್ಯಾ ಇಗರ‍್ಜೆ ಹೊಲಾಂನಿ ಸೊರೊ ವಾಂಟುಂಕ್ ಸೊಡಿನಾಂಯೆ’ ಮ್ಹಣ್ ವ್ಹಳೂ ತಾಳೊ ಕಾಡ್ತಾನಾಂ ಸಕ್ಡಾಂಚೊ ಮೊಟೊ ತಾಳೊ ಪುಸ್ಕ್ ಜಾತಾಲೊ.
ಆತಾಂ ಪರಿಗತ್ ದೋನ್ ರಿತಿಂನಿ ಬದ್ಲಾಲ್ಯಾ ಏಕ್ ಹೊಲಾಂತ್ ಸೊರೊ ವಾಂಟುಂಕ್ ಇಲಾಖ್ಯಾಕ್ ದಂಡ್ ಬಾಂದುನ್ ಪರ‍್ವಣ್ಗಿ ಜಾಯ್ಜೆ ದೆಕುನ್ ಚಡಾವತ್ ಹೊಲಾಂನಿ ಸೊರೊ ವಾಂಟಿನಾಂತ್ ಆನಿ ದುಸ್ರೆಂ ಸೊರೊ ಆತಾಂ ಥೊಡ್ಯಾ ನಿಯಂತ್ರಣ್ ರಾಟಾವಳಿಂನಿ ಪ್ರಧಾನ್ ವೆದಿಕ್ ಚಡ್ಲಾ. ಸೊರೊ ಏಕ್ ಖಾಸ್ಗಿ ವಿಷಯ್ ತಾಚೆವಿಶಿಂ ಇತ್ಲಿ ಗಾಂಡ್‌ಗೊವ್ಜಿ ಕಿತ್ಯಾಕ್? ಹಾಂವ್ ಸೊರೊ ವಾಂಟಿನಾಂ, ಸಭೆರ್ ಸೊರೊ ಪಿಯೆನಾಂ ಮ್ಹಣ್ಚ್ಯೊ ಖಾಸ್ಗಿ ಗಜಾಲಿ ತಾಂಚೆಂ ಬೆಂಡ್ ವ್ಹಾಜೊಂವ್ಕ್ ಧರ‍್ಲ್ಯಾರ್ ಗರ‍್ಜೆಭಾಯ್ಲಿ ಕರಂದಾಯ್ ಆನಿ ಉಲ್ಟಾ ಬೆಂಡ್ ಯೆತಾ ತೆಂ ಆಯ್ಕುಂಚೆಂ ಪಡ್ತಾ.
ಚಿಂತುಂಕ್ ಮೆಂದ್ದು ಜಾಯ್. ಮೆಂದ್ದು ಬಾಡ್ಡ್ ಜಾಲ್ಯಾರ್ ಮಾಗಿರ್, ಮಾಸ್ಳಿ ಆಪ್ಲ್ಯಾ ತಕ್ಲೆಥಾವ್ನ್ ಕುಸ್ತಾ. ಭೋವ್ಶಾ ಎದೊಳ್‌ಚ್ ಕುಸುಂಕ್ ಲಾಗ್ಲ್ಯಾ. ಉಂಚಾಯೆರ್ ಆಸ್‌ಲ್ಲ್ಯಾಂಕ್ ದಿಶಾ ಚುಕ್ಲ್ಯಾರ್ ಪಾಟ್ಲಾವ್ದಾರಿ ಫೊಂಡಾಂತ್!
► ಸ್ಟೀವನ್ ಕ್ವಾಡ್ರಸ್ ಪೆರ್ಮುದೆ
6 comments
Excellent article and thought provoking.This timely article is good opportunity for the clergy to reflect upon their true call for mission is to serve people and be role model of Fr. Vianny of France..
Well written article about our priests . now a days priesthood is nothing but money making , and no word about serving the people. Recently I met a known person, he said ” sir my brother will be ordained next week, then all our problems ( financial ) will be solved ” this show how our priests are living. Let me stop here if I continue to write it will not end.
Ami kristi kutmant zoom ghetla.Amchea vhodilanim amkam dev templak vorun babtizm divovn amkam kristache patlaudar keleat.Amkam babtizm dillo zaunasa kristacho yazok. Amkam krist Prasad dillo,amchem resper kello Ani akrek amkam matient ghaltana magnnea vidhi choloillo zaun asa ek yazok!
To iek yazok kristachem Kam mundarsun vhorcho,amchea dharmik gorzank pauncho zaun asa toch yazok. Punn,to i monxea soimbacho noi gi ?
Aiz sounsarar ghodon aschea vaitantui ami habitaen asanu tor teach yazoanik dillea borea xikovnne vorvim noi gi ?
Hanu oxem mhonnona ki yazoka modhem svarthi nant,dudvachi asha naslele,soimbik vodnni naslele hotti, darunn kallzache, asat punn tacheakui chodd kormi monis in ablexi,dublleank kantallche nant ve? Borounk gelear zaitem asa.
Tankam bot zoltana urlelim botam amka zoktat noi ?
Good one Steven…
Should we truly expect the ‘Church’ as it has existed for almost 2000 years to be Holy?
What is run by the clergy (and we believe) is not The Church Jesus talks about in the Bible. It is an organisation (ಸಭಾ/Sabha) with well defined hierarchy to manage the affairs. By the by we must appreciate the fact that the Pope himself is a Monarch (a sovereign head of state, especially a king, queen, or emperor). A pure temporal authority. Where does that fit into the Church of Jesus?
What Jesus talks about is the entire humanity that includes you and me.
What we call as Pavitr Sabha (Church) is yet another organisation just like any commercial outfit, revenue being the main objective. So, how does one expect a commercial organisation to be ಪವಿತ್ರ್ (holy)?
However, for the Church that Jesus talks about to be holy you and I got to be holy. While it should have been
“ದಯೆಯೇ ಭಕ್ತಿಯ ಮೂಲ” – in the Church of Jesus. unfortunately it has been made to be “ಭಯವೇ ಭಕ್ತಿಯ ಮೂಲ” – in the ‘Church’ run by the clergy that is growing in worldly riches while a large section of its members (‘laity/lay faithful’) continue to be socioeconomically poor.
ಸಾಂಸ್ಥಿಕ್ ಸಮಡ್ತಿ ವ, institutional religions (ಕ್ರಿಸ್ತಾಂವ್, ಮುಸ್ಲಿಂ ಇತ್ಯಾದಿನಿಂ ಜಲ್ಮಲ್ಲ್ಯಾ, ಜಾಂವ್ ತೆ ಪ್ರಜಾತಾಂತ್ರಿಕ್ ದೇಶಾನಿಂ ಜಲ್ಮಾಲ್ಯಾರೀ) ತಾಂಚಿ ಶೆಂಡಿ ತಾ’ತಾಂಚಾ ಧರ್ಮಾಧಿಕಾರಿಂ ಚಾ ಹಾತಾಂನಿ ಆಸ್ತಾ. ಮ್ಹನಿಸ್ ಸಂಘ್ ಜೀವಿ ಜಾವ್ನಾಸ್ಲೆ ವರ್ವಿಂ ತಾಚಾ ಸಮುದಾಯಾ ಬಗರ್ ಜಿಯೆಂವ್ಕ್ ಸಕಾನಾ. ಕಾಜಾರ್, ವೋಲ್, ಮರಣ್.. ಅಸಲೆ ವಿಷಯ್ ತಾಕಾ ಧರ್ಮಾಧಿಕಾರಿಂಕ್ ಖಾಲ್ ಜಾಂವ್ಕ್ ಕಾರಣ್ ಜಾತಾತ್! ಮಾರ್ಲಿ ಶೆಂಡಿ ಮ್ಹಣ್ ಉಪ್ರಾಟೊನ್ ಗೆಲ್ಲೆಯ್ ಕಾಂಯ್ ಉಣೆ ನಾಂತ್!