ಹಿ ಸಾಂಗ್ಣಿ ಜರ್ ಕೊಣಾಂಯ್ ಮನ್ಶಾಚ್ಯಾ ಜಿಣ್ಯೆಂತ್ ಖರಿ ಜಾಂವ್ಕ್‌ನಾಂ ಮ್ಹಣ್ ತೊ ಸಾಂಗ್ತಾ ತರ್  ತಾಕಾ ದೋನ್ ಕಾರಣಾಂ ಅಶಿಂ, ಪಯಿಲ್ಲೆಂ ತೊ ತುಜೆಲಾಗಿಂ ಫಟ್ ಮಾರುನ್ ಆಸಾ ವಾ ದುಸ್ರೆಂ ತಾಕಾ ಮನ್ಶಾಸಂಯ್ಭಾಚೆಂ ಕಾಳಿಜ್ ಆನಿ ಮನ್ ನಾಂ ಆಸ್ಚಿ ಕೂಡ್ ಮಾತ್ರ್.

ಆತಾಂ, ತುವೆಂ ಏಕ್ ಪ್ರಚಲಿತ್ ಆನಿ ಬರೊ ಪುಸ್ತಕ್ ಮೊಲಾಕ್ ಘೆತ್ಲೊಯ್ ಮ್ಹಣ್ಯಾಂ, ತುಜೆಂ ಎಕೊಡೆಂ ವಾಚುನ್ ಜಾಲೆಂ, ಮಾಗಿರ್ ಕಿತೆಂ ಕರ‍್ತಾಯ್? ಸಹಜ್‌ಪಣಿಂ ಪುಸ್ತಕಾಂಚ್ಯಾ ಕಬಾಟಾಂತ್ ದವರ‍್ತಾಯ್! ತುಜ್ಯಾ ಮೊಗಾಚೊ ಇಷ್ಟ್ ವಾ ಇಷ್ಟಾಪರಿಂ ಕರ‍್ತಾ ತೊ ಎಕ್ಲೊ ತುಮ್ಗೆರ್ ಯೆತಾ. ತೆಂ ಹೆಂ ಉಲಯ್ತಾಂ ಉಲಯ್ತಾಂ ತ್ಯಾ ನವೆಂಚ್ ಆಯಿಲ್ಲ್ಯಾ ಆನಿ ಲೊಕಾಂನಿ ಖಾಯ್ಸ್ ಕರ‍್ನ್ ನಾಮ್ಣೆಚೊ ಜಾಲ್ಲ್ಯಾ ಪುಸ್ತಕಾಕ್ ಪಳವ್ನ್ ತೊ ತುಜೆಲಾಗಿಂ ಮಾಗಿನಾಶೆಂ ರಾವಾತ್‌ಗೀ? ಆತಾಂ ಇಷ್ಟಾನ್ ವಿಚಾರ‍್ಲೆಂ ಮ್ಹಣ್ತಾನಾಂ, ತುಂ ದೀನಾಶೆಂ ರಾವ್ಶಿಗೀ? ಪವಿತ್ರ್‌ಪುಸ್ತಕಾಂತ್‌ಚ್ ‘ತುಮ್ಚೆ ಮಧ್ಲೊ ಕೋಣ್ ಮಾಸ್ಳಿ ವಿಚಾರ‍್ತಲ್ಯಾಕ್ ದಿವೊಡ್ ದಿತಲೊ? ಉಂಡೊ ವಿಚಾರ್‌ಲ್ಲ್ಯಾಕ್ ಫಾತೊರ್ ದಿತಲೊ?’ ಮ್ಹಣ್ ಸವಾಲ್ ಘಾಲಾಂ ಆಸ್ತಾಂ (ಮಾತೆವ್ ೭: ೯-೧೨) ಫುಂಕ್ಯಾಚಿ ಚಾ ಪಿಯೆಂವ್ಕ್ ಖಾಲಿ ಹಾತಾಂನಿ ಆಯಿಲ್ಲ್ಯಾ ತುಜ್ಯಾ ಇಷ್ಟಾನ್ ತಿತ್ಲ್ಯಾ ಪ್ರಾಮಾಣಿಕ್‌ಪಣಿಂ ‘ವಾಚುನ್ ಪಾಟಿಂ ದಿತಾಂ’ ಮ್ಹಣ್ಚ್ಯಾ ಗ್ಯಾರಂಟಿಸವೆಂ ಪುಸ್ತಕ್ ಮಾಗ್ತಾನಾಂ ಖಂಡಿತ್ ಜಾವ್ನ್ ತುಂ ಪುಸ್ತಕಾ ಬದ್ಲಾಕ್ ದಿವಿಚೊ ಗುಜೊ ದೀವ್ನ್ ಧಾಡಿನಾಂಯ್ ಬದ್ಲಾಕ್ ತೊ ಪುಸ್ತಕ್ ದಿತಲೊಯಿಚ್.

ಮೊಗಾಚ್ಯಾ ಇಷ್ಟಾಕ್ ತರೀ ಪುಸ್ತಕ್ ದಿತಾನಾಂ ಅಂತಸ್ಕರ‍್ಣ್ ವಿಪ್ರೀತ್ ಕಾಂತಯ್ತಾ ತೆಂ ಖಂಡಿತ್. ‘ಛೇ ಆದ್ಲೆ ಪಾವ್ಟಿಂ ಶಿಲಾನ್ ವ್ಹೆಲ್ಲೊ ಬೂಕ್ ಆಜೂನ್ ಪಾಟಿಂ ಯೇಂವ್ಕ್‌ನಾಂ, ಹಾಕಾಚ್ ದಿಲ್ಲೊ ಬೂಕ್ ಪಾಟಿಂ ಹಾಡ್ತಾನಾಂ ಸಾತ್’ಆಟ್ ಪಾನಾಂಚೆರ್ ಚಾಯೆಚಿಂ ಖತಾಂ ಆಸ್‌ಲ್ಲಿಂ’ ಅಸಲ್ಯಾ ಭೊಗ್ಣಾಂಚ್ಯಾ  ಕರಾಂದಾಯೆನ್ ಭರುನ್ ತರೀ, ಮತಿಂತ್ಲಿ ವಿರಾರಾಯ್ ಮುಖಮಳಾರ್ ದಾಕಯ್ನಾಶೆಂ ಹಾಸುನ್ ಹಾಸುನ್ ಹಾತ್ ಉಕಲ್ನ್ ದಿತಾಯ್. ಹ್ಯಾ ಪ್ರಕ್ರಿಯೆಕ್ ಕೊಂಕ್ಣಿಂತ್ ‘ದಾಕ್ಷೆಣೆಕ್ ಗುರ‍್ವಾರ್ ಜಾಂವ್ಚೆಂ’ ಮ್ಹಣ್ತಾತ್, ‘ದಾಕ್ಷೆಣೆಕ್ ಗುರ‍್ವಾರ್ ಜಾಲ್ಲ್ಯಾಚ್ಯಾ ಬಾಂಳ್ತೆರಾಂತ್ ದೊಂಪ್ರಾಪರ‍್ಯಾಂತ್ ವಾರ್’ ಮ್ಹಣ್ ಗಾದ್‌ಚ್ ಆಸಾ.

ಆತಾಂ ಪುಸ್ತಕ್ ತುಜೆಥಾವ್ನ್ ಗೆಲೊ ತುಕಾ ನಿದೆಂತ್‌ಯ್ ಪುಸ್ತಕಾಚೊಚ್ ಜೋಪ್, ಚಡ್ ಮೊಲಾಚೊ ತರ್ ಖಂಡಿತ್ ವಿರಾರಾಯ್. ‘ಕೊಟ್ಟವ ಕೋಡಂಗಿ ಇಸ್ಕೊಂಡವ ಈರಭದ್ರ’, ‘ಘೆತ್‌ಲ್ಲೊ ಗೆಲೊ, ದಿಲ್ಲೊ ಮೆಲೊ’ ಅಸಲ್ಯೊ ಗಾದಿ ಹ್ಯಾ ಸಂದರ‍್ಭಾಂತ್ಲ್ಯಾನ್ಂಚ್ ರುಪಿತ್ ಜಾಲ್ಯಾತ್. ‘ಪೊಂಡೆಲಾ ಉಸಾಣೆ’ ಮ್ಹಣ್ ಬ್ಯಾರಿ ಭಾಶೆಂತ್ ಏಕ್ ವಾಪರ‍್ಣಿ ಆಸಾ. ಹಾಂವ್ ತುಮ್ಕಾಂ ಸಾಂಗ್ತಾಂ, ಅನ್ಭೊಗಾನ್, ಮ್ಹಜೆ ಕಿತ್ಲೆಶೆ ಪುಸ್ತಕ್ ಪಾಟಿಂ ಆಯಿಲ್ಲೆನಾಂತ್. ಲ್ಯಾರಿ ಕೊಲಿನ್ಸ್ ಆನಿ ದೊಮಿನಿಕ್ ಲೇಫಿಯರಾಚೆ, ‘ಫ್ರೀಡಮ್ ಎಟ್ ಮಿಡ್‌ನಾಯ್ಟ್’ ತೀನ್ ಪ್ರತಿಯೊ ಆನಿ ‘ಓ ಜೆರುಸಲೇಮ್’ ದೋನ್ ಪ್ರತಿಯೊ ಸೂಂಬೆ ಜಾಲ್ಯಾತ್. ‘ಮಂಕುತಿಮ್ಮನ ಕಗ್ಗ’ ಭೋವ್ ಸೊಂಪ್ಯಾಕ್ ಮೆಳ್ತಾ, ತೋಯ್ ವೆಲ್ಲೆ ಪಾಟಿಂ ಹಾಡಿನಾಂತ್ ಮ್ಹಳ್ಯಾರ್? ಪೋಯ್ರ್ ಪೋಯ್ರ್ ಆಯಿಲ್ಲೊ ನವೀನ್ ಸೂರಿಂಜೆಚೊ ಪುಸ್ತಕ್ (ಮಹೇಂದ್ರ ಕುಮಾರಾಚೆಂ ಕಥನ್) ಎದೊಳ್‌ಚ್ ಚಾರ್ ಪ್ರತಿಯೊ ಘೆವ್ನ್ ಜಾಲ್ಯೊ (ಪುಸ್ತಕಾಂಚ್ಯಾ ಮಟ್ಟಾಕ್ ಹಾಂವ್ ನಿರಂತರ್ ಸಲ್ವತಾಂ)

ಆಪ್ರೂಪ್ ಬೂಕ್ ಪಾಟಿಂ ಯೆತಾತ್, ‘ಹೊ ಮ್ಹಾಕಾ ನಾಕಾ ಸಾಯ್ಭಾ, ತುಕಾಚ್ ಆಸುಂದಿ’ ಮ್ಹಣ್ಚ್ಯಾ ಗತಿಂತ್. ಘರಾ ಲ್ಹಾನ್ ಭುರ‍್ಗಿಂ ಆಸ್ಲ್ಯಾರ್, ತಾಂಚ್ಯಾ ಹಾತಾಕ್ ಮೆಳ್‌ಲ್ಲ್ಯಾ ಬಣ್ಣ ಕಡ್ಡೆಂಚಿಂ,  ಪೆನ್ಸಿಲೆಂಚಿಂ, ಪೆನ್ನಾಂಚಿಂ ವಿವಿಧ್ ಚಿತ್ತಾರಾಂ ತ್ಯಾ ಬುಕಾಂತ್ ಸೊಭ್ತಾತ್. ಸಾಯ್ಭಾನ್ ಚಾಗೀ, ಕಾಪಿಗೀ ಪಿಯೆತಾನಾಂ ತಿ ಥೊಡಿ ಪುಸ್ತಕಾಚೆರ್ ಶಿಂಪ್ಲ್ಯಾ, ತುವೆಂ ಸೊಸುನ್ ವ್ಹರಿಜೆ, ಭೊಗ್ಶಿಜೆ ಮಾತ್ರ್ ನ್ಹಂಯ್ ಮೆಂದ್ವಾಂತ್ಲ್ಯಾ ಖತ್ಕತ್ಯಾ ರಾಗಾಲ್ಹಾರಾಂಕ್ ದೆಗೆನ್ ದವರ‍್ನ್ ತ್ಯಾ ವ್ಹಡ್ ಮನ್ಶಾಕ್ ಹಾಸುನ್ ಹಾಸುನ್ ‘ಇಟ್ಸ್ ಒಕೇ ಬಾ ಡೋಂಟ್ ವ್ಹರಿ’ ಮ್ಹಣಾಜೆ.

ತುಜೊ ಬೂಕ್ ವ್ಹೆಲ್ಲೊ ‘ಬೂಕ್‌ಪ್ರೇಮಿ’ ನ್ಹಂಯ್ ತರೀ ‘(ಫುಂಕ್ಯಾ) ಸಾಹಿತ್‌ಪ್ರೇಮಿ’ ಖಂಡಿತ್ ತರ್ ರಾತಿಂಯ್ ತೊ ಬೂಕ್ ವಾಚ್ತಾ, ನೀದ್ ಜೋರ್ ಪಡ್ಲಿ ತರ್ ಮಾತ್ಯಾಪೊಂದಾ ಬೂಕ್ ವೆತಾ, ತಾಚಿ ತಕ್ಲಿ ಥಂಡ್ ಆಸುಂ ಮ್ಹಣ್ ದರಬಸ್ತ್ ತೆಲ್ ವೊತುನ್ ನಿದ್ಲೊ ತರ್ ಬೂಕ್‌ಭರ್ ತೆಲ್, ಆನಿ ಖಂಚ್ಯಾ’ಖಂಚ್ಯಾ ಪೊಂದಾ ಬೂಕ್ ಗೆಲೊ ತರ್ ಆನಿ ಕಿತೆಂ ಕಿತೆಂ ಲಾಗುಂಕ್ ಆಸಾ. ತೆಂ ಸಕ್ಕಡ್ ಭರ‍್ನ್ ಗೆಲ್ಲೊ, ಪಾನಾಂ ಪಿಂಜ್‌ಲ್ಲೊ, ಪಾನಾಂಕ್ ಕಾನಾಂ ಭರ್‌ಲ್ಲೊ, ಪುರ‍್ತೆಂ ಜೀರ‍್ಣ್‌ಜಾವ್ನ್ ಗೆಲ್ಲೊ ಪುಸ್ತಕ್ ಖಂಚ್ಯಾ ಹಾತಾಂತ್ ತುಜ್ಯಾ ಕಾಬಾಟಾಂತ್ ದವರ‍್ತಾಯ್. ಎಕಾ ವೊಕ್ಲೆಪರಿಂ ಸೊಭುನ್ ಪೆಲ್ಯಾ ಹಾತಾಕ್ ಗೆಲ್ಲೊ ತುಜೊ ಪುಸ್ತಕ್ ಆತಾಂ ಪಾಟಿಂ ಯೆತಾ ‘ಮಾತುಡ್ಡೆಂ’  ಜಾವ್ನ್ ತುಕಾ ಪಾಟಿಂ ಮೆಳ್ಳೊ.

ಹೆಂ ವೊಕ್ಲೆಚೆಂ ಆನಿ ಮಾತುಡ್ಡ್ಯಾಚೆಂ ಸಾಮ್ಯ್ ದಿತಾನಾಂ ಸಾಂಗ್ಣೆಚೊ ದುಸ್ರೊ ವಾಂಟೊ ಉಗ್ಡಾಸಾಕ್ ಆಯ್ಲೊ. ತುಜ್ಯಾ ಸ್ತ್ರೀಯೆಕ್ ಕೊಣಾಯ್ಕ್ ಜರ್ ತುಂ ದಿಶಿ ತಿ ಪಾಟಿಂ ಯೇನಾಂ, ಆಯ್ಲಿ ತರೀ ಭ್ರಷ್ಟ್ ಜಾವ್ನ್ಂಚ್ ಯೆತಾ ಮ್ಹಣ್ಚೊ ವಾಂಟೊ ತೊ.  ದೊತೊರ‍್ನೆಂತ್  ‘ಪೆಲ್ಯಾಚ್ಯಾ ಸ್ತ್ರೀಯೆಚಿ ಆಶಾ ಕರಿನಾಕಾ’ ಮ್ಹಣ್ ಶಿಕಯ್ಲಾಂ. ಆಯ್ಚ್ಯಾ ಕಾಳಾರ್ ಆಪ್ಲ್ಯಾ ಸ್ತ್ರೀಯೆಕ್ ಪೆಲ್ಯಾಕ್ ದಿಂವ್ಚಿ ಪರಿಗತ್ ಜೆರಾಲ್ ರಿತಿನ್ ದಿಸುನ್ ಯೇನಾಂ, ಪೂಣ್ ಆದಿಂಮಾಗಾಂಚ್ಯಾ ಕಾಳಾರ್ ದುಬ್ಳಿಕಾಯೆಕ್ ಪಡ್‌ಲ್ಲೊ ದಾದ್ಲೊ ಆಪ್ಲ್ಯಾ ಬಾಯ್ಲ್‌ಭುರ‍್ಗ್ಯಾಂಕ್ ಆಳಾಂಪರಿಂ ಹೆರಾಂಚ್ಯಾ ಗುಸ್ತಾರ್ ಸೊಡ್ತಾಲೊ. ತವಳ್ ತ್ಯಾ ಸ್ತ್ರೀಯೆಚೊ ಗೋಳ್ ವಿಪ್ರೀತ್. ಭೋವ್ ಪಿರಾಕಾಚ್ಯಾ (ಪ್ರಾಚೀನ್) ದಿಸಾಂನಿ ಜನಾಂಗೀ ಲೋಕ್ ಖಂಚ್ಯಾಯ್ ಸ್ತ್ರೀಯೆಕ್ ಘೆವ್ನ್ ವೆತಾಲೊ ಖಂಯ್. ಆಧುನಿಕ್ ಸಮಾಜೆಂತ್ ‘ಸ್ತ್ರೀಬದ್ಲಾಪ್’ ಚಲ್ತಾ ಮ್ಹಣ್ಚೆಂ ಆಮಿ ಆಯ್ಕಾತಾಂವ್. ವಿದೇಶಿ ಗಾಂವಾಂಕ್ ಘೊಳುಂಕ್ ವಚುನ್ ವಿಪ್ರೀತ್ ಅನ್ಯಾಯಾಕ್ ವಳಗ್ ಜಾಲ್ಲ್ಯಾಂಚೆ ಪ್ರಸಂಗ್ ಆಮಿ ಆಯ್ಕಾಲ್ಯಾತ್. ಏಕ್ ಕಾಳ್ ಆಸ್‌ಲ್ಲೊ ದಾದ್ಲ್ಯಾಂನಿ ಸುರ್‌ಸೊರ‍್ಯಾಚ್ಯಾ, ಜುಗಾರೆಚ್ಯಾ ಸಿಗ್ರೇಟಿಚ್ಯಾ ಪಿಸಾಯೆಂಕ್ ಪಡುನ್ ವಿಪ್ರೀತ್ ರೀಣ್ ಕರ‍್ನ್ ನಿಮಾಣೆಂ ತೆಂ ರೀಣ್ ಪುರ‍್ತಿ ಕರ‍್ನ್ ಆಪ್ಲ್ಯಾ ಘೊವಾಕ್ ಆನಿ ಭುರ‍್ಗ್ಯಾಂಕ್ ಸಾಲ್ವಾರ್ ಕರುಂಕ್ ಸ್ತ್ರೀಯೋ ಬೊಂಬಯ್-ಗಲ್ಫಾಂತ್ ಕೊಣಾಕೊಣಾಚ್ಯಾ ಘರಾಂನಿ ಘೊಳುಂಕ್ ವೆತಾಲ್ಯೊ, ಥಂಯ್ ತಾಂಚೆ ಬಾರಾಬ್ರೇಸ್ತಾರ್ ಜಾತಾಲೆ. ತಾಂಚಿ ಜೀಣ್ ದುಕಾಚಿ ಜಾತಾಲಿ. ಹೆಂ ಚುಕಾಜೆ ತರ್ ಆಮ್ಚ್ಯಾ ದಾದ್ಲ್ಯಾಂನಿ ಚಡ್ ಆನಿ ಚಡ್ ಜವಾಬ್ಧಾರೆಚೆ ಜಾಯ್ಜೆ, ಆಜ್ ಥೊಡಿಪುಣಿಂ ಬದ್ಲಾವಣ್ ಆಯ್ಲ್ಯಾ ಮ್ಹಣ್ಚಿ ಸಂತೊಸಾಚಿ ಗಜಾಲ್.

ಆನಿ ಆತಾಂ ನಿಮಾಣೆಂ ದುಡು ರೀಣ್ ದಿಂವ್ಚೆವಿಶಿಂ. ತುಕಾ ಸೊಡ್ಲ್ಯಾರ್ ತುಜ್ಯಾ ದುಡ್ವಾಚಿ ಹೆರ್ ಸಕ್ಡಾಂಕ್ ಗರ‍್ಜ್ ಆಸ್ತಾ, ಆನಿ ತುಜಿ ಸೊಡ್ಲ್ಯಾರ್ ತ್ಯಾ ಹೆರ್ ಸಕ್ಡಾಂಚಿ ಗರ‍್ಜ್ ತುಜ್ಯಾ ಗರ‍್ಜೆಪ್ರಾಸ್ ಚಡ್ ಮಹತ್ವಾಚಿ. ‘ತುಕಾ ಸಾಂಬಾಳ್ ಕೆದಾಳಾ ಯೆತಾ ತೆಂ ವೊನ್ಯೆಕ್ ಕರೆಕ್ಟ್ ಕಳಿತ್ ಆಸಾ, ಆನಿ ತಸಲ್ಯಾಚ್ ಎಕಾ ದಿಸಾ ವೊನ್ಯೆಚ್ಯಾ ಭಾವಾಕ್ ಬಾಯ್ಕ್ ಕಾಣ್ಘೆಂವ್ಕ್ ಫಕತ್ ಪಾಂಚ್ ಹಜಾರ್ ರುಪೊಯ್ ಉಣೆಂ ಪಡ್ಲ್ಯಾತ್’, ‘ತುಕಾ ಬೋನಸ್ ಆಯಿಲ್ಲ್ಯಾ ದಿಸಾಚ್ ತುಜ್ಯಾ ಫ್ರೆಂಡಾಕ್ ಅರ‍್ಜೆಂಟ್ ಅಡೇಜ್ ಹಜಾರ್ ಇನ್‌ಸ್ಟಾಲ್‌ಮೆಂಟ್ ಬಾಂದುಂಕ್ ಆಸಾ’. ಕರ‍್ಚೆಂ ಕಿತೆಂ? ತುಕಾ ಬರೆಂ ಕಾಮ್ ಆಸಾ ತರ್ ತುಜ್ಯಾ ಪಯ್ಶ್ಯಾಂಚೆರ್ ಸಗ್ಳ್ಯಾ ಸಂಸಾರಾಕ್ ಅಧಿಕಾರ್ ಆಸಾ. ಪಯ್ಲೆಂ ಗಲ್ಫಾಗಾರಾಂಥಾವ್ನ್ ಪಯ್ಶೆ ಯೇಜೆ ತರ್ ಡ್ರಾಫ್ಟ್. ಚೆಕ್ಕ್ ಯೇಜೆ, ತಾಕಾ ಧಾ-ಭಾರಾ ದೀಸ್ ವಚಾಜೆ. ಆತಾ’ತಾಂ ಸಂಸಾರಾಚ್ಯಾ ಖಂಚ್ಯಾಯ್ ಕೊನ್ಶ್ಯಾಥಾವ್ನ್ ಖಿಣಾಂನಿ ಒನ್‌ಲಾಯ್ನ್ ಪೇಮೆಂಟ್ ಕರ‍್ಯೆತಾ. ಅರ‍್ಜೆಂಟ್ ದೇಡ್ ಹಜಾರ್ ಘಾಲ್ ಮ್ಹಣ್ಚ್ಯೊ ರ‍್ಯಾಕೆಟಿ ಕಿತ್ಲ್ಯೊ ಜಾಯ್. ಹ್ಯೊ ನಯ್ಜೀರಿಯನ್ ಫ್ರಾಡ್ ರ‍್ಯಾಕೆಟಿ ಖಂಡಿತ್ ನ್ಹಂಯ್.

ಮ್ಹಾಕಾ ಹಫ್ತ್ಯಾಕ್ ಏಕ್‌ಪಾವ್ಟಿಂಪುಣಿಂ ಅಸಲ್ಯೊ ವಿನವ್ಣ್ಯೊ ಯೆತಾತ್, ತ್ಯಾ ಖಾತಿರ್‌ಚ್ ಹಾಂವೆಂ ಡಿಜಿಟಲ್ ಪೇಮೆಂಟ್ ಆಪ್ಶನ್ಸ್ ಘೆವ್ನಾಂತ್. ಕಿತೆಂ ದೀಜೆತರೀ ಬ್ಯಾಂಕಾಕ್ ವಚಾಜೆ, ಬ್ಯಾಂಕ್ ಪಯ್ಸ್ ಆಸಾ ಆನಿ ತಾಕಾ ಜಾಯ್‌ತ್ಯಾ ವೆಳಾರ್ ಮ್ಹಾಕಾ ಪೇಮೆಂಟ್ ಕರುಂಕ್ ಜಾಯ್ನಾಂ, ಹರ‍್ಯೆಕಾ ದಿಸಾ ಬ್ಯಾಂಕಾಕ್ ಗೆಲೊಂ ತರ್ ಕೊಲೆಜಿಂತ್ ಪಾಠ ಕರ‍್ಚೊ ಕೊಣೆಂ?  ಹಿಚ್ ವೆವಸ್ತಾ ಬರೀ ಮ್ಹಣ್ ಮ್ಹಜೆಂ ಚಿಂತಪ್.

ತಾಚೆಂ ದೂಕ್, ರಡ್ಣೆಂ-ವಿಳಾಪ್, ದಾಂತ್ ಕಿರ‍್ಲೊಣಿಂ ಮಾನುನ್, ತಾಚಿ ಗರ‍್ಜ್ ಆನಿ ತುರ‍್ತ್ ಲೆಕುನ್ ದಯೆಚಿ ಝರ್ ತುಜ್ಯಾ ಕಾಳ್ಜಾಂತ್ ಫುಟುನ್, ರೀಣ್ ದಿಲೆಂಯ್, ತ್ಯಾ ಘಡಿಯೆ ತುಜೊ ವಿನಾಸ್ ಸುರು, ತ್ಯಾ ಪರ‍್ಯಾಂತ್ ಸದಾಂ ಇಷ್ಟಾಗತೆಚ್ಯಾ ಗುಂಡಾಯೆಚೆಂ ಸುಖ್ ತುಂ ಭೊಗ್ತಾಲೊಯ್, ತೆಂ ಅತಾಂ ಸೊಂಪ್ಲೆಂ, ತ್ಯಾ ಘರಾಂತ್ ತುಕಾ ಮೆಳ್ತಾಲೊ ತೊ ಸ್ವಾಗತ್ ಆನಿ ಮೆಳ್ಚೊ ನಾಂ. ಬಾಪ್ಪುಚ್ಯಾ ಗಾಂಟಿದುಕಿಂಕ್ ತೆಲ್ ಹಾಡುಂಕ್ ಮ್ಹಣ್ ತುಜೆಲಾಗಿಂ ಸಾಡೆತೀನ್ ಹಜಾರ್ ರೀಣ್ ವ್ಹರ‍್ನ್ ಗೆಲ್ಲಿ ತುಜಿ ಮಾವ್ಶಿ ಸದಾಂ ತುಜೆಲಾಗಿಂ ಖುಶಾಲ್ ಉಲಯ್ತಾಲಿ, ಆತಾಂ ತೀ ಮಿಸಾ ವೆಳಾರ್ ಇಗರ‍್ಜೆ ಬಾಗ್ಲಾರ್ ಮೆಳ್ಳ್ಯಾರೀ ಉಜ್ವ್ಯಾನ್ ಸರಾ’ರಾಂ ಚಮ್ಕಾತಾ ಆನಿ ತುಜೆ ತೊಂಡ್‌ಯ್ ವಳಕ್ ನಾತ್‌ಲ್ಲೆಪರಿಂ ಕರ‍್ತಾ. ‘ಇಂದು ಬೋಡ?’ (ಹೇಂ ಜಾಯ್‌ಗೀ?)

ದುಡು ರೀಣ್ ದಿಲ್ಲ್ಯಾಂನಿ ಮಾರ್ ಖೆಲ್ಲೆ, ಮೊರುನ್ ಪಡ್‌ಲ್ಲೆ ದಾಕ್ಲೆ ಕಾಂಯ್ ಉಣೆಂ ನಾಂತ್. ಆಪ್ಲೊ ದುಡ್ವಾಬದ್ಕಾಚೊ ವೆವ್ಹಾರ್ ಸಾರ‍್ಕ್ಯಾನ್ ಚಲಂವ್ಕ್ ಕಳಾನಾಶೆಂ ಮಾಗಿರ್ ತುಜ್ಯಾ-ಪೆಲ್ಯಾಚ್ಯಾ ರಿಣಾಕ್ ಪಡ್‌ಲ್ಲೊ, ಸವಯೆರ್ ರೀನ್ ಕಾಡ್ನ್ ತುಜ್ಯಾ ದುಡ್ವಾಬದ್ಕಾಚಿ ವೆವಸ್ತಾ ಪುರ‍್ತೆಂ ಘುಸ್ಪಡಾಯ್ತಾ ದೆಕುನ್ ಜಾಗ್ರುತ್ ಆಸ್ಚೆಂ ಬರೆಂ. ದೆಕುನ್ಂಚ್ ಮ್ಹಾಲ್ಗಡೆ ‘ಲೆಕ್ ಚುಕ್ಲ್ಯಾರ್ ದೂಕ್ ಚುಕಾನಾಂ’ ಮ್ಹಣ್ತಾತ್.  ಪಯ್ಲೆಪಾವ್ಟಿಂ ರೀಣ್ ಘೆತಲೊ ತೊ ಕಾಂಯ್ ಥೊಡೆಂಪುಣಿಂ ನಾಜೂಕಾಯೆಚೊ ಆಸ್ತಾ. ದೋನ್ ತೀನ್ ಪಾವ್ಟಿಂ ರೀಣ್ ಕಾಡ್ಲ್ಯಾ ಉಪ್ರಾಂತ್ ತೊ ಚತುರ್ ರಿಣ್ಕಾರಿ ಜಾತಾ. ‘ದೀನಾಂ ಕಿತೆಂ ಕರ‍್ತಾಯ್?’ ಮ್ಹಳ್ಯಾರ್ ತುಂ ಕಿತೆಂ ಕರುಂಕ್ ಸಕ್ತಾಯ್? ‘ಹಾಂವೆಂ ಚೆಕ್ಕ್ ಕಾಣ್ಘೆಲ್ಯಾ’, ಜಾಯ್‌ಗೀ ತುಕಾ, ತುಜ್ಯೆ ಪಯ್ಶೆ ದೀವ್ನ್, ಆತಾಂ ತೆ ಪಾಟಿಂ ಕಾಣ್ಘೆಂವ್ಕ್ ಕೊಡ್ತಿಕ್ ವಚಾಜೆ, ಚಾರ್ ಪಾಂಚ್ ವರ‍್ಸಾಂ ರಾಕಾಜೆ.

ಆತಾ’ತಾಂ ಥೊಡೆ ‘ಬ್ಯಾಂಕಾಪ್ರಾಸ್ ಚಡ್ ವಾಡ್ ದಿತಾಂ, ಮ್ಹಾಕಾ ಬಿಸ್ನೆಸಾಕ್ ಹ್ಯಾಂಡ್ ಲೋನ್ ದಿ’ ಮ್ಹಣ್ತಾನಾಂ, ಆಮಿ ಆಶೆಂತ್ ಪಡುನ್  ಕಷ್ಟಾಂನಿ ಘೊಳ್‌ಲೊ ದುಡು ದಿತಾಂವ್. ದೋನ್ ಮ್ಹಯ್ನೆ ಸಾರ‍್ಕಿ ವಾಡ್ ಮೆಳ್ತಾ, ಕ್ರಮೇಣ್ ವಿವಿಧ್ ಕಾರಣಾಂ ದೀವ್ನ್ ಲೆಕಾಂ ಚುಕ್ತಾತ್. ಭೋವ್ ಆಪ್ರೂಪ್ ದಿಲ್ಲೊ ದುಡು ಪಾಟಿಂ ಮೆಳ್ತಾ, ಪಾಂಚ್ ಹಜಾರ್ ತುಜೆಥಾವ್ನ್ ಘೆತಾನಾಂ ಹಫ್ತ್ಯಾಭಿತರ್ ಪಾಟಿಂ ದಿತಾಂ ಮ್ಹಳ್ಳೊ ಮ್ಹಯ್ನ್ಯಾ ಉಪ್ರಾಂತ್ ಪಾಂಯ್ಶಿಂ ದಿತಾ, ‘ಹಾಂವ್ ಕಿತೆಂ ಧಾಂವ್ತಾಂಗೀ?’ ಮ್ಹಣ್ಚೊ ತೋ ತಿಸ್ರ್ಯಾ ಮ್ಹಯ್ನ್ಯಾಂತ್ ಪಾಂಯ್ಶಿಂ ದಿತಾ. ಅಶೆಂ ತುಜ್ಯಾ ದುಡ್ವಾಕ್ ಮೊಲ್‌ಯ್ ನಾಂ ಶೆವಟ್‌ಯ್ ನಾಂ ಮ್ಹಣ್ಚೆಪರಿಂ ಕರ‍್ನ್ ಉಡಯ್ತಾ. ತುಂ ವಿರಾರಾಯೆನ್ ಮಾಂಡ್ಡೊ ಧಾಡಾವ್ನ್ ಆಸ್ತಾಯ್.

ಹೆಂ ಸಕ್ಕಡ್ ಜಾಯ್‌ಗೀ ಆಮ್ಕಾಂ ?

■ ಸ್ಟೀವನ್ ಕ್ವಾಡ್ರಸ್ ಪೆರ‍್ಮುದೆ

ತಸಲ್ಯಾ ಕಾಳಾರ್ ಘರ‍್ಚಿ ಧನಿನ್ ಎಕ್ಲಿ ರೊಜಾರಿಚೆಂ ಕೊಂತ್ ಘೆವ್ನ್ ತೇರ‍್ಸ್ ರೊಜಾರ್ ಕರ‍್ತಾನಾಂ, ಘರ್ ಕಾಮಾಕ್ ರಾವ್‌ಲ್ಲ್ಯಾ  ಆಳಾಂಚ್ಯಾ ಬಾಯ್ಲೆನ್ ’ಮ್ಹಾಕಾಯ್ ರೊಜಾರ್ ಶಿಕಯ್ ಬಾಯೆ’ ಮ್ಹಣ್ ಆಡ್ದೊಸ್ ಮಾಗ್ತಾನಾಂ ಧನಿನೆನ್, ’ತುಕಾ ಕಾಲೆಂಗೋ ರೊಜಾರ್, ಮಾಂಡ್ ಕುರ‍್ಪೊಣ್ ಪಾವ್ ದೆವಾ ಮ್ಹಳ್ಯಾರ್ ಪುರೊ ತುವೆಂ’  ಮ್ಹಣ್ ಸಮ್ಜಯ್ಲೆಂ ಖಂಯ್ ಆನಿ ’ಮಾಂಡೊ ಕುರ‍್ಪೊಣ್ ಪಾವ್ ದೆವಾ’ ಮ್ಹಣ್ಂಚ್ ತೆಂ ಸತ್ತಿ ಚಾಕರ‍್ನ್ ಸರ‍್ಗಾಕ್ ಪಾವ್ಲೆಂ ಖಂಯ್.  ತಿತ್ಲೊ ಸತ್ತಿ ಕಾಳ್ ತೊ.

ತಸಲ್ಯಾ ಕಾಳಾರ್ ವ್ಹಾಳ್ ಉತರ‍್ನ್, ಘಾಟಿ ಚಡುನ್, ಗುಡೆ ದೆಂವುನ್ ಲೋಕ್ ಮಿಸಾಕ್ ಯೆತಾಲೊ. ಹೊನ್ನಾವರ್ ಸೊಡ್ಲ್ಯಾರ್ ಗಂಗೊಳ್ಳಿ, ಹೆಣೆಂ ಕುಂದಾಪುರ್ ಮಾಗಿರ್ ಕಲ್ಯಾಣ್ಪುರ್, ಥಂಯ್‌ಥಾವ್ನ್ ಶಿರ‍್ವಾಂ, ಘಜ್ನಿ, ಆಯ್ಕೊಳ್, ಪೆಜಾರ್, ಹೊಸ್ಪೆಟ್, ರುಜಾಯ್ ಮಿಲಾರ್, ಪಾಣೀರ್, ಆಗ್ರಾರ್, ಮೊಡಾಂಕಾಪ್ ಮ್ಹಣ್ ಸೊಡ್ಲ್ಯಾರ್ ಇಗರ‍್ಜೊಯ್ ಉಣ್ಯೊ ಇಗರ‍್ಜೊ ಆಸಾತ್ ಮ್ಹಣ್ ಸಕ್ಡಾಂನಿ ಸಕ್ಡಾಕ್ ವೆಚೆಪರಿಂಯ್ ನಾತ್‌ಲ್ಲೆಂಮೂಂ. ಘರಾಮುಳಾಂತ್ ಆಸ್ಚಿ ಇಗರ‍್ಜ್ ಪಾದ್ರುವಾದೊ ಜಾಲ್ಯಾರ್ ಪ್ರೊಪಗಾಂದಾಚ್ಯಾಂನಿ ಥಂಯ್ ವೆಚೆಪರಿಂ ನಾಂ ಬಾರಾ ಮಯ್ಲಾಂ ಪಯ್ಸ್ ಆಸ್ಚ್ಯಾ ಪ್ರೊಪಗಾಂದಾಚ್ಯಾ ಇಗರ‍್ಜೆಕ್‌ಚ್ ವಚಾಜೆ.

ಅಶೆಂ ಆಮ್ಚ್ಯಾ ಲೊಕಾಕ್ ಪಯ್ಸ್ ಪಯ್ಸ್ ಮಿಸಾಂಕ್ ವಚಾಜೆ. ಗಾಂವಾರ್ ಆಸ್‌ಲ್ಲ್ಯಾ ದೋನ್ ತೀನ್ ಸಾವ್ಕಾರಾಂಲಾಗಿಂ ಘೊಡೊಗೀ, ಬೋಯ್ಲ್‌ಗೀ ಬಾಂದ್‌ಲ್ಲ್ಯೊ  ಗಾಡಿಯೋ ಆಸ್ತಾಲ್ಯೊ. ಉರ‍್ಲಲ್ಯಾಂನಿ ವೊರಾಂವೊರಾಂ ಪಯ್ಲೆಂಚ್ ಘರಾಥಾವ್ನ್ ಮಿಸಾಕ್ ಭಾಯ್ರ್ ಸರ‍್ಚಿ ಗರ‍್ಜ್ ಆಸ್‌ಲ್ಲಿ. ಪೆಂಕ್ಡಾಕ್ ಏಕ್ ಕಾಷ್ಟಿ, ಮಾತ್ಯಾರ್ ಏಕ್ ಕಾಷ್ಟಿ ಬಾಂದುನ್ ದಾದ್ಲೆ ಸುಟ್ತಾಲೆ. ಬಾಯ್ಲಾಂ ಗಾಗ್ರ್ಯಾರ್ ವೊರ‍್ಲಾಚೆ ಕುಡ್ಕೆ, ಕಮ್ಮಾಯ್, ವೋಯ್ಲ್, ಕಾಂಬ್ಳಿ, ವೊಲಿ ನ್ಹೆಸುನ್ ವೆತಾಲಿಂ ಗ್ರೇಸ್ತಾಂಚ್ಯಾ ಸ್ತ್ರೀಯಾಂಲಾಗಿಂ ಕಾಪ್ಡಾಂ ಕಿರ‍್ಗ್ಯೊ, ಬಾಜ್ವೊ ಆಸ್ತಾಲ್ಯೊ. (ಕೊಣೆಂಗೀ ಆಮ್ಚೆಪಯ್ಕಿ ಭೋವ್ ಥೊಡಿಂ ವ್ಹಡಾಂ ಸಂಭ್ರಮಿಕ್ ಕಾರ‍್ಯಾಂನಿ ನ್ಹೆಸ್ತಾಲಿಂ ತೆಂ ಕುತಾಂವ್ ತೊಡಪ್, ಉರ‍್ಮಾಲ್ ಕಿರ‍್ಗಿಬಾಜು ನ್ಹೆಸಪ್‌ಚ್ ಆಮ್ಚ್ಯಾ ಲೊಕಾಚೆಂ ಸದಾಂಚೆಂ ನ್ಹೆಸಪ್ ಮ್ಹಣ್ ಚಿತ್ರಯ್ಲಾಂ, ಖರ‍್ಯಾನ್ ಆಮ್ಚೆ ಮ್ಹಾಲ್ಘಡೆ ತ್ಯಾ ಕಾಳಾರ್ ಕಾಷ್ಟೆಲೇಸ್ ಆನಿ ವೊರ‍್ಲಾಚೆಂ ನ್ಹೆಸಪ್ ಸದಾಂ ನ್ಹೆಸ್ತಾಲಿಂ ಆನಿ ತಿತ್ಲ್ಯಾಕ್‌ಚ್ ಆಮ್ಕಾಂ ಗಾಂವಾರ್ ಬಾಯಮ್ಮ-ಪರ‍್ಬುಲು ಮ್ಹಣ್ತಾಲೆ)

ಸನ್ವಾರಾಚ್ ಸಕ್ಕಡ್ ಮುಸ್ತಾಯ್ಕಿ ಧುವ್ನ್ ನಿತಳ್ ಕರ‍್ತಾಲಿಂ, ಗರ‍್ಜೆಚಿ ಮುಸ್ತಾಯ್ಕಿ ದೊದೋನ್ ಘೆತಾಲಿಂ. ಕಿತ್ಯಾಕ್? ವಾಟೆರ್ ವ್ಹಾಳೊ ಉಪ್ಯೆತಾನಾಂ ಏಕ್ ಭಿಜ್ತಾ ತೆಂ ಪೀಳ್ನ್ ಆನ್ಯೇಕ್ ನ್ಹೆಸ್ಚೆಂ. ಫಾಂತ್ಯಾರ್ ಭಾಯ್ರ್ ಸರ್‌ಲ್ಲಿಂ ಆಮ್ಚಿಂ ಮ್ಹಾಲ್ಘಡಿಂ ಖಾಲಿಪಾಂಯಾಂನಿ ಕಾಂಟೆಕುಂಟೆ, ರಾನ್ ವಾಟೊ, ಗುಡೆ ಬೆಟಾಂ, ತೋಡ್, ವ್ಹಾಳೆ ಉತ್ರುನ್ ಇಗರ‍್ಜೆ ಬಾಗ್ಲಾರ್ ಪಾವ್ತಾಲಿಂ. ಸಭಾರಾಂ ಇಗರ‍್ಜೆಚಿ ತೋರ್, ಘಾಂಟಿ ತೋರ್, ಖುರಿಸ್ ದಿಷ್ಟಿಕ್ ಪಡ್‌ಲ್ಲೆ ಕೂಡ್ಲೆ ಥಂಯಿಂಚ್ ದಿಂಬ್ಯೆರ್ ಪಡುನ್ ‘ಇನೊಮಿನೆ ಪಾತ್ರೆ’ (ಬಾಪಾಚೆ ಪುತಾಚೆ) ಕಾಡ್ತಾಲಿಂ.

ಕುಮ್ಗಾರ್ ಸೆಂವ್ಚ್ಯಾ ವೆಕ್ತಿನ್ ಆದ್ಲ್ಯಾ ಸಾಂಜೆಥಾವ್ನ್ ಉಪಾಸ್ ರಾವಾಜೆ ಮ್ಹಣ್ ಘಟ್ ಪಾತ್ಯೆಣಿ ಆಮ್ಚ್ಯಾ ಮ್ಹಾಲ್ಘಡ್ಯಾಂಚಿ ಆಸ್‌ಲ್ಲಿ ದೆಕುನ್ ಸನ್ವಾರಾ ಸಾಂಜೆಥಾವ್ನ್ಂಚ್ ತಿಂ ಉಪಾಶಿಂ ರಾವ್ತಾಲಿಂ. ಅನ್‌ಉದಕ್ ಸಯ್ತ್ ಆಪಡ್ನಾಶೆಂ ತಿಂ ಪಯ್ಣಾರ್ ವೆತಾಲಿಂ. ಮೀಸ್‌ಯ್ ಲಾಂಬ್‌ಚ್ ಆನಿ ಖಾಂವ್ಚೆಂ ಕಿತೆಂ ಆಸ್ಲ್ಯಾರೀ ಮಿಸಾ ಉಪ್ರಾಂತ್‌ಚ್ ಜಾಲೆಂ. ದೆಕುನ್ಂಚ್ ಹರ‍್ಯೆಕಾ  ಇಗರ‍್ಜೆ ಬಾಗ್ಲಾರ್ ಏಕ್ ಹೊಟೇಲ್ ವಾಡುನ್ ಆಯಿಲ್ಲೆಂ ಆಮಿ ಪಳೆತಾಂವ್. ಆಜೂನ್ ನಾಡಾಂನಿ ಹರ‍್ಯೆಕಾ ಇಗರ‍್ಜೆ ಮುಕಾರ್ ಏಕ್ ಬಸ್ಟ್ಯಾಂಡ್ ಆಸಾ ಆನಿ ಬಸ್ಟ್ಯಾಂಡಾ ಬಾಗ್ಲಾರ್ ಏಕ್ ಹೊಟೇಲ್ ಆಸಾ.

ತಿತ್ಲೆ ಕಷ್ಟ್ ಕಾಡ್ನ್ ಆಯಿಲ್ಲ್ಯಾಂಚೆಂ ಮೀಸ್ ಜಾಲ್ಯಾರೀ ಕಶೆಂ. ಮೀಸ್ ಆಸ್ತಾ ಮ್ಹಣ್ ಖಂಡಿತ್ ನಾತ್‌ಲ್ಲೆಂ. ವಿಗಾರಾಕ್ ಶೆಳ್ ಜಾಲ್ಯಾರ್, ತಾಪ್ ಆಯ್ಲ್ಯಾರ್, ಮೀಸ್ ನಾಂ, ಮಿರೊಣ್ ಯೇವ್ನ್ ಲೊಕಾಂಕ್ ’ಆಜ್ ಮೀಸ್ ನಾಂ ತುಮಿಂ ತೇರ‍್ಸ್, ದೊತೊರ‍್ನ್ ಸಾಂಗುನ್ ಘರಾ ವಚಾ’ ಮ್ಹಣ್ತಾಲೊ. ಸತ್ಯಾಚೊ ಕಾಳ್ ತೊ ಲೋಕ್ ಸಕ್ಕಡ್ ದಿಂಬಿ ಘಾಲ್ನ್ ಮಿರ‍್ಣಿಚ್ಯಾ ಮುಕೇಲ್ಪಣಾರ್ ಭಕ್ತಿನ್ ತೇರ‍್ಸ್ ಸಾಂಗುನ್ ಘರಾ ವೆತಾಲೊ. ಎಕಾದವೆಳಾ ವಿಗಾರಾನ್ ಸನ್ವಾರಾ ರಾತಿಂಥಾವ್ನ್ ಮಿಸಾ ಪರ‍್ಯಾಂತ್ ಚುಕುನ್ ಕಾಂಯ್ ಏಕ್ ಘೊಟ್ ಉದಕ್ ಪಿಯೆವ್ನ್ ಜಾಲಾಂ ತರ್‌ಯ್ ಮೀಸ್ ಆಸಾನಾತ್‌ಲ್ಲೆಂ. ಕುಮ್ಸಾರಾಂ ಮಾತ್ರ್ ಆಸ್ತಾಲಿಂ. ಪಯ್ಶಿಲ್ಯಾ ಹೆರ್ ಫಿರ‍್ಗಜೆಚೊ ಹಾಂಗಾ ಮೀಸ್ ಸಾಂಗುಂಕ್ ಯೆತಾ ಆನಿ ಕಾರಣಾಂತರ್ ತೊ ಯೇವ್ನ್ ಪಾವೊನಾಂ, ವಾಟೆರ್ ಕಾಂಯ್ ಅನಾಪತ್ತ್ ಜಾಲಾಂ ತವಳ್‌ಯ್ ಲೊಕಾಕ್ ಮೀಸ್ ನಾಂ.

ವಿಗಾರ್ ಆಸಾ ತರ್, ಮೀಸ್ ಆಸಾ ತರ್ ಪಯ್ಲೆಂ ಕುಮ್ಸಾರಾಂ. ಉಪ್ರಾಂತ್ ಲೊಕಾಖಾತಿರ್ ಮಿಸಾಚಿ ಮಾಂಡಾವಳ್. ಆತಾಂಚೆಪರಿಂ ಲೊಕಾಸವೆಂ ಮಿಸಾಚೆಂ ಚಿಂತಪ್ ನಾತ್‌ಲ್ಲೆಂ. ಕಿತ್ಯಾಕ್ ಮ್ಹಳ್ಯಾರ್ ಮೀಸ್ ಸಕ್ಕಡ್ ಯಾಜಕ್‌ಚ್ ಚಲಯ್ತಾಲೊ. ಲೊಕಾಕ್ ಪಾಟ್ ಕರ‍್ನ್ ಆಲ್ತಾರಿಕ್ ಮುಕ್ ಕರ‍್ನ್ ಮೀಸ್ ಚಲ್ತಾಲೆಂ. ಮಿಸಾಚಿ ಸಗ್ಳಿ ವೆವಸ್ತಾ ಲಾತ್ಯಾ ಭಾಶೆನ್ ಆಸ್‌ಲ್ಲಿ ಜಾಲ್ಲ್ಯಾನ್ ಸಾಕ್ರಿಸ್ತಾಂವ್ (ಮಿರೊಣ್) ಆನಿ ವಿಗಾರಾಕ್ ಮಾತ್ರ್ ಮೀಸ್ ಉರ್‌ಲ್ಲಿಂ ಜೊರಾನ್ ತೇರ‍್ಸ್ ಸಾಂಗುನ್ಂಚ್ ಆಸ್ತಾಲಿಂ. ಕಾಂಯ್ ಲಾತೆಂ ಶಿಕ್‌ಲ್ಲೊ ಭೋವ್ ಥೊಡೊ ಲೋಕ್ ಜಾಪಿ ದಿತಾಲೊ. ಲಾಂಬ್ ಕಂತಾರಾಂ ಆನಿ ಮಿಸಾಚಿಂ ಮಾಗ್ಣಿಂ ಆಸ್‌ಲ್ಲಿಂ, ವಿಗಾರಾಚೆಂ ಆನಿ ಮಿರೊಣಿಚೆಂ ಸೊಡ್ಲ್ಯಾರ್ ಮಿಸಾಂತ್ ಕಂತಾರಿಸ್ತಾಂಚೆಚ್ ಕಾರ‍್ಬಾರ್; ಏಕ್ ಗ್ಲೋರಿಯಾ ಪಂದ್ರಾ ಮಿನುಟಾಂ ಕಾಡ್ತಾಲೆಂ. ಹರ‍್ಯೆಕ್ ಸಂದರ‍್ಭಾರ್ ಸಂಗೀತ್ ಲೊಕಾಕ್ ಸಮಾಧಾನ್ ದಿಂವ್ಚ್ಯಾಕ್ ವಾಪಾರ‍್ತಾಲೆ. ಪಾತೆರ್ ನೊಸ್ತೆರ್ (ಆಮ್ಚ್ಯಾ ಬಾಪಾ) ಸಾಂಕ್ತುಸ್ ಸಾಂಕ್ತುಸ್ (ಪವಿತ್ರ್ ಪವಿತ್ರ್), ಕಿರಿಯೇ ಎಲೆಇಸೋನ್ ( ಸೊಮಿಯಾ ಕಾಕ್ಳುತ್ ಕರ್) ಹೆಂ ಸಕ್ಕಡ್ ಗಾಯನ್ ಜಾತಾನಾಂ ಲೋಕ್ ಉರ‍್ಭೆನ್ ಭರುನ್ ಗಾಯ್ತಾಲೊ. ಫ್ರಾದ್ ಸಾಯ್ಭ್ ಮಿಲಾರ್ ವಿಗಾರ್ ಆಸ್ತಾನಾಂ ತೊ ಫ್ರೆಂಚ್ ಪ್ರಭಾವಾಚೊ ದೆಕುನ್ ಪುಡ್ತುಗೇಝ್ ಆನಿ ಲಾತ್ಯಾ ಲಾಂಬಾಯೆಥಾವ್ನ್ ಮೀಸ್ ತಿಕ್ಕೆಶೆ ಮೊಟ್ವೆಂ ಕರ‍್ಯಾಂ ಮ್ಹಣ್ ತಾಣೆಂ ಕೆಲ್ಲ್ಯಾ ಪ್ರೇತನಾಕ್ ತಾಕಾ ವಿಪ್ರೀತ್ ವಿರೋಧ್ ಸೊಸುಂಕ್ ಮೆಳ್ಳೊ.

ಇತ್ಲ್ಯಾ ಸರ‍್ವ್ ಕಷ್ಟಾಂಮಧೆಂಯ್ ಸಾಯ್ಭ್ ಉಕಲ್ತಾನಾಂ ಆನಿ ಸಾಯ್ಭಾಕ್ ಸೆವ್ತಾನಾಂ ಲಾಬ್ತಾಲೊ ತೊ ಉಲ್ಲಾಸ್ ಆನಿ ಸಂತೊಸ್ ವರ‍್ಣುಂಕ್ ಜಾಯ್ನಾತ್‌ಲ್ಲೊ. ಪೂಣ್ ಜ್ಯಾ ಕೊಣೆಂ ಆದ್ಲ್ಯಾ ರಾತಿಂಥಾವ್ನ್ ಮೀಸ್ ಸುರ‍್ವಾತ್ತಾಂ ಪರ‍್ಯಾಂತ್ ಕಾಂಯ್ ಸೆವ್ಲಾಂ, ವಾ ಉದಕ್ ಪಿಯೆಲಾಂ ಜಾಲೆಂ ತೊ ಕುಮ್ಗಾರ್ ಸ್ವೀಕಾರ್ ಕರ‍್ನಾತ್‌ಲ್ಲೊ, ತಾಕಾ ವಾ ತಿಕಾ ಫಕತ್ ಮೀಸ್ ಮಾತ್ರ್. ತ್ಯಾ ಉಪ್ರಾಂತ್ ಪಾದ್ರ್ಯಾಬಾನ್ ಫರ‍್ಮಾಯಿಲ್ಲೆಂ ಸಕ್ಕಡ್ ಆಯ್ಕುನ್ ತೆಂ ಪಾಳ್ಚ್ಯಾಕ್ ತಯಾರ್ ಜಾವ್ನ್ ಬೆಸಾಂವ್ ಘೆವ್ನ್, ಪಾದ್ರ್ಯಾಬಾಕ್ ಇಗರ‍್ಜೆ ಭಾಯ್ರ್ ಭೆಟುನ್ ಪರ‍್ತ್ಯಾನ್ ತಾಚಿಂ ಬೆಸಾಂವಾಂ ಘೆವ್ನ್ ಹೊಟ್ಲಾಂತ್ ಚಾ’ತಿಂಡಿ ಮುಗ್ದುನ್ ಆಪಾ’ಪ್ಲ್ಯಾ ಬಿಡಾರಾಕ್ ಪಾಟಿಂ ವೆತಾಲೊ.

ಭಾಗೆವಂತ್ ಹಫ್ತ್ಯಾಂತ್ ಚಡ್‌ಶೆಂ ಲೊಕಾಚೊ ವೇಳ್ ಇಗರ‍್ಜೆಂತ್‌ಚ್ ಕಂತಿಗೊ ಗಾಂವ್ಚ್ಯಾಂತ್, ಖುರ‍್ಸಾವಾಟೊ ಕರ‍್ಚ್ಯಾಂತ್ ಆನಿ ನಿಯಾಳ್ ಶೆರ‍್ಮಾಂವ್ ಆಯ್ಕೊಂಚ್ಯಾಂತ್ ಖರ‍್ಚಿತಾಲೆ. ಘರ್ ಪಯ್ಸ್ ಆಸಾ ತರ್ ನಿಮಾಣ್ಯಾ ಬ್ರೇಸ್ತಾರಾ ಆಯಿಲ್ಲೊ ಲೋಕ್ ಪಾಸ್ಖಾಂಚ್ಯಾ ಸಕಾಳಿಂ ಪರ‍್ಯಾಂತ್ ಇಗರ‍್ಜೆ ಆಂಗ್ಣಾಂತ್‌ಚ್ ವಸ್ತಿ ಕರ‍್ಚ್ಯಾಕ್ ವೆವಸ್ತಾ ಕರ‍್ನ್ ಯೆತಾಲೆ. ನಿಮಾಣ್ಯಾ ಸುಕ್ರಾರಾ ತರೀ ಇಗರ‍್ಜೆಂತ್ ದೀಸ್‌ಭರ್ ಭಕ್ತಿಕ್ ಲಿತುರ‍್ಜಿ. ಸಾಕ್ರಾಮೆಂತಾಚೆಂ ಆರಾಧನ್, ವಿಶೆವಾಚ್ಯಾ ಆಲ್ತಾರಿಚಿ ಭೆಟ್, ಖುರ‍್ಸಮೊಳೊ ಕರ‍್ನ್ ಕೂಡ್ ಚಡಂವ್ಚಿ, ಕೂಡ್ ದೆಂವಂವ್ಚಿ ಮ್ಹಣುನ್ ಅಖ್ಖೊ ದೀಸ್ ಇಗರ‍್ಜೆಂತ್.

ತಶೆಂ ಮ್ಹಣುನ್ ಆಮ್ಚೊ ಲೋಕ್ ಫಕತ್ ಧಾರ‍್ಮಿಕ್ ಜಿವಿತಾಕ್ ಮಾತ್ರ್ ಪಿಸ್ವಾಲ್ಲೊ ಮ್ಹಣಾನಾಂಯೆ. ಆಪ್ಲ್ಯಾ ಸುಖಿ ಸಂಸಾರಿ ಜಿವಿತಾಕ್ ಕಾಂಯ್ ಉಣೊ ಮಹತ್ವ್ ತಾಣಿಂ ದಿಲ್ಲೊ ನಾಂ. ತಾಂಚ್ಯಾ ರೊಸಾಂಕ್, ಖರಾರಾಂಕ್ ಆನಿ ಹೆರ್ ಕುಟ್ಮಾ ಕಾರ‍್ಯಾಂಕ್ ಆಯ್ಚೆಪರಿಂ ಲಾಂಬ್ ಲಾಂಬ್ ನಿಯಾಳ್ ನಾತ್‌ಲ್ಲೆ, ಕಾರ‍್ಯೆಂ ಸೊಭಾಣಾಂಚ್ಯಾ ಮಾಗ್ಣ್ಯಾಂಚೊ ಬೂಕ್ ತಾಂಚೆಲಾಗಿಂ ನಾತ್‌ಲ್ಲೆ ತರೀ ವೆಳಾರ್ ರೋಸ್ ಕಾಜಾರಾಂ ಜಾತಾಲಿಂ ಆನಿ ಘರ್‌ಭರ್ ಭುರ‍್ಗಿಂ ಜನ್ಮಾತಾಲಿಂ. ವೊಲಾಂ ರೆಸ್ಪೆರಾಂ ಜಾತಾಲಿಂ ದರಬಸ್ತ್ ದೇವ್ ಆಪೊವ್ಣಿಂಯ್ ಆಸ್‌ಲ್ಲಿಂ.

ಬದ್ಲಾಪ್ ಆಯ್ಲೆಂ ದುಸ್ರೆ ವಾತಿಕಾನ್ ವಿಶ್ವಸಭೆ ಉಪ್ರಾಂತ್. ಬಿಸ್ಪ್ ಬಾಜಿಲಾನ್ ಹಾಡ್‌ಲ್ಲೆಂ ನವೆಸಾಂವ್ ಚಡ್ ವಾಂಟೊ ಲೊಕಾಂನಿ ಸ್ವೀಕಾರ್ ಕೆಲೆಂ ನಾಂ. ಬದ್ಲಾಪಾ ವಿರೋಧ್ ಪಾದ್ರಿ ಮಾದ್ರಿ ಆನಿ ಸಾಧೆ ಭಾವಾಡ್ತಿಯ್ ಉಬೆ ಜಾಲ್ಲೆ. ಕಾಜಿತೊರಾನ್ ಕೊಂಕ್ಣಿ ಮೀಸ್ ಕೆಲೆಂ ’ಆನಿ ಹಾಂಗಾ ಆಸ್ಲ್ಯಾರ್ ಕೊಂಕ್ಣಿ ಮೀಸ್ ಆಯ್ಕುನ್ ಮ್ಹಜೊ ಅತ್ಮೊ ಯಮ್ಕೊಂಡಾಚ್ಯಾ ಉಜ್ಯಾಂತ್ ಭಾಜತ್’ ಮ್ಹಣುನ್ ವಿಗಾರ್ ಫಿರ‍್ಗಜ್ ಸೊಡ್ನ್ ಪೆಲ್ಯಾ ಇಗರ‍್ಜೆಕ್ ವಚುನ್ ಲಿಪುನ್ ಬಸ್‌ಲ್ಲೊ. ಏಕ್ ಕಾಜಿತೊರ್ ಮಾದ್ರಿಂಲಾಗಿಂ ನವೆಸಂವಾಚೆಂ ಧರ‍್ಮ್‌ಶಾಸ್ತ್ರ್ ಉಲೊಂವ್ಕ್ ಗೆಲ್ಲ್ಯಾಕ್ ’ತೊ ಆಂಚೆಲಾಗಿಂ ಹೆರೆಜ್ ಉಲಯ್ತಾ’ ಮ್ಹಣ್ ಗಾಬ್ ಕೆಲ್ಲೊ ಕಾಳ್ ತೊ. ನವೆಸಾಂವಾ ಉಪ್ರಾಂತ್‌ಯ್ ಎಕಾ ಫಿರ‍್ಗಜೆಂತ್ ಲೋಕ್ ಮಿಸಾಕ್ ಯೆತಾನಾಂ ದೀಸ್ ರಾತ್ ಉಪಾಸ್ ಕರ‍್ನ್ ಯೆತಾ ಮ್ಹಣುನ್ ಕಳ್‌ಲ್ಲೆಂಚ್ ವಿಗಾರಾನ್ ’ಆನಿ ಮುಕಾರ್ ಕುಮ್ಗಾರ್ ಸೆಂವ್ಚ್ಯಾ ಎಕಾ ವೊರಾ ಪಯ್ಲೆಂ ಉಪಾಸ್ ಆಸ್ಲ್ಯಾರ್ ಪುರೊ’ ಮ್ಹಣ್ ಸುಚಯ್ಲೆಂ, ಲೋಕ್ ಉಪಾಸ್ ಸೊಡುಂಕ್ ತಯಾರ್ ನಾಂ, ನಿಮಾಣೆಂ ಪಾದ್ರ್ಯಾಬಾನ್ ಇಗರ‍್ಜೆ ಬಾಗ್ಲಾರ್ ಕೊಳ್ಶ್ಯಾಂತ್ ಉದಕ್ ಆನಿ ಲೊಟೊ ದವರ‍್ನ್ ಮಿಸಾಕ್ ಯೆತಲ್ಯಾಂನಿ ಏಕ್ ಲೊಟೊ ಬೆಂಜಾರ್ ಕೆಲ್ಲೆಂ ಉದಕ್ ಪಿಯೆವ್ನ್ಂಚ್ ಮಿಸಾಕ್ ಯೇಜೆ ಮ್ಹಣ್ ಕಟ್ನಿಟ್ ಕೆಲೆಂ. ಮೀಸ್ ಕಶೆಂಯ್ ದೇಡ್ ವೊರಾಂಚೆಂ ನ್ಹಂಯ್‌ಗೀ?

ಬದ್ಲಾವಣ್ ಹಾಡುಂಕ್ ಪೆಚಾಡ್‌ಲ್ಲ್ಯಾ ಬಿಸ್ಪ್ ಬಾಜಿಲಾಚಿ ವೀದ್‌ವಾವ್ಳಿ ಕಸಲಿ ಜಾಲ್ಯಾ ಆಸ್ಯೆತ್. ಎಕಾ ಕುಶಿನ್ ತುವೆಂ ಹಾಡ್‌ಲ್ಲೆಂ ನವೆಸಾಂವ್ ಚಡ್ ಜಾಲೆ ಮ್ಹಣ್ ಬೊಬಾಟ್ಚೆ ಮ್ಹಾಲ್ಘಡೆ ಅನ್ಭವಿ, ಆನಿ ಆನ್ಯೇಕಾ ಕುಶಿನ್ ತುವೆಂ ಹಾಡ್‌ಲ್ಲೆಂ ನವೆಸಾಂವ್ ಕಾಂಯ್ ಪಾವಾನಾಂ ಮ್ಹಣ್ ಕರ‍್ಕರ್ ಕರ‍್ಚೆ ತವಳ್ಚೆ ತರ‍್ನೆ ಜಾಣಾರಿ. ಹ್ಯಾ ದೊಗಾಂಯ್‌ಥಾವ್ನ್ ತಾಣೆಂ ಭೊಗ್‌ಲ್ಲೆಂ ಲೆಕಾವ್ಹರ‍್ತೆಂ. ತೆಂ ಸಕ್ಕಡ್ ಹಾಂಗಾ ನಾಕಾ ಲೆಕಾವ್ಹರ‍್ತೆಂ ಜಾಂವ್ಕ್ ಆಸಾ. ಆನ್ಯೇಕ್‌ಚ್ ಲೇಕನ್ ಭೋವ್ಶಾ ಆನಿ ಥೊಡ್ಯಾ ತೆಂಪಾ ಉಪ್ರಾಂತ್ ಯೇಂವ್ಕ್ ಪುರೊ.

(ವಾಚುನ್ ಆನಿ ಮ್ಹಾಲ್ಘಡ್ಯಾಂಥಾವ್ನ್ ಆರಾವ್ನ್ ನೆರಾವ್ನ್ ಸಂಗಿ ಘಾಲ್ಲೆಂ)

■ ಸ್ಟೀವನ್ ಕ್ವಾಡ್ರಸ್ ಪೆರ‍್ಮುದೆ

ಖಂಚಿಯ್ ಗಜಾಲ್ ಆಮಿ ಖರಿ, ವಾಸ್ತಾವಿಕ್ ವಾ ಜಾಣ್ವಾಯೆಕ್ ಸಂಬಂಧಿ ಮ್ಹಣ್ ಮಾನುಂಕ್ ಜಾಯ್ ತರ್ ತ್ಯಾ ಗಜಾಲಿನ್ ವಿಶ್ಲೇಶಣಾಚಿ ತಶೆಂಚ್ ವಿಮರ‍್ಶ್ಯಾಚಿ ಪರೀಕ್ಷಾ ಉತ್ರುಂಕ್‌ಚ್ ಜಾಯ್. ‘ಹಾಂವ್ ಕಿತೆಂಯ್ ಮ್ಹಜ್ಯಾ ಮತಿಕ್ ಆಯಿಲ್ಲೆಂ ಸಾಂಗ್ತಾಂ ಆನಿ ಲೊಕಾಕ್ ಮನೋರಂಜನ್ ದಿತಾಂ ತರ್’ ತೇಂಯ್ ಚಲ್ತಾ. ಪೂಣ್ ತಾಕಾ ಸೃಜನಾತ್ಮಕ್ ಸಾಹಿತ್ ಮ್ಹಣ್ತಾತ್, ಕಾಲ್ಪನಿಕ್ ದೆಕುನ್ ಕಾಣಿ ಮ್ಹಣ್ತಾತ್, ಮನೋರಂಜನ್ ದಿಂವ್ಚೊ ನಾಟಕ್ ಮ್ಹಣ್ತಾತ್. ತ್ಯಾ ಸಂರಚನಾಂನಿ ಬರವ್ಪ್ಯಾಕ್ ಆಪ್ಲ್ಯಾ ಕಲ್ಪನಾವಿಹಾರಾಂತ್ ಭೊಂವ್ಚ್ಯಾಕ್ ಆವ್ಕಾಸ್ ಆಸಾ ತಶೆಂತರೀ ತ್ಯಾ ಸೃಜನಾತ್ಮಕ್ ಸಾಹಿತಾನ್ ವಿಮರ‍್ಶ್ಯಾಕ್ ಉಗ್ತೆಂ ಪಡಾಜೆ. ಆನಿ ತ್ಯಾಚ್ ನಾಟಕಾಂತ್, ಕಾಣಿಯೆಂತ್, ಕಾದಂಬರಿಂತ್ ಖಂಚ್ಯೊಯ್ ಅಧ್ಯಯನಾತ್ಮಕ್ ಖರ‍್ಯೊ ಗಜಾಲಿ (ಅರ‍್ಥ್‌ಶಾಸ್ತ್ರ್, ಇತಿಹಾಸ್, ವಿಜ್ಞಾನ್ ಹ್ಯಾ ಮೆರೆಚ್ಯೊ) ವಾಪರ‍್ಚ್ಯೊ ತರ್ ತಾಂಕಾಂಯ್ ವಿಶ್ಲೇಶಣಾಕ್ ವಳಗ್ ಜಾಂವ್ಚಿ ಗರ‍್ಜ್ ಆಸಾ. ಮುಘಲ್ ರಾಯ್ ಜಹಾಂಗೀರಾಚೊ ಬಾಪುಯ್ ಆಕ್ಬರ್ ಮ್ಹಣ್ಂಚ್ ಸಾಂಗಿಜೆ ಶಿವಾಯ್ ಮ್ಹಜೊ ನಾಟಕ್ ಹಾಂವೆಂ ಬರಯಿಲ್ಲೊ ದೆಕುನ್ ಮುಘಲ್ ಚಕ್ರವರ‍್ತಿ ಆಕ್ಬರ್ ಜಹಾಂಗೀರಾಚೊ ಪುತ್ ಮ್ಹಣುಂಕ್ ಜಾಯ್ನಾಂ.

ಖಂಚ್ಯಾಯ್ ಎಕಾ ಅಧ್ಯಯನಾಂತ್ ಏಕ್ ಪ್ರಶ್ನ್ ಆಸ್ತಾ ಆನಿ ತೆಂ ಪ್ರಶ್ನ್ ಸುಟೊಂವ್ಕ್ ಎಕ್ ಪ್ರಮೇಯ್ (ಹಯ್‌ಪೊಥೆಸಿಸ್) ಧರ್‌ಲ್ಲೊ ಆಸ್ತಾ. ತ್ಯಾ ಪ್ರಶ್ನಾಚೆರ್ ಆನಿ ಪ್ರಮೇಯಾಚೆರ್ ಹೊಂದುನ್ ಅಧ್ಯಯನ್ ಚಲಂವ್ಚ್ಯಾಕ್ ಆಕರ್ (ಸೋರ‍್ಸಸ್) ರಾಸ್ ಘಾಲ್ಚೆ ಪಡ್ತಾತ್ ಆನಿ ಆಕರ್ ರಾಸ್ ಘಾಲ್ಲೆ ತೇ ವರ‍್ಗೀಕರಣ್ ಕರ‍್ನ್ ಜೊಕ್ತಿ ವಿಂಚೊವ್ಣ್ ಕರಿಜೆ. ತ್ಯಾ ಉಪ್ರಾಂತ್ ವಿಂಚುನ್ ಕಾಡ್‌ಲ್ಲ್ಯಾ ಆಕರಾಂಚೆಂ ಗೂಂಡ್ ವಿಶ್ಲೇಶಣ್  ಕರ‍್ನ್ ಅದ್ಯಯನಾಚಿಂ ಮುಕ್ಲಿಂ ಮೆಟಾಂ ಕಾಡುಂಕ್ ಆಸಾತ್. ಹೆಂ ಕಿತೆಂಚ್ ಕರ‍್ನಾಶೆಂ ಎಕ್ದಮ್ ‘ಪೊಪುಲರ್’ ಜಾಂವ್ಚ್ಯಾಕ್ ಮಾಗಿರ್ ಕಿತೆಂಯ್ ಕರ‍್ಯೆತಾ, ಪೂಣ್ ತಾಕಾ ಕೆದಿಂಚ್ ಅಧ್ಯಯನ್, ಇತಿಹಾಸ್ ಮ್ಹಣ್ಚೆಂ ನ್ಹಂಯ್. ಆಪ್ಲೊ ಪ್ರಮೇಯ್ ಪರೀಕ್ಷೆಕ್ ವಳಗ್ ಕರ‍್ನ್ ಆಯಿಲೆಂ ಫಲಿತಾಂಶ್ ತೆಂ ಆಪ್ಣಾಚ್ಯಾ ಪ್ರಮೇಯ ಪರ‍್ಮಾಣೆಂ ಆಸುಂ ವಾ ನಾ’ಆಸುಂ ಸತ್ ಪ್ರಾಮಾಣಿಕ್‌ಪಣಿ ಮಾನುನ್ ಘೆಂವ್ಚೆಂ ಅಧ್ಯಯನಿಚೆಂ ಲಕ್ಷಣ್.

ಇತಿಹಾಸ್ ಸಂಬಂಧಿ ಸಾಹಿತ್ ರಚುಂಕ್ ಆಶೆಂವ್ಚ್ಯಾಂನಿ ಮಹಾನ್ ಚಿತ್ರಣ್ ಸಾಹಿತ್ ಲಿಕ್ಲಲ್ಯಾ ಡೊಮಿನಿಕ್ ಲೇಫಿಯರ್ ಆನಿ ಲ್ಯಾರಿ ಕೊಲಿನ್ಸ್ ಹಾಂಚೆಥಾವ್ನ್ ಶಿಕ್ಚೆಂ ಸಭಾರ್ ಆಸಾ. ‘ಈಜ್ ಪ್ಯಾರಿಸ್ ಬರ‍್ನಿಂಗ್’, ‘ಫ್ರೀಡಮ್ ಎಟ್ ಮಿಡ್ ನಾಯ್ಟ್’, ‘ಓ ಜೆರುಸಲೇಮ್’ ಅಸಲ್ಯೊ ಆಪ್ಲ್ಯೊ ಕೃತಿಯೊ ಫಕತ್ ‘ಫಿಕ್ಷನ್’ ಮ್ಹಣ್ ತೆ ವೊಲಾಯ್ತಾತ್ ತರೀ ತ್ಯಾ ಪಾಟ್ಲೆಂ ಅಧ್ಯಯನ್ ಆನಿ ತ್ಯಾ ಅಧ್ಯಯನಾಚಿ ಪ್ರಸ್ತುತಿ ಎಕ್ದಮ್ ಗೂಂಡ್ ಜಾಣ್ವಾಯೆಚಿ ಆನಿ ಜವಾಬ್ಧಾರೆಚಿ. ಸಂಸೊಧ್ ಬಾರ‍್ಕಾಯೆಚೊ ಆನಿ ಖೊಲಾಯೆಚೊ. ಆಮ್ಸೊರ್, ಮಾಹೆತ್ ನಾಂ ಆಸ್ತಾನಾಂ ಆಸಪ್, ಮಾಹೆತ್ ಜೊಡುಂಕ್ ತಾಂಕ್ ನಾಸ್ತಾನಾಂ ಆಸಪ್, ಸಂಸೊಧ್ ವಿಧಾನಾಂ (ರಿಸರ‍್ಚ್ ಮೆಥಡಾಲಜಿ) ಕಳಿತ್ ನಾಂ, ಆಕರ್ ಎಕ್ಟಾಂಯ್ ಕರುಂಕ್ ಕಳಿತ್ ನಾಂ, ಎಕ್ಟಾಂಯ್ ಕೆಲ್ಲೆ ಆಕರ್ ವಿಶ್ಲೇಶಣ್ ಕರುಂಕ್ ಕಳಿತ್ ನಾಂ ಆಸ್ಚೆಂ, ಆಪ್ಲಿ ಸಮ್ಜಣಿಂಚ್ ಸಾರ‍್ಕಿ ಮ್ಹಣ್ಚೆಂ ಸಳ್, ಆಪ್ಲೆಂ ಸಿದ್ಧಾಂತ್ ಹೆರಾಂಚೆರ್ ಥಾಪ್ಚ್ಯಾಕ್ ಆಕರ್ ಸೊಧಪ್, ಆನಿ ಪ್ರಮುಕ್ ಜಾವ್ನ್ ಶಯ್‌ಕ್ಷಣಿಕ್ ನ್ಹಂಯ್ ಜಾಲ್ಲ್ಯಾ ಆನಿ ಅಪ್ರಾಮಾಣಿಕ್ ಉದ್ದೇಶಾಂಖಾತಿರ್ ಅಧ್ಯಯನ್ ಚಲಂವ್ಚೆಂ ಹೆಂ ಸರ‍್ವ್ ಅಧ್ಯಯನಾಕ್, ಜಾಣ್ವಾಯೆ ಶೆತಾಕ್ ಆನಿ ಜೆರಾಲ್ ಸಮಾಜೆಕ್ ಎಕ್ದಮ್ ಮಾರೆಕಾರ್.

ಇತಿಹಾಸ್ ಅಧ್ಯಯನ್ ಕರುಂಕ್ ದೆಂವ್ತಾ ತಾಣೆಂ ವ್ಹರ‍್ತ್ಯಾ ಜವಾಬ್ಧಾರೆನ್ ಮುಂದರ‍್ಚಿ ಗರ‍್ಜ್ ಆಸಾ. ತಾಕಾ ಮೂಳ್ ಆಕರ್ ಸಾರ‍್ಕೆಂ ಸಮ್ಜುನ್ ಘೆಂವ್ಚಿ ತಾಂಕ್ ಆಸಾಜೆ. ಮೂಳ್ ಆಕರ್ ಮ್ಹಳ್ಯಾರ್ ಖಂಚ್ಯಾಯ್ ಘಡಿತಾಕ್ ವಾ ಕಾಳಾಕ್ ಸಂಬಂಧಿತ್ ಸಮಕಾಲೀನ್ ಆಕರ್ ದಾಕ್ಲ್ಯಾಕ್ ಮವ್ರ್ಯ್  ಕುಳಿಯೆ ವಿಶಿಂ ಶಿಕ್ತಾನಾಂ ವಿಷ್ಣುಗುಪ್ತಾಚೊ (ಚಾಣಕ್ಯ, ಕವ್ಟಿಲ್ಯ) ಅರ‍್ಥಶಾಸ್ತ್ರ, ಮೇಘಸ್ಥಾನಿಸಾಚೊ ಇಂಡಿಕಾ, ಅಶೋಕಾಚಿಂ ಶಾಸನಾಂ, ತ್ಯಾ ಕಾಳಾಚಿಂ ಬಾಂದ್ಪಾಂ ಮೂಳ್ ಆಕರ್ ಜಾತಾತ್ (Original Sources). ತ್ಯಾ ಹಂತಾಚ್ಯಾ  ಥೊಡ್ಯಾಚ್ ತೆಂಪಾನ್, ಮೂಳ್ ಆಕರ್ ವಿಶ್ಲೇಶಿತ್ ಕರ‍್ನ್ ಲಿಕ್ಲಲೆಂ ಸಾಹಿತ್ ಪ್ರಾಥಮಿಕ್ ಆಕರ್ ಜಾತಾ (Primary Sources).  (ಥೊಡೆ ತಜ್ಞ್ ಮೂಳ್ ಆನಿ ಪ್ರಾಥಮಿಕ್ ಆಕರ್ ಎಕ್‌ಚ್ ಮ್ಹಣ್ ಮಾನ್ತಾತ್). ಪ್ರಾಥಮಿಕ್ ಆಕರಾಚೆರ್ ಹೊಂದ್ವುನ್ ಲಿಕ್ಲಲೆ ಗ್ರಂಥ್ ದ್ವಿತೀಯ್ ಸ್ಥರ್ (ಸೆಕೆಂಡರಿ) ಆಕರ್. (ಮವ್ರ್ಯ್ ಕುಳಿಯೆವಿಶಿಂ ವಿ ಎ ಸ್ಮಿತ್ತ್, ರೋಮಿಲಾ ಥಾಪರ್ ಅಸಲ್ಯಾಂನಿ ಲಿಕ್ಲಲೆ ಗ್ರಂಥ್) ಆನಿ ಹ್ಯಾ ಸೆಕೆಂಡರಿ ಸೋರ‍್ಸಾಂಚೆರ್ ಹೊಂದ್ವುನ್ ಕೆಲ್ಲೆಂ ಅಧ್ಯಯನ್ ತಿಸ್ರ್ಯಾ (ಟೆರ‍್ಶಿಯರಿ) ಸ್ಥರಾಚ್ಯಾ ಜಾಣ್ವಾಯೆಕ್ ಆಸಾ ಕರ‍್ತಾ.

ರೋಮಿಲಾ ಥಾಪರ್

ಸಭಾರ್ ದೆಶಾಂನಿ ಕ್ರಿಸ್ಮಸ್ ಆಯ್ಲೆಂ ಮ್ಹಣ್ತಾನಾಂ ಹ್ಯಾ ಭೊಗ್ಣಾಂವ್ಹಾಳ್ಯಾಚೆಂ ಭಾಯ್ಲೆಂ ಪ್ರದರ‍್ಶನ್ ಪರ‍್ಗಟ್ ಜಾಂವ್ಕ್ ಲಾಗ್ತಾ. ವ್ಹಡ್ ವ್ಹಡ್ ಕ್ರಿಸ್ಮಸ್ ರೂಕ್, ಪರ‍್ಜಳಿಕ್ ದಿವ್ಯಾಂಘೊಸ್, ನಕೆತ್ರಾಂ ಘಾಲಪ್, ಸಾಂತ್ ನಿಕೊಲಸ್ ದಿಸುನ್ ಯೆತಾತ್. ಅಖ್ಖ್ಯಾ ವರ‍್ಸಾಚಿ ಖಂತ್ ಬೆಜಾರಾಯ್ ಸೊಡುನ್ ಲೋಕ್ ಉಲ್ಲಾಸಿತ್ ಜಾತಾ, ಕಾರ‍್ಯಾಳ್ ಜಾತಾ. ಸಭಾರ್ ಪಾಶ್ಚಾತ್ಯ್ ಥಂಡಿ ಗಾಂವಾಂನಿ ಕ್ರಿಸ್ಮಸ್ ನಾಂ ತರ್ ಜೀಣ್ ಜಿವೆಸಾಂವ್ ಆನಿ ನವೆಸಾಂವ್ ಹೊಗ್ಡಾವ್ನ್ ಘೆತ್ ತೆಂ ಖಂಡಿತ್. ಪಾಶಾತ್ಯ್ ಗಾಂವ್ ಪಯ್ಲೆಂಚ್ ಥಂಡ್ ಆನಿ ನವೆಂಬರ್ – ಡಿಸೆಂಬರ್ ಎಕ್ದಮ್ ಹಿಂವಾಳ್ಯಾಚೆ ದೀಸ್ ಹ್ಯಾ ಸಂದರ‍್ಭಾರ್ ಮನ್ಶಾನ್ ಭಲಾಯ್ಕಿ ಉರೊಂವ್ಕ್ ಚರ‍್ಬೆಚೆಂ ಖಾಯ್ಜೆ ಆನಿ ಉಲ್ಲಾಸಿತ್ ಆಸಾಜೆ. ಹೊ ಉಲ್ಲಾಸ್ ಕ್ರಿಸ್ಮಸ್ ಫೆಸ್ತ್ ಭರ‍್ನ್ ದಿತಾ.

ಸಂಸಾರಾರ್ ಚಡ್‌ಕರ‍್ನ್ ಸಕ್ಕಡ್ ಕ್ರಿಸ್ತಾಂವ್ ಕ್ರಿಸ್ತಾಚ್ಯಾ ಯೆಣ್ಯಾಕ್ ತಯಾರಾಯ್ ಜಾವ್ನ್ ಆದ್ವೆಂತ್ ಕಾಳ್ ಪರ‍್ಗಟ್ತಾತ್. ಆದ್ವೆಂತ್ ಮ್ಹಳ್ಯಾರ್ ನಿರೀಕ್ಷಾ ಕರ‍್ಚೊ ಕಾಳ್, ಯೆಣ್ಯಾಚೊ ಕಾಳ್ ಆನಿ ಯೇಂವ್ಕ್ ಆಸಾ ತೆಂ ನವೆಸಾಂವ್ ಆನಿ ನವೊ ಕಾಳ್ ರಾಕುನ್ ರಾಂವ್ಚೆ ದೀಸ್ ಮ್ಹಣ್ ಅರ‍್ಥ್. ಆದ್ವೆಂತ್ ಕ್ರಿಸ್ತಾ ರಾಯಾಚ್ಯಾ ಫೆಸ್ತಾ ಉಪ್ರಾಂತ್ ಯೆತಾ. ಹೆಂ ಫೆಸ್ತ್ ನವೆಂಬ್ರಾಚ್ಯಾ ನಿಮಾಣ್ಯಾ ಆಯ್ತಾರಾ (ಆಂವ್ದುಂ 26 ನವೆಂಬ್ರ್ 2023 ) ಯೆತಾ. ಉಪ್ರಾಂತ್ ಚಾರ್ ಆಯ್ತಾರ್ ಆದ್ವೆಂತ್. ಹ್ಯಾ ಚಾರ್ ಆಯ್ತಾರಾಂಕ್ ಚಾರ್ ವಾತಿ ಪೆಟಂವ್ಚಿ ಪರಂಪರಾ ಸಂಸಾರಾರ್ ಚಡ್‌ಶ್ಯಾ ಗಾಂವಾಂನಿ ಆಸಾ. ಚಡ್ ಕರ‍್ನ್ ಸಾಂಪ್ರದಾಯಿಕ್ ಧರ‍್ಮ್‌ಸಭೆಂನಿ ಹ್ಯಾ ವಾತಿಂಭೊಂವ್ತಿಂಚ್ಯಾ ಆರಾಧನಾಕ್ ವ್ಹಡ್ ಮಹತ್ವ್ ದಿತಾತ್.

ಆದ್ವೆಂತಾಚ್ಯಾ ಪಯ್ಲ್ಯಾ ಆಯ್ತಾರಾಚ್ಯಾ ವಾತಿಕ್ ‘ಪ್ರವಾದ್ಪಣಾಚಿ – ಪ್ರೊಫೆಸಿ ವಾತ್’ ಮ್ಹಣ್ತಾತ್. ಬಾಬಿಲೊನಾಚ್ಯಾ ಬಂಧಡೆಂತ್ ಆಸ್‌ಲ್ಲ್ಯಾ ಜುದೆವ್ ಲೊಕಾಕ್ ಇಸಾಯಾ ಪ್ರವಾದಿ ಆಪ್ಲ್ಯಾ ಪ್ರವಾದ್ಪಣಾನ್ ನವೊ ಭರ‍್ವಸೊ ದಿತಾ. ದೆಕುನ್ಂಚ್ ಹ್ಯಾ ವಾತಿಕ್ ಭರ‍್ವಶ್ಯಾಚಿ ವಾತ್ ಮ್ಹಣುನ್‌ಯ್ ವೊಲಾಯ್ತಾತ್. ಹ್ಯಾ ವಾತಿಚೊ ರಂಗ್ ಜಾಂಬ್ಳಿ ಆಸ್ತಾ. ಆಮ್ಕಾಂ ಸೊಡಯ್ತಲೊ ವೆಗ್ಗಿಂಚ್ ಯೆತಲೊ, ದೆಕುನ್ ಧಯ್ರ್ ಸಾಂಡಿನಾಶೆಂ, ಭರ‍್ವಶ್ಯಾನ್ ಆಮಿ ರಾಕುನ್ ರಾವ್ಯಾಂ ಮ್ಹಣ್ಚೊ ಸಂದೇಶ್ ಹಾಂಗಾಸರ್ ಆಸಾ. ವಿರಾರಾಯೆಕ್ ಆನಿ ಕರಂದಾಯೆಕ್ ವಳಗ್ ಜಾಲ್ಲ್ಯಾ ಲೊಕಾಕ್ ಭರ‍್ವಸೊ ಗರ‍್ಜೆಚೊ. ಕ್ರಿಸ್ಮಸ್ ಹರ‍್ಯೆಕಾ ಮನ್ಶಾಚ್ಯಾ ಜಿವಿತಾಂತ್ ನವೊ ಭರ‍್ವಸೊ ಹಾಡ್ತಾ.

ಆದ್ವೆಂತಾಚ್ಯಾ ದುಸ್ರ್ಯಾ ಆಯ್ತಾರಾ ‘ಬೆತ್ಲೆಹೆಮಾಚಿ ವಾತ್’ ಪೆಟಯ್ತಾತ್. ಹ್ಯಾ ವಾತಿಚೊಯ್ ರಂಗ್ ಜಾಂಬ್ಳಿ. ಹಿ ವಾತ್ ಶಾಂತಿಚಿ ವಾತ್. ಜಶೆಂ ಬಾಬಿಲೊನಾಚ್ಯಾ ದಮ್ಖಣೆಂತ್ ಆಸ್‌ಲ್ಲ್ಯಾಂಕ್ ಪ್ರವಾದ್ಯಾಚ್ಯಾ ಉತ್ರಾಂನಿ ಶಾಂತಿ ಸಮಾಧಾನ್ ಮೆಳ್ಳೆಂ, ಬಂಧಡೆಂತ್ ಆಸ್‌ಲ್ಲ್ಯಾ ಲೊಕಾಕ್ ಸುಟ್ಕಾ ದಿತಲೊ ಆಪ್ಣಾಧ್ವಾರಿಂ ಯೆತಾ ಮ್ಹಣ್ ಸಮ್ಜಾಲ್ಲಿ ಮರಿ ಶಾಂತ್ ಸಮಾಧಾನೆನ್ ಭರ‍್ಲಿ ತ್ಯಾಚ್ ಶಾಂತೆಚೊ ಸಂಕೇತ್ ಹಿ ವಾತ್. ಬೆತ್ಲೆಹೆಮಾಕ್ ವೆಚೆಂ ಮ್ಹಳ್ಯಾರ್ ಶಾಂತ್ ಸಮಾಧಾನ್ ಸೊಧುನ್ ವೆಚೆಂ ಆನಿ ಥಂಯ್ಸರ್ ಖರಿ ಶಾಂತಿ ಲಾಬ್ತಾ ಮ್ಹಣ್ ಜಾಣಾರಿ ಮಾನ್ತಾಲೆ. ಬೆತ್ಲೆಹೆಮಾಂತ್ ಜನ್ಮಾಲ್ಲೊ ಜೆಜು ಕ್ರಿಸ್ತ್ ಖರೆಂ ಶಾಂತ್‌ಸಮಾಧಾನ್ ಆಮ್ಕಾಂ ಹಾಡ್ನ್ ಯೆತಾ ಮ್ಹಣ್ಚ್ಯಾ ನಿರೀಕ್ಷೆಂತ್ ಹೀ ವಾತ್ ಪೆಟಯ್ತಾತ್.

ಆದ್ವೆಂತಾಚ್ಯಾ ತಿಸ್ರ್ಯಾ ಆಯ್ತಾರಾಚ್ಯಾ ವಾತಿಕ್ ‘ಗೊವ್ಳ್ಯಾಂಚಿ ವಾತ್’ ಪೆಟಯ್ತಾತ್. ರಂಗಾಂತ್ ಹೆರ್ ತೀನ್ ವಾತಿಂ ಪ್ರಾಸ್ ವಿಂಗಡ್ ಆಸುನ್ ಹಿ ಗುಲೊಬಿ ರಂಗಾಚಿ ಆಸ್ತಾ. ಹಿ ವಾತ್ ಆನಂದಾಚೊ ಸಂಕೇತ್. ಜಶೆಂ ಬಾಬಿಲೊನಾಚ್ಯಾ ದಮ್ಖಣೆಂತ್ ಆಸ್‌ಲ್ಲೊ ಲೋಕ್ ಆಪ್ಲ್ಯಾ ಸೊಡ್ವಣ್ದಾರಾಚೆಂ ಯೆಣೆಂ ಜಾತಲೆಂ ಆನಿ ಆಪುಣ್ ಆಪ್ಲ್ಯಾ ಸ್ವಂತ್ ಗಾಂವಾಕ್ ಪಾಟಿಂ ಪರ‍್ತತಲ್ಯಾಂವ್ ಮ್ಹಣ್ ಸಮ್ಜುನ್ ಆನಂದಾನ್ ಭರ‍್ಲೆ ಆನಿ ಜಶೆಂ ಆಪ್ಲ್ಯಾ ರಾಯಾಚೆಂ ಜನನನ್ ಜಾಲಾಂ ಮ್ಹಣ್ ಆಯ್ಕುನ್ ಆನಂದಿತ್ ಜಾಲೆ ತಶೆಂಚ್ ಕ್ರಿಸ್ತ್ ಖರೊ ಆನಂದ್ ಆಮ್ಕಾಂ ಹಾಡ್ತಲೊ ಮ್ಹಣ್ಚೆಂ ಸಮ್ಜುನ್ ಉಲ್ಲಾಸಿತ್ ಜಾವ್ನ್ ಡ್ನ್ ಯೆತಾ ಮ್ಹಣ್ಚ್ಯಾ ನಿರೀಕ್ಷೆಂತ್ ಹೀ ವಾತ್ ಪೆಟಯ್ತಾತ್.

ನಿಮಾಣೆಂ ಆದ್ವೆಂತಾಚ್ಯಾ ಚವ್ತ್ಯಾ ಆಯ್ತಾರಾ ಪೆಟಯ್ತಾತ್ ತಿ ವಾತ್ ‘ಆಂಜ್‌ಭೊಡ್ವ್ಯಾಂಚಿ’. ಹಿ ವಾತ್‌ಯ್ ಜಾಂಬ್ಳಿ ರಂಗಾಚಿ ಆಸುನ್ ಮೊಗಾಚೊ ಸಂಕೇತ್ ಜಾವ್ನಾಸಾ. ಬಾಳೊಕ್ ಜೆಜುಚ್ಯಾ ಜನ್ಮಾಚೊ ಸಂತೊಸ್ ಆಮ್ಕಾಂ ಲಾಬುಂಕ್ ಕಾರಣ್ ದೆವಾನ್ ಮನ್ಶಾಕುಳಿಯೆಚೊ ಮೋಗ್ ಕರ‍್ಚೊಚ್ ಜಾವ್ನಾಸಾ ಮ್ಹಣ್ ಆಂಜ್‌ಭೊಡ್ವೆ ವಯ್ಲ್ಯಾ  ಅಂತ್ರಳಾರ್ ಗಾಂವ್ಕ್ ಲಾಗ್ಲೆ. ತೊ ಮೋಗ್‌ಚ್ ಮನ್ಶಾಕುಳಿಯೆಚ್ಯಾ ರಚ್ನೆಕ್ ಆನಿ ಸೊಡ್ವಣೆಕ್ ಮೂಳ್ ಜಾವ್ನಾಸಾ ಮ್ಹಣುನ್ ತೊ ಮೋಗ್ ಎಕಾಮೆಕಾಕ್ ವಾಂಟ್ಚೊ ಸಂದೇಶ್ ದೀವ್ನ್ ಹಿ ವಾತ್ ಪೆಟಯ್ತಾತ್.

ಕ್ರಿಸ್ಮಸಾಚ್ಯಾ ರಾತಿಂ ಹ್ಯಾ ಚಾರ್ ಆದ್ವೆಂತಾಚ್ಯಾ ವಾತಿಂ ಮಧೆಂ ವ್ಹಡ್‌ ಜಯ್ತ್ ಬಾಂಗ್ರಾಳಿ ವಾ ಧವ್ಯಾ ರಂಗಾಚಿ ಕ್ರಿಸ್ಮಸ್ ವಾತ್ ಪೆಟಯ್ತಾತ್. ಕ್ರಿಸ್ತ್ ಸಂಸಾರಾಚೊ ಉಜ್ವಾಡ್ ಮ್ಹಣ್ಚೊ ಅರ‍್ಥ್ ಹಾಂಗಾಸರ್ ಸ್ಪಷ್ಟ್ ಜಾತಾ. ಉಜ್ವಾಡಾಚ್ಯಾ ವಾಟೆನ್ ಚಮ್ಕುಂಕ್ ಆಪೊವ್ಣೆಂ ಹಾಂಗಾಸರ್ ಆಮ್ಕಾಂ ಮೆಳ್ತಾ. ಭರ‍್ವಸೊ ಖಂಡ್ಚೆಂ, ಮೊಗಾವಿಣ್ ಜಿಯೆಂವ್ಚೆಂ, ಶಾಂತಿ ಸಮಾಧಾನ್‌ ನಾಸ್ತಾನಾಂ ವಳ್ವಳ್ಚೆಂ, ಆನಿ ಜಿವಿತಾಂತ್ ಸಂತೊಸಾವಿಣ್ ಆಸ್ಚೆಂ ನಾಂಚ್ ಮ್ಹಣುಂಕ್ ಜಾಯ್ನಾಂ ಹರ‍್ಯೆಕಾ ಮನ್ಶಾಕ್ ಆಪ್ಲ್ಯಾ ಜಿವಿತಾಂತ್ ಹೆಂ ಸಕ್ಕಡ್ ಫುಡ್ ಕರುಂಕ್ ಮೆಳ್ತಾ; ತ್ಯಾ ದೆಕುನ್ಂಚ್ ಹರ‍್ಯೆಕಾ ವರ‍್ಸಾ ಕ್ರಿಸ್ಮಸ್ ಯೆತಾ ಆನಿ ಆಮ್ಕಾಂ ನವ್ಯಾ ಭರ‍್ವಶ್ಯಾನ್ ಭರ‍್ತಾ, ನವ್ಯಾನ್ ಸಂತುಷ್ಟಿತ್ ಕರ‍್ತಾ.

ಕ್ರಿಸ್ಮಸಾಚೆಂ ತೆಂ ಶಿಮ್ಟಿ ನಕೆತ್ರ್ ಖಂಯ್ ಆಸಾ ಮ್ಹಣ್ ಸೊಧುನ್ ವೆಚೆ ಪ್ರಾಸ್ ಮೊಳ್ಬಾರ್ ದಿಸ್ಚ್ಯಾ ಹರ‍್ಯೆಕಾ ನಕೆತ್ರಾಚ್ಯಾ ಉಜ್ವಾಡಾಂತ್ ಸೊಮ್ಯಾಚೊ ಉಜ್ವಾಡ್ ಆನಿ ತ್ಯಾ ಸವೆಂ ಭರ‍್ವಸೊ, ಶಾಂತಿ ಸಂತೊಸ್ ಆನಿ ಮೋಗ್ ಜೋಡ್ನ್ ಘೆಂವ್ಕ್ ಆಮಿ ತಯಾರ್ ಆಸಾಜೆ. ಹಿಂ ಸರ‍್ವ್ ಬೆಸಾಂವಾಂ ಆಮಿ ಹೆರಾಂಕ್ ದಿಲ್ಲ್ಯಾಂತ್ ಹೆರಾಂಥಾವ್ನ್ ಆಮಿ ಜೊಡ್ತಲ್ಯಾಂವ್. ಆಜ್ ಆಮ್ಚ್ಯಾಚ್ ಲೊಕಾಂಮಧೆಂ ಜಿಣ್ಯೆ ಭರ‍್ವಸೊ ನಾಸ್ತಾನಾಂ ಜೀವ್ಘಾತಾಕ್ ಮುಕಾರ್ ವೆಚ್ಯಾಂಚೊ ಸಂಕೊ ಚಡ್ಲಾ. ತಾಂಚಿ ಖಬರ್‌ಮಾತ್ ಪಯ್ಲೆಂ ಆಮ್ಕಾಂ ಮೆಳ್ನಾಂ ವ್ಹಯ್, ಪೂಣ್ ಜೆರಾಲ್ ಹರ‍್ಯೆಕ್ಲ್ಯಾಕ್ ಸಂತೊಸ್ ದೀಂವ್ಕ್ ಸಾಧ್ಯ್ ಜಾಲೆಂ ತರ್, ಕುಟ್ಮಾಂನಿ ಎಕಾಮೆಕಾಕ್ ಮೋಗ್ ದೀವ್ನ್ ಹರ‍್ಯೆಕ್ಲ್ಯಾಕ್ ವೆಕ್ತಿಘನಾನ್ ಚಲಂವ್ಚಿ ಪರಿಗತ್ ಉಬಿ ಜಾಲಿ ತರ್ ಕ್ರಿಸ್ಮಸ್ ಯಶಸ್ವಿ ಆನಿ ಸದಾಂಚ್ ಉರ‍್ಚೆಂ ಜಾತಲೆಂ.

ದುರಾದೃಷ್ಟಾನ್ ಸಕ್ಡಾಂನಿ ಜೆರಾಲ್ ರಿತಿನ್ ಮಾನುನ್ ಘೆತ್ಲಲೆಪರಿಂ ಆಜ್ ಕ್ರಿಸ್ತಾಚ್ಯಾ ಜನ್ಮಾಚೊ ಸಂಭ್ರಮ್ ಯಾರ‍್ಕಾರೀ ಜಾಲಾ. ವ್ಹಯ್ ಅಶೆಂ ಜಾಯ್ನಜೊ ಆಸ್‌ಲ್ಲೆಂ. ಪೂಣ್ ಉದಾರೀಕರಣಾಚ್ಯಾ ಆನಿ ಜಾಗತೀಕರಣಾಚ್ಯಾ ಆರ‍್ಥಿಕ್ ವೆವಸ್ತ್ಯಾಕ್ ಮಾನುನ್ ಘೆತ್ಲ್ಯಾ ಉಪ್ರಾಂತ್ ಜಿವಿತಾಚ್ಯೊ ಹರ‍್ಯೆಕ್ ಸಂಗ್ತಿ ಯಾರ‍್ಕಾರೀ ಜಾಲ್ಯಾತ್. ಆಯ್ಚ್ಯಾ ದಿಸಾಂನಿ ವಾಟ್ಸಾಪ್ ಯುನಿವರ‍್ಸಿಟಿಂತ್ಲ್ಯಾನ್ ಯೆಂವ್ಚೆಂ ಶಿಕಪ್ ಆಮ್ಚೆ ಥಂಯ್ ಚೂಕ್ ಚಿಂತಪ್ ವಾಡವ್ನ್ ಆಸಾ. ಸಾಂತಾಕ್ಲಾಸ್ ಮ್ಹಳ್ಯಾರ್ ಸಯ್ತಾನಾಚಿ ಸಕತ್ ಮ್ಹಣ್ ಪ್ರಚಾರ್ ವಾಡ್ಲಾ. ಹೆಂ ಚೂಕ್ (ಹ್ಯಾ ಪ್ರಚಾರಾಚೆಂ ಮೂಳ್‌ಯೀ ದುಬಾವಿ) ಸಾಂತಾಕ್ಲಾಸ್ ಮ್ಜಳ್ಯಾರ್ ಸಾಂತ್ ನಿಕೊಲಸ್. ಲಿಸಿಯಾಂತ್ಲ್ಯಾ ಮಯ್ರಾಚೊ ಬಿಸ್ಪ್ ತೋ ಆಪ್ಲ್ಯಾ ದಿಯೆಸೆಜಿಂತ್ಲ್ಯಾ ದುಬ್ಳ್ಯಾ ಕುಟ್ಮಾಂಕ್ ಘುಟಾನ್ ಕುಮೊಕ್ ಕರ‍್ತಾಲೊ ಆನಿ ಆಪ್ಲ್ಯಾ ಲೊಕಾನ್ ಸಂತೊಸಾನ್ ಆಸ್ಚೆಪರಿಂ ಕರ‍್ತಾಲೊ. ಹ್ಯಾ ಬರ‍್ಯಾ ಕರ‍್ನೆಚೊ ಉಗ್ಡಾಸ್ ಕರ‍್ನ್ ಸಂತುಷ್ಟಿತ್ ಆನಿ ಉಲ್ಲಾಸಾನ್ ಭರುನ್ ಆಮ್ಚೊ ಲೋಕ್ ಸಾಂತಾ ಕ್ಲಾಸಾಕ್ ಗಾಂವಾರ್ ಭೊಂವ್ಡಾಯ್ತಾತ್. ಕ್ರಿಸ್ಮಸಾಚ್ಯಾ ಗದ್ದಾಳಾಯೆಚೆಂ ಏಕ್ ಪ್ರತೀಕ್ ಹೆಂ. ಭಾಯ್ಲ್ಯಾ ಸಂಭ್ರಮಾಪ್ರಾಸ್ ಭಿತರ‍್ಲಿ ತಯಾರಾಯ್ ಗರ‍್ಜೆಚಿ ಪೂಣ್ ಭಿತರ‍್ಲ್ಯಾ ಗದ್ದಾಳಾಯೆಕ್, ಆಂತರಿಕ್ ತಯಾರಾಯೆಕ್ ಶಾಂತ್ ಸಮಾಧಾನೆಕ್ ಭಾಯ್ಲ್ಯಾನ್ ಜೊಕ್ತಿಂ ಅಭಿವ್ಯಕ್ತ್ ಪ್ರದರ‍್ಶನಾಂ ಆಸ್ಚ್ಯಾಂತ್ ಚೂಕ್ ಕಾಂಯ್‌ನಾಂ.

ಆನ್ಯೇಕ್ ಪ್ರಚಾರ್ ಆಸಾ ಕ್ರಿಸ್ಮಸ್ ಮ್ಹಣ್ ಮಾತ್ರ್ ಬರಯ್ಜೆ ಎಕ್ಸ್‌ಮಸ್ ಮ್ಹಣ್ ಬರಯ್ಲ್ಯಾರ್ ತೊ ಸಯ್ತಾನಾಚೊ ಸಂಕೇತ್ ಜಾತಾ ಮ್ಹಣ್ಚೊ. ವ್ಹಯ್ ಕ್ರಿಸ್ಮಸ್ ಮ್ಹಣ್ಂಚ್ ಬರಯ್ಜೆ. ಪೂಣ್ ಎಕ್ಸ್‌ಮಸ್ ಸಯ್ತಾನಾಚೊ ಸಂಕೇತ್ ನ್ಹಂಯ್ ಗ್ರೇಕ್ ಭಾಶೆಚೆಂ ಎಕ್ಸ್ – (X) ಆನಿ ಆರ್ ಸಂಗಿಂ ಘೆವ್ನ್ ‘ಚೀರೊ’, ಮ್ಹಣ್ಚೆಂ ಕ್ರಿಸ್ತ್ ಮ್ಹಣ್ಚ್ಯಾಚೆಂ ಸಂಕೇತ್ ಜಾವ್ನ್ ಘೆತಾತ್. ಹಾಂಗಾಥಾವ್ನ್ ಎಕ್ಸ್‌ಮಸ್ ಉದೆಲಾಂ (ಎಕ್ಸ್ = ಕ್ರಿಸ್ತ್, ಮಾಸ್ = ಮ್ಹಯ್ನೊ) ವಾಟ್ಸಾಪ್ ಯುನಿವರ‍್ಸಿಟಿಂತ್ ಕೋಣ್ಂಯ್ ತಾಕಾ ಜಾಯ್‌ತೆಂ ಶಿಕಯ್ತಾ ಆನಿ ಅರ‍್ಧೆಂ ಉಕಡ್ಲಲೆ ಇಟೆ ತೆಂಚ್ ಖರೆಂ ಮ್ಹಣುನ್ ಬಾಂದಪ್ ಬಾಂದುಂಕ್ ವಚುನ್ ಕೊಸ್ಳಾತಾತ್.

ಕ್ರಿಸ್ತ್ ಸರ‍್ವ್ ಜಾಣ್ವಾಯೆಚೆಂ ಕಾರಣ್ ತಾಚೆಥಾವ್ನ್ ಖರ‍್ಯಾ ಜಾಣ್ವಾಯೆಚೊ ಉಜ್ವಾಡ್ ಆಮ್ಕಾಂ ಲಾಬುಂದಿ ಮ್ಹಣ್ ಆಶೆವ್ನ್ ಸಮೇಸ್ತಾಂಕ್ ಬರೆಂ ನತಾಲ್ ಆನಿ ಸಂತೊಸ್ಭರಿತ್ ನವೆಂ ವರಸ್ ಮಾಗ್ತಾಂ.

■ ಸ್ಟೀವನ್ ಕ್ವಾಡ್ರಸ್, ಪೆರ್ಮುದೆ

ಮಾಸ್ಟರ್ ಹಿರಣ್ಣಯ್ಯಾಚೆಂ ಮೂಳ್‌ನಾಂವ್ ನರಸಿಂಹಮೂರ‍್ತಿ, 1934 ಫೆಬ್ರೆರ್ 15 ವೆರ್ ಜನ್ಮಾಲ್ಲೊ ತೊ ನಾಮ್ಣೆಚೊ ನಾಟಕಿಸ್ತ್ ಕೆ. ಹಿರಣ್ಣಯ್ಯ ಆನಿ ಶಾರದಮ್ಮಾಚೊ ಪೂತ್. ಕೆ. ಹಿರಣ್ಣಯ್ಯ ಕನ್ನಡ ಸಂಸಾರಾಚೊ ಯಶಸ್ವಿ ಆನಿ ಫಾಮಾದ್ ನಾಟಕಿಸ್ತ್, ತೊಚ್ ಆಪ್ಲ್ಯಾ ಪುತಾ ನರಸಿಂಹಮೂರ‍್ತಿಚೊ ರಂಗ್‌ಶಿಕ್ಷಕ್. ಕೆ. ಹಿರಣ್ಣಯ್ಯ ಮದ್ರಾಸ್ ನಾಟಕ್ ಕಂಪನಿ ಚಲಯ್ತಾಲೊ. ದೇಶ್‌ಭರ್ ನಾಂವ್ ತರೀ ತರೀ ತ್ಯಾ ಕಾಳಾಚಿ ನಾಟಕಿಸ್ತ್ ಕುಟ್ಮಾಂಚಿ ಸಹಜ್ ದುಬ್ಳಿಕಾಯ್ ಹ್ಯಾ ಕುಟ್ಮಾಚೆರ್ ವಾಡುನ್ ಆಯ್ಲಿ. ಭುರ‍್ಗ್ಯಾಪಣಾರ್ ಕಾಂಯ್ ಚಡ್ ಶಿಕಪ್ ಲಾಬ್ಲೆಂನಾಂ ತರೀ ಇಂಗ್ಲೀಶ್, ತಮಿಳು, ತೆಲುಗು ಭಾಸೊ ತೊ ಶಿಕ್ಲೊ. ಮದ್ರಾಸ್‌ಥಾವ್ನ್ ಬಾಪುಯ್ ಮಯ್ಸೂರ್ ಆಯಿಲ್ಲ್ಯಾ ವೆಳಾರ್ ಬನುಮಯ್ಯ ಇಸ್ಕೊಲಾಂತ್ ಆಪ್ಲೆಂ ಶಿಕಪ್ ತಾಣೆಂ ಮುಂದರಿಲೆಂ ಆನಿ ಶಿಕ್ಪಾಕ್ ತೆಂಕೊ ಜಾವ್ನ್ ಪೇಪರಾಂ ವಾಂಟ್ಚೆಂ ಕಾಮ್ ಸಯ್ತ್ ತಾಣೆಂ ಕೆಲ್ಲೆಂ.

1953 ಇಸ್ವೆಂತ್ ತಾಚ್ಯಾ ತರ‍್ನ್ಯಾ ಪ್ರಾಯೆರ್ ತಾಚೊ ಬಾಪಯ್ ಸರ‍್ಲೊ. ತ್ಯಾ ನಿಮ್ತಿಂ ದುಬ್ಳಿಕಾಯ್ ಸೊಸುಂಕ್ ಜಾಯ್ನಾಶೆಂ ಮೈಸೂರ್‌ಥಾವ್ನ್ ಬೆಂಗ್ಳುರ್ ಕಾಮ್ ಸೊಧುನ್ ಆಯಿಲ್ಲ್ಯಾ ನರಸಿಂಹಮೂರ‍್ತಿಕ್ ಕನ್ನಡಾಚ್ಯಾ ಖ್ಯಾತ್ ಬರವ್ಪಿ ಅನಕೃನ್ ತಾಚ್ಯಾ ಬಾಪಯ್‌ಪರಿಂ ನಾಟಕಾಂಧ್ವಾರಿಂಚ್ ಮುಂದರುಂಕ್ ಮಾರ‍್ಗದರ‍್ಶನ್ ದಿಲೆಂ. ತ್ಯಾ ಮಾರ‍್ಗದರ‍್ಶನಾನ್ ಆಪ್ಲ್ಯಾ ಬಾಪಯ್ಚೆಂಚ್ ನಾಂವ್ ಘೆವ್ನ್ ತೊ ಮಾಸ್ಟರ್ ಹಿರಣ್ಣಯ್ಯ ಜಾಲೊ. ಹ್ಯಾ ನಾಂವಾನ್ ತಾಣೆಂ ನಡುಬೀದಿ ನಾರಾಯಣ, ಮಕ್ಮಲ್ ಟೋಪಿ, ಭ್ರಷ್ಟಾಚಾರ, ಲಾಟರಿ ಸರ್ಕಾರ, ದೇವದಾಸಿ, ಡಬ್ಬಲ್ ತಾಳಿ, ಸನ್ಯಾಸಿ ಸಂಸಾರ, ಸದಾರಮೆ, ಕಪಿಮುಷ್ಟಿ ಆನಿ ಲಂಚಾವತಾರ ಅಸಲೆ ಚಾರ್ ಕಾಳ್ ಉರ‍್ಚೆ ನಾಂವಾಡ್ದಿಕ್ ನಾಟಕ್ ತಾಣೆಂ ಲಿಕ್ಲೆ ಆನಿ ತಾಂಚಿಂ ಹಜಾರೋ ಹಜಾರ್ ಪ್ರದರ‍್ಶನಾಂ ಸಗ್ಳ್ಯಾ ದೆಶಾಂತ್ ಆನಿ ದೆಶಾ ಭಾಯ್ರ್ ಅಮೇರಿಕಾ, ಯುರೋಪ್, ಆಸ್ಟ್ರೇಲಿಯಾ ಅಸಲ್ಯಾ ಗಾಂವಾಂನಿಂಯ್ ಖೆಳ್ನ್ ದಾಕಯ್ಲ್ಯಾತ್. ತ್ಯಾ ಮಧೆಂ ಋಣಮುಕ್ತಳು, ಆನಂದಸಾಗರ, ಕೇರ್ ಆಫ್ ಫುಟ್‌ಪಾತ್ ಅಸಲ್ಯಾ ಚಲಚ್ಛಿತ್ರಾಂನಿಂಯ್ ತಾಣೆಂ ಪಾತ್ರ್ ಕೆಲಾ.

ಚಡ್‌ಶೆಂ ನಾಟಕಾಂಧ್ವಾರಿಂ ತಶೆಂಚ್ ಆಪ್ಲ್ಯಾ ಉಲೊವ್ಣ್ಯಾಧ್ವಾರಿಂ ಧಯ್ರಾನ್ ಆಪ್ಣಾಕ್ ಸಾಂಗುಂಕ್ ಆಸ್ಚೆಂ ಸಾಂಗುನ್ ಲೊಕಾಚೆಂ ರಗತ್ ಪಿಳ್ಚ್ಯಾ ಅಧಿಕಾರಿಂ ಆನಿ ರಾಜ್‌ಕಾರಣಿಂಚಿ ಪಾಟ್ ಪಿಂಜ್ಚ್ಯಾಂತ್ ತೊ ಎಕ್ದಮ್ ಹುಶಾರ್ ಆಸ್‌ಲ್ಲೊ. ಕೆದೊ ವ್ಹಡ್ ಮುಕೆಲಿ ತರೀ ಹಿರಣ್ಣಯ್ಯಾಚ್ಯಾ ಜಿಬೆ ಮುಕಾರ್ ಥಂಡ್ ಪಡ್ತಾಲೊ ಮ್ಹಣ್ಚಿ ಪ್ರತೀತ್ ಆಸಾ. ತಾಚೆ ತಿತ್ಲ್ಯಾ ಧಯ್ರಾನ್ ವಿರೋಧ್ ಪಕ್ಷೆಚೆ ಮುಕೆಲಿ ಸಯ್ತ್ ಸರ‍್ಕಾರಾ ವಿರೋಧ್ ಉಲಯ್ನಾತ್‌ಲ್ಲೆ.

ಕಾಂಯ್ ಸುಮಾರ್ ಪನ್ನಾಸ್ ವರ‍್ಸಾಂ ಪ್ರಾಸ್ ಚಡ್ ಅವ್ದಿ ನಾಟಕಾಧ್ವಾರಿಂ ಲೊಕಾಂಕ್ ಮನೋರಂಜನ್ ಆನಿ ತ್ಯಾ ಪ್ರಾಸ್ ಚಡ್ ಲೊಕಾಶಿಕಪ್ ದೀವ್ನ್ ಸಮಾಜೆಕ್ ಜಾಗ್ರುತ್ ಕೆಲ್ಲ್ಯಾ ಹಿರಣ್ಣಯ್ಯಾಕ್ ಸಭಾರ್ ಪ್ರಶಸ್ತ್ಯೊ ಸೊಧುನ್ ಆಯ್ಲ್ಯಾತ್. ಗುಬ್ಬಿ ವೀರಣ್ಣ ಪ್ರಶಸ್ತಿ, ರಾಜ್ಯೋತ್ಸವ ಪ್ರಶಸ್ತಿ, ನವರತ್ನರಾಮ್ ಪ್ರಶಸ್ತಿ ನಾಟಕ್ ಅಕಾಡಮಿ ಪ್ರಶಸ್ತಿ, ಹ್ಯಾ ಪಯ್ಕಿ ಪ್ರಮುಕ್.

ಅಶೆಂ ಆಪ್ಲ್ಯಾ ಪ್ರೇಕ್ಷಕಾಂಕ್ ಮನೋರಂಜನಾಧ್ವಾರಿಂ ಹಾಸೊವ್ನ್ ಹಾಸೊವ್ನ್ ಜಾಗೃತ್ ಕೆಲ್ಲೊ ಹಿರಣ್ಣಯ್ಯ 2019 ವ್ಯಾ ವರ‍್ಸಾ ಮೇ 2 ವೆರ್ ಸಾಸ್ಣಾಕ್ ಅಂತರ‍್ಲೊ.

***

ನಾಟಕ್ ಫಕತ್ ಮನೋರಂಜನ್ಕ್ ನ್ಹಂಯ್ ಬಗಾರ್ ಸಮಾಜೆಚಿ ಭಲಾಯ್ಕಿ ಸುಧಾರ‍್ಚ್ಯಾಕ್ ವೊಕತ್ ಜಾವ್ನ್ ವಾಪಾರಿಜೆ ಜಾಲ್ಲಿ ಸಕತ್ ಮ್ಹಣ್ಚೆಂ ಹಿರಣ್ಣಯ್ಯ ಜೊಕ್ತ್ಯಾನ್ ಜಾಣಾಂ ಆಸ್‌ಲ್ಲೊ. ತೆಚ್ ಪರ‍್ಮಾಣೆಂ ತೊ ವಾವುರ‍್ಲೊ. ‘ಸಮಾಜ್ ಏಕ್ ಬಿಡಾರ್ ಆಸ್‌ಲ್ಲೆಪರಿಂ, ಬಿಡಾರಾಂತ್ ಕೋಯ್ರ್, ಕಚ್ರೊ, ವಾಂಕ್ಡೆಂ ತಿಂಕ್ಡೆಂ ಆಸ್ಚೆಂ ಸಹಜ್. ಅಸ್ಲೊ ಕಚ್ರೊ ನಿತಳ್ ಕರ‍್ಚ್ಯಾಂತ್ ಸಾಹಿತಿಂನಿ, ಸಮಾಜ್ ಸೆವಕಾಂನಿ, ಸಾಧು-ಸಂತಾಂನಿ ಸಾರೊಣ್ ಜಾವ್ನ್ ವಾವ್ರ್ ಕರಿಜೆ’ ಮ್ಹಣ್ಚೆಂ ಚಿಂತಪ್ ಮಾಸ್ಟರ್ ಹಿರಣ್ಣಯ್ಯಾನ್ ಆಪ್ಲ್ಯಾ ನಾಟಕಾಚೊ ಜೀವ್ ಜಾವ್ನ್ ಘೆತ್ಲೆಂ. ಹ್ಯಾ ಚಿಂತ್ಪಾಚೊ ಸಂಪೂರ‍್ಣ್ ಸಾರ್ ತಾಚ್ಯಾ ‘ಲಂಚಾವತಾರ’ ನಾಟಕಾಂತ್  ಆಮ್ಕಾಂ ಪಳಂವ್ಕ್ ಮೆಳ್ತಾ. ಹ್ಯಾ ನಾಟಕಾಚೆ ಎದೊಳ್‌ಚ್ ಧಾ ಹಜಾರಾಂ ವಯ್ರ್ ವೆದಿ ಪ್ರದರ‍್ಶನಾಂ ಜಾಲ್ಯಾಂತ್ ಮಾತ್ರ್ ನ್ಹಂಯ್ ಪ್ರಸ್ತುತ್ ಯೂಟ್ಯೂಬಾಧ್ವಾರಿಂ ಹಜಾರಾಂನಿ ಲೋಕ್ ಹೊ ನಾಟಕ್ ಪಳವ್ನ್ ಆಸಾ.

ಆದ್ಲ್ಯಾ ಪನ್ನಾಸ್ ವರ‍್ಸಾಂಥಾವ್ನ್ ಜಿವಾಳ್ ವ್ಹಾಳುನ್ ಆಸ್ಚ್ಯಾ ಹ್ಯಾ ನಾಟಕಾಕ್ ಏಕ್ ಕಾಣಿಂ ಆನಿ ಏಕ್ ಪಠ್ಯ್ (ಟೆಕ್ಸ್ಟ್) ಆಸಾ. ಪೂಣ್ ಸಗ್ಳೊ ನಾಟಕ್ ಎದೊಳ್‌ಚ್ ಬರಯಿಲ್ಲ್ಯಾ ಪಠ್ಯಾಚೆರ್ ಹೊಂದ್ವುನ್ ಚಲಾನಾಂ. ಬಗಾರ್ ಹರ‍್ಯೆಕ್ ಪ್ರದರ‍್ಶನಾಂತ್ ತ್ಯಾ ತ್ಯಾ ಸಂದರ‍್ಭಾಕ್ ತಾಳ್ ಪಡ್ಚಿಂ ಉತ್ರಾಂ ಉಸ್ಳಾವ್ನ್ ನಾಟಕ್ ಮುಕಾರ್ ವೆತಾ. ಕಾಂಯ್ ಥೊಡ್ಯಾ ತೆಂಪಾ ಆದಿಂ ಲಂಚಾವತಾರ ನಾಟಕ್ ಪಳವ್ನ್ ಉಪ್ರಾಂತ್ ಥೊಡ್ಯಾ ದಿಸಾಂನಿ ಪರ‍್ತ್ಯಾನ್ ಹೊ ನಾಟಕ್ ಪಳಯ್ಲೊ ತರ್ ಸಂಭಾಷಣ್ ಸಕ್ಕಡ್ ನವೆಂಚ್ ಆಯ್ಕುಂಕ್ ಮೆಳ್ತಾ ತರೀ ಮನೋರಂಜನ್ ಆನಿ ಸಮ್ಜಣಿ ಕಾಂಯ್ ಉಣೆಂ ಆಸಾನಾಂ. ‘ಪ್ರತಿಭಾ ನವನವೋನ್ಮೇಷಶಾಲಿನಿ ಪ್ರಜ್ಞಾಃ’ ಮ್ಹಣ್ಚೆಪರಿಂ ಪ್ರಜ್ಞಾ ವಾಡಂವ್ಚಿ ಖರಿ ತಾಂಕ್ ಆಸ್ಚೊ ನಾಟಕ್ ಹೊ. ಎಮರ‍್ಜನ್ಸಿಚ್ಯಾ ಕಾಳಾರ್ ಸಯ್ತ್ ಹೊ ನಾಟಕ್ ಮುಂದರುನ್ ಗೆಲಾ. ತ್ಯಾ ಕಾಳಾರ್ ಇಂದಿರಾಗಾಂಧಿ ಸರ‍್ಕಾರಾ ವಿರೋದ್ ವ್ಯಂಗ್ಯ್ ಆನಿ ವಿಡಂಬನ್ ಸಯ್ತ್ ತಾಣೆಂ ಕೆಲ್ಲೆಂ ಆಸಾ. ತ್ಯಾ ಕಾಳಾಚ್ಯಾ ಕರ್ನಾಟಕಾಚ್ಯಾ ಮುಕೇಲ್ಯಾಂಕ್ ಮಾಸ್ಟರ್ ಹಿರಣ್ಣಯ್ಯ ಎಕ್ದಮ್ ಮೊಗಾಚೊ ಆಸ್‌ಲ್ಲ್ಯಾನ್ ತಾಕಾ ವಿಪ್ರೀತ್ ಶಿಕ್ಶಾ ಜಾಂವ್ಕ್‌ನಾಂ ತರೀ ಸಭಾರ್ ಕೋರ‍್ಟ್ ಕೆಜಿ ತಾಚೆರ್ ಥಾಪ್‌ಲ್ಲ್ಯೊ.

ಇಂದಿರಾಗಾಂಧಿಚ್ಯಾ ಕಾಳಾರ್ ಎಮರ‍್ಜೆನ್ಸಿ ಸಂಬಂಧಿ, ಸಿಮೆಂಟ್ ಪರ‍್ಮೀಟ್ ಆನಿ ಹೆರ್ ಗಜಾಲಿಂಕ್ ಸಂಬಂಧಿ ವಿಡಂಬನ್ ತರ್, ರಾಜೀವ್ ಗಾಂಧಿಚ್ಯಾ ಕಾಳಾರ್ ಬೋಪೋರ‍್ಸ್, ಹ್ಯಾ ದಿಸಾಂಚೆಂ ಸ್ವಿಸ್ ಬ್ಯಾಂಕಾಚೊ ದುಡು ಹಾಡ್ಚೆಂ ಸವಾಲ್. ಅಶೆಂಚ್ ತ್ಯಾ ತ್ಯಾ ಕಾಳಾರ್ ಗೊಂದೊಳ್ ಹಾಡ್‌ಲ್ಲ್ಯಾ ರಾಜಕೀಯ್ ಗಜಾಲಿಂಚೆರ್ ತೊ ಹೊ ನಾಟಕ್ ಉಲಯ್ಲಾ. ರಾಜಕೀಯ್ ಸಂಗ್ತಿ ಮಾತ್ರ್ ನ್ಹಂಯ್ ವಿವಿಧ್ ಸಾಮಾಜಿಕ್ ರಾಟಾವಳಿ ಹಾಂಗಾಸರ್ ವೆದಿರ್ ವಿಡಂಬನಾಕ್ ವಳಗ್ ಕೆಲ್ಯಾತ್. ಜಾತಿ ವೆವಸ್ತಾ, ಧಾರ‍್ಮಿಕ್ ಮುಕೆಲ್ಯಾಂಚೆಂ ಪೊಕೊಳ್ಪಣ್, ರಾಜಕೀಯ್ ಮುಕೇಲ್ಯಾಂಚೊ ಆನಾಚಾರ್ ಆನಿ ಆಡಳ್ತ್ಯಾ ಅಧಿಕಾರ‍್ಯಾಂಚೊ ಭ್ರಷ್ಟಾಚಾರ್ ಹೆಂ ಸಕ್ಕಡ್ ಹ್ಯಾ ನಾಟಕಾಂತ್ ಪ್ರಸ್ತುತ್ ಜಾಲ್ಯಾತ್.

ಲಂಚಾವತಾರ ನಾಟಕ್ ದೆಶಾಚ್ಯಾ ಕೊನ್ಶ್ಯಾ ಕೊನ್ಶ್ಯಾಂಕ್ ಭೊಂವ್ಲಾ. ಮಹಾರಾಷ್ಟ್ರ, ತಮಿಳ್‌ನಾಡ್, ಹಿಮಾಚಲ್ ಪ್ರದೇಶ್ ಆನಿ ಹೆರ್ ಸಭಾರ್ ರಾಜ್ಯಾಂಚಿಂ ಘಡಿತಾಂಯ್ ಹ್ಯಾ ನಾಟಕಾಂತ್ ಭರುನ್ ಆಯ್ಲ್ಯಾಂತ್. ಹಜಾರೋ ಹಜಾರೋ ಡಯ್ಲಾಗ್ ಹ್ಯಾ ನಾಟಕಾಂನಿ ಭರುನ್ ಬರೆಂ ನಿತಳ್ ಮನೋರಂಜನ್ ಪ್ರೇಕ್ಷಕಾಂಕ್ ಲಾಭ್ತಾ. ಲಂಚಾವತಾರಾಂತ್ ಹಿರಣ್ಣಯ್ಯ ಚುನಾವಣ್ ಮ್ಹಳ್ಯಾರ್ ‘ಕೋಟ್ಯಾಂತರ್ ಸಮಾಜ್‌ದ್ರೋಹಿಂನಿ ಬೋವ್ ಥೊಡ್ಯಾ ದೇಶ್‌ದ್ರೋಹಿಂಕ್ ವಿಂಚ್ಚಿ ಪ್ರಕ್ರಿಯಾ’ ಮ್ಹಣ್ಚೆಂ ವಿಶ್ಲೇಷಣ್ ದಿತಾ. ಹ್ಯಾ ನಾಟಕಾಂತ್ ಖಂಚೊಯ್ ಏಕ್ ವಿಷಯ್ ಉಲೊವ್ಪಾಂತ್ ಆಯ್ಲ್ಯಾರ್ ತೊ ಚುಕುನ್ ವಚಾನಾಶೆಂ ಮುಟಿಂತ್ ಧರ‍್ನ್ ತೊ ವಿಷಯ್ ಜಾಯ್‌ತಶೆಂ ಘುಂವ್ಡಾವ್ನ್ ಪುಣಿಂ ಜಣಾಂಕ್ ಜಾಗ್ರುತ್ ಕರ‍್ಚ್ಯಾಂತ್ ತೊ ವಾಪಾರ‍್ತಾಲೊ.

ಸರ‍್ಕಾರಿ ಆಡಳ್ತ್ಯಾಂತ್ ಆಸ್ಚೆಂ ಲೋಂಚ್ ಕಶೆಂ ದೆಶಾಚ್ಯಾ ನಾಸಾಕ್ ಕಾರಣ್ ಜಾತಾ ಮ್ಹಣ್ ಲೊಕಾಂಮುಕಾರ್ ಹಾಡ್ಚೊ ಹ್ಯಾ ನಾಟಕಾಚೊ ಮುಕೆಲ್ ಶೆವಟ್ ತರೀ ವೆವಸ್ತ್ಯಾಕ್ ಭಿತರ‍್ಲ್ಯಾನ್ ಪೊಕೊಳ್ ಕರ‍್ಚ್ಯೊ ಹೆರ್ ಗಜಾಲಿ ಹಾಂಗಾಸರ್ ಚರ‍್ಚಿತ್ ಜಾತಾತ್. ದೆಶಾಚೆಂ ಸ್ವಾತಂತ್ರ್ಯ್, ದುಬ್ಳಿಕಾಯ್, ಅನಕ್ಷರತಾ ಆನಿ ಮೂರ‍್ಕ್‌ಪಣ್, ಚುನಾವಣ್, ಕಾಳೊ ದುಡು, ಇನ್‌ಫ್ಲುಯೆನ್ಸ್, ಅಧಿಕಾರ್ ದುರುಪಯೋಗ್, ಮಂತ್ರಿ ಮಂಡಳಿ, ಲೋಕಾಯುಕ್ತ್, ಅಸಲ್ಯೊ ಹಜಾರ್ ಸಂಗ್ತಿ ಹಾಂಗಾಸರ್ ಚರ‍್ಚಿತ್ ಜಾತಾತ್.

ನಾಟಕಾಚ್ಯಾ ಅಕೇರಿಕ್  ದತ್ತು (ಮಾಸ್ಟರ್ ಹಿರಣ್ಣಯ್ಯ) ದಿತಾ ತೆಂ ನಿಮಾಣೆಂ ಉಲೊವ್ಪ್ ಭಾರತಾಚ್ಯಾ ಫುಡಾರಾಕ್ ಮ್ಹಣ್ ಧರ‍್ಚೊ ಆರ‍್ಸೊ ಜಾವ್ನಾಸಾ. ಖಂಚ್ಯಾ ಕಾರಣಾಂಕ್ ಲಾಗುನ್ ಆಮ್ಚೊ ದೇಶ್ ನಾಸ್ ಜಾವ್ನಾಸಾ, ಆಮ್ಕಾಂ ಅಸ್ಕತ್ ಕರ‍್ಚ್ಯೊ ಸಂಗ್ತಿ ಖಂಚ್ಯೊ ಆನಿ ಕಶೆಂ ಹ್ಯಾ ದೆಶಾಕ್ ನವ್ಯಾ ವಾಟೆನ್ ಚಲವ್ಯೆತ್ ಮ್ಹಳ್ಳೆಂ ತೊ ಸ್ಪಷ್ಟ್ ಕರ‍್ತಾ. ಹೆಂ ಉಲೊವ್ಪ್ ಹರ‍್ಯೆಕಾ ಆಯ್ಕೊಪ್ಯಾಚೆಂ ಅಂತಸ್ಕರ‍್ನ್ ಕಾಂತಯ್ತಾ.

ತೋಯ್ ಏಕ್ ಕಾಳ್ ಆಸ್‌ಲ್ಲೊ, ಪ್ರತಿರೋಧಾಕ್ ಮಾನ್ ಆಸ್‌ಲ್ಲೊ. ಖಂಯ್ ಪ್ರತಿರೋಧ್ ದಾಕಂವ್ಚೆಂ ಕಷ್ಟಾಂಚೆಂ ಜಾತಾ ಥಂಯ್ ಸಾಹಿತ್ ಆನಿ ಚಡ್ ಕರ‍್ನ್ ನಾಟಕ್ ಪ್ರತಿರೋಧಿಂಚ್ಯಾ ಆಧಾರಾಕ್ ಯೆತಾ. ಅಶೆಂ ನಾಟಕಾದ್ವಾರಿಂ ಪ್ರತಿರೋಧ್ ಜೊಕ್ತ್ಯಾನ್ ವೆಕ್ತ್ ಕೆಲ್ಲೊ ಮಹಾನ್ ನಾಟಕಿಸ್ತ್ ಮಾಸ್ಟರ್ ಹಿರಣ್ಣಯ್ಯ ಆನಿ ತಾಚೊ ಭೋವ್ ಪ್ರಭಾವಿತ್ ನಾಟಕ್ ‘ಲಂಚಾವತಾರ’. ಲಂಚಾವತಾರ ಹಾಸಯ್ತಾ ಹಾಸಯ್ತಾ ಆನಿ ಹಾಸೊವ್ನ್ ಹಾಸೊವ್ನ್ ರಡಯ್ತಾ. ರಡ್ಣೆಂ ಥೊಡ್ಯಾಪುಣಿಂ ರಾಗಾನ್ ಪರಿವರ‍್ತಿತ್ ಜಾಂವ್ಚೆಪರಿಂ ಕರ‍್ತಾ.

■ ಸ್ಟೀವನ್ ಕ್ವಾಡ್ರಸ್ ಪೆರ‍್ಮುದೆ

ತಶೆಂ ಜಾಲ್ಲ್ಯಾನ್ ಚಡ್‌ಶೆಂ ಮೊಬಾಯ್ಲಾ ಸವೆಂ, ಮೊಬಾಯ್ಲಾ ವರ‍್ವಿಂ ಆನಿ ಮೊಬಾಯ್ಲಾ ಮಾರಿಫಾತ್‌ಚ್ ಜೀಣ್ ಚಲಂವ್ಚ್ಯಾಂಚಿ ಸಂಕ್ಯಾ ವಾಡುನ್ಂಚ್ ಆಸಾ. ಫುಡಾರಾಕ್ ಹೇಂ ಅಪಾಯಾಚೆಂ. (ಆಧುನಿಕ್ ಸಮೀಕ್ಷೆ ಪರ‍್ಮಾಣೆಂ ಮಾದಕ್ ವಸ್ತು/ ಡ್ರಗ್ ಎಡಿಕ್ಟಾಂ ಪ್ರಾಸ್ ಚಡ್ ಆತಾಂ ಮೊಬಾಯ್ಲ್ / ಸ್ಮಾರ‍್ಟ್‌ಫೋನ್ ಎಡಿಕ್ಷನ್ ಚಡುನ್ಂಚ್ ಆಸಾ) ಮೊಬಾಯ್ಲ್ ಆಮ್ಕಾಂ ಸಮೇಸ್ತಾಂಕ್ ಸಂಪರ‍್ಕಾಕ್ ಆನಿ ಸಂವಹನಾಕ್ ಅನ್ಕೂಲ್ ಕರ‍್ಚೆಂ ಸಾಧನ್ ಪೂಣ್ ಮೊಬಾಯ್ಲಾನ್ ಆಮ್ಕಾಂ ಚಡ್ ಆನಿ ಚಡ್ ಎಕ್ಸುರೆಂ ಜಾಂವ್ಕ್ ಆನಿ ಗುಪ್ತಿನಿಶಿಂ ಮೊಬಾಯ್ಲಾಸವೆಂಚ್ ವೇಳ್ ಖರ‍್ಚುಂಕ್ ಆತುರಾಯ್ ಶಿಕಯ್ಲ್ಯಾ.

ತೆಂ ಏಕ್ ಸತ್ ತಶೆಂ ಆಸುಂ ಹ್ಯಾ ಲೇಕನಾಚಿ ಕೋರ್ ಗಜಾಲ್ ತ್ಯಾ ಮೊಬಾಯ್ಲ್ ಎಡಿಕ್ಷನಾಚಿ ನ್ಹಂಯ್ ಬಗಾರ್ ಮೊಬಾಯ್ಲಾಂತ್ ಆಸ್ಚ್ಯಾ ಆಪ್ಯಾಂನಿ (ಆಪ್) ಪಾಸಾರ‍್ಲಲೆಂ ಸತ್ ಮ್ಹಣ್ ಪಾತ್ಯೆಂವ್ಕ್ ಆನಿ ತೆಂ ಸತ್ಮಾನುನ್ ಪಾಟ್ಲಾವ್ ಕರುಂಕ್ ಲಾಗ್ಚ್ಯಾ ಎಡಿಕ್ಷನಾಚಿ. ಕೋಣ್ ಮನಿಸ್ ಎಡಿಕ್ಷನ್ ನಾಸ್ತಾನಾಂ ಜಿಯೆಂವ್ಕ್ ಸಕಾತ್? ಹರ‍್ಯೆಕ್ಲೊ ಆಪ್ಲೆಂ ಎಡಿಕ್ಷನ್ಂಚ್ ಸಾರ‍್ಕೆಂ ಮ್ಹಣ್ ಬಾಸ್ತಾ ಆನಿ ತ್ಯಾ ಪಾತ್ಯೆಣೆನ್ ಜಿಯೆತಾ. ವಿಷಯ್ ಇತ್ಲೊಚ್ ಮ್ಹಜೆಂ ಎಡಿಕ್ಷನ್ ತುಜ್ಯಾ ಜಿವಿತಾಕ್ ಮಾರೆಕಾರ್ ಜಾಯ್ನಾಂತರ್ ಆನಿ ಸಮಾಜೆಚಿ ಭಲಾಯ್ಕಿ ಆನಿ ಶಾಂತ್ ಸಮಾಧಾನ್ ವಾಯ್ಟಾಯ್ನಾಂ ತರ್ ಜಾಲೆಂ. ಹೆಂ ಸೊರೊ ಪಿಯೆಂವ್ಚೆಂ, ಡ್ರಗ್ ಎಡಿಕ್ಷನ್, ಆನಿ ಹೆರ್ ಸವಯೆಪಿಶೆಂ ತ್ಯಾ ತ್ಯಾ ವೆಕ್ತಿಚೆರ್, ತ್ಯಾ ವೆಕ್ತಿಚ್ಯಾ ಕುಟ್ಮಾಚೆರ್ ಆನಿ ಪರೋಕ್ಷ್ ರಿತಿನ್ ಅಖ್ಖ್ಯಾ ಸಮಾಜೆಚೆರ್ ಭೊರ್ ಘಾಲ್ತಾ ತೆಂ ವಾಯ್ಟ್‌ಚ್. ಪೂಣ್ ಸಮಾಜಿಕ್ ಮಾಜ್ಯಾಂಚೆಂ ತಾಂತ್ಲ್ಯಾ’ತಾಂತುಂ ಮೊಬಾಯ್ಲಾಧ್ವಾರಿಂ ಸಮಾಜಿಕ್ ಮಾಜ್ಯಾಂಕ್ ವಾಪಾರ‍್ಚೆಂ ಸವಯೆಪಿಶೆಂ (ಎಡಿಕ್ಷನ್) ಮನ್ಶಾಕ್ ಗುಲಾಮ್ ಕರ‍್ತಾ ಮಾತ್ರ್ ನ್ಹಂಯ್ ತಾಚೆಧ್ವಾರಿಂ ಅಪ್ರಸ್ತುತ್ ಆನಿ ಸತ್ ನ್ಹಂಯ್ ತ್ಯೊ ಸಂಗ್ತಿ ಪ್ರಚಾರ್ ಜಾವ್ನ್ ಸಗ್ಲ್ಯಾ ಗಾಂವಾಚೆರ್ ಭರ‍್ಮಿದೆಚಿ ಧಾಂಪಣ್ ಪಡುಂಕ್ ಆನಿ ಸಭಾರಾಂನಿ ಅಸತಾಚೆ ಗುಲಾಮ್ ಜಾಂವ್ಕ್ ಕಾರಣ್ ಜಾತಾ; ತ್ಯಾ ದೆಕುನ್ ಹೆಂ ಪಿಶೆಂ ಚಡ್ ಆಪಾಯಾಚೆಂ ಆನಿ ಮಾರೆಕಾರ್.

ಆಜ್ ವಾಟ್ಸಾಪ್ ಯುನಿವರ‍್ಸಿಟಿ ಮ್ಹಣ್ಚಿ ವಾಪರ‍್ಣಿಂಚ್ ಉಬಿ ಜಾಲ್ಯಾ. ವಾಟ್ಸಾಪ್ ಏಕ್ ಮಾತ್ರ್ ನ್ಹಂಯ್ ಬಗಾರ್ ಹ್ಯಾ ಮಾಂಗ್ಗೊ ಕರ‍್ಚ್ಯಾ ಖೆಳಾಂತ್ ಸಭಾರ್ ಕಂಪೆನಿ (ಇನ್‌ಸ್ಟಗ್ರಾಮ್ ಖಂಯ್, ಟೆಲಿಗ್ರಾಮ್ ಖಂಯ್, ಪೋಡ್‌ಕಾಸ್ಟ್ ಖಂಯ್ ಆನಿಕೀ ಸಭಾರ್) ಮೆತೆರ್ ಆಸಾತ್; ಜೆರಾಲ್ ಥರಾನ್ ವಾಟ್ಸಾಪಾಚೆಂ ನಾಂವ್ ಮುಕಾರ್ ಪಡ್ತಾ; ’ಹಾಂಡ್ಕುರ್ ರೆಡ್ಯಾಚೆಂ ಶಿಂಗ್ ಮುಕಾರ್ ಮ್ಹಳ್ಳೆಪರಿಂ’ ಹ್ಯಾ ಯುನಿವರ‍್ಸಿಟಿಂತ್ ಬರೆಂ ಕಿತೆಂಚ್ ನಾಂ ಮ್ಹಣಾನಾಂಯೆ ಪೂಣ್ ಬರ‍್ಯಾ ಪ್ರಾಸ್ ವಾಯ್ಟ್ ವಿಪ್ರೀತ್ ಚಡ್. ಹೆಂ ವಾಯ್ಟ್ ಥೊಡೆಪಾವ್ಟಿಂ ಥೊಡ್ಯಾಂಕ್ ಲಾಗಾನಾಶೆಂ ವಚುಂಕ್ ಪುರೊ. ತಶೆಂ ಜಾಯ್ಜೆತರ್ ತ್ಯಾ ವೆಕ್ತಿನ್ ಬಳ್ವಂತ್ ಆನಿ ಬುಧ್ವಂತ್ ಆಸಾಜೆ ಪಡ್ತಾ. ಪೂಣ್ ಜೆರಾಲ್ ರಿತಿನ್ ಆಯ್ಚೊ ಮನಿಸ್ ಘಡಿಯೆನ್ ಮೆಳ್‌ಲ್ಲೆಂ ಮುಟಿಂತ್ ಧರ‍್ನ್ ತಾಚೆಸವೆಂ ವ್ಹಾಳುನ್ ವೆಚ್ಯಾ ಸಂಯ್ಭಾಚೊ. ತ್ಯಾ ದೆಕುನ್ ಹ್ಯಾ ಮಾಜ್ಯಾಂನಿ ಬರ‍್ಯಾಪ್ರಾಸ್ ವಾಯ್ಟ್‌ಚ್ ಬಳಾನ್ ರೊಂಬ್ಚೆಂ ಆಮಿ ದೆಕ್ತಾಂವ್.

ಏಕ್ ದಾಕ್ಲೊ ದಿಂವ್ಚೊ ತರ್ ಥೊಡ್ಯಾ ತೆಂಪಾ ಪಯ್ಲೆಂ ‘ಇಂಡಿಯಾ’ (ಆಯ್ ಎನ್ ಡಿ ಆಯ್ ಎ) ಮ್ಹಳ್ಯಾರ್ ಇಂಡಿಪೆಂಡೆಂಟ್ ನೇಶನ್ ಡಿಕ್ಲೇರ‍್ಡ್ ಇನ್ ಆಗಸ್ಟ್ ಮ್ಹಣ್ ಪುರ‍್ತಿರೂಪ್ ದಿಲ್ಲೆಂ ವಾಟ್ಸಾಪಾಂತ್ ವ್ಹಾಳ್ತಾಲೆಂ. ಆತಾಂ ಇಂಡಿಯಾ ಮ್ಹಣ್ಚೆಂ ನಾಂವ್ ಹ್ಯಾ ದೆಶಾಕ್ ಕಾಂಯ್ 2,500 (ಅಡೇಜ್ ಹಜಾರ್) ವರ‍್ಸಾಂಆದಿಂಥಾವ್ನ್ ಆಯಿಲ್ಲೆಂ ಮ್ಹಣ್ಚೆಂ, ಗ್ರೇಕ್ ಲೋಕ್ ಸಿಂಧೂ ನಂಯ್ ಉತರ‍್ನ್ ಯೆತಾನಾಂ ತಾಂಕಾಂ ‘ಸ’ ಕಾರ್ ನಾತ್‌ಲ್ಲೊ ತ್ಯಾ ಬದ್ಲಾಕ್ ‘ಹ’ ಕಾರ್ ವಾಪಾರ‍್ತಾಲೆ ಜಾಲ್ಲ್ಯಾನ್ ಇಂಡೀಸ್, ಮ್ಹಣ್ ಹ್ಯಾ ದೆಶಾಚೆಂ ನಾಂವ್ ಜಾಲೆಂ. ಕ್ರಿಪೂ 350 ಥಾವ್ನ್ 290 ಪರ‍್ಯಾಂತ್ ಜಿಯೆಲ್ಲ್ಯಾ ಮೇಘಸ್ಥಾನಿಸಾನ್ ಇಂಡಿಕಾ ಲಿಕ್‌ಲ್ಲೊ. ಹೆಂ ಸಕ್ಕಡ್ ತ್ಯಾ ಕಾಳಾಥಾವ್ನ್ ಹ್ಯಾ ಕಾಳಾ ಪರ‍್ಯಾಂತ್ ಆಮಿ ಶಿಕುನ್ ಆಯಿಲ್ಲ್ಯಾಂವ್ ಆನಿ ಆತಾಂ ಹಿ ನವಿ ಯುನಿವರ‍್ಸಿಟಿ ಇಂಡಿಯಾಚೆಂ ನಾಂವ್ ವಿಂಗಡ್‌ಚ್ ದಿತಾ.

ಹೆಂ ಎಕ್ ಉದಾಹರಣ್ ಹಾಸುನ್ ಹಾಸುನ್ ಪಿಶೆಂಪಣ್ ಉಗ್ಡಾಂವ್ಚೆಂ ಪ್ರೇತನ್; ಪೂಣ್ ಚಡ್ ಆಪಾಯಾಚೊ ಸಂಗ್ತಿ ಹ್ಯಾ ನವ್ಯಾ ಮಾಜ್ಯಾಂನಿ ವಿಸ್ತಾರುನ್ಂಚ್ ಆಸಾತ್ ಮ್ಹಣ್ಚೆಂ ಪಳಯ್ತಾನಾಂ ಆನಿ ತ್ಯಾ ಧ್ವಾರಿಂ ಎಕಾ ಸಮುದಾಯಾಚಿ ಚರಿತ್ರಾ, ರಾಜಕೀಯ್ ಚಿಂತಪ್, ಸಾಮಾಜಿಕ್ ಭಲಾಯ್ಕಿ ಆನಿ ಆರ‍್ಥಿಕ್ ಭಲಾಯ್ಕಿ ಸಯ್ತ್ ಭಿಗ್ಡುನ್ ಆಸಾ.

ಎಕಾ ನಿರ‍್ಧಿಷ್ಟ್ ಸಿದ್ಧಾಂತಾಕ್ ಬಲಿ ಜಾಲ್ಲೊ ಲೋಕ್ ಎಕಾ ಹಂತಾ ಉಪ್ರಾಂತ್ ತ್ಯಾ ಭಾಯ್ರ್ ಕಿತೆಂಚ್ ಪಳಂವ್ಕ್, ಆಯ್ಕುಂಕ್ ವಾ ಸಮ್ಜುನ್ ಘೆಂವ್ಕ್ ಆಶೆನಾಂ. ತೊ ಆಪ್ಲ್ಯಾ ಸಿದ್ಧಾಂತಾಕ್, ತೆಂ ಸಿದ್ಧಾಂತ್ ಶಿಕಯಿಲ್ಲ್ಯಾ ಮುಕೇಲ್ಯಾಕ್ ಆನಿ ಸಾಂಗ್ಚ್ಯಾ ಸರ‍್ವ್ ಸತಾಂಕ್ ಮಾತ್ರ್ ವೆಂಗುನ್ ಧರ‍್ತಾ. ತ್ಯಾ ಸಂಬಂಧಿ ಗಜಾಲಿ ಪರ‍್ಗಟ್ ಕರ‍್ಚ್ಯಾಕ್ ವ್ಹರ‍್ತಿ ಆತುರಾಯ್ ದಾಕಯ್ತಾ. ತೆಂ ಸಿದ್ಧಾಂತ್ ಧಾರ‍್ಮಿಕ್ ಜಾಂವ್ಕ್ ಪುರೊ, ಸಾಮಾಜಿಕ್ ಜಾಂವ್ಕ್‌ಪುರೊ ವಾ ರಾಜಕೀಯ್ ಜಾಂವ್ಕ್ ಪುರೊ. ಆಪ್ಲೆಂ ಮಾತ್ರ್ ಸಾರ‍್ಕೆಂ ಮ್ಹಣ್ಚೆಂ ಹೆಂ ಬಾಳ್‌ಬುದಿಚೆಂ ಲಿಸಾಂವ್ ಮುಕ್ಲ್ಯಾ ಹಂತಾಂತ್ ಹೆರಾಂನಿ ಸಾಂಗ್ಚೆಂ ಸಕ್ಕಡ್ ಚೂಕ್ ಮ್ಹಣ್ಚ್ಯಾ ವಾಟೆಕ್ ಪರ‍್ತಾತಾ.

ಸಿದ್ಧಾಂತ್ ದಾವೆಂಗೀ ಉಜ್ವೆಂಗೀ, ಸಿದ್ಧಾಂತ್ ರಾಷ್ಟ್ರ್‌ವಾದಿಗಿ – ಅತಿ ರಾಷ್ಟ್ರ್‌ವಾದಿಗೀ ಮ್ಹಣ್ಚೆಂ ದುಸ್ರೆಂ ಸವಾಲ್, ಹೆಂ ಮ್ಹಜೆಂ ಸಿದ್ದಾಂತ್ ಹಾಂವ್ ಪಾಕ್ಯಾರ್ ಚಡುನ್ ಪಾಸಾರ‍್ತಾಂ ಮ್ಹಣ್ಚೆಂ ಮಾತ್ರ್ ಗರ‍್ಜೆಚೆಂ ಜಾತಾ. ತಾಂತುಂ ಬರೆಂ – ವಾಐಟ್ ಕಿತೆಂ ಮ್ಹಣ್ಚೆಂ ಕೊಣಾಕ್‌ಚ್ ಪಡುನ್ ವಚುಂಕ್‌ನಾಂ. ಆಜ್ ಭಾರತ್ ಚಡ್ ಆನಿ ಚಡ್ ರಾಜಕೀ ಕ್ರಿಯಾಶೀಲ್ ಜಾಲಾ. ತ್ಯಾ ನಿಮ್ತಿಂ ಜಿವಿತಾಚ್ಯಾ ಸಭಾರ್ ಗಜಾಲಿಂಕ್ ರಾಜಕೀಯ್ ವೆದಿಕ್ ಹಾಡ್ನ್ ಲಾಭ್-ನಷ್ಟಾಚ್ಯಾ ಆರ‍್ಸ್ಯಾಂತ್ ಪಳಂವ್ಚಿ ಸವಯ್ ವಾಡ್ಲ್ಯಾ. ಲಾಭ್ ನಷ್ಟಾಚೆಂ ಮಾತ್ರ್ ಪಳಯ್ತಾನಾಂ ಬರ‍್ಯಾ-ವಾಯ್ಟಾಚೆಂ ಪಳಂವ್ಚ್ಯಾಕ್ ವಿಸರ‍್ತಾ.

ಆಮ್ಕಾಂ ಜಾಯ್ ತೊ ಇಂದ್ರ್ ಚಂದ್ರ್ ದೇವೆಂದ್ರ್ ಮ್ಹಣುನ್ ಪುಗಾರ‍್ನ್ ಮೊಳ್ಬಾಕ್ ಚಡಂವ್ಚ್ಯಾಂತ್ ಕಾಂಯ್ ಚೂಕ್ ನಾಂ, ತಾಂತುಂ ಸತ್ ನಾಂ ಮ್ಹಣ್ ಜಾಲ್ಯಾರ್ ಸತ್ ಕಳಿತ್ ಕಾಂಯ್ ಥೊಡ್ಯಾಂಕ್ ಉಬ್ದೇಸ್ ಭೊಗ್ತಿತ್, ಕರಂದಾಯ್ ಜಾಯ್ತ್ ಪೂಣ್ ಕೊಣ್ಂಯ್ ಎಕ್ಲೊ ಆಮ್ಕಾಂ ಬರೊ ಲಾಗಾನಾಂ ವಾ ಆಮ್ಚ್ಯಾ ಚಿಂತ್ಪಾಚೊ ನ್ಹಂಯ್ ದೆಕುನ್ ತಾಕಾ ನಿರಂತರ್ ಅಕ್ಮಾನ್ ಕರ‍್ತೆ ಆಸ್ಲ್ಯಾರ್, ತಾಚಿ ಮರ‍್ಯಾದ್ ಕಾಡ್ಚ್ಯಾಕ್ ಕುಲ್ಪಾಂ ಕಾಡ್ನ್ ಆಸ್ಲ್ಯಾರ್ ತೆಂ ಸಮಾ ಜಾತಾಗೀ. ತೇಂ ಧಾ ಜಣಾಂಕ್ ಬರೆಂಗೀ? ದುರಾದೃಷ್ಟಾನ್ ಆಯ್ಚೆ ಯುವಜಣ್ ಆಪ್ಲ್ಯಾ ಶಿಕ್ಷಕಾಂಕ್ ಜಾಂವ್ ಗೂಂಡ್ ಅಧ್ಯಯನ್ ಆಸ್ಚ್ಯಾ ಪುಸ್ತಕಾಂಕ್ ಜಾಂವ್ ಪಾತ್ಯೆಂವ್ಚೆಪ್ರಾಸ್ ಚಡ್ ಸಲೀಸಾಯೆನ್ ಆನಿ ವಿಶ್ವಾಸಾನ್ ಅಂತರ್‌ಜಾಳಿರ್ ಆಯಿಲ್ಲೆಂ ಪಾತ್ಯೆತಾ ಆನಿ ಮತಿಂತ್ ರೊಂಬೊವ್ನ್ ಘೆತಾ; ತೆಂಚ್ ಆಪ್ಲ್ಯಾ ಸಂವಹನಾಂತ್ ಆನಿ ಹೆರಾಂ ಸವೆಂ ಸಂಪರ‍್ಕ್ ದವರ‍್ಚ್ಯಾಂತ್ ಹಾತೆರ್ ಜಾವ್ನ್ ವಾಪರ‍್ತಾ. ಚುಕಿಚೆರ್ ಹೊಂದ್ವುನ್ ಚಲ್ಚೆಂ ತೆಂ ಚುಕಿಂಕ್‌ಚ್ ವಾಟ್ ಕರ‍್ನ್ ದಿತಾ ಆನಿ ಸಂಘರ‍್ಶ್ ಚಲ್ತಾತ್. ಅಸಲ್ಯಾ ಚೂಕ್ ಮಾಹೆತಿಂ ನಿಮ್ತಿಂಚ್ ಆಮ್ಚೆ ಮಧೆಂ ಜಾತಿ-ಧರ‍್ಮಾಚೆರ್ ಸಿದ್ಧಾಂತಾಂಚೆರ್, ಭಾಶೆಚೆರ್ ಹೊಂದ್ವುನ್, ತಿಕ್ಕಾಟ್ ವಾಡ್ತಾ.

ಆಜ್‌ಕಾಲ್ ಯುವಜಣಾಂಮಧೆಂ ಜೀವ್ಘಾತಾಚಿ ಸವಯ್ ಚಡುನ್ ಆಸಾ. ಕೊಣೆಂಯ್ ಎಕ್ಲ್ಯಾನ್ ಜೀವ್ಘಾತ್ ಕೆಲ್ಲಿ ಖಬರ್ ಖಿಣಾನ್ ಹಜಾರ್ ಜಣಾಂಕ್ ಪಾವ್ತಾ, ಜಿವ್ಘಾತಾಚೆಂ ವರ‍್ಣನ್ ಆನಿ ಪ್ರಚಾರ್ ಹೆಣೆಂತೆಣೆಂ ಜಾಲ್ಲೆಪರಿಂ; ಜೀವ್ಘಾತ್ ಕೆಲ್ಲ್ಯಾಕ್ ಹೀರೊ ಕರ‍್ಚೆಂಯ್ ಜಾವ್ನ್ ಆನಿ ತಿತ್ಲೆ ಯುವಕ್ ಜಿವಿತಾಚ್ಯಾ ಕಷ್ಟಾಂಥಾವ್ನ್ ಭಾಯ್ರ್ ಹೀ ಏಕ್ ಸಲೀಸ್ ಆನಿ ಸೊಭಿತ್ ವಾಟ್ ಮ್ಹಣ್ ತಾಣಿಂಯ್ ತಿ ವಾಟ್ ಧರುಂಕ್ ಸಾಧ್ಯ್ ಆಸಾ. ಪಳಯಾ, ಆದಿಂ ಕಾಂಯ್ ಹೆಣೆಂ’ತೆಣೆಂ ಅವ್ಘಡ್ ಘಡ್ಲೆಂ ತರ್ ಕೋಣ್ ನಾಂ ಕೋಣ್ ಲಾಗ್ಶಿನ್ ಆಸ್‌ಲ್ಲೊ ವಚುನ್ ಆಧಾರ್ ದಿತಾಲೆ, ಆಜ್ ಹರ‍್ಯೆಕ್ ಮನಿಸ್ ಡಿಜಿಟಲ್ ಮೆಟಾಂನಿಂಚ್ ಚಲ್ತಾ ದೆಕುನ್ ಹೆಣೆಂ’ತೆಣೆಂ ಅವ್ಘಡ್ ಘಡ್‌ಲ್ಲ್ಯಾ ಕೂಡ್ಲೆ ಮೊಬಾಯ್ಲಾಚ್ಯಾ ಕ್ಯಾಮರಾಧ್ವಾರಿಂ ಶೂಟಿಂಗ್ ಕರ‍್ತಾತ್. ಥಂಯ್ ವಳ್ವಳ್ತಾ ತೊ ವಳ್ವಳುನ್ ಮೊರ‍್ತಾತರಿ ಹಿಂ ಶೇರಿಂಗ್ ಕರ‍್ನ್ಂಚ್ ಆಸ್ತಾತ್. ಖಬ್ರೊ ವಾಂಟ್ಚ್ಯಾಂತ್ ಹಾಂವ್ಂಚ್ ಪಯಿಲ್ಲೊ ಜಾಯ್ಜೆ ಮ್ಹಣ್ಚಿ ಆಶಾ ವ್ಹಡ್ ಜಾವ್ನ್ ಪಡ್ಲಲ್ಯಾಕ್ ಆಧಾರ್ ದಿಂವ್ಚಿ ಆಶಾ-ಆತುರಾಯ್ ಕೊನ್ಶ್ಯಾಕ್ ಪಡ್ತಾ. ಅಸಲೆಂ ಮಾತ್ರ್ ನ್ಹಂಯ್ ಆಸ್ತಾಂ ಮೊಬಾಯ್ಲಾಧ್ವಾರಿಂ ಅಂತರ್‌ಜಾಳಿ ಲುಡೊ, ರಮ್ಮಿ ಖೆಳಾಂಥಾವ್ನ್ ಕುಟ್ಮಾಂಚೊ ಆರ‍್ಥಿಕ್ ವಿನಾಸ್ ಜಾತಾ ತರ್ ಪಬ್ಜಿ ತಸಲೆ ಖೆಳ್ ಜಿವಾಕ್‌ಚ್ ಮಾರೆಕಾರ್ ಜಾವ್ನಾಸಾತ್. ಹ್ಯಾ ಖೆಳಾಂನಿಮ್ತಿಂ ಸಭಾರ್ ಯುವಜಣಾಂನಿ ಜೀವ್ಘಾತ್ ಕೆಲ್ಲೆಂ ಆಮ್ಕಾಂ ಆಯ್ಕುಂಕ್ ಮೆಳ್ತಾ.

ಹ್ಯಾ ಮಧೆಂಯ್ ಅಂತರ್‌ಜಾಳಿಂತ್ ದಯಾಳಾಯೆಚೊ ಬರೊ ಮನಿಸ್ ಜಾಂವ್ಚ್ಯಾಕ್ ಎಕ್ಲ್ಯಾಕ್ ಸಭಾರ್ ಆವ್ಕಾಸ್ ಖಂಡಿತ್ ಆಸಾತ್. ಆಮ್ಚ್ಯಾ ಅಂತರ್‌ಜಾಳ್ ಖಾತ್ಯಾಂನಿ ಪಾಟಿಂಬೊ ದಿಂವ್ಚೆ ತಸಲಿಂ, ದಯಾಳಾಯ್ ದಾಕಂವ್ಚಿಂ ಉತ್ರಾಂ ವಾಂಟುನ್ ಘೆಂವ್ಕ್ ಜಾತಾ. ಸಭಾರ್ ತೆಂಪಾಥಾವ್ನ್ ಸಂಪರ‍್ಕ್ ಹೊಗ್ಡಾವ್ನ್ ಘೆತ್‌ಲ್ಲ್ಯಾಂಚಿ ಸಳಾವಳ್ ಫೇಸ್‌ಬುಕ್ಕಾತಸಲ್ಯಾ ವೆವಸ್ತ್ಯಾಂತ್ ಪರ‍್ತ್ಯಾಂ ರುಪಿತ್ ಕರ‍್ಯೆತಾ. ಎಕಾಮೆಕಾ ಬರೆಂಪಣ್ ವಾಡೊಂವ್ಚ್ಯೊ ಕಾಣಿಯೊ, ವೃತ್ತೆ ಆವ್ಕಾಸಾಂಚ್ಯೊ ಗಜಾಲಿ, ಮಾರ‍್ಗದರ‍್ಶನಾಚ್ಯೊ ಗಜಾಲಿ ವಾಂಟುನ್ ಘೆವ್ಯೆತಾ. ಕಾಂಯ್ ಚುಕಿ ಘಡ್ಲ್ಯಾರ್ ತಿದ್ವುಂಚ್ಯೊ ಆನಿ ಸಾರ‍್ಕ್ಯಾ ವಾಟೆಕ್ ಹಾಡ್ಚ್ಯೊ ಸಂಗ್ತಿ ಸಂಬಂಧ್ ಜಾಲ್ಲ್ಯಾಂಕ್ ಧಾಡುನ್ ದಿವ್ಯೆತಾ.
ಪೂಣ್ ಬರೆಂ ಜಾಯ್‌ಜಾಲಾಂ ತರೀ ಕೊಣಾಕ್?

■ ಸ್ಟೀವನ್ ಕ್ವಾಡ್ರಸ್ ಪೆರ‍್ಮುದೆ

ಯಾವುದೇ ಭಾಷೆಯು ಆ ಭಾಷೆಯನ್ನು ನುಡಿಯುವ ಮನುಷ್ಯರಷ್ಟೆ ಅಥವಾ ಜನಾಂಗದಷ್ಟೇ ಪುರಾತನವಾಗಿರುತ್ತದೆ. ಆದೆ ರೀತಿ ಆ ಭಾಷೆಯನ್ನು ನುಡಿಯುವ ಕೊನೆಯ ವ್ಯಕ್ತಿ ಇರುವ ತನಕ ಆ ಭಾಷೆಗೆ ಸಾವು ಎನ್ನುವುದು ಇಲ್ಲ. ಕೊಂಕಣಿ ಭಾಷೆಯ ಹುಟ್ಟಿನ ಬಗ್ಗೆ ನಿಖರ ತೇದಿ ನಿರ್ಧರಣೆ ಸುಲಭ ಸಾಧ್ಯವಿಲ್ಲದಿದ್ದರೂ ಕಳೆದ ಸಾವಿರ ವರ್ಷಗಳಿಂದ ಈ ಭಾಷೆಯನ್ನು ನುಡಿಯುವ ಜನರು ಭಾರತದಲ್ಲಿ ಇದ್ದರು ಎನ್ನುವುದು ಸಂಶಯಾತೀತ. (ವಾಲ್ಡರ್, ಮಾರ್ಕ್ – ಸಂಪಾದಕೀಯ, ಅಮರ್ ಕೊಂಕ್ಣಿ, 1974  ಎಪ್ರಿಲ್-ಮಂಗಳೂರು)

1976ರಲ್ಲಿ ಭಾರತೀಯ ಕೇಂದ್ರ ಸಾಹಿತ್ಯ ಅಕಾಡೆಮಿಯು ಕೊಂಕಣಿಯನ್ನು ಸ್ವತಂತ್ರ ಭಾಷೆಯೆಂದು ಸ್ವೀಕರಿಸುವುದರೊಂದಿಗೆ ವಾಸ್ತವವಾಗಿ ವಿಲ್ಲಿಯಮ್ ಕ್ಯಾರೀ, ಜಾನ್ ವಿಲ್ಸನ್, ಜಾನ್ ಮುರ್ರೆ ಮಿಶೆಲ್, ಗರ್ಸನ್ ದ ಕುನ್ಹಾ, ಆಂಜೆಲೊ ಮಾಫೆ, ಸಿಲ್ವೆಸ್ಟರ್ ಮಿನೇಜಸ್, ಸುನೀತ ಕುಮಾರ್ ಚಟರ್ಜಿ, ಸುಮಿತ್ರ ಮಂಗೇಶ್ ಖತ್ರೆ ಮುಂತಾದ ಪಂಡಿತರು ಮಂಡಿಸಿದ ‘ಕೊಂಕಣಿಯು ಯಾವುದೇ ರೀತಿಯಲ್ಲಿ ಮರಾಠಿಯ ಉಪಭಾಷೆಯಲ್ಲ ಹೊರತಾಗಿ ಅದು ಒಂದು ಸಂಪೂರ್ಣ ಸ್ವತಂತ್ರ ಭಾಷೆ’ ಎಂಬ ವಾದವನ್ನು ಎತ್ತಿ ಹಿಡಿದಂತಾಗಿದೆ.

ಕೊಂಕಣಿಯು ‘ಕೊಂಕಣಿ ಕರಾವಳಿ’ ಎಂದೇ ಕರೆಯಲ್ಪಡುವ ಭಾರತದ ಪಶ್ಚಿಮ ಕರಾವಳಿಯಲ್ಲಿ (ಮುಖ್ಯವಾಗಿ ಕೊಂಕಣ್ [ಮಹಾರಾಷ್ಟ್ರ], ಗೋವಾ, ಕರಾವಳಿ ಕರ್ನಾಟಕ, ಉತ್ತರ ಕೇರಳ, ದಕ್ಷಿಣ ಗುಜರಾಥದಲ್ಲಿ) ವಿಸ್ತ್ರತವಾಗಿ ಹಬ್ಬಿರುವ ಭಾಷೆಯಾಗಿದೆ. ಅದು ಇಂಡೋ-ಯುರೋಪಿಯನ್ ಭಾಷಾ ಸಮುದಾಯಕ್ಕೆ ಸೇರಿದ ಇಂಡೋ-ಆರ್ಯನ್ ಭಾಷೆಗಳ ಪೈಕಿ ವಾಯುವ್ಯ ಪಂಗಡದ ಭಾಷೆಯಾಗಿದೆ. ಕೊಂಕಣಿಯನ್ನು ಬರೆಯಲು ಭಾರತಾದಾದ್ಯಂತ ಆರಂಭದಿಂದಲೂ ನಾಗರಿ (ದೇವನಾಗರಿ), ಕಾನರಿ/ಕಾನಡಿ (ಕನ್ನಡ), ರೋಮಿ (ರೋಮನ್), ಮಲಯಾಳಿ ಹಾಗೂ ಪರ್ಸೋ-ಅರೆಬಿಕ್ ಲಿಪಿಗಳ ಬಳಕೆ ಆಗುತಿತ್ತು. ಯಾವತ್ತೂ ಈ ಬಳಕೆಗೆ ಯಾವುದೇ ಪ್ರದೇಶ ನಿಷ್ಠತೆ ಕಂಡುಬರುವುದಿಲ್ಲ. (ಪುಟ – 1 ಮಾಡ್ತ, ವಿಲ್ಲಿಯಂ.- ದ ಕ್ರಿಶ್ಚಿಯನ್ ಕೊಂಕಣಿ ಒಫ್ ಸೌಥ್ ಕೆನರಾ-ಎ ಲಿಂಗ್ವಿಸ್ಟಿಕ್ ಎನಾಲಿಸಿಸ್ – 1984 ಪ್ರಸಾರಂಗ ಕರ್ನಾಟಕ ವಿಶ್ವವಿದ್ಯಾಲಯ, ಧಾರವಾಡ)

ಪ್ರಾದೇಶಿಕತೆಯ ಮೇಲೆ ಹೊಂದಿಕೊಂಡು ಕೊಂಕಣಿಯನ್ನು ಬರೆಯಲು ಬಳಸುವ ಲಿಪಿ, ಬರಹ ಶೈಲಿ, ಉಚ್ಛಾರ, ಶಬ್ದಸಂಪದ ಬದಲಾಗುವುದನ್ನು ನಾವು ಕಾಣುತ್ತೇವೆ. ಇಂದು ಕೊಂಕಣಿಯು ಗೋವಾದ ರಾಜ್ಯಭಾಷೆ ಆಗಿದೆ ಹಾಗೂ ಗೋವಾ ಸರ್ಕಾರವು ಅಲ್ಲಿ ನಾಗರಿಯನ್ನು ಆಡಳಿತದಲ್ಲಿ ಕೊಂಕಣಿ ಭಾಷೆಯನ್ನು ಬರೆಯುವ ಅಧಿಕೃತ ಲಿಪಿಯೆಂದು ಘೋಷಿಸಿದೆ.

1961 ರಲ್ಲಿ ಭಾರತದಲ್ಲಿ ಒಟ್ಟು ಕೊಂಕಣಿ ಮಾತೃಭಾಷಿಕರ ಸಂಖ್ಯೆಯು 13,52,363  ಇದ್ದು ಈ ಸಂಖ್ಯೆಯು 2001 ರಲ್ಲಿ 24,89,015 ಕ್ಕೆ ಹೆಚ್ಚಿತ್ತು. ಆದರೆ 2011 ರಲ್ಲಿ ಈ ಸಂಖ್ಯೆಯು 22,56,502  ಎಂದು ದಾಖಲಾಗಿದೆ. (Office of the Registrar General and Census Commissioner of India ರವರ Census of India 2011)

ಗುಜರಾತ ಮತ್ತು ಮಹಾರಾಷ್ಟ್ರಗಳಲ್ಲಿ 1961 ರಿಂದ 2001 ಕ್ಕೆ ಕಂಡು ಬರುವ ಕೊಂಕಣಿ ಮಾತೃಭಾಷಿಕರ ಸಂಖ್ಯೆಯ ತ್ವರಿತ ಹೆಚ್ಚಳಕ್ಕೆ ಮುಖ್ಯ ಕಾರಣ ಕೊಂಕಣಿಗೆ 1976 ರಲ್ಲಿ ಕೇಂದ್ರ ಸಾಹಿತ್ಯ ಅಕಾಡೆಮಿ ನೀಡಿದ ಸ್ವತಂತ್ರ ಭಾಷೆಯೆಂಬ ಮನ್ನಣೆ ಹಾಗೂ 1992 ರಲ್ಲಿ ರಾಷ್ಟ್ರೀಯ ಭಾಷೆ ಎಂದು ಕೊಂಕಣಿಯನ್ನು ಸಂವಿಧಾನದ ಎಂಟನೇ ಪರಿಚ್ಛೇದದಲ್ಲಿ ಸ್ವೀಕರಿಸಿದ್ದು ಆಗಿದೆ. ಮರಾಠಿ ಮಾತೃಭಾಷಿಕರ ಸಂಖ್ಯೆ 1991  ರಿಂದ 2001 ಕ್ಕೆ .46% ಕಡಿಮೆಯಾಗಿರುವುದನ್ನು ಕಾಣಬಹುದಾಗಿದೆ.

ಕೆಲವು ಪ್ರಧಾನ ಭಾಷೆಗಳಿಗೆ ಹೋಲಿಸಿದರೆ 2001 ರಲ್ಲಿ ಕೊಂಕಣಿಯ ಮಾತೃಭಾಷಿಕರ ಸಂಖ್ಯೆಯಲ್ಲಿ ದೊಡ್ಡ ಪ್ರಗತಿ ಕಂಡು ಬಾರದಿರುವುದನ್ನು ಹಾಗೂ 2011 ರಲ್ಲಿ ಕೊಂಕಣಿಯನ್ನು ಮಾತೃಭಾಷಿಕರೆಂದು ಒಪ್ಪುವವರ ಸಂಖ್ಯೆ ಗಣನೀಯವಾಗಿ ಕುಗ್ಗಿರುವುದನ್ನು ಗಮನಿಸಬಹುದಾಗಿದೆ. ಮೂರು ಮುಖ್ಯ ಕಾರಣಗಳನ್ನು ಇದಕ್ಕೆ ನೀಡಬಹುದು.

1. ಕೊಂಕಣಿಗೆ ಇನ್ನೂ ಲಭಿಸಬೇಕಾದಷ್ಟು ರಾಜಾಶ್ರಯ ಲಭಿಸದಿರುವುದು – ಇದರ ಪರಿಣಾಮವಾಗಿ ಕೊಂಕಣಿಗರು ತಮ್ಮ ಮಾತೃಭಾಷೆ ಕೊಂಕಣಿ ಎಂದು ಮುಕ್ತವಾಗಿ ಒಪ್ಪಿಕೊಳ್ಳುವಲ್ಲಿ ತೊಂದರೆ ಇರುವಂತಹದು.
2. ಸಾಮಾನ್ಯವಾಗಿ ಭಾರತೀಯರು ಬಹುಭಾಷಿಕರಾಗಿದ್ದು ಮಾತೃಭಾಷೆಯ ಕುರಿತು ಮಾತ್ರ ನಿಷ್ಠೆ ಎಂಬ ಚಿಂತನೆಗೆ ಒಳಗಾಗದೆ ಇರುವಂತಹದು.
3. ಗುಜರಾತ ಮತ್ತು ಮಹಾರಾಷ್ಟ್ರದಲ್ಲಿ ಕೊಂಕಣಿ ಮಾತೃಭಾಷಿಕರ ಸಂಖ್ಯೆಯಲ್ಲಿ ಗಣನೀಯ ಇಳಿಕೆ ಇದೆ. ಅಲ್ಲಿನ ರಾಜ್ಯಭಾಷೆಗಳನ್ನು ಜನರು ತಮ್ಮ ಮಾತೃಭಾಷೆಯೆಂದು ದಾಖಲಿಸಿರಬಹುದು.

ಅದಾಗ್ಯೂ ಕೊಂಕಣಿಯು ಭಾರತೀಯ ಭಾಷಾ ಸಮುದಾಯದಲ್ಲಿ ಒಂದು ಸುದೃಢ, ಸಂಪನ್ಮೂಲಭರಿತ ಭಾಷೆಯಾಗಿ ಮುಂದುವರೆದಿದೆ ಎಂದರೆ ತಪ್ಪಾಗಲಾರದು.

ಕೊಂಕಣಿ ಭಾಷೆಗೆ ಹದಿನೇಳು ಪ್ರಭೇದಗಳಿವೆ. (ಭಟ್ಕಳಿ, ಗೋವಾನೀಜ್, ಕಾರ್ವಾರೀ, ಕುಡುಬಿ, ಚೆಟ್ಟಿಭಾಷಾ, ಗೌಢ ಪ್ರಾಕ್ರತ, ಕೊಬ್ಬಿಲಿ, ಕುಮ್ಕಿ, ದಾಲ್ದಿ, ಗೌಢ ಸಾರಸ್ವತ, ಕೊಂಕಣಿ, ಮಾಲ್ವಾಣಿ, ಫಿರಂಗಿ, ಕೊರ್ಲೊಣಿ, ಮೋಪಣ್, ನವಾಯ್ತಿ,  ಕಾಂಗೊಣಿ / ಕಾರ್ಗೊಣಿ) ಈ ಪ್ರಭೇದಗಳ ಪೈಕಿ ಕೊಂಕಣಿ ಪ್ರಭೇದದ ಬಳಕೆ ಸಾಮಾನ್ಯವಾಗಿ ಹೆಚ್ಚಿರುವುದರಿಂದ ಈ ಪ್ರಭೇದದ ಕೊಂಕಣಿಯನ್ನೇ ಪ್ರಮಾಣ ಕೊಂಕಣಿ ಎಂದು ಗುರುತಿಸುವ ಪದ್ಧತಿ ಬೆಳೆದಿದೆ.

Dr. Olivinho Gomes

ಕೊಂಕಣಿಗೆ ಏಳು ಉಪ ಭಾಷಾ ಪ್ರಭೇದಗಳನ್ನು ಭಾಷಾ ಶಾಸ್ತ್ರಜ್ಞರು ಗುರುತಿಸಿದ್ದಾರೆ. ಖ್ಯಾತ ಭಾಷಾಶಾಸ್ತ್ರಜ್ಞ ಡಾ. ಒಲಿವಿನ್ಹೊ ಗೋಮ್ಸ್‌ರವರ ಪ್ರಕಾರ ಶಷ್ಟೀ, ಕಾರ್ವಾರೀ, ಬಾಹರ್ದೇಶೀ, ಮಂಗ್ಳೂರೀ, ಕೊಡಿಯಾಳೀ, ಅಂತ್ರೂಝಿ, ಕೇರಳೀ ಎನ್ನುವವೇ ಈ ಉಪಭಾಷೆಗಳು. ಹೆಸರುಗಳೇ ಹೇಳುವಂತೆ ಈ ಉಪಭಾಷೆಗಳು ನಿರ್ದಿಷ್ಟ ಸ್ಥಳ ಮೂಲದಿಂದ ಬೆಳೆದಿವೆ. ಉದಾಹರಣೆಗೆ ಶಷ್ಟೀ ಉಪಭಾಷೆಯು ಶಷ್ಟೀ (ಗೋವಾದ ಭಾಗ)ಯಲ್ಲಿ ಬಹು ಬಳಕೆಯಲ್ಲಿರುವ ಪ್ರಭೇದವಾದರೆ ಕಾರ್ವಾರಿಯೂ ಕಾರವಾರದಲ್ಲಿ ಪ್ರಚಲಿತವಾಗಿರುವ ಭಾಷಾ ಪ್ರಭೇದ.

ಎನ್.ಜಿ. ಖೆಳೇಕಾರರು ತಮ್ಮ ಅಧ್ಯಯನದಲ್ಲಿ ಕೊಂಕಣಿಯನ್ನು ಮುಖ್ಯ ಮೂರು ಪ್ರಾಂತೀಯ ವಿಭಜನೆಗಳಲ್ಲಿ ಹಂಚಿಹಾಕುತ್ತಾರೆ.

1. ಉತ್ತರದ ಕೊಂಕಣಿ – ಇದು ಹೆಚ್ಚಾಗಿ ಮರಾಠಿ ಪ್ರಭಾವ ಹೊಂದಿದ್ದು ಮಹಾರಾಷ್ಟ್ರ ಭಾಗಗಳಲ್ಲಿ ಬಳಸಲ್ಪಡುತ್ತದೆ.
2. ಕೇಂದ್ರ ಭಾಗದ ಕೊಂಕಣಿ – ಇದು ಹೆಚ್ಚಾಗಿ ಗೋವಾದ ಭಾಗಗಳಲ್ಲಿ ಬಳಸಲ್ಪಡುತ್ತದೆ ಹಾಗೂ ಪೋರ್ಚುಗೀಸ್ ಪ್ರಭಾವ ಹೊಂದಿದೆ.
3. ದಕ್ಷಿಣ ಕೊಂಕಣಿ – ಇದು ಹೆಚ್ಚಾಗಿ ಕರ್ನಾಟಕ ಮತ್ತು ಕೇರಳದ ಭಾಗಗಳಲ್ಲಿ ಬಳಸಲ್ಪಡುತ್ತದೆ ಹಾಗೂ ಸ್ಥಳೀಯ ಭಾಷೆಗಳಾದ ತುಳು, ಕನ್ನಡ ಮತ್ತು ಮಲಯಾಳಮ್ಮಿನ ಪ್ರಭಾವ ಹೊಂದಿದೆ.

ಕೊಂಕಣಿಯ ಮಟ್ಟಿಗೆ ಭಾಷೆಯ ಹೆಸರಿನೊಂದಿಗೆ ಜನರನ್ನು ಗುರುತಿಸುವ ಪದ್ಧತಿ ಇದೆ. ಕೊಂಕಣಿ ಭಾಷಿಕರನ್ನು ಕೊಂಕ್ಣಿ/ಕೊಂಕಣ ಎಂದೇ ಕರೆಯುವ ವಾಡಿಕೆ ಇದೆ. ಉದಾಹರಣೆಗೆ ಕೊಂಕಣಿ ಮಾತೃಭಾಷಿಕ ಕ್ರೈಸ್ತರನ್ನು ಕೊಂಕಣಿ ಕ್ರೈಸ್ತರೆಂದೇ ಕರೆಯುತ್ತಾರೆ. ಕೊಂಕಣಿ ಮಾತೃಭಾಷಿಕ ಹಿಂದೂಗಳನ್ನು ಹೆಚ್ಚಾಗಿ ಕೊಂಕಣಿಗರೆಂದೇ ಕರೆಯುತ್ತಾರೆ. ಡಾ. ರಿಚ್ಚಾರ್ಡ್ ರೇಗೊರವರು ತಮ್ಮ ‘ಸುವರ್ಣ ಕರ್ನಾಟಕಾಂತ್ ಕೊಂಕ್ಣಿ ಲೋಕ್’ ಎಂಬ ಅಧ್ಯಯನ ಗ್ರಂಥದಲ್ಲಿ ಮೂವ್ವತ್ತೆರಡು ಕೊಂಕಣಿ ಮಾತೃಭಾಷಿಕ ಸಮುದಾಯಗಳ ಮಾಹಿತಿಯನ್ನು ನೀಡುತ್ತಾರೆ. ಮುಂದುವರಿದು ಅವರು ಇನ್ನೂ ಹಲವಾರು ಕೊಂಕಣಿ ಮಾತೃಭಾಷಿಕ ಸಮುದಾಯಗಳು ಬೆಳಕಿಗೆ ಬಾರದೆ ಉಳಿದಿರುವ ಸಾಧ್ಯತೆಯ ಕುರಿತು ತಿಳಿಸುತ್ತಾರೆ.

Rev. Dr Richard Rego S.J.

ಹಿಂದೂಗಳ ಪೈಕಿ ದೈವಜ್ಞ ಬ್ರಾಹ್ಮಣರು, ಸಾರಸ್ವತ ಬ್ರಾಹ್ಮಣರು, ಗೌಡ ಸಾರಸ್ವತ ಬ್ರಾಹ್ಮಣರು, ಕರಾಡ ಮರಾಠೀಯ ಬ್ರಾಹ್ಮಣರು, ರಾಜವಾಡೆ ಸಾರಸ್ವತರು, ಖಾರ್ವಿಗಳು, ಕೊಂಕಣಸ್ಥರು, ಬಾಲವಳೀ ಸಾರಸ್ವತರು, ಸೋನಗಾರರು, ಗೌಳಿಗಳು, ಸಿದ್ಧಿಗಳು, ಕೊಂಕಣಿ ಮಾತೃಭಾಷಿಕರಾಗಿದ್ದಾರೆ. ಅದೇ ರೀತಿ ಕ್ರೈಸ್ತರ ಪೈಕಿ ಬಾಮಣ್, ಚಾರೋಡಿ, ರೆಂದೇರ್, ಗೌಡಿ ವರ್ಗದವರ ಮಾತೃಭಾಷೆ ಕೊಂಕಣಿ. ಮುಸಲ್ಮಾನ್ ಧರ್ಮಾನುಸಾರಕರ ಪೈಕಿ ನವಾಯತರು, ದಾಲ್ದಿಗಳು ಕೊಂಕಣಿ ಮಾತೃಭಾಷಿಕರು. ಹೀಗೆ ಕೊಂಕಣಿ ಹಲವು ಜನರ, ಹಲವು ಜನಾಂಗಗಳ, ವಿವಿಧ ಧರ್ಮಾನುಸಾರಕರ ಭಾಷೆ. ಈ ವಿವಿಧತೆಯೇ ಕೊಂಕಣಿಯ ಸಂಪತ್ತು ಎನ್ನುವುದರಲ್ಲಿ ಸಂಶಯವಿಲ್ಲ.

ಹಿಂದೂ ಕೊಂಕಣಿಗರಲ್ಲಿ ಆರ್ಯ ಸಂಪ್ರದಾಯಿಗಳೂ, ದ್ರಾವಿಡ ಸಂಪ್ರದಾಯಿಗಳೂ ಕೊಂಕಣಿಗರಿದ್ದಾರೆ. ಈ ಕೊಂಕಣಿ ಮಾತೃಭಾಷಿಕ ಸಮುದಾಯಗಳ ಪೈಕಿ ಒಂದು ಸಮುದಾಯದ ಕೊಂಕಣಿ ಇನ್ನೊಂದು ಸಮುದಾಯದ ಕೊಂಕಣಿಗಿಂತ ಭಿನ್ನ, ಉದಾಹರಣೆಗೆ ಒಂದೇ ಧಾರ್ಮಿಕ ಹಿನ್ನೆಲೆ (ಮುಸ್ಲಿಂ) ಉಳ್ಳ ಮೂರು ಸಮುದಾಯಗಳಾಗಿರುವ ನವಾಯ್ತಿ, ಜಮಾಯ್ತಿ, ದಾಲ್ದಿ ಜನರ ಬಳಕೆಯ ಕೊಂಕಣಿಯನ್ನು ಆಳದಲ್ಲಿ ವಿಶ್ಲೇಷಿಸಿದಾಗ ಸ್ಪಷ್ಟ ವ್ಯತ್ಯಯಗಳನ್ನು ಹಾಗೂ ವ್ಯತ್ಯಾಸಗಳನ್ನು ಕಾಣಬಹುದು.

ಕೊಂಕಣಿ ಹಲವು ರಾಜಕೀಯ ವಲಯಗಳ ಭಾಷೆ. ಕರ್ನಾಟಕ, ಗೋವಾ, ಮಹಾರಾಷ್ಟ್ರ, ಗುಜರಾತ್, ಕೇರಳಗಳಲ್ಲಿ ಮುಖ್ಯವಾಗಿ ಕೊಂಕಣಿ ಮಾತೃಭಾಷಿಕರು ಸ್ಥಳೀಯ ಭಾಷೆಗಳ ಜನರೊಂದಿಗೆ ಸಾಮರಸ್ಯದ ಸಹಬಾಳ್ವೆ ನಡೆಸುತ್ತಾರೆ. ಇಂದು ಜಾಗತಿಕ ಬೆಳವಣಿಗೆಗಳು ಕೊಂಕಣಿಗರನ್ನು ಆಸ್ಟ್ರೇಲಿಯಾ, ಕೆನಡಾ, ಆಮೇರಿಕೆಯ ಸಂಯುಕ್ತ ಸಂಸ್ಥಾನ, ಯುರೋಪ್ ಭೂಖಂಡದ ವಿವಿಧ ಭಾಗಗಳಿಗೆ ತಲುಪಿಸಿವೆ. ಅಲ್ಲೆಲ್ಲಾ ಕೊಂಕಣಿಗರು ಸೌಹಾರ್ದಯುತವಾಗಿ ಬಾಳಿ ಬದುಕುತ್ತಿದ್ದಾರೆ. ನಾಡಿಗೆ ಒಳ್ಳೆಯ ಹೆಸರು ತರುವಲ್ಲಿ ಕೊಂಕಣಿಯ ಪ್ರೇರಣೆಯೂ ಖಂಡಿತಾ ಅವರಿಗೆ ಇದೆ.

‘ಕರ್ನಾಟಕದ ಕೆಲವು ಕೊಂಕಣಿ ಮಾತೃಭಾಷಿಕ ಸಮುದಾಯಗಳಿಗೆ ತಮ್ಮ ಮಾತೃಭಾಷೆಯಿಂದಲೇ ವಿಶಿಷ್ಟ ಪರಿಚಯ ದೊರೆಯುವುದು ಸಾಧ್ಯವಾಗಿದೆ. ಅದೇ ರೀತಿ ಎರಡು ಕೊಂಕಣಿ ಮಾತೃಭಾಷಿಕ ಸಮುದಾಯಗಳ ನಡುವೆ ಕೊಂಕಣಿಯ ಮೂಲಕ ಮಾತ್ರ ಸಂಬಂಧ ಸ್ಥಾಪನೆ ಸಾಧ್ಯವಾಗಿದೆ’ (ಪು 16-17, ರೇಗೊ, ಡಾ ರಿಚ್ಚಾರ್ಡ್, ‘ಸುವರ್ಣ ಕರ್ನಾಟಕಾಂತ್ ಕೊಂಕ್ಣಿ ಲೋಕ್’-ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಲಾಲ್‌ಭಾಗ್ ಮಂಗಳೂರು – 2007)

ಕೊಂಕಣಿಯ ಮೂಲ ಹುಡುಕುವಲ್ಲಿ ಇನ್ನೂ ಸವಾಲುಗಳು :

ಕನ್ನಡದ ಮಹಾನ್ ಪಂಡಿತರಾಗಿ ಬೆಳೆದ ಕೊಂಕಣಿಗ ಮಂಜೇಶ್ವರ ಗೋವಿಂದ ಪೈಯವರು ತಮ್ಮ ಅಧ್ಯಯನದಂತೆ ‘ಕೊಂಕಣಿಯು ಸರಸ್ವತೀ ನದಿ ತೀರದಲ್ಲಿ ನೆಲೆ ಮಾಡಿದ್ದ ವಲಸೆಗಾರ ಸಾರಸ್ವತ ಆರ್ಯರಿಂದಾಗಿ ಹುಟ್ಟಿ ಬೆಳೆಯಿತು ಎಂಬ ವಾದವನ್ನು ಮುಂದಿಡುತ್ತಾರೆ. ಪುರಾಣ ಸಾಹಿತ್ಯ, ವರಾಹಮಿಹಿರನ ಬೃಹತ್ಸಂಹಿತಾ ಮುಂತಾದ ಗ್ರಂಥಗಳ ಆಧಾರದಿಂದ ಇವರು ತಮ್ಮ ವಾದವನ್ನು ಬಲಪಡಿಸುತ್ತಾರೆ. ಪಂಚ ಗೌಡರ ಪೈಕಿ ಸಾರಸ್ವತರೇ ಕುಲೀನತೆಯಲ್ಲಿ ಶ್ರೇಷ್ಠರಾಗಿದ್ದರು ಎಂದು ಅವರು ಹೇಳುತ್ತಾರೆ. ಸ್ಕಂದ ಪುರಾಣದ ಸಹ್ಯಾದ್ರಿ ಖಂಡದಲ್ಲಿ ಬರುವ ಗೋಮಾಂತಕ ದೇಶದ ಆರ್‍ಯನೀಕರಣವನ್ನೂ ಎತ್ತಿ ಹಿಡಿಯುವ ಪೈಗಳು ಈ ಸಾರಸ್ವತರಿಂದಲೇ ಗೋವಾಕ್ಕೆ ಕೊಂಕಣಿ ಭಾಷೆ ಬಂತು. ಹೀಗೆ ಕೊಂಕಣಿಯೂ  ನೇರವಾಗಿ ಸಂಸ್ಕೃತದಿಂದಲೇ ಉದಯಿಸಿ ಬೆಳೆಯಿತು ಎಂದು ವಾದಿಸುತ್ತಾರೆ.

ಮಂಜೇಶ್ವರ ಗೋವಿಂದ ಪೈ

ಆಧುನಿಕ ಸಂಶೋಧಕರು ಕೊಂಕಣಿಯ ಆರ್‍ಯಮೂಲ ವಾದವನ್ನು ಒಪ್ಪುವುದಿಲ್ಲ. ಕಾಲಾನುಕಾಲಕ್ಕೆ ಇತಿಹಾಸ ಕ್ಷೇತ್ರದಲ್ಲಿ ಉಂಟಾಗಿರುವ ಹೊಸ ಸಂಶೋಧನೆಗಳು ಅವರ ವಾದಕ್ಕೆ ಬೆಂಬಲಿಗವಾಗಿವೆ. ಅಂಕುಡೊಂಕು ಎಂಬ ಅರ್ಥವು ಕೊಂಕುವಿಗೆ ತೀರಾ ಸೂಕ್ತವಾಗಿದೆ. ಕೊಂಕುನಾಡು, ಬೆಟ್ಟಗುಡ್ಡ, ಹಳ್ಳ ಕಣಿವೆಗಳಿರುವ ನಾಡು ಎಂಬ ಅರ್ಥ ನೀಡುತ್ತದೆ. ಅದೇ ರೀತಿ ‘ಕೊಂಗವನ’ ಎನ್ನುವುದು ‘ಕಳ್ಳು ನೀಡುವ ಒಂದು ಜಾತಿಯ ಮರಗಳ ವನ’ ಎಂದು ಅರ್ಥ ನೀಡುತ್ತದೆ. ಇದೇ ಅರ್ಥದಲ್ಲಿ ‘ಕೊಂದ್ಕನ’ ಎನ್ನುವ ಶಬ್ದ ತಮಿಳು ಪ್ರಾಚೀನ ಕಾವ್ಯ ‘ಶಿಲಪ್ಪಾದಿಕಾರಮ್’ನಲ್ಲಿ ಬಳಸಲಾಗಿದೆ. ಅದೇ ರೀತಿಯಲ್ಲಿ ಕೊಂಕುನಾಡು ಎನ್ನುವುದು ಕೊಂಕ ಜನಾಂಗದವರ ನೆಲೆವೀಡು ಎಂದೂ ಅರ್ಥೈಸಿಕೊಳ್ಳಬಹುದು. ಆದುದರಿಂದ ಒಲಿವಿನ್ಹೋ ಗೋಮ್ಸ್, ವಿ.ಪಿ. ಚವ್ಹಾಣ್ ಮುಂತಾದ ಪಂಡಿತರು ಈ ಒಂದು ನಿರ್ದಿಷ್ಟ ಸ್ಥಳನಾಮವನ್ನು ಕೇಂದ್ರವಾಗಿಟ್ಟುಕೊಂಡು ಕೊಂಕಣಿಯ ಮೂಲವು ಈ ಕೊಂಕಣ ಎಂಬ ಸ್ಥಳದಲ್ಲಿ ಉಂಟಾಯ್ತು. ಆದುದರಿಂದ ಕೊಂಕಣಿಯು ಆರ್‍ಯ ಮೂಲದ ಅಥವಾ ಸಾರಸ್ವತರು ತಂದ ಭಾಷೆಯೇನಲ್ಲ ಎಂದು ವಾದಿಸುತ್ತಾರೆ.

ಸೇಡಿಯಾಪು ಕೃಷ್ಣಭಟರು ನೆರೆಯ ತುಳು, ಕನ್ನಡ ಭಾಷೆಗಳ ಬರಹ ಪ್ರಕ್ರಿಯೆಗಳ ನೆರವಿನಿಂದ ಕೊಂಕಣ ಎಂಬ ಶಬ್ದವು ಆ ಪ್ರದೇಶದ ಭೌಗೋಳಿಕ ನಿಮ್ನೋನ್ನತ ಸ್ವರೂಪದಿಂದ ಬಂದಿರಬಹುದು ಎಂದು ವಾದಿಸುತ್ತಾರೆ. ಕೊಂಕ, ಗೂಂಕ ಮುಂತಾದ ಶಬ್ದಗಳ ಸ್ವರೂಪ ಇದೇ ಆಗಿದೆ ಎಂದು ಅವರು ತಿಳಿಸುತ್ತಾರೆ. (ಸೇಡಿಯಾಪು ಕೃಷ್ಣ ಭಟ್ಟ – ತುಳು ಶಬ್ದಾರ್ಥ ಮತ್ತು ಚೇರ-ಕೊಂಕಣ-ಕೆಲವು ದೇಶನಾಮಗಳು)

‘ಕೋಹ್’ ಎಂದರೆ ಪರ್ವತವೆಂದೂ ‘ಕುಂದ’ ಎಂದರೆ ಹೊಂಡವೆಂದೂ ಅರ್ಥ ಇರುವುದು. ಈ ಎರಡು ಪದಗಳು ಸೇರಿ ‘ಕೊಂಕಣಿ’ ಪದ ಹುಟ್ಟಿರುವ ಸಾಧ್ಯತೆ ಇದೆ. ಆಳ ಕಣಿವೆಗಳ ಮತ್ತು ನೀಳ ಬೆಟ್ಟಗಳ ನಾಡಾದ ಕೊಂಕಣಕ್ಕೆ ಅದರ ಭೂ ಪ್ರದೇಶದಿಂದ ಇಂತಹ ಹೆಸರು ಬರುವ ಹಾಗೂ ಇಲ್ಲಿಯ ಭಾಷೆಗೆ ಅದೇ ಸಾಮ್ಯತೆಯ ಹೆಸರು ಸಿಗುವ ಎಲ್ಲಾ ಸಾಧ್ಯತೆಯ ಕುರಿತೂ ವಾದಿಸಲಾಗುತ್ತಿದೆ (ಪು.ಸಂ 5-6, ವಿ.ಪಿ. ಚವ್ಹಾಣ್, – ದ ಕೊಂಕಣ್ ಏಂಡ್ ದ ಕೊಂಕಣಿ ಲ್ಯಾಂಗ್ವೇಜ್)

ದಕ್ಷಿಣ ಏಷ್ಯಾದ ಮೂಲ ನಿವಾಸಿ ಜನರ ಆಡು ಭಾಷೆಯ ಮೇಲೆ ಕ್ರಮೇಣ ವಿವಿಧ ಭಾಷೆಗಳ ಪ್ರಭಾವ ಬಿದ್ದು ಹೊಸ ಹೊಸ ಭಾಷೆಗಳು ರೂಪುಗೊಂಡವೆಂದೂ ಅದೇ ರೀತಿ ಕೊಂಕಣ ತೀರದ ಕೊಂಗ ಮೂಲಜನರ ಆಡು ನುಡಿಯ ಮೇಲೆ ಪ್ರಾಕೃತ ಹಾಗೂ ಉತ್ತರ ಮಹಾರಾಷ್ಟ್ರೀ ಭಾಷೆಗಳ ಪ್ರಭಾವ ಬೀಳುತ್ತಾ ಕೊಂಕಣಿಯು ಬೆಳೆಯಿತೆಂದು ಡಾ. ಒಲಿವಿನ್ಹೋ ಗೋಮ್ಸ್ ವಾದಿಸುತ್ತಾರೆ. ಅವರ ಪ್ರಕಾರ ಕ್ರಮೇಣ ಕೊಂಕಣಿಯು ಸಂಸ್ಕೃತದ ಚೊಚ್ಚಲ ಮಗಳು ಎಂಬ ಅಭಿದಾನವನ್ನೇ ಸಂಪಾದಿಸಿತು. (ಕೊಂಕಣಿ ಒಂದು ಮೇಲ್ನೋಟ, ಪುಸಂ. ೩೫ – ೩೭ ಕೊಂಕಣಿ ಭಾಷೆ-ಸಾಹಿತ್ಯ, ಸಂ. ಮುರುಳೀಧರ ಉಪಾಧ್ಯ ಹಿರಿಯಡಕ, ಕೊಂಕಣಿ ಅಧ್ಯಯನ ಪೀಠ, ಉಡುಪಿ.)

ಪರಶುರಾಮ ಸೃಷ್ಟಿಯ ಕುರಿತು ಸ್ಕಂದ ಪುರಾಣದ ಸಹ್ಯಾದ್ರಿ ಖಂಡದಲ್ಲಿ ಬರುವ ಎಲ್ಲಾ ವಿವರಗಳು ಪಶ್ಚಿಮ ಕರಾವಳಿಯ ಉದ್ದದ, ಮುಖ್ಯವಾಗಿ, ದಕ್ಷಿಣದ ಭೂಪ್ರದೇಶಗಳಿಗೂ ಅನ್ವಯಿಸಬಹುದೆಂದೂ, ಆ ವಿವರಗಳು ಯಾವುದೇ ರೀತಿಯಲ್ಲಿ ಗೋವಾ ನಿರ್ದಿಷ್ಠವಲ್ಲವೆಂದೂ, ಅವುಗಳು ವಿಂಧ್ಯಾ ದಕ್ಷಿಣದ ಆರ್ಯನೀಕರಣ ಪ್ರಕ್ರಿಯೆಯ ಭಾಗವಾಗಿಯಷ್ಟೇ ಪರಿಗಣಿಸಲ್ಪಡಬೇಕೆಂದು ಅಧ್ಯಯನಗಳು ತಿಳಿಸುತ್ತವೆ. ಸ್ಕಂದಪುರಾಣದ ನಂತರ ಪರಶುರಾಮ ಸೃಷ್ಟಿಯ ಹಾಗೂ ಆ ನಂತರ ಬ್ರಾಹ್ಮಣರಿಗೆ ಭೂದಾನದ ಕುರಿತಾದ ವಿವರಗಳು ಗ್ರಾಮ ಪದ್ಧತಿ, ಕೇರಳೊಳ್‌ಪತಿ, ಗೋಕರ್ಣಕ್ಷೇತ್ರ ಮಹಾತ್ಮೆ ಮುಂತಾದ ಕೃತಿಗಳಲ್ಲಿ ದೊರೆಯುತ್ತವೆ. ಈ ಎಲ್ಲವುಗಳನ್ನು ಪರಿಶೀಲಿಸಿದಾಗ ಗೋವಾಕ್ಕೆ ಸಾರಸ್ವತರ ಹಾಗೂ ಅವರೊಂದಿಗೆ  ಕೊಂಕಣಿಯ ಆಗಮನದ ವಾದ ಹೆಚ್ಚು ವೈಜ್ಞಾನಿಕವಾಗಿಲ್ಲ ಎಂದು ತಿಳಿಯುತ್ತದೆ. (ಸರಿತಾ ಎಸ್. ನಾಯಕ್ ತಾರಿ-ಸಹ್ಯಾದ್ರಿ ಖಂಡ ಎಂಡ್ ಆರ್ಯನೈಜೇಶನ್ ಆಫ್ ಗೋವಾ -ಅಕಾಡೆಮಿಕ್ ಸ್ಟಾಫ್ ಕಾಲೇಜ್ – ಯುನಿವರ್ಸಿಟಿ ಆಫ್ ಕೇರಳ ತಿರುವನಂತಪುರಮ್ -2003)

ರೆವರೆಂಡ್ ಹಾಫ್‌ಮನರು ತಮ್ಮ Encyclopaedia Mundarica ಕೃತಿಯಲ್ಲಿ ಮುಂಡಾರಿ ಭಾಷೆಯ ಅಧ್ಯಯನ ಮಾಡುತ್ತಾ ಆ ಭಾಷೆಗೂ ಕೊಂಕಣಿಗೂ ಇರುವ ಸಾಮ್ಯವನ್ನು ಗುರುತಿಸಿದರು. ಮುಂಡಾರಿ ಮಧ್ಯಭಾರತದ ಮುಂಡ ಆದಿವಾಸಿಗಳ ಭಾಷೆ. ಕೊಂಕಣಿಯನ್ನು ಬಳಸುವವರಲ್ಲಿ ಕೂಡಾ ನಿರ್ದಿಷ್ಠ ಅದಿವಾಸಿಗಳು ಮೂಲ ಬಳಕೆದಾರರು ಎಂದು ಸಂಶೋಧಕರ ವಾದವಾಗಿದೆ. ‘ಕೊಂಕ’ ಮೂಲವಾಸಿಗಳು, ಗೌಡಿಗಳು, ಕುಣುಬಿಗಳೇ ಈ ಆದಿವಾಸಿಗಳು.

ಭಾರತೀಯ ಭಾಷಾಶಾಸ್ತ್ರದ ಮಹಾನ ಪಂಡಿತರಾದ ಸುಮಿತ್ರ ಮಂಗೇಶ ಖತ್ರೆಯವರ ಪ್ರಕಾರ ಕೊಂಕಣಿ ಯಾವುದೇ ಸಂದರ್ಭದಲ್ಲಿ ರಾಜಾಶ್ರಯ ಪಡೆದ ಭಾಷೆಯಾಗಿರಲಿಲ್ಲ. ಕೊಂಕಣಿಯ ಅಧ್ಯಯನದ ಆರಂಭಕಾರನೆಂದೆ ಗುರುತಿಸಲಾಗಿರುವ ತೋಮಸ್ ಸ್ಟೀವನನು ಕೂಡಾ ಮರಾಠಿಯಿಂದಲೇ ಆರಂಭಿಸುತ್ತಾನೆ ಎಂದಾದರೆ ಆತನ ಕಾಲದಲ್ಲಿಯೇ ಕೊಂಕಣಿ ಸಾಹಿತ್ಯದ ಅಲಭ್ಯತೆ ಕಂಡು ಬರುತ್ತದೆ ಎನ್ನುವುದು ಅವರ ವಾದ. ಅವರ ಪ್ರಕಾರ ಕೊಂಕಣಿಯ ಮೂಲದ ಬಗೆಗಿನ ಸಂಶೋಧನೆಯು ಇನ್ನೂ ವ್ಯವಸ್ಥಿತವಾಗಿ ನಡೆದು ಸತ್ಯಂಶಗಳು ಸ್ಪಷ್ಟವಾಗಬೇಕಾಗಿವೆ. (Very little is known about the early history of Konkani. The first notice and description of the language is to be found in Father Stephens’ grammar. It is  commonly averred that before the advent of the Portuguese there was a flourishing Konkani literature in Goa which was destroyed by the Portuguese inquisition. But the fact that the Christian Missionaries themselves were studying the native tongue shows that the mother tongue continued to be in vogue in spite of persecutions. But, of literature we have no trace)

ಖತ್ರೆಯವರು ಕೊಂಕಣಿಯ ಮೂಲ ಇವರಿಂದಲೇ ಉಂಟಾಯ್ತು ಅಥವಾ ಈ ನಿರ್ದಿಷ್ಟ ಜನರೇ ಕೊಂಕಣಿಯ ಹುಟ್ಟು ಮತ್ತು ಬೆಳವಣಿಗೆಗೆ ಕಾರಣರು ಎಂಬ ವಾದವನ್ನು ಒಪ್ಪುವುದಿಲ್ಲ ಮಾತ್ರವಲ್ಲ ಸಂಸ್ಕೃತ ಮೂಲದ ಜನರಿಂದಾಗಿ ಕೊಂಕಣಿಯು ಗೋವಾಕ್ಕೆ ಆಗಮಿಸಿತು ಎನ್ನುವ ಸಿದ್ಧಾಂತವನ್ನು ಅಲ್ಲಗಳೆಯುತ್ತಾರೆ. (The entry of Sarasvats into Goa is still a matter for historical investigation; for they look upon Kashmir as their place of origin and the details of their journey are depending upon mythical and semi historical facts contained in the Sahyadri Skanda Purana.-ಪು.ಸಂ. 175-178  ದ ಫೊರ್ಮೇಷನ್ ಆಫ್ ಕೊಂಕಣಿ – ಎಸ್.ಎಮ್. ಖತ್ರೆ, ಡೆಕ್ಕನ್ ಕಾಲೇಜ್ ಪೂನಾ 1966)

ಸುಮಿತ್ರ ಮಂಗೇಶ ಖತ್ರೆಯವರು ನೀಡುವ ವ್ಯಾಖ್ಯಾನವು ಕೊಂಕಣಿಯ ಕುರಿತಾದ ಅಧ್ಯಯನಗಳಲ್ಲಿ ಹೆಚ್ಚು ಸ್ಪಷ್ಟವೆಂದು ತೆಗೆದುಕೊಳ್ಳಲು ಯೋಗ್ಯವಾಗಿದೆ. ಅವರ ವಾದಸರಣಿಯು ಅಲ್ಲಿಂದ ಮುಂದಿನ ಅಧ್ಯಯನಗಳಿಗೆ ಪೂರಕವಾಗಿಯೂ ಇದೆ. ‘Viewing the conditions today we may safely presume that Konkani was not the language of a single group including Brahmins as well as non Brahmins… It is a rich blend of many groups… as instanced by the sonars of Goa or the Gavdis of two Canaras..

ಆಧುನಿಕ ಸಂಶೋಧಕರು ತಿಳಿಸುವಂತೆ ಆರ್ಯನೀಕರಣದ ಪ್ರಕ್ರಿಯೆಯ ನಿರಂತರತೆಯ ಫಲವಾಗಿ ಸಪ್ತಸಿಂಧೂ ವಲಯದಿಂದ ಕೊಂಕಣದತ್ತ ಬಂದ ಆರ್‍ಯರು ಸುಮಾರು ಕ್ರಿಸ್ತಶಕ ಎರಡು-ಮೂರನೇ ಶತಕದ ಕಾಲದಲ್ಲಿ ಗೋವಾದಲ್ಲಿ ತಮ್ಮ ನೆಲೆಗಾರಿಕೆಯನ್ನು ಭದ್ರಪಡಿಸಿದರು. ಸ್ಕಂದ ಪುರಾಣದ ಸಹ್ಯಾದ್ರಿ ಖಂಡದ ಪರಿಕಲ್ಪನೆಗಳ ಬಲವಾದ ಬಳಕೆಯಿಂದಾಗಿ ಆದಿವಾಸಿಗಳು ಅಸ್ಥಿರರಾಗಿ ಸಾಮಾಜಿಕ ವ್ಯವಸ್ಥೆಯಲ್ಲಿ ಬಲಹೀನರಾದರು. ಇದರ ಪರಿಣಾಮವಾಗಿ ದಸ್ಯುಗಳಾದವರು ವಿಜೇತರ ಭಾಷೆಯನ್ನೇ ಸರ್ವಸಾಮಾನ್ಯ ಭಾಷೆಯೆಂದು ಬಳಸುತ್ತಾ ಆದಿವಾಸಿಗಳ ಭಾಷೆಯು ಸಂಸ್ಕೃತದ ಸಂರಚನೆಯನ್ನು ತನ್ನದಾಗಿಸಿಕೊಳ್ಳತೊಡಗಿತು. ಕ್ರಮೇಣ ಕೊಂಕಣಿ ಸಂಸ್ಕೃತದ ನಂತರದ ಪ್ರಮುಖ ಇಂಡೋ ಆರ್ಯನ್ ಭಾಷೆಯೆಂಬ ಹೆಸರು ಪಡೆಯತೊಡಗಿತು.

ಡಾ. ವಿಲ್ಯಂ ಮಾಡ್ತಾ

ಪ್ರಖ್ಯಾತ ಭಾಷಾ ವಿಜ್ಞಾನಿ ವಿಲ್ಲಿಯಂ ಮಾಡ್ತಾರವರು ಕೂಡಾ ಕೊಂಕಣಿ ಭಾಷೆಯ ಮೂಲದ ಕುರಿತು ಇನ್ನಷ್ಟು ಸಂಶೋಧನೆಯಾದ ಬಳಿಕವೇ ಸ್ಪಷ್ಟತೆ ಮೂಡಬಹುದು ಎಂದು ವಾದಿಸುತ್ತಾರೆ. ‘ಕೊಂಕಣಿ ಭಾಷೆಯ ಮೇಲೆ ಉಂಟಾಗಿರುವ ಪ್ರಾಕೃತ ಪ್ರಭಾವವನ್ನು ಕಂಡು ಅದು ಇಂಡೋ ಆರ್ಯನ್ ಭಾಷಾ ಮೂಲಕ್ಕೆ ಸೇರಿದ್ದು ಎಂದು ವಾದಿಸುವುದು ಅವಸರದ ಕ್ರಿಯೆ. ಕೊಂಕಣಿ ಮಾತೃಭಾಷಿಕ ಆದಿವಾಸಿ ಪಂಗಡಗಳಾದ ಕೊಂಕ, ಖೊರ್ಲಾನಿ, ಕುಂಡ್ಬಿ, ಗೌಡಿ, ಸಿದ್ದಿ, ಗೌಳಿ ಜನಾಂಗಗಳ ಜನರು ಬಳಸುವ ಕೊಂಕಣಿ ಪ್ರಭೇದದ ಆಳ ಅಧ್ಯಯನ ಮಾಡಿ ಸಮಗ್ರ ದೃಷ್ಟಿಕೋನ ಬೆಳೆಸಿಕೊಳ್ಳಬೇಕು. ಆ ತನಕ ನಮ್ಮ ಎಲ್ಲಾ ವಾದಗಳು ಬರೇ ಮಂಡನೆಗಳಷ್ಟೇ’ ಎಂದು ಅವರು ತಿಳಿಸುತ್ತಾರೆ.

ಅದೇನೇ ಇದ್ದರೂ ವಿಸ್ತೃತ ಅಧ್ಯಯನ, ವೈಜ್ಞಾನಿಕ ಸಂಶೋಧನೆಯ ಬಲವಿಲ್ಲದೆ ಭಾವುಕವಾಗಿ ‘ಕೊಂಕಣಿ ನಿರ್ಧಿಷ್ಟ ಮೂಲಕ್ಕೆ ಮಾತ್ರ ಸೇರಿದ್ದು’ ಎಂದು ವಾದಿಸುವುದು, ಕೊಂಕಣಿ ಸಂಸ್ಕೃತಿ ಎಂದರೆ ನಿರ್ದಿಷ್ಟ ಜಾತಿ ಜನಾಂಗದ ಸಂಸ್ಕೃತಿ ಮಾತ್ರ ಎಂದು ನಂಬಿಸುವುದು ಪ್ರಜಾತಾಂತ್ರಿಕ ಚಿಂತನೆಯ ವಿರುದ್ಧವಾಗುತ್ತದೆ. ಮಾತ್ರವಲ್ಲ ತಳಮಟ್ಟದ ಸಂಸ್ಕೃತಿಯ ಮೂಲಗಳನ್ನು ನಾಶಪಡಿಸುವ, ಅದರ ಬಲ ಕುಗ್ಗಿಸುವ ಚಿಂತನೆಯಾಗುತ್ತದೆ. ಅದು ಭಾರತೀಯ ದೃಷ್ಟಿಕೋನವಾಗಲು ಸಾಧ್ಯವಿಲ್ಲ. ಎಲ್ಲಾ ಚಿಂತನೆಗಳನ್ನು ಸಮಾನವಾಗಿ, ಮುಕ್ತವಾಗಿ ಸ್ವೀಕರಿಸುವವರು ನಾವು. ಹಾಗೆ ಆದಾಗ ಮಾತ್ರ ಅಭಿವೃದ್ಧಿಪರ ಶಿಕ್ಷಣ ಸಾಧ್ಯ. ಆದುದರಿಂದ ಕೊಂಕಣಿ ಆರ್ಯ ಮೂಲದ ಭಾಷೆಯೆ? ಸ್ಥಳೀಯ ದ್ರಾವಿಡ ಆದಿವಾಸಿ ಜನಾಂಗಗಳ ಭಾಷೆಯೆ? ಎನ್ನುವ ಕುರಿತು ವೈಜ್ಞಾನಿಕ ಅಧ್ಯಯನ ತ್ವರಿತವಾಗಿ ನಡೆಯಬೇಕಾಗಿದೆ.

■ ಸ್ಟೀವನ್ ಕ್ವಾಡ್ರಸ್
ಸಹ ಪ್ರಾದ್ಯಾಪಕರು (ಇತಿಹಾಸ)
ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು, ಪುತ್ತೂರು

St. John Vianney

ಮ್ಹಣಿಯಾರಿ ಮ್ಹಣ್ಚ್ಯಾ ಸಬ್ಧಾಕ್ ಮಿನಿಸ್ಟರ್ ಮ್ಹಣ್ಚ್ಯಾ ಸಬ್ಧಾಕ್ ಸಮಸ್ಪಂದಿ ಜಾವ್ನ್ ಘೆತ್ಲಾ. ಮಿನಿಸ್ಟರ್ ಮ್ಹಣ್ಚೆಂ ‘ಆದ್ ಮಿನಿಸ್ತ್ರಾರೆ’ ಮ್ಹಣ್ಚ್ಯಾ ಲಾತ್ಯಾ ಸಬ್ಧಾಥಾವ್ನ್ ಆಯ್ಲಾ – ಹಾಚೊ ಅರ‍್ಥ್ ‘ಸೆವಾ ಕರುಂಕ್’ ಮ್ಹಣ್ ಜಾತಾ. ಆಮ್ಚ್ಯಾ ರಾಜಕೀಯ್ ವೆವಸ್ತ್ಯಾಂತ್ ಮಿನಿಸ್ಟರ್ ಮ್ಹಣ್ಚೊ ಸಬ್ಧ್ ವಾಪರ‍್ತಾತ್; ತಶೆಂ ಮ್ಹಳ್ಯಾರ್ ಮಂತ್ರಿ ಲೊಕಾಚೊ ಸೆವಾ ಕರುಂಕ್ ಆಸ್ಚೊ. ಆಮ್ಚ್ಯಾ ಯಾಜಕಾಂಕ್, ಧಾರ‍್ಮಿಕ್ ಭಾವಾಂ ಭಯ್ಣಿಂಕ್ ಪವಿತ್ರ್‌ಸಭೆಂತ್ ಸೆವೆ ಖಾತಿರ್ ನೆಮ್ತಾತ್. ರಾಜಕೀಯ್ ಶೆತಾಚೆ ಮಿನಿಸ್ಟರ್ (ಸೆವಕ್) ಲೊಕಾನ್ ವಿಂಚುನ್ ಕಾಡ್ಲಲೆ. ಶಿಕಪ್ ಆಸುಂ, ನಾಂ ಆಸುಂ ಲೊಕಾಚಿ ವಿಂಚೊವ್ಣ್ ತೆ. ಪವಿತ್ರ್‌ಸಬೆಂತ್ ತಶೆಂ ನ್ಹಂಯ್, ಸ್ವಂತ್ ಖುಶೆನ್ ಆಪುಣ್ಂಚ್ ಜಾವ್ನ್ ಮಿನಿಸ್ಟರ್ (ಸೆವಕ್) ಜಾಂವ್ಕ್ ವೆಚೆ. ಆನಿ ತಿ ತಾಂಚಿ ವಿಂಚೊವ್ಣ್ ಪರ‍್ಜೆಚಿ ನ್ಹಂಯ್ ತರೀ ಭಾವಾಡ್ತಿ ಲಾಯಿಕ್ ಲೋಕ್ ತಾಂಚ್ಯಾ ವಿಂಚೊವ್ಣೆಕ್ ಮಾನ್ತಾ ಆನಿ ತಾಂಚೆ ತರ‍್ಭೆತೆ ಖಾತಿರ್ ವ್ಹರ‍್ತೊ ದುಡು ಖರ‍್ಚ್ ಕರ‍್ತಾ.

ಕ್ರಿಸ್ತಾಚಿ ಆನಿ ತಾಚ್ಯಾ ಪರ‍್ಜೆಚಿ ಆಪುಣ್ ನಿರಂತರ್, ಮೊಗಾನ್ ಆನಿ ಪ್ರಾಮಾಣಿಕ್ಪಣಿಂ ಸೆವಾ ಕರ‍್ತಾಂ ಮ್ಹಣ್ ಆಯಿಲ್ಲ್ಯಾ ಕಥೋಲಿಕ್ ಯಾಜಕಾನ್ ಎಕಾ ಸೆವಕಾಪರಿಂ, ಎಕಾ ಗೊವ್ಳ್ಯಾಪರಿಂ ಆನಿ ಎಕಾ ಮುಕದಮಾಪರಿಂ ತೀನ್ ರಿತಿಂಚೆಂ ಮುಕೇಲ್ಪಣ್ ದಾಕವ್ನ್ ‘persona Christi Capitis’(ಕ್ರಿಸ್ತಾಚೆಂ ವ್ಯಕ್ತಿತ್ವ್ ಆಪ್ಣಾಯಿಲ್ಲೊ ಜಾಯ್ಜೆ) ಕ್ರಿಸ್ತಾಚೆಂ ವ್ಯಕ್ತಿತ್ವ್ ಆಪ್ಣಾಯಿಲ್ಲೊ ಜಾಯ್ಜೆ. ‘ಆಪ್ಲ್ಯಾ ಫಾಂಕಿವಂತ್ ಆನಿ ದೆಕಿವಂತ್ ಜಿಣ್ಯೆಧ್ವಾರಿಂ ಲೊಕಾಂಕ್ ಕ್ರಿಸ್ತಾವಿಶಿಂ ಶಿಕಯ್ಜೆ, ಜೊಕ್ತೆಂ ಮುಕೇಲ್ಪಣ್ ದಿಂವ್ಚೆಮಾರಿಫಾತ್ ಲೊಕಾಕ್ ಗೊವ್ಳಿಕ್ ವಾವ್ರ್ ಚಲಯ್ಜೆ, ಆಧ್ಯಾತ್ಮಿಕ್ ಮಾರ‍್ಗದರ‍್ಶನ್ ದೀಜೆ ಆನಿ ಸಾಕ್ರಾಮೆಂತಾಂಧ್ವಾರಿಂ ಲೊಕಾಕ್ ಪವಿತ್ರ್ ಕರ‍್ಚಿ ಎಕಾ ಯಾಜಕಾಚಿ ಜವಾಬ್ಧಾರಿ ಆನಿ ಹ್ಯಾ ದಿಶೆನ್ ದೆವಾಚ್ಯಾ ಪರ‍್ಜೆಚಿ ಸೆವಾ ಕರುಂಕ್ ಆನಿ ದೆವಾಥಂಯ್ ತಾಂಕಾಂ ಎಕ್ವಟಾಂವ್ಚ್ಯಾಕ್ ಎಕಾ ಯಾಜಕಾಕ್ ಪದ್ವಿ ದಿಲ್ಯಾ’ (ಸಿಸಿಸಿ 1592) ಕ್ಯಾನನ್ ಲೋ’ಚ್ ಹ್ಯಾಧ್ವಾರಿಂ ಆಮ್ಕಾಂ ಸ್ಪಷ್ಟ್ ಕರ‍್ತಾಕೀ ಯಾಜಕಾಕ್ ಕಾಂಯ್ ಪದ್ವಿ ದಿಲ್ಯಾ ತರ್ ತಿ ಪರ‍್ಜೆಚಿ ಸೆವಾ ಕರುಂಕ್.

IN PERSONA CHRISTI CAPITIS…

‘ಪೆಲ್ಯಾಂಖಾತಿರ್ ಆಪ್ಣಾಕ್‌ಚ್ ದೀಂವ್ಕ್ ಪ್ರೇರೇಪಿತ್ ಕರ‍್ಚೊ ಕಣ್ವಳೊ ಮೋಗ್ ಯಾಜಕಾಂಚ್ಯಾ ಕಾಳ್ಜಾಂತ್ ರೊಂಬ್ಲಲೊ ಆಸಾಜೆ ಮ್ಹಣುನ್’ 2016 ವ್ಯಾ ಇಸ್ವೆಂತ್ ಯಾಜಕಾಂಖಾತಿರ್ ಆಸ್ಚ್ಯಾ ಪವಿತ್ರ್‌ಸಭೆಚ್ಯಾ ದಫ್ತರಾನ್ ಪರ‍್ಗಟ್ ಕೆಲಾಂ (Congregation for the Clergy) ಜುವಾಂವ್ ಪಾವ್ಲ್ ದುಸ್ರ್ಯಾನ್ 1992 ವ್ಯಾ ವರ‍್ಸಾ ಆನಿ ಪಾವ್ಲ್ ಸವ್ಯಾನ್ 1965 ಇಸ್ವೆಂತ್ ಪರ‍್ಗಟ್ಲಲ್ಯಾ ವಿಶ್ವಪತ್ರಾಂನಿ ‘ಕಥೊಲಿಕ್ ಯಾಜಕ್ ಕ್ರಿಸ್ತಾಪರಿಂ ಪವಿತ್ರ್‌ಸಭೆಥಂಯ್ ಆನಿ ತಿಚ್ಯಾ ಸರ‍್ವ್ ಭಾವಾಡ್ತ್ಯಾಂಥಂಯ್ ಮೊವಾಳ್ ಮೊಗಾನ್ ಭರ‍್ಲಲೊ ಜಾವ್ನಾಸುನ್ ಪವಿತ್ರ್‌ಸಭೆಕ್ ಆಪ್ಣಾಕ್‌ಚ್ ಸಂಪೂರ‍್ಣ್ ತ್ಯಾಗ್ ಕರ‍್ಚೊ (ಒಪ್ಸುನ್ ದಿಂವ್ಚೊ) ಜಾವ್ನಾಸಾಜೆ’ ಮ್ಹಣ್ ಸ್ಪಷ್ಟ್ ಕೆಲಾಂ. ಪಳೆ :

1. Congregation for the Clergy . The gift of the priestly vocation (ratio fundamentalis institutionis sacerdotalis)Rome: L’Osservatore Romano; 2016.
2. John Paul II. Apostolic exhortation to the bishops, clergy, and faithful on the formation of priests in the circumstances of the present day (Pastores Dabo Vobis)Rome: Vatican Press; 1992.
3. Paul VI. Decree on the ministry and life of priests (Presbyterorum Ordinis)Rome: Vatican Press; 1965.

ಆಜ್ ಆಮ್ಚೆ ಯಾಜಕ್ ಸೆವೆಚೆ, ಮಯ್ಪಾಸಾಚೆ ಆನಿ ಕಣ್ವಳಾಯೆಚೆ ಜಾಲ್ಯಾತ್‌ಗೀ? ಕ್ರಿಸ್ತಾಚೆಂ ಪ್ರತಿರೂಪ್ ತೆ ಆಸಾತ್‌ಗೀ? ‘ಆಮ್ಚೊ ಪಾದ್ರ್ಯಾಬ್ ಎಕ್ದಮ್ ಕಡಕ್ಕ್, ಆಮ್ಚೊ ಪಾದ್ರ್ಯಾಬ್ ಶಿಸ್ತೆಚೊ ಶಿಪಾಯ್’ ಮ್ಹಣುನ್ ಆಮಿ ಸಂತೊಸ್ ಪಾವ್ತಾಂವ್. ‘ಆಮ್ಚ್ಯಾ ಪಾದ್ರ್ಯಾಬಾಲಾಗಿಂ ಉಲೊಂವ್ಕ್ ಎಕ್ದಮ್ ಭ್ಯೆಂ ದಿಸ್ತಾ ಸಾಯ್ಭಾ’ ಮ್ಹಣ್ಚೆಂ ಹಾಂವೆಂ ಸಭಾರ್ ಪಾವ್ಟಿಂ ಆಯ್ಕಾಲಾಂ. ಕ್ರಿಸ್ತ್ ಪಿಡೆಸ್ತಾಂಕ್, ನಿರ‍್ಗತಿಕಾಂಕ್, ಪಿಶ್ಯಾಂಕ್, ಸುಂಕಾಗಾರಾಂಕ್ ಸೊಧುನ್ ಭೊಂವ್ಲೊ. ‘ಹಾಂವ್ ಆಯ್ಲಾಂ ಪಾತ್ಕ್ಯಾಂಖಾತಿರ್’ ಮ್ಹಣ್ ತಾಣೆಂಚ್ ಸ್ಪಷ್ಟ್ ಕೆಲೆಂ. ಪೂಣ್ ಆಮಿ ತಾಚೆಂ ಪ್ರತಿರೂಪ್ ಮ್ಹಣ್ತಾತ್ ತೆ ಕೊಣಾಕ್ ಸೊಧುನ್ ಭೊಂವ್ತಾತ್?’

ದಾಕ್ಲೆ ದೀ ಮ್ಹಣ್ ವಿಚಾರ‍್ಲ್ಯಾರ್ ಲಾಂಬಾಯೆಕ್ ಬರವ್ನ್ ವಚಾಜೆ ಪಡ್ತಾ. ಆಮ್ಚ್ಯಾಂಕ್ ಹೆರ್ ಲಾಯಿಕ್ ಭಾವಾಡ್ತ್ಯಾಂಲಾಗಿಂ ಸೊಡ್ಯಾಂ ತಾಂಚ್ಯಾ ಸಕ್ಸೆಸರ್ – ಪ್ರಿಡಿಸಿಸರಾಂ (ಪೂರ‍್ವಾಧಿಕಾರಿ ಆನಿ ಉತ್ತರಾಧಿಕಾರಿಂ/ ಆಪ್ಣಾ ಪಯ್ಲೆಂ ಆಸ್‌ಲ್ಲೊ ಆನಿ ಆಪ್ಣಾ ಉಪ್ರಾಂತ್ ಆಯಿಲ್ಲೊ) ಮಧೆಂ ಕಿತ್ಲಿ ಮೊವಾಳಾಯ್ ಆಸಾ? ಆಪ್ಣಾ ಪಯಿಲ್ಲೆಂ ಆಸ್‌ಲ್ಲೊ ಆಪ್ಣಾಕ್ ಲಾಯ್ಕ್ ನಾಂ ಮ್ಹಣುನ್ ತಾಣೆಂ ಬಾಂದ್‌ಲ್ಲಿಂ ಬಾಂದ್ಪಾಂ ಮೋಡ್ನ್ ಘಾಲ್ಲೆ ಕಿತ್ಲೆ ದಾಕ್ಲೆ ಜಾಯ್? ಹೆಂ ಮ್ಹಜೆಂ ಕದೆಲ್ ಹಾಚೆರ್ ತುಂ ಕಸೊ ಬಸ್ಲೊಯ್? ಮ್ಹಣುನ್ ಉಟೊವ್ನ್ ಸಹಾಯಕಾಕ್ ದುಕಯಿಲ್ಲೆ ವ್ಹಡಿಲ್ ಆಸಾತ್. ಆಲ್ತಾರಿಕ್ ಚಡುಂಕ್ ನ್ಹೆಸುನ್ ರಾವ್‌ಲ್ಲ್ಯಾಚೆಂ ವಸ್ತುರ್‌ಮೆಂತ್ (ವೆಸ್ಟ್‌ಮೆಂಟ್) ಕಾಡಯಿಲ್ಲೆ ಆಸಾತ್. ಯುರೋಪಾಂತ್ ನ್ಹಂಯ್ ಉತ್ತರ್ ಇಂಡಿಯಾಂತ್ ನ್ಹಂಯ್ ಆಮ್ಚೆಚ್ ಭೊಂವಾರಿಂ. ಆಪ್ಣಾಕ್ ವಿರೋಧ್ ಆಸಾ ಮ್ಹಣ್ ಚಿಂತುನ್ ಕಿತ್ಲ್ಯಾ ಜಣಾಂಚಿ ಜೀಣ್ ಬರ‍್ಬಾದ್ ಕೆಲ್ಲೆ ಕಿತ್ಲೆ ಸ್ವಘೋಷಿತ್ ಹಿಟ್ಲರ್ ಆಸಾತ್? (ಮಂಗ್ಳುರಾಂತ್ ಆದಿಂ ಎಕ್ಲೊ ಬಿಸ್ಪ್ ಆಸ್‌ಲ್ಲೊ, ಆಪ್ಣೆಂ ಚಲುನ್ ವೆತಾನಾಂ ಸಕ್ಡಾಂನಿ ಉಬೆ ರಾವುನ್ ಆನಂದ್ ಬಾಪಾ ಕಾಡಿಜೆ ಮ್ಹಣ್ ಆಪ್ಲ್ಯಾ ಮೆಟಾಂಚೊ ವ್ಹಡ್ ಆವಾಜ್ ಉಟೊಂವ್ಕ್ ಆಪ್ಲ್ಯಾ ವ್ಹಾಣಾಂಕ್ ರುಕಾಚ್ಯೊ ಖೊಟೊ ಬಸಯಿಲ್ಲೊ – ತಾಚ್ಯಾ ಕ್ರೂರ್‌ಪಣಾವಿಶಿಂ ಏಕ್ ಪುಸ್ತಕ್‌ಚ್ ಬರವ್ಯೆತ್)

Rector Father K. J. Thomas

ಆಪುಣ್ ಮಾತ್ರ್ ಮಾನ್ ಗವ್ರವಾಕ್ ಫಾವೊ ಹೆರ್ ಸಕ್ಕಡ್ ಚಿಲ್ಲರ್ ಮ್ಹಣ್ ಕಾಡ್ಚೊ ಸಂಯ್ಭ್ ಭರ್‌ಲ್ಲೆ ಕಿತ್ಲೆ ಜಾಯ್. ಬೆಂಗ್ಳುರ್ ಸೆಮಿನರಿಚ್ಯಾ ರೆಕ್ಟರಾಕ್ ಜಿವೆಶಿಂ ಮಾರ್‌ಲ್ಲೆಂ ಕೊಣೆಂ? ತ್ಯಾ ಮಾಲ್‌ಕ್ರಿಯಾದಾಂಚ್ಯಾ ಕಾನೂನೀ ಝುಜಾಕ್ ಕೋಣ್ ಪಯ್ಶೆ ಖರ‍್ಚ್ ಕರ‍್ನ್ ಆಸಾ? ಹ್ಯಾ ವಿಶಿಂ ಸತ್ ಭಾಯ್ರ್ ಯೇಂವ್ದಿ ಮ್ಹಣ್ ಮಾಗ್ಯಾಂ. ಸಿಸ್ಟರ್ ಅಭಯ ಕಶಿ ಆನಿ ಕಿತ್ಯಾಕ್ ಖುನ್ ಜಾಲಿ? ಸಕ್ಕಡ್ ಸೊಡ್ನ್ ಎವ್ಕರಿಸ್ತಾಚೆಂ ಮ್ಹಾಪ್ರಾರ‍್ಥನ್ ಸೊಂಪ್ಚೆ ಪಯ್ಲೆಂಚ್ ರಾಜಕಾರಣಿಕ್ ಆಲ್ತಾರಿಕ್ ಆಪವ್ನ್ ಸನ್ಮಾನ್ ಕೆಲ್ಲೆಂ ಕೊಣೆಂ. ‘ತುವೆಂ ಹಾಗ್ಲ್ಯಾರ್ ಗೂ ಆನಿ ಹಾಂವೆಂ ಗಳಯ್ಲ್ಯಾರ್ ಮೊತಿಯಾಂ’ ಮ್ಹಣ್ತಲ್ಯಾಂಕ್ ದಿಸಾಜೆ ಜಾಲ್ಲೆಂ ದಿಸಾನಾಂ.

ಆನ್ಯೇಕ್ ವಿಷಯ್ ಆಸಾ ಆಮಿ ಕೊಣಾಕ್ ಬಾಪಾ, ಫಾದರ್ ಮ್ಹಣ್ ಆಪಯ್ಜೆ ಮ್ಹಣ್ಚೊ ‘ಭುಂಯ್ಚೆರ್ ಆಸ್ಚ್ಯಾ ಕೊಣಾಕ್‌ಚ್ ತುಮಿಂ ಬಾಪಾ ಮ್ಹಣುನ್ ಉಲೊ ಮಾರ‍್ನಾಕಾತ್’ (ಮಾತೆವ್ 23:9) ಮ್ಹಣ್ ಆಮ್ಚ್ಯಾ ಪರಮ್ ಮೆಸ್ತ್ರಿ ಜೆಜು ಕ್ರಿಸ್ತಾನ್ಂಚ್ ಆಮ್ಕಾಂ ಸಾಂಗ್ಲಾಂ ಆಸ್ತಾಂ ದೆವಾ ಬಾಪಾಕ್ ಆನಿ ಆಮ್ಕಾಂ ಜನ್ಮಯಿಲ್ಲ್ಯಾ ಆಮ್ಚ್ಯಾ ಆವಯ್ಚ್ಯಾ ಘೊವಾಕ್ ಮಾತ್ರ್ ಬಾಪಾ, ಫಾದರ್ ಮ್ಹಣ್ ಆಪಯ್ಲ್ಯಾರ್ ಜಾಲೆಂ. ಹೆಂ ಹಾಂವೆಂ ಮ್ಹಜ್ಯಾ ಇಷ್ಟಾಕ್ ಸಾಂಗ್ತಾನಾಂ ‘ಆಮಿ ಪಾದ್ರ್ಯಾಬಾ ಮ್ಹಣ್ಚೆಂ ನ್ಹಂಯ್‌ಗೀ, ಬಾಪಾ ಮ್ಹಣಾನಾಂವ್’ ಮ್ಹಣ್ ತಾಣೆಂ ಸಾಂಗ್ಲೆಂ. ‘ಆಳೆ ಧನ್ಯಾ ಪಾದ್ರಿ, ಪಾದ್ರೆ, ಪಾದ್ರ್ಯಾಬಾ’ ಹೆ ಸಕ್ಕಡ್ ಪಾತೆರ್ ಮ್ಹಣ್ಜೆ ಬಾಪಯ್ ಮ್ಹಣ್ಚ್ಯಾ ಅರ‍್ಥಾಚೆ ಸಬ್ಧ್’ ಮ್ಹಣ್ ತಾಕಾ ಸಮ್ಜಯ್ಲೆಂ. ತವಳ್ ತಾಚೆಂ ಸವಾಲ್ ‘ತರ್ ಹಾಂಕಾಂ ಕಶೆಂ ಆಪಂವ್ಚೆಂ ಮ್ಹಣ್ ತಾಚೆಂ ಸವಾಲ್. ತವಳ್ ಹಾಂವೆಂ ‘ತಾಂಚಿ ವೃತ್ತಿ ಪುರ‍್ವಿತಾಂಚಿ ದೆಕುನ್ ತಾಂಕಾಂ ಪುರ‍್ವಿತ್ ಮ್ಹಣುನ್ಂಚ್ ಆಪಯ್ಜೆ’ ಮ್ಹಳೆಂ. ‘ಹಾಂ ವ್ಹಯ್ ಆದಿಂಥಾವ್ನ್ ಪುರ‍್ವಿತ್ ಮ್ಹಣ್ಚೊ ಸಬ್ಧ್ ವಾಪರ‍್ಣೆಂತ್ ಆಸಾ’ ಮ್ಹಣ್ ತೊ ಉದ್ಘಾರ‍್ಲೊ. ಯಾಜಕ್ ಮ್ಹಣಾಂ, ಪುರ‍್ವಿತ್ ಮ್ಹಣಾ, ಪುಜೆಗಾರ್, ಭೊಟ್ ಮ್ಹಣಾ ಚಲ್ತಾ.

ಆವಯ್ಚ್ಯಾ ಘೊವಾಕ್ ಬಾಪ್, ಆನ್, ಬಾಬ್ ಮ್ಹಣ್ಚೆ ತೆ ಸಬ್ಧ್ ಹೆರಾಂಕ್ ವಾಪರ‍್ಲ್ಯಾರ್ ಕಶೆಂ? ಹಾಂವ್ ಎಕಾ ಕನ್ನಡ ದಿಯೆಸೆಜಿಂತ್ ಒಡ್ದಿಕ್ ಗೆಲ್ಲೊಂ, ಥಂಯ್ ವಿಗಾರ್ ಜೆರಾಲಾಕ್ 70 ವಯ್ರ್, ಬಿಸ್ಪಾಕ್ 60 ಭಿತರ್, ತರೀ ಮಾಗ್ಣ್ಯಾವಿಧಿ ಪರ‍್ಮಾಣೆಂ ವಿಗಾರ್ ಜೆರಾಲಾನ್ ಪರಮ ಪವಿತ್ರ ತಂದೆಯೇ ಮ್ಹಣ್ ಉಲ್ಲೇಕ್ ಕರಿಜೆ (‘ಭೋವ್ ಪವಿತ್ರ್ ಬಾಪಾ’) ಥಂಯ್ ಸಭಾರ್ ಅಕ್ರಿಸ್ತಾಂವ್ ಆಸ್‌ಲ್ಲೆ. ನವ್ಯಾನ್ ಓಡ್ದ್ ಘೆತ್‌ಲ್ಲ್ಯಾ ಯಾಜಕಾಲಾಗಿಂ ತಾಚೊ ಬಾಪುಯ್ ‘ಬೆಸಾಂವ್ ದಿಯಾ ಫಾದರ್’ ಮ್ಹಣ್ತಾ.

ಆಜ್‌ಕಾಲ್ ಸೊರ‍್ಯಾಚೊ ವಾದ್ ಆನಿ ವಾಸ್ ಎಕ್ದಮ್ ಚಡ್ ಜಾಲಾ. ಆಮಿ ಲಾಯಿಕ್ ಸೊರೊ ಪಿಯೆತಾಂವ್ ಮ್ಹಣ್ ಆವಾಜ್ ಕಾಡ್ಚ್ಯಾಂಕ್ ಯಾಜಕ್ ಆನಿ ಹೆರ್ ಲೋಬ್ ಘಾಲ್ತಲ್ಯಾಂಚ್ಯಾ ಸೊರ‍್ಯಾ ವಾಪರ‍್ಣೆವಿಶಿಂ ಸಾಂಗುಂಕ್ ಕಾಂಯ್ ನಾಂ. ಹಾಂವ್ ದಿಯೆಸೆಜಿಚ್ಯಾ ಗೊವ್ಳಿಕ್ ಪರಿಷಧೆಂತ್ ಆಸ್ತಾನಾಂ ಕಾಂಯ್ ಸಾತ್’ಆಟ್‌ಪಾವ್ಟಿಂ ವ್ಹಡ್ ವ್ಹಡ್ ಜಾಣಾರ‍್ಯಾಂನಿ ‘ಸೊರೊ ಜಿವಾಕ್ ಪಾಡ್ ಲೊಕಾಕ್ ವಾಯ್ಟ್’ ಮ್ಹಣ್ ಪಾಚಾರ‍್ಚೆಂ ಆನಿ ಸಭೆಂತ್ ಜೊರಾನ್ ಸಭಾರ್ ದಾಕ್ಲೆ ದೀವ್ನ್ ಉಲಂವ್ಚೆಂ ಆಸ್‌ಲ್ಲೆಂ. ಹಾಂವೆಂ ನಿಮಾಣೆಂ ‘ತಶೆಂ ತರ್ ಆಮ್ಚ್ಯಾ ಇಗರ‍್ಜೆ ಹೊಲಾಂನಿ ಸೊರೊ ವಾಂಟುಂಕ್ ಸೊಡಿನಾಂಯೆ’ ಮ್ಹಣ್ ವ್ಹಳೂ ತಾಳೊ ಕಾಡ್ತಾನಾಂ ಸಕ್ಡಾಂಚೊ ಮೊಟೊ ತಾಳೊ ಪುಸ್ಕ್ ಜಾತಾಲೊ.

ಆತಾಂ ಪರಿಗತ್ ದೋನ್ ರಿತಿಂನಿ ಬದ್ಲಾಲ್ಯಾ ಏಕ್ ಹೊಲಾಂತ್ ಸೊರೊ ವಾಂಟುಂಕ್ ಇಲಾಖ್ಯಾಕ್ ದಂಡ್ ಬಾಂದುನ್ ಪರ‍್ವಣ್ಗಿ ಜಾಯ್ಜೆ ದೆಕುನ್ ಚಡಾವತ್ ಹೊಲಾಂನಿ ಸೊರೊ ವಾಂಟಿನಾಂತ್ ಆನಿ ದುಸ್ರೆಂ ಸೊರೊ ಆತಾಂ ಥೊಡ್ಯಾ ನಿಯಂತ್ರಣ್ ರಾಟಾವಳಿಂನಿ ಪ್ರಧಾನ್ ವೆದಿಕ್ ಚಡ್ಲಾ. ಸೊರೊ ಏಕ್ ಖಾಸ್ಗಿ ವಿಷಯ್ ತಾಚೆವಿಶಿಂ ಇತ್ಲಿ ಗಾಂಡ್‌ಗೊವ್ಜಿ ಕಿತ್ಯಾಕ್? ಹಾಂವ್ ಸೊರೊ ವಾಂಟಿನಾಂ, ಸಭೆರ್ ಸೊರೊ ಪಿಯೆನಾಂ ಮ್ಹಣ್ಚ್ಯೊ ಖಾಸ್ಗಿ ಗಜಾಲಿ ತಾಂಚೆಂ ಬೆಂಡ್ ವ್ಹಾಜೊಂವ್ಕ್ ಧರ‍್ಲ್ಯಾರ್ ಗರ‍್ಜೆಭಾಯ್ಲಿ ಕರಂದಾಯ್ ಆನಿ ಉಲ್ಟಾ ಬೆಂಡ್ ಯೆತಾ ತೆಂ ಆಯ್ಕುಂಚೆಂ ಪಡ್ತಾ.

ಚಿಂತುಂಕ್ ಮೆಂದ್ದು ಜಾಯ್. ಮೆಂದ್ದು ಬಾಡ್ಡ್ ಜಾಲ್ಯಾರ್ ಮಾಗಿರ್, ಮಾಸ್ಳಿ ಆಪ್ಲ್ಯಾ ತಕ್ಲೆಥಾವ್ನ್ ಕುಸ್ತಾ. ಭೋವ್ಶಾ ಎದೊಳ್‌ಚ್ ಕುಸುಂಕ್ ಲಾಗ್ಲ್ಯಾ. ಉಂಚಾಯೆರ್ ಆಸ್‌ಲ್ಲ್ಯಾಂಕ್ ದಿಶಾ ಚುಕ್ಲ್ಯಾರ್ ಪಾಟ್ಲಾವ್ದಾರಿ ಫೊಂಡಾಂತ್!

► ಸ್ಟೀವನ್ ಕ್ವಾಡ್ರಸ್ ಪೆರ‍್ಮುದೆ

ಕಾಂಯ್ ಆದ್ಲ್ಯಾ 1000 ವರ‍್ಸಾಂಥಾವ್ನ್ ಆಮಿ ಆಮ್ಕಾಂಚ್ ಸಕ್ಕಡ್ ಲೊಕಾಂ ಪ್ರಾಸ್ ವ್ಹರ‍್ತೆ ಮ್ಹಣ್ ಸಾಂಗುನ್ ಭೊಂವ್ತಾಂವ್. ರೊಮಾಂತ್ ಆಪ್ಲೆಂ ತಳ್ ಘಟ್ ಕೆಲ್ಯಾ ಉಪ್ರಾಂತ್ ಯುರೋಪಾಂತ್ ಕ್ರಿಸ್ತಾಂವ್ಪಣ್ ಸರ‍್ಕಾರಿ ಧರ‍್ಮ್ ಜಾವ್ನ್ ವಾಡ್‌ಲ್ಲ್ಯಾನ್ ಆನಿ ಯುರೋಪಿ ದೆಶಾಂನಿ ಆಪ್ಣಯ್ಲಲ್ಯಾ ತಾಂತ್ರಿಕ್ ಆನಿ ಝುಜಾ ತಂತ್ರ್‌ಗಿನ್ಯಾನಾಚ್ಯಾ ಬಳಾನ್ ಸಂಸಾರಾಚ್ಯಾ ಚಡಾವತ್ ಸ್ಥಳೀಕ್ ಸಂಸ್ಕೃತಿ ಕೇಂದ್ರಿತ್ ದೆಶಾಂಕ್ ಪಾಡಾವ್ ಕರ‍್ನ್ ಆಪ್ಲೆಂ ಸಾಮ್ರಾಜ್ಯ್‌ಶಾಹಿತ್ವ್ ಆನಿ ಹುಕುಮ್‌ಶಾಹಿ ಜುಲುಮ್ ಸ್ಥಾಪನ್ ಕೆಲ್ಲ್ಯಾನ್ ಕ್ರಿಸ್ತಾಂವ್ ಧರ‍್ಮ್ ಸಂಸಾರಾಚ್ಯಾ ಕೊನ್ಶ್ಯಾಕೊನ್ಶ್ಯಾಂಕ್ ಪಾವ್ಲೊ. ಅಧಿಕಾರಾಚ್ಯಾ ಆನಿ ನಿಯಂತ್ರಣಾಚ್ಯಾ ಬಳಾನ್ ಭರ್‌ಲ್ಲಿ ಖಂಚಿಯ್ ವೆವಸ್ತಾ ನಿರಂತರ್ ಉರಾಜೆ ತರ್ ತಾಣೆಂ ವಾಂಟೆಫಾಂಟೆ ಕರ‍್ಚೆಂ ಅನಿವಾರ‍್ಯ್. ಸಕ್ಕಡ್ ಸಮಾಸಮಿ ಜಾಲ್ಯಾರ್ ನಿಯಂತ್ರಣ್ ಕರ‍್ಚೆಂ ಕೊಣೆಂ? ನಿಯಂತ್ರಣ್ ಕರ‍್ಚೆಂ ಕೊಣಾಕ್ ಆನಿ ಕಿತ್ಯಾಕ್?

ದೆಕುನ್ಂಚ್ ನಿಯಂತ್ರಣಾತ್ಮಕ್ ಆನಿ ಶೋಷಣ್ ವೆವಸ್ತಾ ಆಸ್ಚ್ಯಾ ಖಂಚಾಯ್ಕೀ ಏಕ್ ನಿಯಂತ್ರಕ್ ಗರ‍್ಜೆಚೊ ಆನಿ ನಿಯಂತ್ರಣಾಕ್ ಹಾತೆರ್ ಜಾವ್ನ್ ಬರವ್ನ್ ದವರ‍್ಲಲೆಂ ಶಾಸನ್ ಗರ‍್ಜೆಚೆಂ. ಕ್ರಿಸ್ತಾಂವಾಂಪಯ್ಕಿ ಕಥೊಲಿಕ್‌ಚ್ ಎಕ್ದಮ್ ವೆವಸ್ತಿತ್. ಆನಿ ಕಥೊಲಿಕ್ ವೆವಸ್ತ್ಯಾಂತ್ ಏಕ್ ಮಹಾನ್ ನಿಯಂತ್ರಕ್ ಆಸಾ ಆನಿ ಥಂಯ್ ಹಾಂಗಾ ತ್ಯಾ ನಿಯಂತ್ರಕಾನ್ ಸಾಂಗ್‌ಲ್ಲೆಂ ಸಬ್ದ್ ಚುಕಾನಾಶೆಂ ಪಾಳ್ತೆಲೆ ಸಹನಿಯಂತ್ರಕ್ ಆಸಾತ್. ಮಹಾನ್ ನಿಯಂತ್ರಕಾಕ್ ಭೋವ್ ಭಾಗೆವಂತ್ ಬಾಪ್ (ಹೋಲಿ ಫಾದರ್) ತಾಚೆ ಉಪ್ರಾಂತ್ ಕಾಡ್ದಿಯಲಾಂಕ್ ಹಿಜ್ ಎಮಿನೆನ್ಸ್, ಆರ‍್ಚ್ ಬಿಸ್ಪಾಂಕ್ (ಮೆಟ್ರೊಪೋಲಿಟನ್ ಬಿಸ್ಪಾಂಕ್) ಹಿಜ್ ಗ್ರೇಸ್, ಬಿಸ್ಪಾಂಕ್ ಹಿಜ್ ಎಕ್ಸೆಲೆನ್ಸಿ ಅಶೆಂ ವಿವಿಧ್ ಘನ್‌ಮಾನಾಚೆ ಉಲ್ಲೇಕ್ ಕರ‍್ನ್ಂಚ್ ಆಪಯ್ಜೆ ಪಡ್ತಾ.

ತೆಂಚ್ ಲಾದ್ರುಕ್, ಬಾಲ್ತುಕ್ ಭೋವ್ ಮಾನೇಸ್ತ್ ಮ್ಹಣ್ತಾನಾಂ ಸಕ್ಡಾಂಕ್ ವಿರಾರ್ ಜಾತಾ, ಹಾಸೊ ಯೆತಾತ್, ಜಾಳ್ ಭರ್‌ಲ್ಲೆ ವೊಂಕಾರೆಯ್ ಯೆತಾತ್. ತಾಂಚೆಂ ಎಕ್ಸೆಲೆನ್ಸಿ, ಗ್ರೇಸ್ ಸಕ್ಕಡ್ ಚಲ್ಚೆಂ ಲಾದ್ರು-ಬಾಲ್ತುನ್ ಆಪ್ಲ್ಯಾ ಘಾಮಾಂತ್ಲ್ಯಾನ್ ಘಾಲ್ಲ್ಯಾ ವಾಂಟ್ಯಾಂತ್ಲ್ಯಾನ್ ತರೀ ಲಾದ್ರು – ಪೆದ್ರುಕ್ ಎಕ್ಸೆಲೆನ್ಸಿಯ್ ನಾಂ ಮಾತ್ತಿಯ್ ನಾಂ. ಅಧಿಕ್ ಮಾನಾಧಿಕ್, ಭೋವ್ ಮಾನಾಧಿಕ್, ಎಕ್ಸೆಲೆನ್ಸಿ, ಎಮಿನೆನ್ಸ್ ಮಾತ್ರ್ ಪವಿತ್ರ್ ಮ್ಹಣ್ ಆಮ್ಚ್ಯಾ ಮೆಂದ್ವಾಂತ್ ತಾಣಿಂ ಭರ‍್ಲಾಂ.

ಭೋವ್ ಮಾನೆಸ್ತಿಣ್ ಸೆಲ್ಲಿ ಬಾಯ್, ಅಧಿಕ್ ಮಾನೆಸ್ತ್ ಶಿಲಾಮ್ ಮ್ಹಣ್ ತಳ್ ಮಟ್ಟಾರ್ ಆಸ್‌ಲ್ಲ್ಯಾಂಕ್ ಮಾನಾನ್ ಲೆಕುನ್ ತಾಂಕಾಂಯ್ ಪವಿತ್ರ್ ಮ್ಹಣ್ ಸ್ವೀಕಾರ್ ಕೆಲ್ಲ್ಯಾ ದಿಸಾ ಜೆಜುಕ್ರಿಸ್ತಾಚಿಂ ಉತ್ರಾಂ ಕಾರ‍್ಯಾರುಪಾಕ್ ಯೆತಾತ್. ಮಾರ‍್ಕುನ್ ಬರಯಿಲ್ಲ್ಯಾ ಜೆಜುಚ್ಯಾ ಜಿಣ್ಯೆಕಾಣ್ಯೆಂತ್ ದುಸ್ರ್ಯಾ ಅಧ್ಯಾಯಾಂತ್ ಜೆಜು ಸುಂಕಾಗಾರಾಂಸವೆಂ ಜೆಂವ್ಚೆಂ ಖಾಂವ್ಚೆ ವಾಚುಂಕ್ ಮೆಳ್ತಾ – ಥಂಯ್ಸರ್ ಜೆಜು ಆಪುಣ್ ಕೊಣಾಖಾತಿರ್ ಆಯ್ಲಾಂ ಮ್ಹಣ್ಚೆವಿಶಿಂ ಸಾಂಗ್ತಾ – ಹಾಂವ್ ಆಯ್ಲಾಂ ಪಾತ್ಕ್ಯಾಂಕ್ ಆಪೊಂವ್ಕ್ ಭಾಗೆವಂತಾಂಕ್ ನ್ಹಂಯ್ ಮ್ಹಣ್ ತೊ ಸ್ಪಷ್ಟ್ ಕರ‍್ತಾ. ಪೂಣ್ ತಾಚ್ಯಾ ನಾಂವಾಂನ್ ಚಲ್ಚ್ಯಾ ವೆವಸ್ತ್ಯಾಂತ್ ಭಾಗೆವಂತ್, ಭೋವ್ ಭಾಗೆವಂತ್ ಲೆಕಾವ್ಹರ‍್ತೆ ಜಾಲ್ಯಾತ್.

ಜೆಜು ಸುಂಕಾಗಾರಾಂಸವೆಂ ಜೆವ್ತಾ

ಹೆಂ ಮಾಸ್ ಆನಿ ಹಾಡಾಂ ವಿಂಗಡ್ ಕರ‍್ನ್ ರಾಸ್ ಘಾಲ್ಚೆಂ ವಯ್ರ್‌ ಥಾವ್ನ್ ಸುರ‍್ವಾತ್ತಾ ಮ್ಹಣ್ ಜಾಲೆಂ. ತೊ ಪುಸ್ತಕ್ ಪವಿತ್ರ್ ಹೊ ಪುಸ್ತಕ್ ಪವಿತ್ರ್ ನ್ಹಂಯ್ ಆನಿ ಥೊಡೆ ಪುಸ್ತಕ್ ಅಪವಿತ್ರ್ – ಅಪವಿತ್ರ್ ಪುಸ್ತಕಾಂಚ್ಯಾ ರಾಶಿಂಕ್ ಆಪ್ಣಾಕ್ ಆಪುಣ್ಂಚ್ ಪವಿತ್ರ್ ಮ್ಹಣ್ ಆಪವ್ನ್ ಘೆಂವ್ಚ್ಯಾ ಸಭೆನ್ ’ಇಂಡೆಕ್ಸ್’ ಮ್ಹಣ್ಚಿ ಪಟ್ಟಿ ಕರ‍್ನ್ ಕೊಣೆಂಚ್ ವಾಚಿನಾಂಯೆ ಮ್ಹಣ್ ಡಿಕ್ರಿ ಕೆಲ್ಯಾ (ಗಮ್ಮತ್ ಮ್ಹಣ್ಲ್ಯಾರ್ ತ್ಯಾ ಸಭೆಚ್ಯಾ ಮ್ಹಣಿಯಾರ‍್ಯಾಂ ಪಯ್ಕಿ ಚಡಾವತ್ ತೆಚ್ ಪುಸ್ತಕ್ ಪಯ್ಲೆಂ ವಾಚ್ತಾತ್ – ಪವಿತ್ರ್ ನ್ಹಂಯ್ ಜಾಲ್ಲ್ಯಾ ಸಾದ್ಯಾಂಕ್ ತಾಚಿ ಭಾತ್ಮಿಂಚ್ ನಾಂ) ಪಳಯಾ ಸಾಕ್ರೆಮಂತ್ 7 ತ್ಯಾ ಪಯ್ಕಿ ಖಂಚ್ಯಾಕ್ ಎಕ್ದಮ್ ದಬಾಜೊ ಆನಿ ಗಮ್ಮತ್. ಮಾತ್ರೆಮೊನಿ ಸಾಕ್ರಾಮೆಂತಾನಿಮ್ತಿಂ ಸಂಸಾರ್ ನವೊ ನವೊ ಜಾತಾ ತರೀ ಪಾದ್ರಿ ಓಡ್ದಿಕ್ ಪವಿತ್ರ್ ಮ್ಹಣ್ ಕಾಡ್ತಾತ್.

ಎವ್ಕರಿಸ್ತ್ ಪವಿತ್ರ್, ಗಾದ್ಯಾಂತ್ ಕೊಸ್ಚೆಂ ಕಾಮ್ ಪವಿತ್ರ್ ಮ್ಹಣ್ ಖರ‍್ಯಾನ್ ಕೋಣ್ ಲೆಕ್ತಾ? ಇಗರ‍್ಜೆಂತ್ ಆಗ್ಮೆಂತ್ ಶೆಣಾಂವ್ಚೆಂ ಪವಿತ್ರ್ ಮೆರ‍್ಸಿನಾನ್ ಹಿತ್ಲಾಂತ್ ಮಾಡಾಂಕ್ ಉದಕ್ ಸೊಡ್ಚೆಂ ಪವಿತ್ರ್ ಮ್ಹಣ್ ಕೋಣ್ ಲೆಕ್ತಾ? ಶೆರ‍್ಮಾಂವ್ ಪವಿತ್ರ್ – ಬಾಪಯ್ನ್ ಪುತಾಲಾಗಿಂ ಉಲಂವ್ಚೆಂ? ಆಮ್ಕಾಂ ಶಿತ್ ದಿಂವ್ಚ್ಯಾ, ಆಮ್ಚ್ಯಾ ಮ್ಹಾಲ್ಘಡ್ಯಾಂನಿ ಆಪ್ಲೊ ಜೀವ್ ಝರಯಿಲ್ಲ್ಯಾ ’ಗಾದ್ಯಾಂತ್ ಉಡ್ಕಾಣಾಂ’ ಘಾಲುಂಯೆತಾತ್ ಕೆನ್ನಾಂಪುಣಿಂ ’ಆಲ್ತಾರಿರ್ ಉಡ್ಕಾಣಾಂ’ ಘಾಲ್ಚೆಂ ಚಿಂತಪ್ ಉದೆತ್‌ಗೀ?

ಧರ‍್ಮ್ ಅಪೀಮ್ ಮ್ಹಣ್ ಕಾರ‍್ಲ್ ಮಾರ‍್ಕ್ಸಾನ್ ಸಾಂಗ್‌ಲ್ಲೆಂ ಕಿತ್ಲೆಂ ಸತ್ ಪಳಯಾ. ಖರ‍್ಯಾನ್ ಜೆಂ ಕಿತೆಂ ಸಕ್ಕಡ್ ತೆ ಪವಿತ್ರ್ ಮ್ಹಣ್ತಾತ್ ತೆಂ ಕಾಂಯ್ ವ್ಹಡ್ ಗರ‍್ಜೆಚೆಂಚ್ ನ್ಹಂಯ್. ದಾಕ್ಲ್ಯಾಕ್ ದೋನ್ ಹಫ್ತೆ ಮಿಸಾಕ್ ವಚಾನಾಂ ತರ್ ಸಂಸಾರ್ ವೊಮ್ತೊ ಉದಾರೊ ಜಾಯ್ನಾಂ; ದೋನ್ ಹಫ್ತೆ ಘರಾ ರಾಂದಿನಾಶೆಂ ರಾವಾ, ದೋನ್ ಹಫ್ತೆ ನ್ಹಾಯ್ನಾಶೆಂ ರಾವಾ, ದೋನ್ ಹಫ್ತೆ ಘರ‍್ಚೊ ಕೋಯ್ರ್ ಝಾಡಿನಾಶೆಂ ರಾವಾ, ದೋನ್ ಹಫ್ತೆ ಲಾಯಿಲ್ಲ್ಯಾ ರಾಂಧ್ವಯೆಕ್ ಉದಕ್ ಶಿಂಪ್ಡಾಯ್ನಾಶೆಂ ರಾವಾ ತವಳ್ ಕಳ್ತಾ ಖಂಚೆಂ ಬರೆಂ ಖಂಚೆಂ ವಾಯ್ಟ್ ಮ್ಹಣ್. ಖರ‍್ಯಾನ್ ಶೆರ‍್ಮಾಂವಾಕ್ ಭುರ‍್ಗಿಂ ಜನ್ಮಾನಾಂತ್ ಘೊವಾ ಬಾಯ್ಲೆನ್ ಸಾಂಗಾತ್ ನಿದ್ಲ್ಯಾರ್ ಮಾತ್ರ್ ಭುರ‍್ಗಿಂ ಜಾತಾತ್ ಆನಿ ತ್ಯಾ ಭುರ‍್ಗ್ಯಾಂ ಪಯ್ಕಿ ಎಕ್ಲೊ ದಾಕ್ತೆರ್ ಜಾತಾ, ಎಕ್ಲೊ ಇಜ್ನೆರ್ ಜಾತಾ ಆನಿ ಎಕ್ಲೊ ಪಾದ್ರಿಯ್ ಜಾತಾ.

ಆಮಿ ರಾಜಕೀಯ್ ವೆಕ್ತಿಂಕ್ ದುರ‍್ಸಾತಾಂವ್, ತೆ ಭೃಷ್ಟ್, ತಾಂಕಾಂ ಆಮಿ ಟ್ಯಾಕ್ಸ್ ಬಾಂದುನ್ ಪೊಸ್ತಾಂವ್ ತರೀ ತೆ ಆಮ್ಕಾಂ ಲುಟ್ತಾತ್, ಫಟಯ್ತಾತ್ ಮ್ಹಣ್ತಾಂವ್. ಥಂಯ್ಸರ್ ತಾಂಚಿ ನಿಂದಾ ಆನಿ ಟಿಕಾ ಕರುಂಕ್ ಆಮ್ಕಾಂ ಸಲೀಸ್ ಜಾತಾ. ಕಿತ್ಯಾಕ್ ತಿ ವೆವಸ್ತಾ ಪವಿತ್ರ್ ನ್ಹಂಯ್ ವಾ ಅಪವಿತ್ರ್ ಮ್ಹಣ್ ಆಮ್ಚ್ಯಾ ಮೆಂದ್ವಾಂತ್ ಭರ‍್ಲಾಂ. ಧಾರ‍್ಮಿಕ್ ವೆವಸ್ತಾ ಪವಿತ್ರ್, ದೆವಾನ್ಂಚ್ ರಚ್‌ಲ್ಲಿ ಮ್ಹಣ್ ಮೆಂದ್ವಾಂತ್ ಚೆಪ್ಲಾಂ. ’ಪವಿತ್ರ್’ ಸಭೆಂತ್ ಆಸ್ಚೆಂ ಭೃಷ್ಟಾಚಾರ್ ಎಕೇಕ್‌ಚ್ ಬಾರ‍್ಕಾಯೆನ್ ಲೇಕ್ ಕೆಲ್ಯಾರ್ ಕೊಣಾಕ್‌ಪುಣಿಂ ಲಾಗ್ಶಿಲ್ಯಾನ್ ರಾವುಂಕ್ ಜಾಯ್ತ್‌ಗೀ?

ಕ್ರಿಸ್ತಾನ್ ಕಾಂಟ್ಯಾಂಚೊ ಮುಕುಟ್ ದವರ್‌ಲ್ಲೊ, ಚಕ್ರವರ‍್ತಿಚೊ ಮುಕುಟ್ ಜಾಂವ್ ರೊಮಿ ಪೆಗನ್ ಪುರ‍್ವಿತಾಂಚಿ ನ್ಹೆಸಣ್ ತಾಚಿ ನ್ಹಂಯ್ – ರೊಮಾಚ್ಯಾ ಪೆಗನ್ ಮಹಾಪುರ‍್ವಿತಾಕ್ ’ಪೊಂತಿಫಿಕುಸ್ ಮ್ಯಾಕ್ಸಿಮುಸ್’ ಮ್ಹಣ್ತಾಲೆ (ಪಾಪ್ ಸಾಯ್ಬಾಕೀ ತ್ಯಾಚ್ ನಾಂವಾನ್ ವಳ್ಕಾತಾತ್) ಸಾರ‍್ಕೆಂ ವಿಮರ‍್ಸೊ ಕೆಲ್ಯಾರ್ ಆನಿ ಇತಿಹಾಸ್ ತಶೆಂಚ್ ಪ್ರಸ್ತುತ್ ಪರಿಗತ್ ಸಮ್ಜಾಲ್ಯಾರ್ ಖಂಚೆಂ ಪವಿತ್ರ್ ಖಂಚೆಂ ಅಪವಿತ್ರ್ ಮ್ಹಣ್ ತುಮಿಂಚ್ ನಿರ‍್ಧಾರ್ ಕರ‍್ತಾತ್.

ಮ್ಹಾಕಾ ಜಾಣ್ವಾಯ್ ಆಯ್ಲ್ಯಾ ಉಪ್ರಾಂತ್ ಖುನ್, ಅತ್ತ್ಯಾಚಾರ್, ನಿಷ್ಕುಚಾರಿ ಅಸಲ್ಯಾ ಕಾರಣಾಂಕ್ ಲಾಗುನ್ ಇಂಡಿಯಾಂತ್ಲ್ಯಾ ತೆಗಾಂ ಬಿಸ್ಪಾಂಕ್ ಕಾಡ್ನ್ ಉಡಯಿಲ್ಲೆಂ ಆಯ್ಕಾಲಾಂ. ವಾತಿಕಾನ್ ಲಾಂಬ್ ಕಾಳ್ ಸೊಸ್ತಾ, ದೊರಿ ಲಾಂಬ್ ಸೊಡ್ತಾ, ದುಸ್ರಿ ವಾಟ್ ನಾಂ ತರ್ ಮಾತ್ರ್,  ಅಸಲೆಂ ಗಂಭೀರ್ ಮೆಟ್ ಕಾಡ್ತಾ. ಯುರೋಪಾಚ್ಯಾ ಆನಿ ಹೆರ್ ಥೊಡ್ಯಾ ಗಾಂವ್ಚ್ಯಾ ಬಿಸ್ಪಾಂಪಯ್ಕಿ ಕಿತ್ಲ್ಯಾ ಜಣಾಂಕ್ ತ್ಯಾ ಪಾಟಾರ್ ಬಸುಂಕ್ (ಖರ‍್ಯಾನ್ ತೊ ಅಪೊಸ್ತಲಾಂಚ್ಯಾ ಪಾಟ್ಲಾಮೆಚೊ ಪಾಟ್ ವ್ಹಯ್ ತರ್!) ಅರ‍್ಹತಾ ಆಸಾ ಮ್ಹಣ್ ತಾಣಿಂಚ್ ಸಾಂಗಿಜೆ.

ಎಕಾ ಅಧ್ಯಯನಾ ಪರ‍್ಮಾಣೆಂ ಎಕಾ ನಿರ‍್ಧಿಷ್ಟ್ ವಾಯ್ಟ್‌ಪಣಾಕ್ ಲಾಗುನ್ ಅಮೇರಿಕಾಚ್ಯಾ ಬಿಸ್ಪಾಂಕ್ ಕೋರ‍್ಟ್ ಶಿಕ್ಷಾ ದೀಂವ್ಕ್ ಲಾಗಾತ್ ತರ್ ಪರಿಹಾರ್ ಆನಿ ದಂಡ್ ಮ್ಹಣ್ ದೀಂವ್ಕ್ ದಿಯೆಸೆಜಿಚ್ ವಿಕಿಜೆ ಪಡ್ತಲ್ಯೊ ಖಂಯ್. ವಾತಿಕಾನಾನ್ ಭಾರತಾಚೊ ಅಪೊಸ್ತಲಿಕ್ ನುನ್ಸಿಯೋ ಜಾವ್ನಾಸ್‌ಲ್ಲ್ಯಾ ಗಿಯಂಬತಿಸ್ತಾ ದಿ’ಕ್ವಾತ್ರೊಕ್ (ಆಮ್ಚ್ಯಾ ಭಾಶೆಂತ್ ತರ್ ಜುವಾಂವ್ ಬಾವ್ತಿಸ್ತ್ ಕೋದ್ರ್) ಹುದ್ದ್ಯಾರ್‌ಥಾವ್ನ್ ಕಾಡ್‌ಲ್ಲ್ಯಾ ವೆಳಾರ್ ಇಂಡಿಯನ್ ಕ್ಯಾಥೊಲಿಕ್ ಫೋರಮಾಚ್ಯಾ ಅಧ್ಯಕ್ಷಾನ್ ಭೋವ್ ಮಾನೆಸ್ತ್ ಛೋಟೆಬಾಯಿನ್ ’ಹೆಂ ಭಾರತಾಚ್ಯಾ ಸರ‍್ವ್ ಕಥೊಲಿಕಾಂಕ್ ನಯ್ತಿಕ್ ಜಯ್ತ್’ ಮ್ಹಣ್ ಸಾಂಗ್‌ಲ್ಲೆಂ.

https://www.ncronline.org/news/accountability/vatican-envoys-removal-india-brings-relief-some-catholics

ತಾಂಚ್ಯಾ ಹಾತಾಂತ್ ಶೆರ‍್ಮಾಂವ್ ಮ್ಹಣ್ಚೆಂ ವ್ಹಡ್ ಹಾತೆರ್ ಆಸಾ. ತ್ಯಾ ನಿಮ್ತಿಂ ಸಮಾಜೆಂತ್ ತಾಂಕಾಂ ಜಾಯ್‌ ತಿ ಮಾನಸಿಕ್ ಪರಿಗತ್ ತೆ ರುಪಿತ್ ಕರ‍್ನ್ಂಚ್ ಆಸಾತ್. ಆಮಿ ನಿತಳ್ ನಿರ‍್ಮಳ್ ಪರ‍್ಜಳಿಕ್ ಮ್ಹಣುನ್ಂಚ್ ಸಾಂಗುನ್ ಭೊಂವ್ತಾತ್. ಸಾದ್ಯಾಂಕ್ ಸಕ್ಡಾಂಕ್ ಚಿಲ್ಲರ‍್ಯಾಂತ್ ಕಾಡ್ತಾತ್, ಆಮಿ ಹಾಗ್‌ಲ್ಲೊ ಗೂ ಆನಿ ತಾಣಿಂ ಘೊಳೊಂವ್ಚಿಂ ಮೊತಿಯಾಂ. ಉಸ್ತುನ್ ಪಳಂವ್ಕ್ ವಿಶ್ಲೇಷಣ್ ಕರುಂಕ್ ಧರ‍್ಲ್ಯಾರ್ ಸತ್ ಅಪಾ’ಪಿಂಚ್ ಭಾಯ್ರ್ ಯೆತಾ.

The Cadaver Synod (also called the Cadaver Trial; Latin: Synodus Horrenda) is the name commonly given to the ecclesiastical trial of Pope Formosus, who had been dead for about seven months, in the Basilica of St. John Lateran in Rome during January 897. The trial was conducted by Pope Stephen VI, the successor to Formosus’ successor, Pope Boniface VI. Stephen had Formosus’ corpse exhumed and brought to the papal court for judgment. He accused Formosus of perjury, of having acceded to the papacy illegally, and illegally presiding over more than one diocese at the same time. At the end of the trial, Formosus was pronounced guilty and his papacy retroactively declared null. Wiki Link : https://en.wikipedia.org/wiki/Cadaver_Synod

ವಾತಿಕಾನಾಂತ್ಲ್ಯಾ ’ಪೊಂತಿಫಿಕುಸ್ ಮ್ಯಾಕ್ಸಿಮುಸ್’ ಮ್ಹಣ್ಜೆ ಪಾಪಾನ್ – ಸ್ತೆಫಾನ್ ಸವ್ಯಾನ್ (896-897) ಪ್ಣಾ ಆದ್ಲ್ಯಾ ಪಾಪಾಚ್ಯಾ ಮೊಡ್ಯಾಕ್ ಫೊಂಡಾಂತ್ಲೊ ಭಾಯ್ರ್ ಕಾಡ್ನ್ ತುಂ ಪಾಪಾ ನ್ಹಂಯ್ ಮ್ಹಣ್ ತಾಚ್ಯಾ ಮೊಡ್ಯಾಕ್ ಪಿಡ್ಡ್ಯಾರ್ ಕರ‍್ನ್ ತಾಚಿ ಮುದಿ ವೋಡ್ನ್ ಕಾಡ್ನ್ ಫುಟೊವ್ನ್ ತಾಚೆಂ ಮೊಡೆಂ ಟಯ್ಬರ್ ನಂಯ್ತ್ ಉಡಯಿಲ್ಲೆಂ. ಬಾರಾವ್ಯಾ ಜುವಾಂವ್ನ್ (955-964) ಆಪ್ಲ್ಯಾ ನಾಯ್ಕಿಣಿಕ್ (ದವರ‍್ನ್‌ ಘೆತ್‌ಲ್ಲಿ ಬಾಯ್ಲ್) ಸಭೆಚೆ ಜಾಗೆ ಬರವ್ನ್ ದಿಲೆ, ಹಜಾರ್ ಲೊಕಾಂಚಿ ಖುನ್ ಕರಯ್ಲಿ.  ದುಸ್ರ್ಯಾ ಎಕ್ಲ್ಯಾಚ್ಯಾ ಬಾಯ್ಲೆಸವೆಂ ಖಾಟಿಯೆರ್ ಆಸ್ತಾನಾಂ ತಾಣೆಂ ಹಾಕಾ ಮಾರ‍್ನ್ ಕಾಡ್ಲೆಂ. ಬೆನೆಡಿಕ್ತ್ ನೊವ್ಯಾನ್ ದುಡು ಘೆವ್ನ್ ಪಾಪಾಚೊ ಹುದ್ದೊಚ್ ವಿಕ್‌ಲ್ಲೊ. ಸವ್ಯಾ ಉರ‍್ಬನಾನ್ ಕಾಡ್ದಿಯಲಾಂಕ್ ವಿಪ್ರೀತ್ ಹಿಂಸಾ ದೀವ್ನ್ ಲಗಾಡ್ ಕಾಡ್ಲೆಂ, ತೆ ರಡ್ಣೆಂ ಘಾಲ್ತಾನಾಂ ಮ್ಹಾಕಾ ತಾಂಚೆಂ ರುದಾಾನ್ ಆಯ್ಕಾನಾಂ  ಮ್ಹಳ್ಳೊ   ಮನಿಸ್ ತೊ. ಹಾಂಚ್ಯಾ ಪವಿತ್ರ್‌ಪಣಾಚೆ ಅಸಲೆ ದಾಕ್ಲೆ ಆನಿ ಸಭಾರ್.

The death of John XII by Franco Cesat, Rome, 1861. Wikimedia Commons

ಹೆಂ ರೊಮಾಚೆಂ ಜಾಲೆಂ . . . ಆತಾಂ, ಆಮ್ಚ್ಯಾಚ್ ಭೊಂವಾರಾಚೆ ದಾಕ್ಲೆ ದೀಂವ್ಕ್ ಸುರ‍್ವಾತ್ಲ್ಯಾರ್ … ಎಕಾ ಬಾವ್ಡ್ಯಾಕ್ ಸಹಾಯಕಾನ್ ಭಿತರ್ ಆಪವ್ನ್ ಚಾ ಆನಿ ಇಡ್ಲ್ಯೊ ದಿಲ್ಯೊ, ವ್ಹಡಿಲ್ ಖುಬಾಳ್ಳೊ! ದೊಗಾಂಯ್ಕೀ ಸರಾಸರ್ ಗಾಳಿ ದೀವ್ನ್ ತ್ಯಾ ಬಾವ್ಡ್ಯಾನ್ ಚಾ ಆನಿ ಇಡ್ಲ್ಯೊ ಥಂಯಿಂಚ್ ಸೊಡ್ನ್ ವೆಚೆಪರಿಂ ಕೆಲ್ಲೆಂ ಪವಿತ್ರ್‌ಪಣ್. ಎಕೇಕ್‌ಚ್ ಸಾಂಗ್ತಾನಾಂ ಹಜಾರಾಂನಿ ಜಾತಾ, ವ್ಹಳೂ ಪುರ‍್ಸೊತ್ ಮೆಳ್ತಾನಾಂ ಸಾಂಗುನ್ಂಚ್ ವೆಚೆಂ ಆನಿ ಪವಿತ್ರ್ ಆನಿ ಅಪವಿತ್ರಾಚೆ ವಾಂಟೆ ಕರ‍್ಚೆಂ.

ಆತಾಂ ಆಮ್ಕಾಂಚ್ ಪವಿತ್ರ್ ನ್ಹಂಯ್ ವಾ ಅಪವಿತ್ರ್ ಮ್ಹಣ್ ಕಾಡ್ಚ್ಯಾ ವೆವಸ್ತ್ಯಾಕ್ ಕೋಣೆಂ ಬಳ್ ಭರ‍್ಲಾಂ? ಆಮಿಂಚ್; ತೆ ಶೆಂಭೊರಾಂತ್ ಎಕ್ಲೊಯ್ ನಾಂ. ತಿ ವೆವಸ್ತಾ ಪೊಸ್ಚೆ ಆನಿ ಬಳಾನ್ ಭರ‍್ಚೆ ಆಮಿ ಶೆಂಭೊರಾಂತ್ ನೊವೊದ್ ಆನಿ ನೋವ್. ಭಾರತಾಕ್ ಲುಟುನ್ ಆಪ್ಲೊ ದೇಶ್ ಬಳ್ ಕೆಲ್ಲೆ ಬ್ರಿಟೀಷ್ ಭಾರತಾಂತ್ ಕಾಂಯ್ 10,000 ಆಸ್‌ಲ್ಲೆ ಆನಿ ತವಳ್ ಆಮಿಂ ತೀಸ್ ಕೊರೊಡ್ ಆಸ್‌ಲ್ಲ್ಯಾಂವ್,  ತರೀ ತಾಣಿ ಆಮ್ಕಾಂ ಮಾರ‍್ನ್ ಘಾಲೆಂ, ಆಮ್ಚೊ ದೇಶ್ ಲುಟ್ಲೊ. ಹೆಂ ಉಡಾಸಾಂತ್ ದವರ್ಲ್ಯಾರ್ ಬರೆಂ.

► ಸ್ಟೀವನ್ ಕ್ವಾಡ್ರಸ್ ಪೆರ‍್ಮುದೆ