ಎಡ್ವರ್ಡ್ ಮತ್ತು ಸಿಂಥಿಯಾ ಇನ್‌ಸ್ಟಿಟ್ಯೂಟ್ ಆಫ್ ಪಬ್ಲಿಕ್ ಹೆಲ್ತ್‌ನ ನಿರ್ದೇಶಕ ಡಾ| ಎಡ್ಮಂಡ್ ಫೆನಾಂಡಿಸ್ ಅವರು ಸಂಸ್ಥೆಯು ನಿರ್ವಹಿಸಿದ ಕೆಲಸವನ್ನು ಪರಿಚಯಿಸಿದರು ಮತ್ತು ಭಾರತದಲ್ಲಿ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳಿಗೆ ನೀತಿ ಸುಧಾರಣೆಗಳಿಗೆ ಸಿಎಚ್‌ಡಿ ಗ್ರೂಪ್ ಹೇಗೆ ಸಹಾಯ ಮಾಡುತ್ತಿದೆ ಎಂಬುದನ್ನು ವಿವರಿಸಿದರು. ಭಾರತ ಸರ್ಕಾರವು ವಿವರಿಸಿರುವ ಹಂಚಿಕೆಯ ಗುರಿಗಳು ಮತ್ತು ದೃಷ್ಟಿಕೋನಗಳನ್ನು ಸಾಧಿಸುವಲ್ಲಿ ಸಚಿವಾಲಯಗಳ ಏಕೀಕರಣದೊಂದಿಗೆ ಅಪಾಯದ ಮಾಹಿತಿಯ ಯೋಜನೆಯನ್ನು ರಚಿಸುವ ಅಗತ್ಯವಿರುವ ವಿವಿಧ ವಿಧಾನಗಳನ್ನು ಡಾ ಎಡ್ಮಂಡ್ ಸೂಚಿಸಿದರು. ಉಪಕಾರ್ಯದರ್ಶಿಗಳ ಸಭೆಯಲ್ಲಿ ಸಿಎಚ್‌ಡಿ ಗ್ರೂಪ್‌ನ ಕೆಲಸದ ಆರ್ಥಿಕ ಮತ್ತು ಸಾಮಾಜಿಕ ಪ್ರಭಾವವನ್ನು ವಿವರಿಸಲಾಯಿತು. ಸಿಎಚ್‌ಡಿ ಗ್ರೂಪ್‌ನ ಅಖಿಲ ಭಾರತದಲ್ಲಿ ಜರುಗುವ ಕಾರ್ಯಗಳು 2.9 ಮಿಲಿಯನ್ ಜನರ ಮೇಲೆ ಪರಿಣಾಮ ಬೀರಿದೆ.

ಸಾರ್ವಜನಿಕ ಖಾಸಗಿ ಸಹಭಾಗಿತ್ವದ ಮಾದರಿಗಳನ್ನು ಯಾವ ರೀತಿಯಲ್ಲಿ ಸದುಪಯೋಗಪಡಿಸಿಕೊಳ್ಳಬಹುದು ಮತ್ತು ಸರ್ಕಾರಿ-ಅಭಿವೃದ್ಧಿ ವಲಯದ ಸಹಭಾಗಿತ್ವವನ್ನು ಹೇಗೆ ಮತ್ತೆ ಬಲಪಡಿಸಬಹುದು ಎಂಬುದರ ಕುರಿತು ಸಭೆಯಲ್ಲಿ ಚರ್ಚಿಸಲಾಯಿತು.

ನಿಶಾಂತ್ ಶೆಟ್ಟಿ, ಕಾರ್ಯನಿರ್ವಹಣಾ ಮುಖ್ಯಸ್ಥರು, ಸಿಎಚ್‌ಡಿ ಗ್ರೂಪ್ ಇವರು ಭಾರತ ಸರ್ಕಾರದೊಂದಿಗೆ ಕಾರ್ಯಕ್ರಮವನ್ನು ಸುಗಮಗೊಳಿಸಿದರು.

ಹಾಂಗಾಚಾ ಸಂಸ್ಕೃತಿ ಭವನಾಂತ್ ಚಲ್ಲ್ಯಾ ಕಾರ್ಯಕ್ರಮಾಚೆಂ ಅಧ್ಯಕ್ಷ್ ಪಣ್ ಕೊಂಕ್ಣಿ ಸಾಹಿತಿ ಆನಿ ಭಾಷಾ ಪ್ರಚಾರಕ್ ಜಾವ್ನಾಸ್ಚ್ಯಾ  ಡಾ. ಕಸ್ತೂರಿ ಮೋಹನ್ ಪೈ ಹಾಣಿಂ ಘೆತ್ ಲ್ಲೆಂ.

ಕೇಂದ್ರ ಸಾಹಿತ್ಯ ಅಕಾಡೆಮಿಚಾ ಕೊಂಕ್ಣಿ ಭಾಶೆಚೊ ನಿಮಂತ್ರಕ್ ಮೆಲ್ವಿನ್ ರೊಡ್ರಿಗಸ್ ಹಾಣಿಂ ಗ್ರಾಮಲೋಕ್ ಕಾರ್ಯಕ್ರಮವಿಶಿಂ ಅನಿಂ ಅಕಾಡೆಮಿಚಾ ಸಾಹಿತಿಕ್ ಮಿಸಾಂವಾವಿಶಿಂ ಮಾಹೆತ್ ದಿಲಿ.

ಬದಿಯಡ್ಕ ಗ್ರಾಮ ಪಂಚಾಯತ್ ಸಾಂದೊ ಡಿ ಶಂಕರ ಹಾಣಿಂ ಬದಿಯಡ್ಕ ತಸಲ್ಯಾ ಹಳ್ಳೆಕ್ ಅಕಾಡೆಮಿಚೆಂ ಗ್ರಾಮಲೋಕ್ ತಸಲೆಂ ಕಾರ್ಯಕ್ರಮ್ ಹಾಡ್ಲ್ಯಾ ಸ್ಟ್ಯಾನಿ ಬೆಳಾ ಅನಿ ಮೆಲ್ವಿನ್ ರೊಡ್ರಿಗಸ್ ಹಾಂಚೊ ಅಭಾರ್ ಮಾಂದ್ಲೊ. ಹ್ಯಾ ವೆಳಾರ್ ಉಲವ್ನ್ ತಾಣಿಂ , ಅಕಾಡೆಮಿ ತರ್ಫೆನ್ ಆನಿಂ ಸಂಘಟನಾಂ ಮುಖೇಲ್ಪಣಾಖಾಲ್ ಫುಡೆಂ ಚಲೊಂಕ್ ಅಸ್ಚ್ಯಾ ಕೊಂಕ್ಣಿ ಕಾರ್ಯಕ್ರಮಾಂಕ್ ಪಂಚಾಯತಾ ತರ್ಫೆನ್ ಸಂಪೂರ್ಣ್ ಸಹಕಾರ್ ಭಾಸಯ್ಲೊ.

ಸ್ಥಳೀಯ್ ಯುವಸಾಹಿತಿ ಜಾವ್ನಾಸ್ಚ್ಯಾ  ಶ್ವೇತಾ ಪೈ ಮಂಜೇಶ್ವರ, ರೋಶನ್ ಪೆರಿಯಡ್ಕ ಆನಿ ಸ್ಟ್ಯಾನಿ ಬೆಳಾ ಬರಾಬರ್ ಪುತ್ತೂರ್ ಥಾವ್ನ್ ಆಯ್ಲ್ಯಾ ವೆಂಕಟೇಶ್ ನಾಯಕ್ ಹಾಣಿಂ ಕವಿತಾ ಆನಿ ಕಾಣಿ ಸಾದರ್ ಕೆಲ್ಯೊ.

ಮಹಿಮಾ ಸಹ ಸಂಪಾದಕ್, ರಾಜು ಉಕ್ಕಿನಡ್ಕ, ಸ್ಥಳೀಯ್ ಜಿಎಸ್ಬಿ ಸಮುದಾಯ್ ಉಪಾಧ್ಯಕ್ಷ್ ಎಡ್ವಕೇಟ್ ನರಸಿಂಹ ಶೆಣೈ, ಸಾಹಿತ್ಯ್ ಅಕಾಡೆಮಿ ಎಡ್ವಯ್ಜರಿ ಬೋರ್ಡ್ ಸಾಂದೊ ಹೆನ್ರಿ ಪೆರ್ನಾಲ್ ಅನಿ ಹೆರ್ ಸ್ಥಳೀಯ್ ಕೊಂಕ್ಣಿ ಕಾರ್ಭಾರಿ ಹಾಜಾರ್ ಆಸ್‌ಲ್ಲೆ.

ಬ್ಯಾಂಕ್ ಆಫ್ ಬರೋಡಾದ ಮಹಾಪ್ರಬಂಧಕಿ ಹಾಗೂ ಮಂಗಳೂರು ವಲಯದ ಮುಖ್ಯಸ್ಥೆ ಗಾಯತ್ರಿ ಆರ್. ಮಾತನಾಡಿ, 1908 ರಲ್ಲಿ ಮಹಾರಾಜಾ ಮೂನೇ ಸಯ್ಯಾಜಿರಾವ್ ಗಾಯಕ್‌ವಾಡ್ ಅವರಿಂದ ಸ್ಥಾಪಿಸಲ್ಪಟ್ಟು ವಿಶಾಲವಾಗಿ 17 ದೇಶಗಳು ಸೇರಿದಂತೆ 8200 ಶಾಖೆಗಳನ್ನು ಹೊಂದಿರುವ ಬಲಿಷ್ಠ ಬ್ಯಾಂಕ್ ಆಗಿ ಬೆಳೆದಿದೆ ಎಂದರು. ವಿಜಯ ಬ್ಯಾಂಕ್, ದೇನಾ ಬ್ಯಾಂಕ್‌ಗಳನ್ನೂ ಈಗ ಬ್ಯಾಂಕ್ ಆಫ್ ಬರೋಡಾ ಒಳಗೊಂಡಿದೆ. ಪ್ರಸ್ತುತ ಬ್ಯಾಂಕ್ 116 ನೇ ಸಂಸ್ಥಾಪನಾ ದಿನವನ್ನು ಆಚರಿಸುತ್ತಿದ್ದು, ಈ ವರ್ಷ ಸಾಧಿಸು, ಸಹಯೋಗ ನೀಡು ಹಾಗೂ ಉತ್ಕೃಷ್ಟನಾಗು ಎನ್ನುವ ವಿಷಯವನ್ನು ಆರಿಸಿಕೊಂಡಿದೆ ಎಂದರು.

ಬ್ಯಾಂಕ್ ಆಫ್ ಬರೋಡಾ – ಮಾಜಿ ಕಾರ್ಯ ನಿರ್ವಾಹಕ ನಿರ್ದೇಶಕರಾದ ಕೆ.ಆರ್. ಶೆಣೈ ಮುಖ್ಯ ಅತಿಥಿಗಳಾಗಿ ಮಾತನಾಡುತ್ತಾ, ಬ್ಯಾಂಕ್ ಆಫ್ ಬರೋಡಾದಲ್ಲಿನ ತಮ್ಮ ಅನುಭವ ವ್ಯಕ್ತಪಡಿಸಿ, ಬ್ಯಾಂಕ್ ಆಫ್ ಬರೋಡಾ ಸಧೃಡವಾಗಿದ್ದು, ಇದರಲ್ಲಿ ವಿಲೀನಗೊಂಡಿರುವ ಇತರ ಬ್ಯಾಂಕ್‌ಗಳ ಸಿಬ್ಬಂದಿ ಅದೃಷ್ಟವಂತರು ಎಂದರು.

ಬ್ಯಾಂಕ್ ಸಿಎಸ್‌ಆರ್ ಭಾಗವಾಗಿ ಮಂಗಳಸೇವಾ ಸಮಿತಿ ತೊಕ್ಕೊಟ್ಟು, ಸ್ನೇಹದೀಪ ಬಿಜೈ, ಸ್ವಾಮಿ ಶ್ರದ್ಧಾನಂದ ಸೇವಾಶ್ರಮಗಳಿಗೆ ನೆರವು ನೀಡಲಾಯಿತು. ಬ್ಯಾಂಕ್‌ನ ವಲಯ ಉಪಮುಖ್ಯಸ್ಥ ರಮೇಶ್ ಕಾನಡೆ, ಡಿಜಿಎಂ ನೆಟ್‌ವರ್ಕ್ ಅಶ್ವಿನಿ ಕುಮಾರ್ ಉಪಸ್ಥಿತರಿದ್ದರು.

ಉಪ ವಲಯ ಮುಖ್ಯಸ್ಥರಾದ ರಮೇಶ್ ಕಾನಡೆ ಮತ್ತು ಡಿಜಿಎಂ-ನೆಟ್ವರ್ಕ್ ಅಶ್ವಿನಿ ಕುಮಾರ್ ಅವರು ಧ್ವಜಾರೋಹಣ ಮಾಡಿದರು.

ಪ್ರಾದೇಶಿಕ ವ್ಯವಸ್ಥಾಪಕ ಎಂ.ವಿ.ಎಸ್. ಪ್ರಸಾದ್ ಸ್ವಾಗತಿಸಿದರು. ಅನಿತಾ ನಿರೂಪಿಸಿದರು. ಪ್ರಾದೇಶಿಕ ಕಚೇರಿ ಉಪ ವಲಯ ವ್ಯವಸ್ಥಾಪಕ ರಾಜೇಶ್ ವಂದಿಸಿದರು.

ಸ್ಟ್ಯಾನಿ ಸಾಂಗಾತಾ ಹ್ಯಾ ಸಾಂಜೆಂತ್ ನಾಮ್ಣೆಚೊ ಗಾವ್ಪಿ ಜೋಸೆಫ್ ಮಥಾಯಸ್, ದುಬಯ್,  ಝೀನಾ , ರೇಶ್ಮಾ, ಅಶ್ವಿಜಾ ಮೆಂಡೋನ್ಸಾ, ಸೋನಲ್ , ಡೆನ್ಜಿಲ್ ಪಿರೇರಾ, ರೊನಿ ಗೊನ್ಸಾಲ್ವೀಸ್ ಆನಿ ಮೆಲ್ರಿಕ್ ಮೊಂತೇರೊ ತಾಳೊ ಮೆಳಯ್ತಾಲೆ. ಹ್ಯಾ ಪಂಗ್ಡಾಚೊ ಮುಕೆಲ್ ಗಾವ್ಪಿ ತಶೆಂ ಪದಾಂ ತಾಳೆ ಘಡ್ಣಾರ್ ಮಾನೇಸ್ತ್ ಸ್ಟ್ಯಾನಿ ಮೆಂಡೋನ್ಸಾ ಆಪ್ಲ್ಯಾ ಕುಟ್ಮಾಸವೆಂ ಎದೊಳ್ಚ್ ಯುಕೆ ಥಾವ್ನ್ ಗಾಂವಾಂಕ್ ಪಾವ್ಲಾ ಆಸುನ್ , ಸಂಗೀತ್ ಸಾಂಜೆಚ್ಯಾ ತಯಾರಾಯೆಂತ್ ಲಾಗ್ಲಾ.  ಹ್ಯಾಚ್ ಸಂಗೀತ್ ಸಾಂಜೆ ವೆಳಾರ್ ಸ್ಟ್ಯಾನಿಚಿ ತಿಸ್ರಿ ಕೊವ್ಳಿ ಆಶಾವಾದಿ ಲೋಕಾರ್ಪಣ್ ಜಾಂವ್ಚಿ ಆಸುನ್, ಕೊವ್ಳೆಚೆಂ ಕಾಮ್ ಭರಾನ್ ಚಲ್ಲಾಂ. ಹ್ಯಾ ಕೊವ್ಳೆಂತ್ ಆಯ್ಲೆವಾರ್ ಭಾರತಾಂತ್ ಸ್ತೀಯಾಂಚೇರ್ ಚಡೊನ್ ಯೆಂವ್ಚ್ಯಾ ಅತ್ಯಾಚಾರಾಂಚೇರ್ ಘಡ್ಲ್ಲೆಂ ಏಕ್ ವಿಶೇಸ್ ಪದ್ ಧರುನ್ ಹಾಸ್ಯ್ ಮಿಶ್ರಿತ್ ಆನಿ ಸಿಂತಿಮೆಂತಾಳ್ ವಿಂಚ್ಣಾರ್ ಪದಾಂ ಆಸಾತ್. ಸ್ಟ್ಯಾನಿನ್ ಉತ್ರಾಂ ಬರವ್ನ್ ತಾಳೆ ಬಸಯಿಲ್ಲ್ಯಾ ಹ್ಯಾ ಕೊವ್ಳೆಚೆಂ ಸಂಗೀತ್ ಸಜಯ್ಲಾಂ ಪಪ್ಪನ್ ಜೋಸ್ವಿನ್ ಹಾಂಣಿ.  ನಾಂವಾಡ್ದಿಕ್ ಗಾವ್ಪಿ, ಶ್ರೀ ರೊನಿ ಡಿ’ಕುನ್ಹಾ, ಶ್ರೀ ಜೋಸೆಫ್ ಮಥಾಯಸ್ ದುಬಾಯ್, ಶ್ರೀಮತಿ ಅನ್ಸೂಯಾ ಗೋಮ್ಸ್ ಭ್ರಿಸ್ಟೊಲ್, ಯು.ಕೆ ತಶೆಂಚ್ ಉದೆಂತಿಚಿಂ ತಾರಾ, ಸ್ಟ್ಯಾನಿಚಿ ಧುವ್ – ಸೋನಲ್ ಮೆಂಡೋನ್ಸಾ, ಸ್ಟ್ಯಾನಿಚ್ಯಾ ಭಾವಾಚಿ ಧುವ್-  ಆಶ್ವಿಜಾ ಮೆಂಡೋನ್ಸಾ ,  ರೇಶ್ಮಾ ಗೊನ್ಸಾಲ್ವಿಸ್ ನೀರ್ಮಾರ್ಗ, ತಶೆಂಚ್ ಮೆಲನಿ ರೊಡ್ರಿಗಸ್ ಲಂಡನ್, ಹಾಂಚೊ ಸುಮಧುರ್ ತಾಳೊ ಮೆಳಯ್ಲಾ.

ಆತಾಂ ಯುಕೆಂತ್ ವಾವ್ರಾರ್ ಆಸ್ಚೊ ಸ್ಟೇನಿ ಮೆಂಡೋನ್ಸಾ  ಬೆಂದುರ್ ಫಿರ್ಗಜೆಚೊ ( ಆದಿಂ ಕಾಸ್ಸಿಯಾಚೊ ). ಬೋವ್ ದುಬ್ಳ್ಯಾ ಕುಟ್ಮಾಂತ್ ಜಲ್ಮೊನ್ ವಾಡೊನ್ ಸ್ವಂತ್ ಮ್ಹಿನತೆನ್ ಸಂಗೀತ್ ಶಿಕ್ಲ್ಲೊ ಭುರ್ಗೊ. ಬೋವ್ ಲ್ಹಾನ್ಪಣಾರ್ ತಾಚಿ ಆವಯ್ ಅಂತರ್ಲಿ. ಬಾಪುಯ್ ಡ್ರಾಯ್ವರಾಚೆಂ ಕಾಮ್ ಕರ್ತಾಲೊ ತರೀ ಘರಾಂತ್ ಸಂಗೀತಾಚೆಂ ವಾತವರಣ್ ಆಸ್ಲೆಂ. ಬೋವ್ ಉಂಚ್ಲೆಂ ಶಿಕಪ್ ಜೊಡುಂಕ್ ತಾಕಾ ಸಾಧ್ಯ್ ಜಾಲೆಂ ನಾ ತರೀ , ಲ್ಯಾಬ್ ಟೆಕ್ನಿಶಿಯನ್ ಕೋರ್ಸ್ ಕರ್ನ್ , ಕೆ. ಎಮ್. ಸಿಂ ತ್ ಕಾಮಾಕ್ ಲಾಗ್ಲೊ. ಥಂಯ್ ಥಾವ್ನ್ ಮಸ್ಕತ್ ವಚೊನ್ , ಆತಾಂ ಯುಕೆಂತ್ಲ್ಯಾ ಸಂಡರ್ಲ್ಯಾಂದ್ ಶೆರಾಂತ್ ವಾವ್ರಾರ್ ಆಸಾ. ಬೆಂದುರ್ ಫಿರ್ಗಜೆಚಿ ತಾಚಿ ಜಿಣ್ಯೆ ಸಾಂಗಾತಿಣ್ ವೃತ್ತೆನ್ ನರ್ಸ್, ತೀಯ್ ತಾಕಾ ಸಾಂಗಾತ್ ಆನಿ ತಾಚ್ಯಾ ಸಂಗೀತಾಕ್ ಪ್ರೋತ್ಸಾಹ್ ದಿತಾ. ತೆಗಾಂ ಭುರ್ಗ್ಯಾಂ ಪಯ್ಕಿ ಸೋನಲ್ ಬಾಪಯ್ ಪರಿಂ ಪದಾಂ ಗಾಯ್ತಾ. [ ಕುಟ್ಮಾ ತಸ್ವಿರೆಂತ್ : ಪತಿಣ್ : ಜ್ಯೋತಿ ಸುನೀತಾ ಲೋಬೊ, ಧುವೊ : ಸೋನಲ್ ಜೆನಿಷಿಯಾ, ಸಿನೊಲ್ ಬೆನಿಷಿಯಾ ಆನಿ ಶನೊಲ್ ಡೆನಿಷಿಯಾ ]ವಾವ್ರಾ  ಮಧೆಂ ಮೆಳ್ಚೊ ಸುಟೊ ವೇಳ್ ತಸೆಂ ದೊನ್ ವರ್ಸಾಂಕ್ ಏಕ್ ಪಾವ್ಟಿಂ ಮೆಳ್ಚಿ ಥೊಡ್ಯಾ ದಿಸಾಂಚಿ ರಜಾ – ಸ್ಟ್ಯಾನಿ  ಕೊಂಕ್ಣಿ ಸಂಗೀತಾ ಖಾತಿರ್ ಖರ್ಚಿತಾ. ತೋ ಮ್ಹಣ್ತಾ : ” ಸಂಗೀತ್ ಮ್ಹಾಕಾ ಆಂವಡ್ತಾ. ಹಾಂವ್ ಭುರ್ಗೊ ಆಸ್ತಾನಾ –  ಪಪ್ಪಾ ವಿಲ್ಪಿಯಾಬಾಚಿ ಏಕೀ ನಾಯ್ಟ್ ಚುಕಯ್ನಾತ್ಲೊ. ಖಂಯ್ ನಾಯ್ಟ್ ಆಸ್ಲ್ಯಾರೀ ತೋ ತಾಚ್ಯಾ ಸಾಂಗಾತ್ಯಾ ಸಾಂಗಾತಾ ವೆತಾಲೊ ಆನಿ ಘರಾ ಆಯ್ಲ್ಯಾ ಉಪ್ರಾಂತ್ ವಿಲ್ಪಿಯಾಬಾಚ್ಯಾ ನವ್ಯಾ ಪದಾ ವಿಶ್ಯಾಂತ್ ಆಮ್ಕಾಂ ಸಾಂಗ್ತಾಲೊ ಮಾತ್ ನಯ್ , ತೆಂ ಗಾವ್ನ್ ದಾಕಯ್ತಾಲೊ.  ವಿಲ್ಫಿಯಾಬಾಚ್ಯೊ ಹರ್ ಕ್ಯಾಸೆಟಿ ಆಮ್ಗೆರ್ ಆಸ್ಲ್ಯೊ. ಹೆಂ ಆನಿ ಸೆತ್ಸಾಂಬಾರಾಚ್ಯಾ ಕಾರ್ಯಾಂನಿ ಕೊಂಕ್ಣಿ ಪದಾಂ ಆಯ್ಕೊನ್ – ಹಾಂವೆ ಪದಾಂ ಬಾಯಿಪಾಠ್ ಕರ್ನ್  ಗಾಂವ್ಕ್ ಸುರು ಕೆಲೆಂ.  ಕೊಯರಾಂತ್ ಭರ್ತಿ ಜಾಲೊಂ. ತವಳ್ ಆಮ್ಕಾಂ ಆಯ್ಚೆಪರಿಂ ವೇದಿ ಮೆಳಾನಾತ್ಲ್ಯೊ. ಗಾಯನ್ ಸ್ಪರ್ಧೆ ಅಪ್ರೂಪ್ ಚಲ್ತಾಲೆ.   ಮ್ಹಾಕಾ ನಾಯ್ಟಾಂತ್ ಗಾಂವ್ಕ್ ಕೋಣ್ ಏಕ್ ಅವ್ಕಾಸ್  ದೀತ್ಗಾಯ್ ? ಮ್ಹಣ್ ಹಾಂವ್ ಆಶೆಲ್ಲೊಂ ಆಸಾಂ.”

ಆಯ್ತಾರಾ , ಮಾರ್ಚ್ ಚೊವ್ದಾ ತಾರಿಕೆರ್ , ಬೆಂದುರ್ , ಸಾಂ. ಆಗ್ನೆಸ್ ಸ್ಫೆಶಲ್ ಸ್ಕೂಲಾಚ್ಯಾ ಉಗ್ತ್ಯಾ ಮಯ್ದಾನಾರ್ ಸಾದರ್ ಜಾಂವ್ಚಿ – ಸ್ಟ್ಯಾನಿ ಮೆಂಡೋನ್ಸಾಚಿ ಹಿ ಸವಿ ನಾಯ್ಟ್. ಹ್ಯಾ ಆದಿಂ ಮಂಗ್ಳುರ್ ಡೊನ್ ಬೊಸ್ಕೊ ಸಾಲಾಂತ್ ತಶೆಂ ಮಂಗ್ಳುರಾ ಭಾಯ್ರ್ ಕೆಲರಾಯ್ ಫಿರ್ಗಜೆಂತ್ ಎಕುಣ್ ಪಾಂಚ್ ಸಂಗೀತ್ ಸಾಂಜೊ ಸ್ಟ್ಯಾನಿನ್ ಸಾದರ್ ಕೆಲ್ಯಾತ್. ತಾಚಿ ಪಯ್ಲಿ ಸಂಗೀತ್ ಸಾಂಜ್ ಸಾದರ್ ಜಾಲ್ಲಿ ಮಂಗ್ಳುರ್ಚ್ಯಾ ಡೊನ್ ಬೊಸ್ಕೊ ಸಾಲಾಂತ್, 1997 ಇಸ್ವೆಂತ್.  ಕೆಲಂರಾಯ್ತ್, 2007 ಇಸ್ವೆಂತ್ ಸಾದರ್ ಜಾಲ್ಲ್ಯಾ ತಿಸ್ರ್ಯಾ ಸಂಗೀತ್ ಸಾಂಜೆ ವೆಳಾರ್ ಕೊಂಕಣ್ ಕೊಗುಳ್ ವಿಲ್ಫಿ ರೆಬಿಂಬಸ್ ಹಾಂಣಿ ಸ್ಟ್ಯಾನಿಚಿ ಪಯ್ಲಿ ಕೊವ್ಳಿ ಚಿಂತ್ನಾಂ, ಭೊಗ್ಣಾಂ , ಭಾವಾನಾಂ ಲೊಕಾರ್ಪಣ್ ಕೆಲ್ಲಿ.

ಪಯ್ಲಿ , ದುಸ್ರಿ ಆನಿ ಲೊಕಾರ್ಪಣಾಕ್ ಆಯ್ತಿ ಜಾಲ್ಲಿ ತಿಸ್ರಿ ಕೊವ್ಳಿ – ಆಶಾವಾದಿ

ಆಜ್ ಮೆರೆನ್ ಸ್ಟ್ಯಾನಿನ್ ಚಡುಣೆಂ ದೊನ್ಶಿಂ ಪದಾಂ ಘಡ್ಲ್ಯಾಂತ್. ಚಡ್ ಕರುನ್ ತಾಕಾ ಸಿಂತಿಮೆಂತಾಳ್ ಆನಿ ಹಾಸ್ಯ್ಮಿಶ್ರಿತ್ ಕಾಲೆತಿಚಿಂ ಪದಾಂ ಆಂವಡ್ತಾತ್. ಚಿಂತ್ನಾಂ, ಭೊಗ್ಣಾಂ, ಭಾವನಾಂ (2007)  ಯೇಗೊ ಪಿಸೊಳ್ಯಾ ( 2011 ) ಹ್ಯೊ ತಾಚ್ಯೊ ದೋನ್ ಕೊವ್ಳ್ಯೊ. ಮಂಗ್ಳುರ್ಚ್ಯಾ ಸಂಗೀತ್ ಪ್ರೇಮಿಂಕ್ ಮಝೆದಾರ್ ಪದಾಂಚಿ ಸವಿ ನಾಯ್ಟ್ ಆನಿ ತಿಸ್ರಿ ಕೊವ್ಳಿ “ ಆಶಾವಾದಿ “  ಅರ್ಪುಂಕ್ ಭಾಯ್ರ್ ಸರ್ಲೆಲ್ಯಾ ಸ್ಟ್ಯಾನಿಕಡೆ ಕಿಟಾಳ್ ಉಲಯ್ಲೆಂ –

ಕೊಂಕ್ಣಿ ಸಂಗೀತಾ ಕುಶಿನ್ ಆಕರ್ಶಿತ್ ಜಾಂವ್ಕ್  ಕಾರಣ್ ಕಿತೆಂ ?

ಪಯ್ಲ್ಯಾನ್ ಪಯ್ಲೆಂ – ಮ್ಹಜೆಂ ಘರ್ ಆನಿ ಪರಿಸರ್. ಲ್ಹಾನ್ಪಣಾರ್  ಸೆತ್ಸಾಂಬಾರ್ಚ್ಯಾ  ಘರಾನಿಂ  ಕಾಜಾರಾಂಚಿ ತಶೆಂ ಹೆರ್ ಕಾರ್ಯಿಂ ಆಸ್ಲೆಲ್ಲ್ಯಾ ವೆಳಾರ್ ಕೊಂಕ್ಣಿ ಪದಾಂ ಆಯ್ಕೊಂಕ್ ಮೆಳ್ತಾಲಿಂ. ತಾಂತುನ್ ಪ್ರತ್ಯೇಕ್ ಥರಾನ್ ಅಮರ್ ಕೊಂಕಣ್ ಕೊಗುಳ್ ಶ್ರೀ ವಿಲ್ಫಿ ರೆಬಿಂಬಸಾಚಿ  ತಶೆಂ ಕಾತ್ರಿನಾ ಖ್ಯಾತೆಚ್ಯಾ ಹೆನ್ರಿ ಡಿ’ಸೋಜಾಚಿಂ ಪದಾಂ ಮ್ಹಳ್ಯಾರ್ ಮ್ಹಾಕಾ ಭೋವ್ ಪಸಂದ್.  ತಿಂ ಪದಾಂ ಆಯ್ಕಾತಾನಾ ಹಾವೆಂಯೀ ಮ್ಹಜ್ಯಾ ತಿತ್ಲ್ಯಾಕ್ ಬಾಯಿಪಾಠ್ ಕರುನ್ ವಡ್ಲ್ಯಾನ್ ಮ್ಹಜ್ಯಾಚ್ಚ್ ಘರಾ ಬಸೊನ್ ಗಾಂವ್ಚಿಂ ಆಸ್ಲ್ಲಿಂ. ತೆಂಚ್ ನ್ಹಂಯ್ ಆಸ್ತಾಂ ಮ್ಹಜೊ ಪಪ್ಪ , ಜೊ ವೃತ್ತೆನ್ ಏಕ್ ಡ್ರಾಯ್ವರ್ ಆಸ್ಲೊ , ವಿಲ್ಫಿಯಾಬಾಚೊ ವ್ಹಡ್ ಅಭಿಮಾನಿ. ಏಕ್ ನಾಯ್ಟ್ ಸೊಡಿನಾತ್ಲೊ.  ಘರಾ ಆಸ್ಲೆಲ್ಲ್ಯಾ ವೆಳಾರ್ ತಾಣೆಂ ಪದಾಂ ಗಾಂವ್ಚಿಂ  ಆಸ್ಲ್ಲಿಂ. ತವಳ್ ಮ್ಹಾಕಾ ಕಾಂಯ್  ಸಾತ್ ಥಾವ್ನ್ ಆಟ್ ವರ್ಸಾಂಚಿ ಪ್ರಾಯ್. ಇಗರ್ಜೆಚಾ ಗಾಯಾನ್ ಸ್ಪರ್ಧ್ಯಾ ವೆಳಾರ್ ವೆದಿರ್ ಚಡೊನ್ ಹಾವೆಂ ಗಾಯ್ಲೆಲೆಂ ಪಯ್ಲೆಂ ಪದ್ ಜಾವ್ನಾಸಾ ಹೆನ್ರಿ ಡಿಸೋಜಾಚೆಂ ” ಆಲಿಸ್ ಬಾಯ್ ”  ಇಸ್ಕೊಲಾಂತ್ ಮಾದ್ರಿಂನಿ ಭುರ್ಗ್ಯಾಂಚ್ಯಾ  ಕೊಯರಾಂತೀ ಮ್ಹಾಕಾ ಆವ್ಕಾಸ್ ದಿಲೊ. ತಶೆಂಚ್ ವರ್ಸಾವರ್ ಡಾನ್ಬೊಸ್ಕೊ ಹೊಲಾಂತ್ ಜಾಂವ್ಚಾ ಗಾಯಾನ್ ಸ್ಪರ್ಧ್ಯಾ ವೆಳಾರ್ ಜಮಾ ಗಾಯನಾಂತೀ ಮ್ಹಾಕಾ ಆವ್ಕಾಸ್ ಮೆಳ್ಳೊ. ಆಶೆಂ ಸಂಗೀತಾಚಿ ಲಾಗ್ಸಿಲ್ಯಾನ್ ಮ್ಹಾಕಾ ವ್ಹಳಕ್ ಜಾವ್ನ್ ಯೆತಾನಾ ಚಡ್ ಆನಿ ಚಡ್ ಪದಾಂ ಆಯ್ಕುನ್ ಹಾವೆಂ ವ್ಹಡ್ಲ್ಯಾನ್ ಗಾಂವ್ಚಿಂ ಆಸ್ಲ್ಲಿಂ. ಘರಾಂತ್ ದುಬ್ಳಿಕಾಯ್ ಆಸ್ಲ್ಲ್ಯಾ ನಿಮ್ತಿಂ ಹೆರಾಂಚಾ ಘರಾನಿಂ ಖಂಯ್ ಪದಾಂ ಖೆಳ್ತಾತ್ ಜಾಲ್ಯಾರ್ ಹಾವೆಂ ತಾಂಚಾ ಘರಾ ಬಾಗ್ಲಾರ್ ಬಸೊನ್ ಆಯ್ಕೊಂಚಿಂ ಆಸ್ಲ್ಲಿಂ.

ಕೆಲರಾಯ್ ಜಾಲ್ಲ್ಯಾ ತಿಸ್ರ್ಯಾ ಸ್ಟ್ಯಾನ್ ನಾಯ್ಟಾಂತ್ ಕೊಂಕಣ್ ಕೊಗುಳ್ ಅಮರ್ ವಿಲ್ಫಿ ರೆಬಿಂಬಸ್ ಪಯ್ಲಿ ಸಿಡಿ ಲೊಕಾರ್ಪಣ್ ಕರುನ್ ಉಲಯ್ತಾನಾ. . .

ವರ್ಸಾಂ ಪಾಶಾರ್ ಜಾಲಿಂ – ಜಿಣ್ಯೆಂತ್  ಸಬಾರ್ ಕೊಡು  ತಶೆಂ ಬರಿಂ ಘಡಿತಾಂಯೀ ಘಡೊನ್ ಗೆಲಿಂ. ತರೀ ಮ್ಹಜಿ ಗಾಂವ್ಚಿಂ ಅಭಿರೂಚ್ ಮಾತ್ರ್ ಉಣಿ ಜಾಂವ್ಕ್ ನಾ. ಕೊಂಕ್ಣಿ ನಾಟಕಾನಿಂ, ಸಂಗೀತಾ ಕಾರ್ಯಕ್ರಮಾನಿಂ, ಇಗರ್ಜೆಚಾ ಕೊಯರಾಂತ್ ಬೋವ್ ಕ್ರಿಯಾತ್ಮಕ್ ರಿತಿನ್ ಹಾಂವ್ ವಾಂಟೊ ಘೆತಾಲೊಂ. ಅಶೆಂ ಆಸ್ತಾಂ ಮ್ಹಾಕಾಯ್ ಪದಾಂ ಬರಯ್ಜಾಯ್ ಮ್ಹಳ್ಳಿ ಆಶಾ ಉಬ್ಜಾಲಿ ಆನಿ ಹಾವೆಂ ಪದಾಂ ಬರಂವ್ಕ್ ಸುರು ಕೆಲಿಂ. ಮ್ಹಜೊ ಎಕ್ಲೊ ಆಪ್ತ್ ಮಿತ್ರ್ ಶ್ರೀ ಆಲ್ಫ್ರೆಡ್ ಬೆನ್ನಿಸ್ ಹಾಚೆಲಾಗಿಂ ಹಾವೆಂ ಮ್ಹಜಿಂ ಪದಾಂ ಗಾವ್ನ್ ದಾಕಯ್ತಾನಾ ” ತುಕಾ ನಾಯ್ಟ್ ಕರ್ಯೆತ್ ಸ್ಟ್ಯಾನಿ ”  ಮ್ಹಣ್ ತಾಣೆ ಮ್ಹಾಕಾ ಸಾಂಗ್ತಾನಾ , ವ್ಹಯ್ ಏಕ್ ದೀಸ್ ಹಾಂವ್ ನಾಯ್ಟ್ ಕರ್ತೊಲೊಂ ಮ್ಹಳ್ಳೊ ನಿರ್ಧಾರ್ ಹಾವೆಂ ಘೆತ್ಲೊ.

ತುಮ್ಚೆಂ ಏಕ್ ಪದ್ ಕಶೆಂ ಉಭೆಂ ಜಾತಾ ? ಪಯ್ಲ್ಯಾ ಕೊವ್ಳೆಕ್ ತುಂಮಿ ನಾಂವ್ ದಿಲಾಂ – ಚಿಂತ್ನಾಂ, ಭೊಗ್ಣಾಂ, ಭಾವನಾಂ – ಉತರ್ ಪಯ್ಲೆಂ ವಾ ತಾಳೊ ?

ಏಕ್ ಪದ್ ರಚ್ತಾನಾ ಥೊಡೆ ಪಾವ್ಟಿಂ ತಾಳೆ ಪಯ್ಲೆಂ ಯೆತಾತ್ ಆನಿ ಥೊಡೆ ಪಾವ್ಟಿ ವಿಷಯ್ ಪಯ್ಲೆಂ. ದೆಕುನ್ ಹಾವೆಂ ಮ್ಹಜಾ ಪಯ್ಲ್ಯಾ ಸಿ.ಡಿಚೆಂ ನಾಂವ್ “ಚಿಂತ್ನಾಂ ಭೊಗ್ಣಾಂ, ಭಾವನಾಂ” ಮ್ಹಣ್  ದವರ್ಲಾಂ. ಮ್ಹಜ್ಯಾ ಪದಾಂನಿಂ ಮ್ಹಜಿಂ ಚಿಂತ್ನಾಂ. ಮ್ಹಜಿ ಭೊಗ್ಣಾಂ ಆನಿ ಮ್ಹಜಿ ಭಾವನಾಂ ಆಟಾಪುನ್ ಆಸಾತ್. ಹಿಂ ಸಗ್ಳಿಂ ಸಾಂಗಾತಾ ಮೆಳಯ್ತಾನಾ ತಾಳೊ ಆಪಾಪಿಂಚ್ ಉದೆತಾ ಆನಿ ಪದಾಚೆಂ ರೂಪ್ ಘೆತಾ. ಅಶೆಂ ಏಕ್ ಪದ್ ಉಭೆಂ ಜಾತಾ.   ಪದ್ ಮ್ಹಳ್ಯಾರ್ ಕಿತೆಂ ? ಆನಿ ಕವನ್ ಮ್ಹಳ್ಯಾರ್ ಕಿತೆಂ ? ಹ್ಯಾ ದೊನಾಂ ಮಧೆಂ ಕಿತ್ಲಿ ಸಮೀಪಾಯ್ ಆಸಾಜಾಯ್ ಆನಿ ಕಿತ್ಲೊ ಅಂತರ್ ಆಸಾಜಾಯ್  ಮ್ಹಣ್ ಮ್ಹಾಕಾ ಸೊಡವ್ನ್ ಸಾಂಗ್ಲ್ಲೆಂ  ಕೊಗುಳ್ ಅಮರ್ ವಿಲ್ಫಿ ರೆಬಿಂಬಸ್ ಹಾಂಣಿ. ವಿಲ್ಫಿಯಾಬ್ ಪಕ್ಕಾ ವೃತ್ತಿಪರ್ ಆನಿ ಪ್ರಾಯೋಗಿಕ್ ಮನಿಸ್.  ಹಾಂವೆ ಬರಯಿಲ್ಲಿಂ ಥೊಡಿಂ ಪದಾಂ, ತಾಳೆ ಬಸವ್ನ್  ಹಾಂವ್ ತಾಕಾ ದಾಕಂವ್ಕ್ ವರ್ನ್ ಗೆಲೊಂ. ಎದೊ ವ್ಹಡ್ ಕಲಾಕಾರ್ ತೋ –   ಕುಸ್ಕುಟಾಚೆಂ ವ್ಹಡ್ಪಣ್ ತಾಕಾ ನಾತ್ಲೆಂ. ಮ್ಹಜೆ ತಸಲ್ಯಾ ತರ್ನ್ಯಾಚಿಂ ಉತ್ರಾಂ ಆನಿ ತಾಳೆ ತಾಣೆ ಶಾಂತ್ಪಣಿ ಆಯ್ಕಾಲೆ ಆನಿ ಉಪ್ರಾಂತ್ ಮ್ಹಣಾಲೊ –  ಎಕಾ ಕವನಾಂತ್  ಗೂಂಡ್ ಅರ್ಥ್ ಆಸುಂಯೆತಾ.  ತರೀ ಪದ್ ಆಯ್ಕಾಲ್ಲೇಫರಾ ಲೊಕಾಕ್ ಸಮ್ಜೊಂಚೇಪರಿಂ ತಾಂತ್ಲಿಂ ಉತ್ರಾಂ ಆಸ್ಲ್ಯಾರ್ ಮಾತ್ ಪದಾಂ ಲೋಕ್ ಖಾಯ್ಸ್ ಕರ್ತಾ. ಹೆಂ ಹಾಂವೆ ವಿಲ್ಫಿಯಾಬಾ ಥಾವ್ನ್ ಶಿಕ್ಲ್ಲೆಂ ಲಿಸಾಂವ್. ತರ್ನ್ಯಾಂಕ್ ಆಯ್ಕೊನ್ , ಚುಕಿ ಆಸ್ಲ್ಯಾರ್ ತಿದ್ವುನ್ , ಮಾರ್ಗದರ್ಶನ್ ದಿಂವ್ಚ್ಯಾಂತ್ ಕೊಂಕ್ಣೆಂತ್ ಹಾಂವೆ ವಿಲ್ಫಿಯಾಬಾ ತಸಲೊ ಸಂಗೀತ್ಗಾರ್ ಪಳೆಂವ್ಕ್ ನಾ. ತೋ ಏಕ್ ಮಹಾನ್ ಸಂಗೀತ್ಗಾರ್ ಮಾತ್ ನ್ಹಯ್ , ಭಾಂಗ್ರಾ ಸಾರ್ಕೊ ಮನಿಸ್.  1997 ಇಸ್ವೆಂತ್ ಮ್ಹಜಿ ಪಯ್ಲಿ ನಾಯ್ಟ್ ಡೊನ್ ಬೊಸ್ಕೊ ಹೊಲಾಂತ್ ತಾಂಚ್ಯಾ ಮಾರ್ಗದರ್ಶನಾ ಖಾಲ್ ಉಬಿ ಜಾಲಿ. ತಾಣೆ ಮ್ಹಜ್ಯಾ ಪದಾಂ ವಿಶಿಂ ಉಲಯ್ಲಿಂ ಉತ್ತೇಜನಾಚಿಂ ಉತ್ರಾಂ ಮ್ಹಜ್ಯಾ ಮೆಟಾಂಕ್ ಆತಾಂಯ್ ಘಟಾಯ್ ದಿತಾತ್.

ಡೊನ್ ಬೊಸ್ಕೊ ಹೊಲಾಂತ್ – ಸ್ಟ್ಯಾನ್ ನಾಯ್ಟ್

ವಿಲ್ಫಿಯಾಬಾ ಉಪ್ರಾಂತ್ – ಕೊಂಕ್ಣಿ ಸಂಗೀತಾಂತ್ ನವೆಂ ವಾರೆಂ ವಾಳೊಂಕ್ ಲಾಗ್ಲಾಂ ಮ್ಹಣ್ ಭೊಗ್ತಾಗೀ ?

ಸಬಾರ್ ವರ್ಸಾಂ ಥಾವ್ನ್ ಹಾಂವ್ ಪರ್ಗಾಂವಾಂತ್ ಆಸಾಂ ಜಾಲ್ಲ್ಯಾನ್ ಕೊಂಕ್ಣೆಂತ್  ಕಿತೆಂ ನವೊ ಪ್ರಕಾರ್ ಆಯ್ಲಾ ಆನಿ ಕಸ್ಲೆ ಪ್ರಯೋಗ್ ಚಲ್ಲ್ಯಾತ್ ತಾಚಿ ಖಬರ್ ಮ್ಹಾಕಾ ಪಾಕ್ಕಿ ನಾ. ಸಂಗೀತ್ ಮ್ಹಾಕಾ ಪುರ್ತ್ಯಾ ಆವ್ಧೆಚಿ ವೃತ್ತಿ ಕಾಂಯ್ ನಂಯ್. ಸಂಗೀತ್ ಮ್ಹಳ್ಯಾರ್ ಮ್ಹಜಿ ಆಸಕ್ತ್.  ನಾಯ್ಟಾಂ ಕರ್ನ್ , ಕೊವ್ಳ್ಯೊ ಕಾಡ್ನ್ ದುಡು ಕರ್ಚೊ ಮ್ಹಜೊ ಇರಾದೊ ಕಾಂಯ್ ನ್ಹಂಯ್. ಮ್ಹಾಕಾ ತೇಂ ಸಾಧ್ಯ್ ನಾ ಆನಿ ನಾಕಾ. ದೋನ್ ವರ್ಸಾಂಕ್ ಏಕ್ ಪಾವ್ಟಿಂ ಗಾಂವಾಂಕ್ ಆಯಿಲ್ಲೆ ತವಳ್ ಏಕ್ ನಾಯ್ಟ್ ಸಾದರ್ ಕರ್ನ್ಗೀ , ಕೊವ್ಳಿ ಕಾಡ್ನ್ಗೀ ಮ್ಹಜಿಂ ತಾಲೆಂತಾಂ ಊರ್ಜಿತ್ ಕರ್ಚೆಸವೆಂ ಮ್ಹಜ್ಯಾ ತಾಂಕಿಭಿತರ್ಲೆಂ ಹ್ಯಾ ಸಮಾಜೆ ಥಾವ್ನ್ ಜೆಂ ಹಾಂವೆ ಜೊಡ್ಲಾಂ ತೆಂ ಸಮಾಜೆಕ್ ಪಾಟಿಂ ದಿಂವ್ಚೊ ಮ್ಹಜೊ ಕಾಯ್ದೊ ಮ್ಹಣ್ ಹಾಂವ್ ಲೆಕ್ತಾಂ. ಹ್ಯಾ ಪಾವ್ಟಿಂಚಿ ನಾಯ್ಟ್, ಮ್ಹಜೊ ಆಪ್ತ್ ಮಿತ್ರ್ , ಆಲ್ಫ್ರೆಡ್ ಬೆನ್ನಿಸ್ – ಹಾಚ್ಯಾ ಸಹಯೋಗಾನ್,  ದುಬ್ಳ್ಯಾ ಭುರ್ಗ್ಯಾಂಚ್ಯಾ ಶಿಕ್ಪಾಕ್ ಆದಾರ್ ಜಾವ್ನ್ ಹೋಪ್ ಚ್ಯಾರಿಟೇಬಲ್ ಟ್ರಸ್ಟ್ (ರಿ) ಹಾಂಚೆ ಖಾತಿರ್ ಮಾಂಡುನ್ ಹಾಡ್ಲ್ಯಾ. ಹ್ಯಾ ನಾಯ್ಟಾಚ್ಯಾ ಮುನಾಫ್ಯಾಚೊ ಏಕ್ ವಾಂಟೊ ಹ್ಯಾ ಟ್ರಸ್ಟಾಕ್ ವೆತಾಲೊ.  ನವೆಂಸಾಂವ್, ನವೆಂ ವಾರೆಂ ಮ್ಹಣಾನಾಸ್ತಾನಾ ಏಕ್ ಸಂಗತ್ ಮ್ಹಾಕಾ ಸಾಂಗಾಜೇ ಮ್ಹಣ್ ಭೊಗ್ತಾ ಮ್ಹಳ್ಯಾರ್ –   ವೆದಿರ್ ರಾವೊನ್  ಗಾಯ್ತಾನಾ ಗಾವ್ಪ್ಯಾಂಚೆಂ Presentation ಉಂಚ್ಲ್ಯಾ ವರ್ಗಾಚೆಂ ಆಸ್ಚೆಂ ಬೋವ್ ಗರ್ಜೆಚೆಂ. ಉತ್ರಾಂ ಆನಿ ತಾಳೊ ಚುಕಾನಾತ್ಲೇಪರೀಂ, ಆನಿ ಸಾಧ್ಯ್ ತರ್ ಕಾಗ್ದಾ ಕುಡ್ಕ್ಯಾಚಿ ಸಸಾಯ್ ನಾಸ್ತಾನಾ ಗಾಯ್ಲ್ಯಾರ್ ನಾಯ್ಟಾಕ್ ಕಳಾ ಯೆತಾ ಮಾತ್ ನಯ್ , ಲೊಕಾಚೆಂ ಗಮನ್ ಗಾವ್ಪಿ ಆಕರ್ಷಿತ್ ಕರುಂಕ್ ಸಕ್ತಾ.

ಪೂಣ್ ಮೀತ್ ಮಿರ್ವಾಲ್ಲ್ಯಾ ಸ್ಪೊನ್ಸರ್ಶಿಪ್ಪಾಂನಿ ನಾಯ್ಟಾಂ ಆನಿ ಕೊವ್ಳ್ಯೊ ದೊನೀ ವಿಬಾಡ್ ಕೆಲ್ಯಾತ್ ಮ್ಹಣ್ ಭೊಗಾನಾ ?

ಹಿ ಗಜಾಲ್ ಫಕತ್ ಸಂಗೀತ್ ಶೆತಾಕ್ ಮಾತ್ ಸೀಮಿತ್ ಮ್ಹಣ್ ಮ್ಹಾಕಾ ಭೊಗಾನಾ. ಸ್ಪೊನ್ಸರ್ಶಿಪ್ಪಾಂ ಕಲೆಚ್ಯಾ ಹರ್ ಪ್ರಕಾರಾಂನಿ ಚಡ್ಲ್ಯಾಂತ್. ಏಕ್ ದಾಕ್ಲೊ ದಿಂವ್ಚೊ ತರ್ – ಆಯ್ಚಿಂ ಕೊಂಕ್ಣಿ ಪತ್ರಾಂಚ್ ಕಾಡ್ನ್ ಪಳೆಯ್ಲ್ಯಾರೀ  ಜಾಯ್ರಾತಾಂ ಮಧೆಂ ಲೇಕನಾಂ, ಕಾಣಿಯೊ, ಕವನಾಂ  ಸೊಧಿಜೆ ಜಾಲ್ಲಿ ಗತ್ ಉದೆಲ್ಯಾ. ಮುಖ್ಪಾನಾರ್ ಸಯ್ತ್ ಜಾಯ್ರಾತಾಂಚಿ ರಾಸ್ ಆಸ್ತಾ. ನಾಟಕಾಕ್ ಗೆಲ್ಯಾರೀ ಲಾಂಬ್ ಲಾಂಬ್ ವೆದಿ ಕಾರ್ಯಿಂ, ಸನ್ಮಾನ್ , ಭಾಶಣಾಂ ಆಸ್ತಾತ್ ಮ್ಹಣ್ ಲೊಕಾನ್ ಹಾಂಗಾ ದುರ್ಸೊಂಚೆಂಯಿ ಹಾಂವೆ ಆಯ್ಕಾಲಾಂ. ಆಮ್ಚ್ಯಾ ಕೊವ್ಳ್ಯಾಂನಿ ಫಕತ್ ಕವರಾರ್ ಮಾತ್ ಆಮಿ ಫೋಶಕಾಂಚಿ ನಾಂವಾ ಘಾಲ್ತಾಂವ್.  ಪೂಣ್ ಸಿಡಿ ಪ್ಲೇಯರಾಕ್ ಏಕ್ ಪಾವ್ಟಿಂ ಸಿಡಿ ಘಾಲಿ ಜಾಲ್ಯಾರ್ ಹರ್ಕತೆವಿಣೆ ಪದಾಂ ನಿರಂತರ್ ವಾಳೊನ್ ಯೆತಾತ್.  ಆಜ್ಕಾಲ್ ಪೋಶಕ್ ನಾಸ್ತಾನಾ ಫಕತ್ ಪ್ರೇಕ್ಶಕಾಂಚ್ಯಾ ಖುಸ್ತಾರ್ ಕಾರ್ಯಿಂ ಸಾದರ್ ಕರುಂಕ್ ಕಶ್ಟ್. ಖರ್ಚ್ ತಿತ್ಲೊ ವಾಡ್ಲಾ. ಪೂಣ್ ಸ್ಪೊನ್ಸರ್ಶಿಪ್ಪಾಂತ್ ಏಕ್ ಮೀತ್ ಸಾಂಬಾಳ್ಚಿ ಗರ್ಜ್ ಮ್ಹಣ್ ಮ್ಹಾಕಾಯೀ ದಿಸ್ತಾ.

ಮ್ಹಜೊ ಉಲ್ಲೇಕ್ ಆಸಾ – ಸ್ಪೊನ್ಸರಾಂಚೊ ದುಡು ಘೆವ್ನ್ ಕೊವ್ಳೆಂತ್ ಪದಾಂ ಗಾಂವ್ಕ್ ದಿಂವ್ಚೆ ವಿಶ್ಯಾಂತ್ , ತಾಂಕಾ ವೆದಿ ದಿಂವ್ಚೆ ವಿಶ್ಯಾಂತ್ –

ಹಾಂವೆ ಮ್ಹಣ್ಚೆಂ –  ಪರ್ತ್ಯಾನ್ ಹೊ ಫಕತ್ ಸಂಗೀತ್ಗಾರಾಂಕ್ ಮಾತ್ ಲಾಗು ಜಾಂವ್ಚೊ ವಿಷಯ್ ನಂಯ್. ಆಯ್ಚೊ ಸಂಸಾರ್ಚ್ ಅಸೊ ಜಾಲಾ. ತಾಳಿಯೊ ಫಕತ್ ಎಕಾ ಹಾತಾಂತ್ ವಾಜನಾಂತ್. ಆನಿ ಲಾಕಾಂನಿ ದುಡು ಖರ್ಚುನ್ ಎಕಾ ಕಲಾಕಾರಾಕ್ ನಾಯ್ಟ್ ಕರುಂಕ್ ಸಾಧ್ಯ್ ನಾ. ಬರ್ಯಾಮನಾನ್ ತಾಕಾ ನಾಯ್ಟ್ ಕರುಂಕ್ ಕೊಣೆಂ ಪೋಶಕ್ ಜಾವ್ನ್ ಕುಮಕ್ ಕೆಲಿ ತರ್, ತಸಲ್ಯಾ ಫೊಶಕಾಕ್ ವೆದಿರ್ ಆಪವ್ನ್ ಉಪ್ಕಾರಿ ಮನಾನ್ ತಾಕಾ ಏಕ್ ಗುಲೊಬ್ ದಿಲ್ಲ್ಯಾಂತ್ ಚೂಕ್ ಜಾಯ್ನಾ ಮ್ಹಣ್ ಮ್ಹಾಕಾ ದಿಸ್ತಾ. ತುಮ್ಕಾಂ ಬೆಜಾರ್ ಜಾಂವ್ಕ್ ಪುರೊ ; ಹಾಂವ್ ಕೊಣಾಯ್ಚೆಂಯ್ ನಾಂವ್ ಕಾಡುಂಕ್ ವಚಾನಾ –  ಪೂಣ್ ಥೊಡ್ಯಾ ಪತ್ರಾಂಚೆಂ , ತಾಂಕಾ ಕೋಣ್ ಪಾನಾಂಗಟ್ಲ್ಯಾನ್ ಜಾಯ್ರಾತಾಂ ದಿತಾತ್ ತಾಂಚ್ಯೊ ಮಾತ್ ಖಬ್ರೊ ಛಾಪ್ತಾತ್. ಆನಿ ಥೊಡ್ಯಾ ಪತ್ರಾಂಚೆಂ – ಜಾಯ್ರಾತ್ ದೀನಾ ಜಾಲ್ಯಾರ್, ವಿಮೊ – ಪೊಲಿಸಿ ದೀನಾ ಜಾಲ್ಯಾರ್ ಖಬರ್ಚ್ ಘಾಲಿನಾಂವ್ ಮ್ಹಣ್ ಉಗ್ತ್ಯಾನ್ ಸಾಂಗ್ತಾತ್ ಮ್ಹಣ್ ಹ್ಯಾ ಗಾಂವಾಂತ್ ಮ್ಹಾಕಾ ಆಯ್ಕೊಂಕ್ ಮೆಳ್ಳೆಂ. ಲೇಕಕಾಂಕಡ್ಚೊಚ್ ದುಡು ಘೆವ್ನ್, ತಾಂಚಿ ಬರ್ಪಾಂ ಫಾಯ್ಸ್ ಕರ್ಚಿಂ ಪತ್ರಾಂಯೀ ಆಸಾತ್ ಮ್ಹಣ್ ಆನಿ ಥೊಡ್ಯಾಂನಿ ಮ್ಹಾಕಾ ಮ್ಹಳೆಂ. ಹಾಕಾ ತುಮಿ ಕಿತೆಂ ಮ್ಹಣ್ತಾತ್ ?  ಹಾಂವೆ ಏಕ್ – ದೋನ್ ಮಯ್ನ್ಯಾಚ್ಯಾ ರಜೆರ್ ಯೇವ್ನ್ ಹೆಂ ಸಗ್ಳೆಂ ಬದ್ಲುಂಕ್ ಜಾಯ್ನಾ. ಹಾಂಗಾ ಗಾಂವಾಂತ್ ಆಸ್ಚ್ಯಾ ತುಮಿ ಸಾಂಗಾತಾ ಮೆಳೊನ್ ಹೆ ವಿಶ್ಯಾಂತ್ ಆವಾಜ್ ಉಟಯ್ಜೆ ಆನಿ ಬದ್ಲಾವಣ್ ಹಾಡಿಜಾಯ್.

ಬದ್ಲಾವಣ್ ?  ಚಿಂತ್ನಾಂ,  ಭೊಗ್ಣಾಂ , ಭಾವನಾಂ ಆನಿ ಪಿಸೊಳ್ಯಾ ಉಪ್ರಾಂತ್ , ತಿಸ್ರಿ ಕೊವ್ಳಿ ಆಶಾವಾದಿ ಭಾಯ್ರ್ ಯೆತೇ ಆಸಾ , ತುಮಿ ಹಾಂತು  ಕಿತೆಂ ಬದ್ಲಾವಣ್ ಹಾಡ್ಲ್ಯಾ ?

ಹರ್ ಸಿಡಿಂತ್ ಹಾಂವ್ ಏಕ್ ಚಿಂತಪ್ ದಿತಾಂ. ದೆಕುನ್ ಆಶಾವಾದಿ ಹ್ಯಾ ಮ್ಹಜ್ಯಾ ತಿಸ್ರ್ಯಾ ಸಿಡಿಂತ್ ಚಿಂತ್ನಾಂ ಆಸಾತ್ಚ್.  ಮನ್ಶ್ಯಾಕ್ ಆಶಾವಾದಿ ಜಾವ್ನ್ ಜಿಯೆಂವ್ಕ್ ಉತ್ತೇಜನ್ ದಿಂವ್ಚಾ ಪದಾ ಸವೆಂ ಸಾಮಾಜಿಕ್ ವಿಷಯ್, ಮೋಗ್ ತಶೆಂಚ್ ಹಾಸ್ಯ್ ಸನ್ನಿವೇಶಾಂಚಿಂ ಪದಾಂ ಆಟಾಪುನ್ ಆಸಾತ್. ಭುರ್ಗ್ಯಾಪಣಾರ್ ಆವಯ್ಕ್ ಹೊಗ್ಡಾವ್ನ್ ಘೆತ್ಲ್ಲ್ಯಾ ಹಾವೆಂ ಮ್ಹಜ್ಯಾ ಇಷ್ಟಾಂಚಾ ಆವಂಯ್ಚೊ ಮೋಗ್ ಪಳೆವ್ನ್ ಮ್ಹಜ್ಯಾ ತೀನ್ಯೀ ಸಿ.ಡಿ.ನಿಂ ಆವಯ್ ವಿಶಿಂ ಹಾವೆಂ ಪದಾಂ ಲಿಖ್ಲ್ಯಾಂತ್. ಹ್ಯಾ ಮ್ಹಜಾ ತಿಸ್ರ್ಯಾ ಸಿ.ಡಿ.ಂತ್ ನಾಂವಾಡ್ದಿಕ್ ಗಾವ್ಪಿ, ಶ್ರೀ ರೊನಿ ಡಿ’ಕುನ್ಹಾ, ಶ್ರೀ ಜೋಸೆಫ್ ಮಥಾಯಸ್ ದುಬಾಯ್, ಶ್ರೀಮತಿ ಅನ್ಸೂಯಾ ಗೋಮ್ಸ್ ಭ್ರಿಸ್ಟೊಲ್, ಯು.ಕೆ ತಶೆಂಚ್ ಉದೆಂತಿಚಿಂ ತಾರಾ, ಸೋನಲ್ ಮೆಂಡೋನ್ಸಾ (ಮ್ಹಜಿಚ್ ಧುವ್) ಆಶ್ವಿಜಾ ಮೆಂಡೋನ್ಸಾ (ಭಾವಾಚಿ ಧುವ್) ರೇಶ್ಮಾ ಗೊನ್ಸಾಲ್ವಿಸ್ ನೀರ್ಮಾರ್ಗ, ತಶೆಂಚ್ ಮೆಲನಿ ರೊಡ್ರಿಗಸ್ ಲಂಡನ್, ಹಾಂಚೊ ಸುಮಧುರ್ ತಾಳೊ ಮೆಳಯ್ಲಾ. ಸಮಾಜಿಕ್ ವಿಶಯ್ – ಭಾರತಾಂತ್ ಶೆರಾಂನಿ ತಶೆಂ ಹಳ್ಳೆಂನಿ ಉಗ್ತ್ಯಾರಸ್ತ್ಯಾರ್ ಜಾವ್ನ್ ಆಸ್ಚ್ಯಾ ಅತ್ತ್ಯಾಚಾರಾಂ ವಿಶ್ಯಾಂತ್ ಬರಯಿಲ್ಲೆಂ ಏಕ್ ಪದ್ ಆಸಾ. ಕೊಂಕ್ಣಿ ಪರ್ಜೆ ಥಂಯ್ ವಿನಂತಿ ಕರ್ತಾಂ, ಕೊಂಕ್ಣಿ ಕಾರ್ಯಾಂಕ್ ಪಾಟಿಂಬೊ ದಿಯಾ ಆನಿ ಕೊಂಕ್ಣಿ ಸಿ.ಡಿ. ಮೊಲಾಕ್ ಘೆಯಾ.

ಅಕೇರ್ ಕರ್ಚ್ಯಾ ಪಯ್ಲೆಂ ಏಕ್ ಸವಾಲ್ – ನಾಯ್ಟಾಂತ್ ಫೊಕಾಣಾಂ , ನಾಚ್ ಕಿತ್ಯಾಕ್ ಜಾಯ್ ?

ಏಕ್ ಸಂಗೀತ್ ಸಾಂಜ್ ಮ್ಹಣ್ತಾನಾ ಥಂಯ್ focus ಪದಾಂ – ಸಂಗೀತಾಚೆರ್ ಆಸ್ಲ್ಯಾರ್ ಬರೆಂ. ಫೂಣ್ ಆಜ್ ಮಂಗ್ಳುರಾಂತ್ ಟ್ರೆಂಡ್ ಆಸೆಂ ಜಾಲಾಂ ಕೀ , ನಾಚ್ ಫೊಕಣಾಂ ನಾಯ್ಟಾಂತ್ ಅನಿವಾರ್ಯ್ ಕಶೆಂ ಜಾಲ್ಯಾಂತ್. ಜಾಯ್ತೆಪಾವ್ಟಿಂ ನಾಯ್ಟಾಂತ್ ನಾಚ್ ಫೊಕಣಾಂ ನಾತ್ಲ್ಯಾರ್ ನಾಯ್ಟ್ ಚಾಪ್ಪಿ ಜಾಲಿ ಮ್ಹಣ್ ಲೊಕಾನ್ ಉಲಂವ್ಚೆಂ ಹಾಂವೆ ಆಯ್ಕಾಲಾಂ. ಪೂಣ್ ಖಂಯ್ಚ್ಯಾ ಪದಾಕ್ ನಾಚ್ ಘಾಲಿಜೆ ಆನಿ ಖಂಯ್ಚ್ಯಾ ಪದಾಕ್ ಘಾಲಿನಾಯೆ ತೆಂ ನಾಯ್ಟ್ ಕರ್ತೆಲ್ಯಾನ್ ಚಿಂತಿಜೆ. ಕಿತ್ಯಾಕ್ ಹರ್ ಪದಾಂಕ್ ನಾಚ್ ವೊಂಬಾನಾಂತ್. ವೆದಿರ್ ನಾಚ್ ಚಲ್ತಾನಾ ಲೋಕ್ ನಾಚ್ ಪಳೆತಾ ಶಿವಾಯ್ ಪದಾಂತ್ಲ್ಯಾ ಉತ್ರಾಂಚೇರ್ , ಸಂಗೀತಾಚೇರ್ ಗುಮಾನ್ ಕೇಂದ್ರಿಕೃತ್ ಕರಿನಾ. ಅಶೆಂ ಪದಾಚೊ ಸಂದೇಶ್ ಲೊಕಾಕ್ ಪಾವಾನಾ ಮ್ಹಣ್ ಮ್ಹಾಕಾ ಭೊಗ್ತಾ. ಫೊಕಣಾಂ ಜಾಲ್ಯಾರೀ ತಶಿಂಚ್ ನಾಯ್ಟಾಂತ್ಲ್ಯಾ ಪದಾಂಕ್ ತಿಂ ಪೂರಕ್ ಆಸ್ಲ್ಯಾರ್ ಬರೆಂ.

ಹೋಪ್ ಚ್ಯಾರಿಟೇಬಲ್ ಟ್ರಸ್ಟ್ (ರಿ)

ಹೋಪ್ ಚ್ಯಾರಿಟೇಬಲ್ ಟ್ರಸ್ಟ್ – ಹೆಂ 2007 ಇಸ್ವೆಂತ್ ನೋಂದಾಯಿತ್ ಜಾಲ್ಲೆಂ ಟ್ರಸ್ಟ್. ಸಮಾಜೆಂತ್ಲ್ಯಾ ಅಸ್ಕತ್ ಆನಿ ಗರ್ಜೆವೊಂತಾಂಚ್ಯಾ ಕುಮ್ಕೆಕ್ ಪಾಂವ್ಚೊ ಹ್ಯಾ ಟ್ರಸ್ಟಾಚೊ ಮುಕೆಲ್ ಧ್ಯೇಯ್. ಪಾಟ್ಲ್ಯಾ ವರ್ಸಾಂನಿ ಟ್ರಸ್ಟಾಂತ್ ವ್ಹಡ್ ಫಂಡ್ ನಾತ್ಲ್ಲೊ ತರೀ , ಜಾಯ್ತ್ಯಾ ಭುರ್ಗ್ಯಾಂಚ್ಯಾ ಶಿಕ್ಪಾಕ್ , ಬುಕಾಂಚೊ ಖರ್ಚ್ ಆನಿ ಇಸ್ಕೊಲಾಚೆಂ ಶುಲ್ಕ್ ದೀವ್ನ್ ಹೆಂ ಟ್ರಸ್ಟ್ ಆದಾರ್ ಜಾಲಾಂ. ತಶೆಂಚ್ ಥೊಡ್ಯಾಂಚ್ಯಾ ಭಲಾಯ್ಕೆ ಚಿಕಿತ್ಸೆಚ್ಯಾ ಕುಮ್ಕೆಕ್ ಪಾವ್ಲಾಂ.

ನವೀನ್ ಮೊಂತೇರೊ ಹ್ಯಾ ಟ್ರಸ್ಟಾಚೊ ಮ್ಯಾನೆಜಿಂಗ್ ಟ್ರಸ್ಟಿ. Emroy Healthcare, Atlanta, USA ಹಾಂಗಾಸರ್ ಪ್ರಾಧ್ಯಾಪಕ್ ಜಾವ್ನ್ ಸೆವಾ ದಿಂವ್ಚೊ ಡೊ.ಆರ್. ಕೆ. ಹಲ್ಕರ್, ಶ್ರೀಮತಿ ರೋಜಿ ಮೊಂತೆರೋ, ವಾಮಂಜೂರ್ ಸಾಂ. ಜುಜೆ ಇಂಜಿನಿಯರಿಂಗ್ ಕೊಲೆಜಿಚೊ ಪ್ರಾಧ್ಯಾಪಕ್ ಡೊ. ವಿನ್ಸೆಂಟ್ ಕ್ರಾಸ್ತಾ, ವಿಕ್ಟರ್ ಪಿಂಟೊ, ವಾಮಂಜೂರ್, ಜೆಫ್ರಿ ಮೊಂತೆರೋ, ಬಂಟ್ವಾಳ್ – ಹ್ಯಾ ಟ್ರಸ್ಟಾಚೆ ಹೆರ್ ಟ್ರಸ್ಟಿ ಆಸಾತ್.

ಟ್ರಸ್ಟಾಚ್ಯಾ ಘಟನಾವಳಿಂತ್ ಹ್ಯಾ ಟ್ರಸ್ಟಾಚೊ ಮುಕೆಲ್ ಶೆವೊಟ್ ಅಸೊ ನಮೂದ್ ಕೆಲಾ  – To establish, promote, maintain, assist, guide , run rehabilitation centres and homes to care for those affected with physical and mental ailmentsand also render assistance to the poor and deserving students to pursue their studies by providing them monetary support.  To meet the cost of fees, uniform, books and all other expenses connected in the pursuit of studies and also medical relief.

ಹ್ಯಾ ಟ್ರಸ್ಟಾಕ್  Sec 80 G of Income Tax Act 1961  ಮಾನ್ಯತಾ ಆಸೊನ್ , ಹ್ಯಾ ಟ್ರಸ್ಟಾಕ್  ದಿಂವ್ಚ್ಯಾ ಡೊನೆಶನಾಚೆರ್ ಟ್ಯಾಕ್ಸ್ ವಿನಾಯ್ತಿ ಆಸಾ. ಹ್ಯಾ ಟ್ರಸ್ಟಾಕ್ ಕುಮಕ್ ಕರುಂಕ್ ಮನ್ ಆಸ್ಲೆಲ್ಯಾಂನಿ – 09343466347 ವಾ 09844194489 ಹ್ಯಾ ನಂಬ್ರಾಚೆರ್ ಸಂಪರ್ಕ್ ಕರುಂಯೆತಾ.

ಆಯ್ಲೆವಾರ್ ಭಾಂಗಾರ್ ಶಿಂಕ್ಳೆಂತ್ಲೊ ತಾಚೊ ಸಾತ್ವೊ ಬೂಕ್, ಭಾಂಗಾರಾಚೆಂ ಮಾಜರ್ , ಕೊಂಕ್ಣಿ ಪ್ರಚಾರ್ ಸಂಚಾಲನಾಚೊ ಅಧ್ಯಕ್ಷ್ ಆನಿ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೊ ಸಾಂದೊ ರೋಯ್ ಕಾಸ್ತೆಲಿನೊ ಹಾಣೆ , ಮಂಗ್ಳುರ್ಚ್ಯಾ ಪ್ರೆಸ್ ಕ್ಲಬ್ಬಾಂತ್ ಲೊಕಾರ್ಪಣ್ ಕೆಲೊ. ಹ್ಯಾ ಸುವಾಳ್ಯಾರ್ ಕಿಟಾಳ್ ಜೆ ಎಫ್ ಡಿ ಸೊಜಾ ಲಾಗಿಂ ಉಲಯ್ಲೆಂ.

ತುಮಿ ಕಿತ್ಲ್ಯಾ ವರ‍್ಸಾಂಚಾ ಪ್ರಾಯೆರ್ ಬರಂವ್ಕ್ ಸುರು ಕೆಲೆಂ ? ತವಳ್ ತುಮ್ಕಾಂ ಬರಂವ್ಕ್ ಆಸ್‌ಲ್ಲಿಂ ಮುಕೆಲ್  ಪ್ರೇರಣಾಂ ಕಸ್ಲಿಂ ?

– ಹಾಂವೆಂ ಬರಂವ್ಕ್ ಸವಾಲಾಂ ಜಾಪಿ ವಿಭಾಗಕ್ ಸವಾಲಾಂ ವಿಚಾರ್ನ್  ಉಪ್ರಾಂತ್ ಜೋಕ್ಸ್ ಧಾಡ್ನ್ ಬರಂವ್ಕ್ ಸುರ‍್ವಾತ್ ಕೆಲ್ಲಿ 1960 ವೆರ್. ಮಾಕಾ ಲಾನ್ಪಣಾರ್ ಥಾವ್ನ್ಂಚ್ ಬರಂವ್ಚಿ ಏಕ್ ವೋಡ್ ಆಸ್‌ಲ್ಲಿ. ಹಾಂವ್ ‘ಬೀಚಿ’ಚ್ಯೊ ,  ಪತ್ತೇದಾರ್ ಪುರುಷೋತ್ತಮ್ ತಶೆಂ ತ್ರಿವೇಣಿ ಹಾಂಚೊ ಕಾದಂಬರಿಯೊ ಆನಿ ಹೆರ್ ಕೊಂಕ್ಣಿ ಬರಯ್ಣಾರ್ ಜಸೆಂ ಎ.ಟಿ ಲೋಬೊ, ಜೊ.ಸಾ. ಅಲ್ವಾರಿಸ್, ವಿಜೆಪಿ ಸಲ್ಡಾಞ್ (ಖಡಾಪ್) ಚಾಫ್ರಾ ಹಾಂಚಿಂ ಬರ್ಪಾಂ –  ಕಾದಂಬರಿಯೊ, ಎಡಿ ನೆಟ್ಟೊ, ಜೆಮಿ ಅಲ್ಮೆದ್ ಹಾಂಚೊ ಮಟ್ವೊ ಕಾಣ್ಯೊ ಸರಾಗ್ ವಾಚ್ತಲೊಂ. ಮಾಕಾ ಬರಂವ್ಕ್ ಮುಕೆಲ್ ಪ್ರೇರಣ್  ತವಳ್ ಕೊಂಕ್ಣೆಂತ್ ಬರವ್ನ್ ಆಸ್ಲೆ ಜೆಮಿ ಅಲ್ಮೆದ್, ಎಡಿ ನೆಟ್ಟೊ ಆನಿ ಹೆರ್ ಕೊಕ್ಣಿ ಬರವ್ಪಿ.

ಮ್ಹಜಿ ಫುಡ್ಲದ್ ಕಾಣಿ ‘ ತುಟ್‌ಲ್ಲಿ ವಾಲ್ ’ – ಝೆಲೊ ವಿಶೇಷ್ ಅಂಕ್ಯಾಂತ್ 1962 ವೆರ್ ಪ್ರಕಟ್ ಜಾಲ್ಲಿ. ತಿ ಕಾಣಿ ಫಾಯ್ಸ್ ಜಾಲ್ಲಿಚ್ ಮಜಿ ಬರಂವ್ಚಿ ಝರ್ ಉಮಾಳೊನ್ ಹಾಂವೆ ಉಪ್ರಾಂತ್ ಸರಾಗ್ ಬರಂವ್ಕ್ ಸುರು ಕೆಲೆಂ. ಜಾಯ್ತಿಂ ಚುಟುಕಾಂ ಸೈತ್ ಬರಯ್ಲಿಂ.

ತುಮಿ ಬರಂವ್ಕ್ ಧರ್ತಾನಾ ಘರಾಂತ್ ತಸೆಂ ಪರಿಸರಾಂತ್ ಕಸ್ಲೆಂ ವಾತಾವರಣ್ ಅಸ್ಲೆಂ ? ಪ್ರೊತ್ಸಾವ್ , ಪಾಟಿಂಬೊ ವಾ ನೆಗಾರ್ , ತಿರಸ್ಕಾರ್ ?

ಬರಂವ್ಚೆ ಮ್ಹಳ್ಯಾರ್ ಮ್ಹಾಕಾ ಭಾರಿ ಖುಶಿ ಆನಿ ಮಸ್ತು ಉರ್ಭಾ. ಬರಂವ್ಚಾ ವಿಶಾಂತ್ ಮ್ಹಾಕಾ ಘರಾಂತ್ ವ ಪರಿಸರಾಂತ್ ಜಾಂವ್ ಕಾಂಯ್ ಅಡ್ಕಳಿ, ಅಡ್ಚಣ್ಯೊ ಆನಿ ತಿರಸ್ಕಾರ್ ಭಾವನಾಂ ನಾತ್‌ಲ್ಲಿಂ. ಜೆಮಿ ಅಲ್ಮೆದ್ ಜೆಪ್ಪು ಮ್ಹಾಕಾ ಸಲಹಾ -ಸೂಚನಾಂ ದಿತಾಲೊ ಆನಿ ಮ್ಹಜೊ ಕಾಣ್ಯೊ ತಿದ್ವಿತಾಲೊ. ತೆಣೆಂ ಜೊ.ಸಾ. ಅಲ್ವಾರಿಸ್ ಸೈತ್ ಮ್ಹಾಕಾ ಪ್ರೋತ್ಸಾಹ್ ದೀವ್ನ್ ಆಸ್‌ಲ್ಲೊ ಆನಿ ಮಾರ್ಗ್‌ದರ್ಶನ್ ದಿತಾಲೊ. ಹಾಂವ್ ಏಕ್ ಲೇಖಕ್ ಜಾಯ್ಜೆ ಜಾಲ್ಯಾರ್ ತಾಣೆ ದಿಲ್ಲೊ ಪಾಟಿಂಬೊ ಪ್ರೋತ್ರಾಹ್‌ಚ್ ಕಾರಣ್ ಮ್ಹಣ್ಯೆತ್. ಎದೊಳ್ ಮ್ಹಣಾಸರ್ ಹಾಂವ್ ಬರಯ್ತಾಂ ಮ್ಹಳ್ಳ್ಯಾಕ್ ಮ್ಹಜೆರ್ ತಿರಸ್ಕಾರ್ ಮನೋಭಾವ್ ಕೊಣೆಂಯ್ ದಾಕಯಿಲ್ಲೊ ಮ್ಹಜ್ಯಾ ಉಡಾಸಾಂತ್ ನಾ.

ಬರೆಂ. ಆತಾಂ ಕೊಂಕ್ಣೆಂತ್ ಭುರ್ಗ್ಯಾಂಚಾ ಸಾಹಿತ್ಯಾಚೋಚ್ ಪ್ರಕಾರ್ ವಿಂಚುಂಕ್ ಕಾರಣ್ ಕಿತೆಂ ?

ಹೆಂ ನಿಜಾಯ್ಕೀ ಭಾರಿಚ್ ಏಕ್ ಮೊಲಾಧಿಕ್ ಸವಾಲ್  ಜಾವ್ನಾಸಾ. ಹಾಂವ್ ಪಾಂಚ್ವ್ಯಾ-ಸವ್ಯಾ ಕ್ಲಾಸಿಂತ್ ಜೆಪ್ಪು ಸಾಂ ಜುಜೆ ಇಸ್ಕೊಲಾಂತ್ ಪ್ರಾಥಮಿಕ್ ಶಿಕ್ಷಣ್ ಶಿಕ್ತಾಸ್ತಾನಾ ಹಪ್ತ್ಯಾಂತ್ ಎಕೇಕ್ ಪಿರಿಯೆಡ್ ನೈತಿಕ್ ಶಿಕ್ಷಣಾಚಿ ಕ್ಲಾಸ್ ಆಸ್ತಾಲಿ. ಆಮ್ಕಾಂ ಲಕ್ಷ್ಮಣ ಮೆಸ್ತ್ರಿ  ಆನಿ ಹೆರ್ ಶಿಕ್ಷಕಿ,  ಜಾಂವ್ ಪಂಚತಂತ್ರಚೊ ಆನಿ ಹೆರ್ ನೈತಿಕ್ ಮೌಲ್ಯಾಂಕ್ ಸಂಬಂಧ್ ಜಾಲ್ಲ್ಯೊ ಕಾಣ್ಯೊ ವಾಚುನ್ ಸಾಂಗೊನ್ ತಾಂಚೆ ವಿವರಣ್ ದಿತಾಲಿಂ. ತಾಂತ್ಲೆಂ ಲಿಸಾಂವ್ ಮ್ಹಾಕಾ ನಾಟ್ವಾತಾಲೆಂ. ಆನಿ ಹಾಂವ್ ತ್ಯಾ ವೆಳಾರ್‌ಚ್ ತಸಲ್ಯೊ ಕನ್ನಡ ಭಾಷೆಚೊ ಕಾಣ್ಯೊ ಚಡ್ ವಾಚ್ತಾಲೊಂ. ತೆನಾಲಿ ರಾಮಕೃಷ್ಣ, ಅಕ್ಬರ್- ಬೀರಬಲ್ ಆನಿ ಪಂಚತಂತ್ರಾಂತ್ಲ್ಯೊ ಕಾಣ್ಯೊ ಹಾಂವ್ ಖೂಬ್ ವಾಚ್ತಾಲೊಂ ಆನಿ ಪಸಂದ್ ಕರ್ತಾಲೊಂ.

ಉಪ್ರಾಂತ್ ಮ್ಹಜ್ಯಾ ವೃತ್ತಿಜಿವನಾಕ್ ಲಾಗೊನ್  ಮ್ಹಾಕಾ ತೆದ್ನಾಂ ತೆದ್ನಾಂ ವರ್ಗಾವಣ್ ಜಾತೆಲೆಂ ಜಾಲ್ಲ್ಯಾನ್ ಮ್ಹಾಕಾ ನಿರಂತರ್ ರೀತಿನ್ ಲಿಖ್ಣಿ ಗಳ್ಸುಂಕ್ ಸಾಧ್ಯ್ ಜಾಯ್ನಾತ್‌‌ಲ್ಲೆಂ. ಪೂಣ್ ಕೊಡ್ಯಾಳಾಕ್ ಪರ‍್ತ್ಯಾನ್ ವರ್ಗ್ ಜಾವ್ನ್ ಆಯ್ಲ್ಯಾ ಉಪ್ರಾಂತ್,  ಹಾಂವ್ ಮ್ಹಜೆ ಪುರ್ಸತೆ ಪರ್ಮಾಣೆಂ ಲೇಕನಾಂ, ಚುಟುಕಾಂ, ಭುರ್ಗ್ಯಾಂಚ್ಯೊ ಕಾಣ್ಯೊ ಬರಯ್ತಾಲೊ. ತಶೆಂ ಹಾಂವ್ ನಿವೃತ್ತ್ ಜಾಲ್ಯಾ ನಂತರ್ ಹಾಂವೆ ಭುರ್ಗ್ಯಾಂಚೊ ಕಾಣ್ಯೊ ಬರಂವ್ಚಾ ವಿಶಿಂ ಚಡಿತ್ ಮಹತ್ವ್ ದಿಲೆಂ. ಆನಿ ಆತಾಂ ಹೆಂ ಮ್ಹಜೆಂ ಸಾಧನ್ ಸುಫಳ್ ಜಾಲಾಶೆಂ ಮ್ಹಾಕಾ ಭೊಗ್ತಾ ಆನಿ ಹಾಂತು ಹಾಂವೆ ಖೂಬ್ ತೃಪ್ತಿ ಜೊಡ್ಲ್ಯಾ.

ಹ್ಯಾ ಭಾಂಗಾರ್ ಶಿಂಕ್ಳೆ ಪಾಟ್ಲೊ ಮಿಸ್ತೆರ್ ಕಿತೆಂ ? ಭಾಂಗಾರಾಚ್ಯಾ ಭುರ್ಗ್ಯಾಂಚಾ ಕಾಣಿಯಾಂಚಾ ಪುಸ್ತಕಾಚಿ ಹಿ ಶಿಂಕಳ್ ಸುರು ಕರುಂಕ್ ಆಲೊಚೆನ್ ಕಶಿ ಆಯ್ಲಿ ?

ಹಾಂವೆ ಕೊಂಕ್ಣೆಂತ್ಲ್ಯಾ ಚಡಾವತ್ ಸರ್ವ್ ಕೊಂಕ್ಣಿಂ ಪತ್ರಾಂಕ್ (ಮಿತ್ರ್, ಝಲೊ, ರಾಕ್ಣೊ, ಆಮ್ಚಿ ಮಾಂಯ್, ಸೆವಕ್, ಕುಟಾಮ್, ದಿವೊ, ದಿರ್ವೆಂ, ಮಿಲಾರ್ಚೆಂ ಮಿಲನ್, ಆಂಜ್, ಕಾಜುಲೊ) ಭುರ್ಗ್ಯಾಂಚೊ ಕಾಣ್ಯೊ ಬರಯ್ಲ್ಯಾತ್. ಆನಿ ಸಂಪಾದಾಕಾನಿಂ ತ್ಯೊ ಫಾಯ್ಸ್ ಕೆಲ್ಯಾತ್. ಹ್ಯಾ ಪಯ್ಕಿ ರಾಕ್ಣೊ ಆನಿ ಸೆವಕ್ ಪತ್ರಾಚಾ ಸಂಪಾದಾಕಾನಿಂ ಮ್ಹಾಕಾ ಮಸ್ತು ಪ್ರೋತ್ಸಾಹ್ ಆನಿ ಪಾಟಿಂಚೊ ದಿಲಾ. ತ್ಯಾ ಶಿವಾಯ್ ಮ್ಹಜೆ ಭುರ್ಗ್ಯಾಂಚಾ ಕಾಣ್ಯಾಂಚಿಂ ದೊದೊನ್ ಪುಸ್ತಕಾಂ ಪ್ರಕಟ್ ಕೆಲ್ಯಾಂತ್. ಆಶೆಂ ಭುರ್ಗ್ಯಾಂಚೊ ಕಾಣ್ಯೊ ಬರಯ್ತಾಂ ಬರಯ್ತಾಂ ಕಾಣ್ಯಾಂಚೊ ದಾಳೊ ಚಡೊನ್ಂಚ್ ಯೆತಾಲೊ. ಹ್ಯಾ ಮಧೆಂ ಕೊಂಕಣಿ ಲೇಖಕಾಂಚೊ ಎಕ್ವಟ್ ಹಾಂತುಯ್ ಹಾಂವ್ ಸಾಂದೊ ಜಾಲೊಂ. ತೆದ್ನಾಂ ತೆದ್ನಾಂ ಎಕ್ವಟಾಚಾ ಕಾರ್ಯಕ್ರಮಾನಿಂ ಥೊಡೆ ಬೂಕ್ ಉಗ್ತಾವಣ್ ಜಾತಾಲೆ. ಆನಿ ಹ್ಯಾ ವೆಳಾ ಮಿತ್ರ್ ಡೊಲ್ಫಿ ಕಾಸ್ಸಿಯಾ ಮ್ಹಾಕಾ ಕುಟ್ಟಿತಾಲೊ ಆನಿ ವಾರೆಂ ಘಾಲ್ತಾಲೊ – ಸಾಂಗುನ್ ತುಜೆ ಕಡೆ ಭುರ್ಗ್ಯಾಂಚೊ ಕಾಣ್ಯೊ ಆಸಾತ್ ನಂಯ್‌ವೇ? ತುಂವೆ ಕಿತ್ಯಾಕ್ ಭುರ್ಗ್ಯಾಂಚ್ಯಾ ಕಾಣ್ಯಾಂಚೊ ಬೂಕ್ ಪ್ರಕಟ್ ಕರುಂಕ್ ನಜೊ? ತವಳ್ ಹಾಂವೆ ತೆಂ ತಿತ್ಲೆಂ ಮತಿಕ್ ವೆಲೆಂ ನಾ. ಕೇಣ್ ಪೀಂಕಣ್  ಕರ್ನ್ಂಚ್ ವೆತಾಲೊಂ. ಮಧೆಂ ಮಧೆಂಗಾತ್ ಗ್ಲೇಡಿಸ್ ರೇಗೊ ಸೈತ್ ತಿಚಿ ದಾಯ್ ಘಾಲ್ತಾಲಿ. ಭುರ್ಗ್ಯಾಂಚ್ಯಾ ಕಾಣ್ಯಾಂಚೊ ಏಕ್ ಬೂಕ್ ಪ್ರಕಟ್ ಕರ್ ನೆಂ ? – ಮ್ಹಣ್ತಾಲಿ. ನಿಮಾಣೆ ಡೊಲ್ಫಿ, ಕಾಸ್ಸಿಯಾನ್ ಮತಿಕ್ ಘಾಲ್ಲೆಂ ತೆಂ ಕೀಟ್ ಸವ್ಕಾಸ್ ಪೆಟೊನ್ ಪೆಟೊನ್ ಹಾಂವೆಂ ಬೂಕ್ ಪ್ರಕಟ್ ಕರ‍್ಚೊ ನಿರ್ಧಾರ್ ಘೆತ್ಲೊ, ಕಾಣ್ಯಾಂಚೊ ಘೊಸ್ ಡೊಲ್ಫಿಚಾ ಹಾತಿಂ ದೀವ್ನ್ ಆನಿ ಹಾಚೆಂ ಮುಕ್ಲೆಂ ಕಾಮ್ ತುಜೆಂ ಮ್ಹಳ್ಳೆಂಚ್ ತಾಣೆಂ ಬೂಕಾಚೊ ವಾವ್ರ್ ಸುರು ಕೆಲೊ. 160 ಪಾನಾಂಚೊ 50 ಕಾಣ್ಯಾಂಚೊ ಬೂಕ್ ತಯಾರ್ ಜಾಲೊ.

ಆತಾಂ ಆಯ್ಲೆಂ ಸವಾಲ್ ಬುಕಾಕ್ ನಾಂವ್ ಕಿತೆಂ ದಿಂವ್ಚೆಂ ? ಡೊಲ್ಫಿನ್ ಥೊಡಿಂ ಸಾಂಗ್ಲಿ, ಹಾಂವೆ ಥೊಡಿಂ ವಿಂಚ್‌ಲ್ಲಿಂ, ಹೆರಾಂಕಡೆ ಥೊಡಿ ಅಭಿಪ್ರಾಯ್ ವಿಚಾರ‍್ಲಿ. ಊಹೂಂ . . .  ಬರೆಂ ನಾಂವ್ ಖಂಯ್ಚೆಂಯ್ ಸಾಂಪಡ್ಲೆ ನಾ. ಆವ್ಚಿತ್ತ್ ಮ್ಹಾಕಾ ಏಕ್ ಐಡಿಯಾ ಆಯ್ಲಿ.  ಹಾಂವೆಂ ಬುಕಾಂತ್ಲ್ಯಾ ಕಾಣ್ಯೆಂತ್ಲ್ಯಾ ನಾಂವಾಂ ವಯ್ರ್ ನದರ್ ಮಾರ‍್ಲಿ. ಆನಿ ತಾಂತು ಶಿರ್ಕಾಲಿ “ಬಾಂಗಾರಾಚಿ ಮಾಸ್ಳಿ”  ಮಾಗಿರ್ ಹಾಂವೆ ಬುಕಾಕ್ ಹೆಂಚ್ ನಾಂವ್ ವಿಂಚ್ಲೆಂ. ತಾಕಾ ತೆಕಿದ್ ಪಿಂಟೊ, ವಾಮಂಜೂರ್ ಹಾಣೆ ಏಕ್ ಸೊಭಿತ್, ಆಕರ್ಷಿಕ್ ಭಾಂಗಾರಾಚಾ ಮಾಸ್ಳೆಚೊ ಫೊರ್ (ಆರ್ಟ್ ವರ್ಕ್) ರಚ್ಲೊ. ಆನಿ  ತೊ ಸೂಪರ್ ಹಿಟ್ ಜಾವ್ನ್ ಹ್ಯಾ ಮ್ಹಜ್ಯಾ ಫುಡ್ಲದ್ ಪುಸ್ತಕಾಕ್ ಕರ್ನಾಟಕ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿ ಥಾವ್ನ್ ಪ್ರಶಸ್ತಿ ಸೈತ್ ಲಾಭ್ಲಿ. ಹ್ಯಾ ಬುಕಾಚ್ಯೊ ತೀನ್ ಹಜಾರಾಂ ವಯ್ರ್ ಪ್ರತಿಯೊ ವಿಕೊನ್ ಗೆಲ್ಯೊ.  ಉಪ್ರಾಂತ್ ಪುರಾ ಭಾಂಗಾರಾಚಾ ಶಿಂಕ್ಳೆಚೆ ಕಾಣಿಯೆ ಬೂಕ್ ಎಕೆಕ್‌ಚ್ ಭಾಯ್ರ್ ಪಡ್ಲೆ.

ಮ್ಹಾಕಾ ಅಕಾಡೆಮಿಚಿ ಪ್ರಶಸ್ತಿ ಪ್ರಧಾನ್ ಜಾಂವ್ಚ್ಯಾ ದಿಸಾ  ಮ್ಹಜಿ ಪರಿಚಯ್ ವಾಚ್ತಾಂ ವಾಚ್ತಾನಾ ವಿತೊರಿ ಕಾರ್ಕೊಳ್ ಹಾಣೆ  – ಹಾಚೆಂ ಪುರಾ ಭಾಂಗಾರ್‌ಚ್ಚ್ ಮ್ಹಣ್ ಮ್ಹಾಕಾ ಚಿಡಾಯಿಲ್ಲೆಂ  ಮ್ಹಾಕಾ ಆಜೂನ್ ಉಗ್ಡಾಸ್ ಆಸಾ.

ಮ್ಹಜಿ ಏಕ್ ಆಶಾ ಆನಿ ಧ್ಯೇಯ್ ಆಸಾ. ಭುರ್ಗ್ಯಾಂಚಾ ಕಾಣ್ಯಾಂಚಿ ಉಣ್ಯಾನ್ ಉಣೆಂ ೧೦ ಪುಸ್ತಕಾಂ ತರೀ ಪ್ರಕಟ್ ಕರ್ಚಿಂ. ಸಾಧ್ಯ್ ಜಾಲ್ಯಾರ್ ಆನಿ ಆವ್ಕ್ ಬರೆಂ ಆಸ್ಲ್ಯಾರ್ ಹೊ ಸಂಕೊ ಪಂದ್ರಾ ಪರ್ಯಾಂತ್ ಚಡತ್.

ಕೊಂಕ್ಣಿ ಸೊಡ್ನ್ ಹೆರ್ ಖಂಯ್ಚಾ ಭಾಸಾಂನಿ ಬರಯ್ಲಾಂ ? ಕಸಲೆ ಪ್ರಕಾರ್ ?

ಕೊಂಕ್ಣಿ ಸೊಡ್ನ್ ಹಾಂವ್ ಕನ್ನಡ, ಇಂಗ್ಲಿಷ್ ಆನಿ ತುಳು ಭಾಷೆನಿಂ ಬರಯ್ತಾಂ. ಕನ್ನಡಂತ್ ಆನಿ ಇಂಗ್ಲಿಷಾಂತ್ ಸಂಪಾದಾಕಾಕ್ ಪತ್ರಾಂ ವಿಭಾಗಾಕ್ ಆನಿ ಹೆರ್ ತಾಂಚಾ ಕೊಲಮಾಂಕ್ ಬರಯ್ತಾಂ. ಆನಿ ಅಶೆಂ ಬರವ್ನ್ ಫಾಯ್ಸ್ ಜಾಲ್ಲಿಂ ಪತ್ರಾಂ  5000 ಕ್  ಮಿಕ್ವಾತಾತ್. ಕನ್ನಡಾಂತ್ ,  ಉದಯವಾಣಿ, ವಿಜಯ ಕರ್ನಾಟಕ, ಜನವಾಹಿನಿ, ಕನ್ನಡ ಪ್ರಭ, ಪ್ರಜಾವಾಣಿ, ಉಷಾಕಿರಣ, ಹೊಸದಗಂತ, ವಾರ್ತಾಭಾರತಿ, ಕರಾವಳಿ ಅಲೆ, ವಿಜಯವಾಣಿ ಆನಿ ಹೆರ್ , ಇಂಗ್ಲಿಶಾಂತ್ ,ಟೈಮ್ಸ್ ಆಫ್ ಇಂಡಿಯಾ, ದಿ ಹಿಂದು, ಡೆಕ್ಕನ್ ಹೆರಾಲ್ಡ್, ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್, ವಿಜಯಾ ಟೈಮ್ಸ್, ಕೆನರಾ ಟೈಮ್ಸ್, ಡಯ್ಜಿ ವರ್ಲ್ಡ್ ಇತ್ಯಾದಿ ಆನಿ ತುಳುಂತ್ ಹಾಂವೆ 90 ವಯ್ರ್ ಕವಿತಾಂ ಬರಯ್ಲ್ಯಾಂತ್.  ತಿಂ ನಮ್ಮ ಕುಡ್ಲ, ಆಯ್ತಾರೊಡ್ಡ್ ಆಯ್ತಾರ, ತುಳು ಕಾರ್ಯಕ್ರಮಾಂತ್ ಟೆಲಿಕಾಸ್ಟ್ ಜಾಲ್ಯಾಂತ್. ಆತಾಂ ತೆಂ ಚ್ಯಾನಲ್ ಆಸ್ಲ್ಯಾರೀ ತುಳು ಕಾರ್ಯಕ್ರಮ್ ಬಂಧ್ ಪಡ್ಲಾಂ. ತ್ಯಾ ಶಿವಾಯ್ ಮ್ಹಜಿ ತುಳು ಕವಿತಾಂ ಚುಟುಕಾಂ ಕರ್ನಾಟಕ ತುಳು ಸಾಹಿತ್ಯ ಅಕಾಡಮಿನ್ ಫಾಯ್ಸ್ ಕರ‍್ಚ್ಯಾ ಮದಿಪು ಬುಕಾಂತ್ ತೆದ್ನಾಂ ತೆದ್ನಾಂ ಫಾಯ್ಸ್ ಜಾತಾತ್. ಒಟ್ಟಾರೆ ಸಾಂಗ್ಚೆ ತರ್ ಕನ್ನಡ, ಇಂಗ್ಲಿಷ್, ತುಳ್ವೆಂತ್ ಮ್ಹಜೊ ವಾವ್ರ್ ಆತಾಂಯ್ ಚಾಲು ಆಸಾ ಆನಿ ಮುಕಾರಿ ಸೈತ್ ತೊ ಮುಕಾರುನ್ ವರ‍್ತೊಲೊಂ ತೆಂ ಖಂಡಿತ್.

ಹಾಂಗಾ ಪರತ್ ಕಿತ್ಯಾಕ್   ಸಂಪಾದಾಕಾಕ್ ಪತ್ರಾಂ ಮಾತ್ ? ಹೆರ್ ಪ್ರಕಾರ್ ವಿಂಚುಂಕ್ ನಾ ?

ವ್ಹಯ್ ಹಾಂತು ಮ್ಹಜೆಂ ಏಕ್ ಅಪೂರ್ವ್ ಸಾಧನ್ ಮ್ಹಣ್ಯೆತ್. ಸರ್ಕಾರಿ ಸೇವೆಂತ್ ಆಸ್ತಾನಾ ಹಾಂವೆ ಜೊಡ್‌ಲ್ಲ್ಯಾ ಅನುಭವಾ ಮಾರಿಫಾತ್ ಮ್ಹಾಕಾ ಹೆಂ ಸಾಧ್ಯ್ ಜಾಲೆಂ ಮ್ಹಣ್ಯೆತ್. ಸರ್ಕಾರಿ ಸೇವೆಂತ್ ಸಬಾರ್ ನಮೂನ್ಯಾಂಚಿ ನಿಯಾಮಾಂ ಕಾನೂನಾಂ ಪಾಳುಂಕ್ ಆಸಾತ್. ಆಮ್ಕಾಂ ಹಾಂತು ಸಬಾರ್ ಟೆಸ್ಟಾಂ, ಜಾಂವ್ ತಿಂ ಕಾನೂನಾಂಚಿ, ನಿಯಮಾವಳಿಚಿಂ ಲೆಕ್‌ಪಾಕಾಕ್ ಸಂಬಂಧ್ ಜಾಲ್ಲಿಂ ಪಾಸ್ ಜಾಂವ್ಕ್ ಆಸಾತ್. ತಶೆಂ ಖಂಚಾಯ್ ಪತ್ರಿಕಾನಿಂ ಸರ್ಕಾರಾಕ್, ಸರ್ಕಾರಿ ಸೇವೆಕ್, ಅನುದಾನಕ್, ಯೋಜನಾಂಕ್ ಸಂಬಂಧ್ ಜಾಲ್ಲ್ಯೊ ಗಜಾಲಿ ಖಬ್ರೊ ಆಯಿಲ್ಲ್ಯಾ ವೆಳಾ ಪಂಚ್ ಮಾರುಂಕ್ ಜಾಂವ್ಚೊ ಖಬ್ರೊ ವಿಂಚುನ್ ತ್ಯಾ ವಿಶಾಂತ್ “ಕಮೆಂಟ್ಸ್” ಬರಂವ್ಕ್ ಮ್ಹಾಕಾ ಸುಲಭ್ ಜಾತಾಲೆಂ. ತ್ಯಾ ಶಿವಾಯ್ ಹೆರ್ ಖಬ್ರಾಂ ವಿಶಾಂತ್ ಸೈತ್ ಮ್ಹಜಾ ಅನುಭವಾ ವಯ್ರ್ ಬರಂವ್ಕ್ ಸಲೀಸ್ ಜಾಲೆಂ.

ಅರಣ್ಯ್ ಇಲಾಕ್ಯಾಂತ್ ಏಕ್ ಅಧಿಕಾರಿ ಜಾವ್ನ್ ತುಮಿ ಲಾಂಬ್ ಸೆವಾ ದೀವ್ನ್ ನಿವೃತ್ತ್ ಜಾಲ್ಯಾತ್. ಕಾಮಾಚಾ ವೆಳಾರ್ ಜೊಡ್‌ಲ್ಲೊ ತೊ ಅನ್ಬೋಗ್ ಖಂಯ್ ತರೀ ಸಾಹಿತ್ಯಾಂತ್ ಹಾಡ್ಚೆಂ ಪ್ರೇತನ್ ಕೆಲಾಂಗೀ ?

ಅರಣ್ಯ್ ಇಲಾಖ್ಯಾಂತ್ ದೋನ್ ವರ್ಗಾಚೆ ಹುದ್ದೆ ಆಸಾತ್ – ಮಿನಿಸ್ಟಿರಿಯಲ್ ಆನಿ ಎಕ್ಸುಕ್ಯುಟಿವ್. ಪಯ್ಲ್ಯಾ ವರ್ಗಾಕ್ ಸಂಬಂಧ್ ಜಾಲ್ಲ್ಯಾನಿಂ ಕಚೇರಿಚಾ ಹುದ್ದ್ಯಾಚಿ ಜವಾಬ್ದಾರಿ ಸಾಂಬಾಳ್ಚಿ. ಆನಿ ದುಸ್ರ್ಯಾ ವರ್ಗಾಚಾಂನಿ ಬಾಯ್ಲೊ ಹಾರ್- ಭಾರ್. ಮ್ಹಳ್ಯಾರ್ ರಾನಾಚೊ ಆನಿ ಇತರ್ ತಾಕಾ ಲಗ್ತಿ ಜಾಲ್ಲ್ಯಾ ಕಾಮಾಚೆ ಆಡಳ್ತೆಂ ಪಳೆಂವ್ಚೆಂ. ಹಾಂತು ಮೇಟಿ, ವಾಚರ್, ಗಾರ್ಡ್, ಫಾರೆಸ್ಟರ್, ರೇಂಜರ್, ಎಸಿ‌ಎಫ್‌, ಡಿ‌ಎಫ್‌ಒ ಆಶೆಂ ಸಬಾರ್ ಅಧಿಕಾರಿ ಆಸ್ತಾತ್. ಮ್ಹಾಕಾ ರಾನ್ , ಇತರ್ ರಾನ್, ಅರಣ್ಯ್ ಸಂಪತ್ತ್ ರಾಕ್ಚೊ ಹಾರ್-ಭಾರ್ ನಾತ್‌ಲ್ಲೊ ತರೀ, ಹಾಚೊ ಖೂಬ್ ಅನುಭವ್ ಧಪ್ತರಾಂತ್  ಆಸೊನ್ ೩೯ ವರ‍್ಸಾಂ ಹಾಂವೆ ಜೊಡ್ಲಾ. ಆನಿ ಇಲಾಖ್ಯಾಚ್ಯಾ ಆಡಳ್ತ್ಯಾ ನಿಯಮಾನುಸಾರ್ ಆಮ್ಚ್ಯಾ ವಯ್ಲ್ಯಾ ಅಧಿಕಾರಿಂಚಾ ಆದೇಶಾ ಪ್ರಕಾರ್ ಸಭಾರ್ ಪಾವ್ಟಿಂ ರಾನಾ ಸುವಾತೆಂಕ್ ತಾಂಚೆ ಸಾಂಗಾತಾ ಗೆಲಾಂ. ಟಿಂಬರ್ ಡಿಪ್ಯಾಂನಿ ಟಿಂಬರ್ ಹರಾಜ್ ಜಾಂವ್ಚ್ಯಾ ವೆಳಿಂ ಹಪ್ತೊಭರ್ ರಾವ್ಲಾಂ. ಆನಿ ತ್ಯಾ ಪ್ರಕೃತೆಚಿ ರೂಚ್ ಹಾಂವೆಂ ಮ್ಹಜಾ ಸರ್ವಿಸಾಚಾ ಆವ್ದೆಂತ್ ದರಬಸ್ತ್ ಚಾಕ್ಲ್ಯಾ ತಸೆಂಚ್ ಅನುಭವ್ ಜೊಡ್ಲಾ. ಥೊಡ್ಯಾ ಪಾವ್ಟಿಂ ಖುಶೆಲ್‌ಪಣಾನ್ ಸಯ್ತ್ ಪಾರೆಸ್ಟರ್, ರೇಂಜರಾಂ ಸಾಂಗಾತಾ ಪಿಕ್ನಿಕಾಕ್ ಮ್ಹಳ್ಯಾ ಬರಿಂ ವಚೊನ್ ರಾನಾಂ ಬಿತರ್ ಭೊಂವ್ಲಾಂ ಆನಿ ತಿಂ ಮಿರ್ಮಿರ‍್ಚಿಂ ಘಡಿತಾಂ ಅನಿಕೀ ಮ್ಹಜಾ ಮನಾಂತ್ ಜಿವಾಳ್  ಆನಿ ಪಾಚ್ವಿಂ ಪಾಚ್ವಿಂಶಿ ಆಸಾತ್. ಪೂಣ್ ಬೆಜಾರಾಯೆಚಿ ಗಜಾಲ್ ಮ್ಹಳ್ಯಾರ್ ಹೊ ಅನ್ಭೋಗ್ ಸಾಹಿತ್ಯಾಂತ್ ಹಾಡುಂಕ್ ಕಾಂಯ್‌ಚ್ ಪ್ರಯತ್ನ್ ಹಾಂವೆ ಕೆಲ್ಲೆಂ ನಾಂ. ಕಿತ್ಯಾಕ್ ಮ್ಹಳ್ಯಾರ್ ಮ್ಹಜೊ ಆತಾಂ ಕರುನ್ ಆಸ್ಚೊ  ಸಾಹಿತ್ಯಾಂತ್ಲೊ ವಾವ್ರ್ ಮಾತ್ಯಾ ವಯ್ರ್ ಆಸಾ. ಹ್ಯಾ ಅನುಭವಚಿ ಏಕ್ ವ್ಹಡ್ ಕಾದಂಬರಿಚ್ ಬರವ್ಯೆತ್ ತರೀ ತಿ ಆಲೋಚನ್ ಸದ್ದ್ಯಾಕ್ ಮ್ಹಜೆ ಥಂಯ್ ನಾ. ಮ್ಹಜಿ ಆತಾಂಚಿ ದೋಣ್‌ಂಚ್ ಹಾಂವ್ ಜಲ್ಲಾ  ವೊಚ್ಚುನ್ ಮುಕಾರ್ ವೆತಾಂ. ಮ್ಹಾಕಾ ಮಂಜಿ ನಾಕಾಶಿ ದಿಸ್ತಾ. ಕಿತ್ಯಾಕ್ ಮ್ಹಾಕಾ ಹಾಂತು ಭರ್ಪೂರ್ ತೃಪ್ತಿ ಆಸಾ.

█ ಜೆ ಎಫ್ – ಮಧುರ್ ಘಡಿಯೊ █

ಪಯ್ಲ್ಯಾ ಬುಕಾಕ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಪುಸ್ತಕ್ ಪುರಸ್ಕಾರ್

ಸುಕಾಂತ್ ತಶೆಂ ದುಕಾಂತ್ . . . 

ದಿವೊ ಪೆಟವ್ನ್ ಸುರ್ವಾತ್

ಅರಣ್ಯಾಂತ್ – ಫೊರೆಸ್ಟ್ ಗೆಸ್ಟ್ ಹಾವ್ಜ್

ಕೊಂಕಣ್ ಕೊಗುಳ್ ವಿಲ್ಫಿಚಾ ಪಂಗ್ಡಾಂತ್

ವಿಲ್ಪಿಚಾ ಪಂಗ್ಡಾಚೊ ಭಾಂಗ್ರಾಳ್ಯಾ ವರ್ಸಾಚೊ ಸಂಭ್ರಮ್ 

ತಿಸ್ರೊ ಪುಸ್ತಕ್  – ಭಾಂಗಾರಾಚಿ ಕುರಾಡ್  ಮೊಕ್ಳೀಕ್ ಕರ್ತಾ : ಡೊ| ಆಸ್ಟಿನ್ ಪ್ರಭು

 ಆಸ್ಟ್ರ‍ೇಲಿಯಾಂತ್  ಪೂತ್ ಆನಿ ನಾತಿ ಸಾಂಗಾತಾ 

ಆಸ್ಟ್ರ‍ೇಲಿಯಾಂತ್  ಸುನ್ ಆನಿ ನಾತಿ ಸಾಂಗಾತಾ

ಫ

ಪಾಟ್ಲ್ಯಾ ದೋನ್ ವರ್ಸಾಂ ಥಾವ್ನ್ ನಮಾನ್ ಬಾಳೊಕ್ ಜೆಜು ಪತ್ರಾಂತ್ ಬಾ. ಸ್ಟೀವನಾಚೆಂ ಬರೆಂಚ್ ಮೆತೆರ್ಪಣ್ ದಿಸ್ತಾಲೆಂ. ಬರ್ಪಾಂ ಖಾತಿರ್ ಲೇಕಕಾಂಕ್ ಸಂಪರ್ಕ್ ಕರ್ಚೊ , ವರ್ಗಣೆಚಿ ಆನಿ ಪ್ರಸಾರಾಚಿ ಉಸ್ತುವಾರಿ ಆನಿ ಹೆರ್ ಜವಾಬ್ದಾರಿ ಬಾ. ಸ್ಟೀವನ್ ಚ್ ಚಡ್ ಸಾಂಬಾಳ್ಚೇಪರಿಂ ದಿಸ್ತಾಲೆಂ. ಲೇಕಕಾಂಚ್ಯಾ ಸಂಬಾವನಾಚ್ಯಾ ಆನಿ ಹೆರ್ ಚೆಕ್ಕಿಂಚೇರೀ ತಾಚೀಚ್ ದಸ್ಕತ್ ಆಸ್ತಾಲಿ. ಬಾಪ್ ಸ್ಟೀವನ್ – ಗಾಂವಾನ್ ಉಪ್ಪಿನಂಗಡಿಚೊ. ಕನ್ನಡಾಂತ್ ನಿಪುಣತಾ ಆಸ್ಚ್ಯಾ ತಾಣೆಂ ಮೈಸೂರಾಂತ್ ತತ್ವಶಾಸ್ತಿರ್ ಶಿಕೊನ್ ಆಸ್ಚ್ಯಾ ಸಂದರ್ಭಾರ್ ಚ್ ಕಾರ್ಮೆಲ್  ಸುಮ ಆನಿ ಯೇಸುವಿನೊಂದಿಗೆ ಕಲ್ವಾರಿಯೆಡೆಗೆ ಮ್ಹಳ್ಳೆ ಬೂಕ್ ಬರಯ್ಲ್ಯಾತ್. ಹ್ಯಾಚ್ ವೆಳಾ ಜೀವಜಲ ನಾಂವಾಚ್ಯಾ ದೆವಾಚ್ಯಾ ಉತ್ರಾ ವಯ್ಲೊ ನಿಯಾಳ್ ಆಟಾಪ್ಚ್ಯಾ ಬುಕಾಚೊ ಸಂಪಾದಕ್ ಜಾವ್ನ್ ಯೀ ತಾಣೆ ವಾವ್ರ್ ಕೆಲಾ. ನಮಾನ್ ಬಾಳೊಕ್ ಜೆಜು ಮಹಿನ್ಯಾಳ್ಯಾಕ್ ಸುರ್ವೆರ್ ಥಾವ್ನ್ ಬಾಪ್ ಸ್ಟೀವನ್ ಸಹ-ಸಂಪಾದಕ್ ಜಾವ್ನ್ ವಾವ್ರ್ ದೀತೆ ಆಸ್ಲೊ.

ನಮಾನ್ ಬಾಳೊಕ್ ಜೆಜು ಪತ್ರ್ ಸುರು ಜಾಲ್ಲೆಂ 2008  ದಶೆಂಬರ್ ಮಹಿನ್ಯಾಂತ್ ತರೀ , ಆಜ್ ಫಕತ್ ದೋನ್ ವರ್ಸಾಂಚ್ಯಾ ಆವ್ಧೆಂತ್ , ತಾಚೊ ಪ್ರಸಾರ್ ದಿಯೆಸಿಜಿಚ್ಯಾ  ಹೆರ್ ಪತ್ರಾಂಚ್ಯಾ ಸಮಾಸಮ್ ಯೇವ್ನ್ ರಾವ್ಲಾ. ಬಾ. ಸ್ಟೀವನ್ – “ಆಮಿ ಕೊಂಕ್ಣಿ ಪತ್ರಾ ಶೆತಾಂತ್ ನವೆ , ಆಮ್ಕಾಂ ಅನ್ಭೋಗ್ ನಾ ” ಮ್ಹಣ್ಟಾ ವ್ಹಯ್  ತರೀ , ನಮಾನ್ ಬಾಳೊಕ್ ಜೆಜು ಪತ್ರಾಂತ್ ದಿಸೊನ್ ಯೆಂವ್ಚಿ  ಶಿಸ್ತ್ ಆನಿ ವೃತ್ತಿಪರತಾ ಆತಾಂಚ್ಯಾ ಹೆರ್ ಖಂಯ್ಚ್ಯಾಯೀ ಕೊಂಕ್ಣಿ  ಪತ್ರಾಂನಿ ಬೋವ್ ಶಾ ದಿಸೊನ್ ಯೇನಾ. ಬರ್ಪಾಂ ಖಾತಿರ್ ಬರವ್ಪ್ಯಾಂಕ್ ಖುದ್ಧ್ ಸಂಪಾದಕ್ ಫೊನ್  ಕರ್ತಾತ್ , ಗವ್ರವಾನ್ ಉಲಯ್ತಾತ್ , ಗವ್ರವ್ ಪ್ರತಿ ದಾಡ್ಟಾತ್ ಆನಿ ಬರಫ್ ಫಾಯ್ಸ್ ಜಾಲ್ಲ್ಯಾ ಪ್ರತಿಯೆ ಸಂಗಿಚ್  ಸಂಭಾವನಾಚಿ ಚೆಕ್ ದಾರಾರ್ ಪಾವ್ತಾ. ಸುರ್ವಾತ್ ತರೀ ಸಂಬಾವನ್ ದಿತಾನಾ ನಮಾನ್ ಬಾಳೊಕ್ ಜೆಜು ಸುರಾತ್ ಕರಿನಾ. ಖುದ್ಧ್ ಸಂಪಾದಕ್ ಫೊನ್ ಕರ್ನ್ ವಿಚಾರ್ತಾ “ದಾಡುಲ್ಲಿ ಚೆಕ್ ಪಾವ್ಲ್ಯಾಗೀ ?”

ರಾಕ್ಣೊ ತಸಲ್ಯಾ ಮಾಲ್ಘಡ್ಯಾ  ಪತ್ರಾನ್ ಸೊಡ್ಲ್ಯಾರ್ ಬೋವ್ ಶಾ ಹೆರ್ ಖಂಯ್ಚ್ಯಾಯೀ ಕೊಂಕ್ಣಿ  ಪತ್ರಾನ್ ಬರವ್ಪ್ಯಾಂಕ್ ಮಾಗಾನಾಸ್ತಾನಾ ಸಂಬಾವನ್ ದಿಲ್ಲೆಂಚ್ ನಾ. ಆಮ್ಚೊ ಯುವಕ್ ಪತ್ರಾಕ್ ಅನ್ನು ಇಜಯ್ ಸಂಪಾದಕ್ ಆಸ್ತಾನಾ ಮ್ಹಜ್ಯಾ ಕಾಣ್ಯೆಕ್ ದೊನ್ಶಿಂ ರುಪಯ್ ತಪ್ಪಾಲಾರ್ ಆನಿ ಪ್ರಕಾಶ್ ಸಿದ್ಧಕಟ್ಟೆ ಸಂಪಾದಕ್ ಆಸ್ತಾನಾ ಮ್ಹಜ್ಯಾ ಲೇಕನಾಕ್ ತಿನ್ಶಿಂ ರುಪಯ್  ಘರಾ ಪಾವಿತ್ ಕೆಲ್ಲೆ ಸೊಡ್ಲ್ಯಾರ್ ಸೆವಕ್ ಪತ್ರಾಕ್ ಜೊನ್ ಹ್ಯಾರಿ ತಸಲೊ ಡಯ್ನ್ಯಾಮಿಕ್ ಫ್ರಾದ್  ಸಂಪಾದಕ್ ಆಸ್ತಾನಾಯೀ  ಮ್ಹಜ್ಯಾ ಲೇಕನಾಕ್ ದಿಲ್ಲೆಂ ಸಂಭಾವನ್ –  ಭಿಕೆಚೆ ಶೆಂಭರ್ ರುಪಯ್, ತೇಂಯಿ ಸ ಮ್ಹಯ್ನ್ಯಾಂ ಉಪ್ರಾಂತ್. ಆನಿ ತೇಂಯಿ ಕಶೆಂ ?  ಎಕಾ ದೊಗಾಂ ಕಡೆ ಉಗ್ತ್ಯಾನ್  ಸಂಪಾದಕಾಕ್ ಸಾಂಗೊನ್ ದಾಡ್ಲ್ಯಾ ಉಪ್ರಾಂತ್. ಗವ್ರವ್ ಪ್ರತಿ ಮ್ಹಳ್ಳಿ ದಾಡುಂಕ್ ಚ್  ನಾ.  ಆಮ್ಚೊ ಸಂದೇಶ್ ಪತ್ರಾಚ್ಯಾ ಸಂಪಾದಕಾನ್ ಲೇಕನ್ ವಿಚಾರ್ತಾನಾ ದಾಕಯಿಲ್ಲೊ ರುಬಾಬ್ ಗವ್ರವ್ ಪ್ರತಿ ದಾಡ್ಚ್ಯಾಂತ್ ,  ಸಂಬಾವನ್ ದೀಂವ್ಚ್ಯಾಂತ್ ದಾಖಂವ್ಕ್ ನಾ. ಕಥೊಲಿಕ್ ಸಭೆಚ್ಯಾ ಹ್ಯಾ ಕೊಂಕ್ಣಿ ಪತ್ರಾಚೊ ಸಂಪಾದಕ್ ಖಂಯ್ಚ್ಯಾಯೀ ಕೊಂಕ್ಣಿ ಕಾರ್ಯಾಕ್ ಹಾಜರ್ ಜಾಲ್ಲೊ ಎದೊಳ್ ದಿಸೊಂಕ್ ನಾ. ಹಾಂವೆ ಜಾವ್ನ್ ಸಂಬಾವನ್ ವಿಚಾರ್ತಾನಾ ಮ್ಹಣಾಲೊ, “ಆಮ್ಚ್ಯಾ ಪತ್ರಾಂತ್ ಲೇಕಕಾಂಕ್ ಸಂಬಾವನ್ ದಿಂವ್ಚಿ ರಿವಾಜ್ ನಾ.”  ಕೊಂಕ್ಣಿ ಪತ್ರಾಂಚೆಂ ಜಾಯ್ತೆ ಸಂಪಾದಕ್ ಆತಾಂಯೀ ಬೋವ್ ಶಾ ಬರವ್ಪಿ ತಾಂಚೆ ಬೊಡ್ಕುರ್ ಆನಿ  ಕೊಂಕ್ಣಿ ಲೇಕಕ್ ಜಾಲ್ಲ್ಯಾನ್  ತಾಂಚ್ಯಾ ಪತ್ರಾಕ್ ಫ್ರೀ ಬರಯ್ತಾಂ ಮ್ಹಣ್ ಆಂಗೊಣ್ ಕೆಲ್ಯಾ ಮ್ಹಣ್ ಚಿಂತಾತ್ ಜಾಯ್ಜೆ. ಆತಾಂ ದುಕಾನ್ ಬಂದ್ ಕರ್ನ್ ಕೆಲ್ಲ್ಯಾ ಸಾಂಗಾತಿ ಪತ್ರಾಚ್ಯಾ ಸಂಪಾದಕಾನ್ ಮ್ಹಾಕಾ  ಮ್ಹಳ್ಳೆಂ ಆಸಾ “ತೂಂ ಕೊಂಕ್ಣಿ ಲೇಕಕಾಂಚ್ಯಾ ಎಕ್ವಟಾಚೊ ಕಾರ್ಯದರ್ಶಿ ಜಾಲಾಯ್ ನ್ಹಯ್ ಗೀ ?  ತುಕಾ ಕೊಂಕ್ಣಿ ಪತ್ರಾಂಕ್ ಫ್ರೀ ಬರಂವ್ಚೊ ಕಾಯ್ದೊ ಬಾಂದ್ತಾ”  ತರ್,   ಕೊಂಕ್ಣಿ ಲೇಕಕಾಂಚ್ಯಾ ಎಕ್ವಟಾಚ್ಯಾ ಕಾರ್ಯದರ್ಶಿಕ್ ಏಕ್ ಗವ್ರವ್ ಪ್ರತಿ ದಾಡ್ಚೊ ಕಾಯ್ದೊ ಹ್ಯಾ ಖಂಯ್ಚ್ಯಾಯೀ ಪತ್ರಾಂಕ್ ಬಾಂದಿನಾಗೀ?   ಹೆ ಗಜಾಲಿ  ಹಾಂಗಾ ಕಿತ್ಯಾಕ್ ಸಾಂಗ್ತಾಂ ಮ್ಹಳ್ಯಾರ್ – ಸೆವಾ ಕರ್ತಾಂ , ಸೆವಾ ಕರ್ತಾಂ ಆನಿ ಕೊಂಕ್ಣಿ ಮೆಲಿ ಮ್ಹಣ್ ಗುಮಟ್ ಬಡವ್ನ್ ಆರಾಬಾಯೊ ದೀವ್ನ್ ಮೇವಾ ಖೆಲ್ಲ್ಯಾಂನಿಂ ಆನಿ ಖಾಂವ್ಕ್ ಸ್ಕೆಚ್ ಘಾಲ್ತೆಲ್ಯಾಂನಿ –  ನಮಾನ್ ಬಾಳೊಕ್ ಜೆಜು ತಸಲ್ಯಾ ಪತ್ರಾಂ ಥಾವ್ನ್ ಕಾಂಯ್ ತರೀ  ಶಿಕಾಜೇ ಮ್ಹಳ್ಳ್ಯಾ ಎಕಾಚ್ ಎಕಾ ಇರಾದ್ಯಾನ್.

ಜಿವಿತಾಚ್ಯಾ ಪ್ರಗತೆಕ್ ಆತ್ಮೀಕ್ ದಾಯ್ಜ್  ಹ್ಯಾ ಧ್ಯೇಯಾಖಾಲ್ ಪಾಟ್ಲ್ಯಾ ದೋನ್ ವರ್ಸಾಂ ಥಾವ್ನ್ ಪರ್ಗಟ್ ಜಾಂವ್ಚೆಂ ಕಾರ್ಮೆಲಿತ್ ಯಾಜಾಕಾಂಚೆ  ನಮಾನ್ ಬಾಳೊಕ್ ಜೆಜು ಪತ್ರ್ ಫಕತ್ ಧರ್ಮಿಕ್ ಸಾಹಿತ್ ಮಾತ್ ನ್ಹಯ್  ಹರ್ ಮ್ಹಯ್ನ್ಯಾಂತ್ , ಸಮಾಜಿಕ್ ವಿಶ್ಲೇಷಣ್, ಕಾಣಿ , ಕವಿತಾ , ಸಕಾಲಿಕ್ ಲೇಕನ್ ತಶೆಂ ಮುಕೆಲ್ ಲೇಕನ್ ಫಾಯ್ಸ್ ಕರ್ತಾ. ಸಾಂಗಾತಾ ಮಾಲ್ಘಡೊ ಪತ್ರ್ ಕರ್ತ್ ಗಾಬ್ರಿಯೆಲ್ ವಾಜ್ ಹಾಚೆಥಾವ್ನ್ “ರಾಜಕೀಯ್ ವಿಶ್ಲೇಷಣ್” ಡೊಲ್ಫಿ ಕಾಸ್ಸಿಯಾಚೊ ” ಕಾಳ್ಜಾಚೊ ಉಲೊ” ಬಾ. ರೋನಿ ಸೆರಾವೊಚಿ “ಜಿವಿತಾಚಿ ದಿಶಾ” ಬಾ. ಆಲ್ವಿ ಕಾರ್ಮೆಲಿತಾಚೆ ” ಕುಚುಲ್ಯೊ”  ತಶೆಂ ಭಲಾಯ್ಕೆ ಲೇಕನ್ , ಭುರ್ಗ್ಯಾಂಚೆಂ ಪಾನ್ , ಕಥೊಲಿಕ್ ಖಬ್ರೊ , ಆರ್ವಿಲ್ಯಾ ದೊಳ್ಯಾಂನಿ ಪುರ್ವಿಲ್ಯೊ ಖಬ್ರೊ , ಸಬ್ದಾ – ಗೊಂದೊಳ್ ಆನಿ ಬಾ. ಸ್ಟೀವನಾ ಥಾವ್ನ್ “ಪವಿತ್ ಪುಸ್ತಕಾಚಿ ವಳಕ್ ” ಫಾಯ್ಸ್ ಕರ್ತಾ. ಹರೇಕಾ ಮ್ಹಯ್ನ್ಯಾಚ್ಯಾ ದುಸ್ರ್ಯಾ ತಾರಿಕೆರ್ ವಾಚ್ಪ್ಯಾಂಕ್ ಪಾಂವ್ಚ್ಯಾ ಹ್ಯಾ ಮ್ಹಯ್ನ್ಯಾಳ್ಯಾ ಪತ್ರಾಕ್ ಗಾಂವಾಂತ್ ವರ್ಗಣಿ ಫಕತ್ ಶೆಂಭೊರ್ ರುಪಯ್ ತರ್ , ಪರ್ಗಾಂವಾಂತ್ ರುಪಯ್ ಹಜಾರ್.

ಜೂನ್ ಮ್ಹಯ್ನ್ಯಾ ಥಾವ್ನ್ ನಮಾನ್ ಬಾಳೊಕ್ ಜೆಜು ಮ್ಹಯ್ನ್ಯಾಳ್ಯಾ ಪತ್ರಾಚೊ ಸಂಪಾದಕ್ ಹುದ್ದೊ ಸಾಂಬಾಳ್ಚ್ಯಾ ಬಾ. ಸ್ಟೀವನಾಲಾಗ್ಗಿಂ ಕಿಟಾಳ್ ಉಲಯ್ಲೆಂ.

ಆಜ್ ಇಲೆಕ್ಟ್ರೊನಿಕ್ ಜಮ್ಯಾ ಸಂಪರ್ಕ್ ಮಾಧ್ಯಮಾಂ ವಾಡೊನ್ ಆಸ್ಚೊ ವೇಗ್ ಪಳಯ್ತಾನಾ , ಪ್ರಿಂಟ್  ಆಪೊಸ್ತಲಾದ್ ಗರ್ಜ್ ಮ್ಹಣ್ ಭೊಗ್ತಾಗೀ ?

ಖಂಡಿತ್ ಗರ್ಜ್ ಅಸಾ. ಜಾತಾ ಕಿತೆಂಗೀ ಮ್ಹಳ್ಯಾರ್ ಆಮಿ ತೋಂಡಾಂತ್ ಉಲಯಿಲ್ಲೆಂ ಚಡ್ ತೇಂಪ್ ಉರಾನಾ. ಉಲಯಿಲ್ಲೆಂ ಆಯ್ಕಾತಾನಾ ಥೊಡೊ ಲೋಕ್ ಚೀತ್ ದಿತಾ ಥೊಡೊ ದೀನಾ. ಬರಯಿಲ್ಲೆಂ ಆನಿ ಛಾಪ್ಯಾಂತ್ ಘಾಲ್ಲೆಂ ಉರ್ತಾ. ತೆಂ ವಾಚುಂಕ್ , ನಿಯಾಳುಂಕ್ ಆನಿ ಉಡಾಸಾಂತ್ ದವರುಂಕ್ ಮಾತ್ ನ್ಹಯ್ ಹೆರಾಂ ಸಾಂಗಾತಾ ವಾಂಟುನ್ ಘೆಂವ್ಕ್ ಸಯ್ತ್ ಸುಲಭ್. ಜಾಲ್ಲೆವರ್ವಿಂ ಪ್ರಿಂಟ್ ಮೀಡಿಯಾ ಗರ್ಜ್ ಆನಿ ಪ್ರಿಂಟಾಚೊ ಮಹತ್ವ್ ಆನಿ ಪ್ರಭಾವ್ ಕಾಂಯ್ ಉಣೊ ಜಾಂವ್ಕ್ ನಾ.

ಪೂಣ್ ಪ್ರಭಾವಿತ್ ಥರಾನ್ ಲೊಕಾಕ್ ಪಾವೊಂಕ್ ಏಕ್ ಮ್ಹಯ್ನ್ಯಾಳೆಂ ಮಾತ್ ಪುರೊ ?

ಆಮ್ಕಾಂ ಕೊಂಕ್ಣಿ ಪತ್ರ್ ಚಲಂವ್ಕ್ ಕಾಂಯ್ಚ್ ಅನ್ಭೋಗ್ ನಾತ್ಲೊ. ಹ್ಯಾ ಶೆತಾಕ್ ಆಮಿ ನವೆಚ್. ದೆಕುನ್ ಆಮ್ಸೊರ್ ಕರ್ಚೊ ನಾಕಾ ಮ್ಹಣ್ ಆಮಿ ಪಯ್ಲೆಂ ಮ್ಹಯ್ನ್ಯಾಳ್ಯಾಕ್ ಧೆಂವ್ಲ್ಯಾಂವ್. ಆತಾಂ ದೋನ್ ವರ್ಸಾಂನಿ ಥೊಡೊ ಅನ್ಬೋಗ್ ಆಮಿ ಜೊಡುನ್ ಘೆತ್ಲಾ ಆನಿ ಆಮ್ಚೊ ಬರೊಚ್ ಪ್ರಸಾರ್ ಯೀ ಚಡ್ಲಾ. ಅನಿಕೀ ವರ್ಸ್ ಭರ್ ಪಳೆವ್ನ್ , ಆನಿ ಥೊಡೊ ಪ್ರಸಾರ್ ವಾಡವ್ನ್ ಸಗ್ಳೆಂ ಸಿಸ್ಟಮೆಟಿಕ್ ಕರ್ನ್ ಮುಕ್ಲೆಂ ಮೇಟ್ ಕಾಡ್ಟೆಲ್ಯಾಂವ್. ಆಮ್ಚೆಂ ಸಾಹಿತಿಕ್ ಪತ್ರ್ ನ್ಹಯ್. ಲೊಕಾಕ್ ಆತ್ಮೀಕ್ ಶಿಕೊಣ್ ದಿಂವ್ಚೊ ಆಮ್ಚೊ ಮುಕೆಲ್ ಶೆವೊಟ್. ಆತ್ಮೀಕ್ ಮ್ಹಳ್ಯಾರ್ ಫಕತ್ ದೆವಾಚೆಂ ಮಾತ್ ನ್ಹಯ್. ದೇವ್ ಆನಿ ಸಮಾಜಿಕ್ ಜಿವಿತ್ ಸಾಂಗಾತಾ ವೆತಾ. ಧರ್ಮ್ ಆನಿ ಸಮಾಜ್ ವೆವೆಗ್ಳೆ ನ್ಹಯ್. ದೆಕುನ್ ದೊನೀ ಗಜಾಲಿ ಸಾಂಗಾತಾ ಘಾಲ್ನ್ “ಸೋಶಿಯೊ ರಿಲಿಜಿಯಸ್” ಮ್ಹಳ್ಳೆಪರಿಂ ಆಮ್ಚೆಂ ಮ್ಯಾಗಜಿನ್ ಆಸಾ.

ಪಂದ್ರಾಳೆಂ , ಹಫ್ತ್ಯಾಳೆಂ ಕರ್ಚಿ ಕಾಂಯ್ ಅಲೊಚೆನ್ ಆಸಾಗೀ ?

ಆಸಾ,ಪೂಣ್ ಇತ್ಲೆ ವೆಗ್ಗಿಂ ನ್ಹಯ್. ಅನಿಕೀ ಇಲ್ಲ್ಯೊ ವರ್ಗಣ್ಯೊ ವಾಡಂವ್ಕ್ ಆಸಾತ್. ಪ್ರಸಾರ್ ಚಡಂವ್ಕ್ ಆಸಾ. ತೆ ಉಪ್ರಾಂತ್ , ಎಕಾ ವರ್ಸಾನ್ ಹೆ ವಿಶ್ಯಾಂತ್ ಚಿಂತ್ತೆಲ್ಯಾಂವ್.

ಎಕಾಣೆಂ ಪತ್ರ್ , ತೇಂಯಿ ಕೊಂಕ್ಣೆಂತ್ ಕಾಡ್ಚಿ , ಐಡಿಯಾ ಕಶಿ ಆನಿ ಕಿತ್ಯಾಕ್ ಆಯ್ಲಿ ಸಾಂಗಾ ?

ಪಯ್ಲೆಂ ಆಮಿ ಚಿಂತ್ಲೆಂ,ಆಮ್ಚ್ಯಾ ಪೂನ್ ಶೆತಾಕ್ ಇತ್ಲೊ ಲೋಕ್ ಯೆತಾ. ತಾಂಚೆ ಸಾಂಗಾತಾ ಸಂಪರ್ಕಾರ್ ಉರೊಂಕ್ ಫಕತ್ ಮೀಸಾಂ ಆನಿ ನೊವೆನಾಂ ಮಾತ್ ಪಾವಾನಾಂತ್. ಜಾಯ್ತೆ ಕಡೆ ರೆತಿರ್ಯೊ ದೀವ್ನ್ ಆಯ್ಲ್ಯಾ ಉಪ್ರಾಂತ್  ಲೊಕಾಕಡೆ  ಫಾಲೊಅಫ್ ದವರುಂಕ್ ಜಾಯ್ನಾ.ದೆಕುನ್ ಆಮ್ಕಾಂ ಜಾಯ್ತ್ಯಾಂನಿ ಪತ್ರ್ ಕಾಡುಂಕ್ ಸಲಹಾ ದಿಲ್ಲಿ ಆಸಾ , ವತ್ತಾಯ್ ಕೆಲ್ಲಿ ಆಸಾ. ಆತಾಂ ಹೆಂ ಪತ್ರ್ , ಆಮ್ಕಾಂ ಭಕ್ತಿಕಾಂ ಕಡೆಂ ಸಂಪರ್ಕ್ ದವರುಂಕ್ ಮಾತ್ ನ್ಹಯ್ , ತಾಂಕಾ ಥೊಡಿ ಆತ್ಮೀಕ್ ಶಿಕೊಣ್ ದೀಂವ್ಕ್ ಯೀ ಉಪ್ಕಾರಾಕ್ ಪಡ್ಟಾ.

ಪೂಣ್ ಲೊಕಾಕ್ ಫಾವೊಂಕ್ ಕೊಂಕ್ಣಿ ಪುರೊಗೀ ? ಆತಾಂ ಇಂಗ್ಲಿಶ್ ಕಿರಿಸ್ತಾಂವ್ ಭಕ್ತಿಕ್ ವಾಡ್ಲ್ಯಾತ್ ನ್ಹಯ್ ಗೀ ?

ಇಂಗ್ಲಿಶಾಂತ್ ಎದೊಳ್ ಚ್ ಜಾಯ್ತೆಂ ಉಂಚ್ಲೆಂ ಧರ್ಮಿಕ್ ಸಾಹಿತ್ ಬುಕಾರುಪಾರ್ ಆನಿ ಇಂಟರ್ ನೆಟ್ಟಾರ್ ಜಾಯ್ತೆಂ ಆಸಾ ಜಾಲ್ಲ್ಯಾನ್  ಆಮ್ಕಾಂ ಇಂಗ್ಲಿಶಾಕ್ ವೆಚಿ ಗರ್ಜ್ ನಾ. ಏಕ್ ದಾಕ್ಲೊ ದಿಂವ್ಚೊ ತರ್  ಕೆನನ್ ಲೋ ವಿಶ್ಯಾಂತ್ ನೆಟ್ಟಾರ್ ಥೊಡಿಶಿಂ ಲೇಕನಾಂ ಮೆಳ್ಟಾತ್. ಪೂಣ್ ಕೊಂಕ್ಣಿ ಉಲಂವ್ಚ್ಯಾ ಕಿರಿಸ್ತಾಂವ್ ಲೊಕಾಕ್ ಕಾಜಾರಾ ವಿಶ್ಯಾಂತ್ , ಎನಲ್ಲ್ ಮೆಂಟಾ ವಿಶ್ಯಾಂತ್ ಕಾಂಯ್ಚ್ ಮಾಹೆತ್ ನಾ ವಾ ಥೊಡೆಕಡೆ  ಚೂಕ್ ಸಮ್ಜಣಿ ಸಯ್ತ್  ಆಸಾ. ತಸಲ್ಯೊ ಸಂಗ್ತಿ ಕೊಂಕ್ಣಿ ಲೊಕಾಕ್ ದಿಂವ್ಚೊ ಆನಿ ತಾಂಚೇರ್ ಉಜ್ವಾಶ್ ಫಾಂಕವ್ಚೊ ಆಮ್ಚೊ ಉದ್ಧೇಶ್.

ಧರ್ಮಿಕಾಂನಿ ಚಲಂವ್ಚ್ಯಾ ಪತ್ರಾಂಚ್ಯಾ ಅನಯ್ತಿಕ್ ಸ್ಫರ್ದ್ಯಾನ್ ಲಾಯಿಕಾಂನಿ ಚಲಂವ್ಚ್ಯಾ ಪತ್ರಾಂಕ್ ಮಾರ್ ಬಸ್ತಾಗೀ ?

ಕೊಡ್ಲ್ಯಾಳ್ಚ್ಯಾ ಬಾಬ್ತಿನ್ ಸಾಂಗ್ಚೆಂ ತರ್ ಧರ್ಮಿಕಾಂನಿ ಚಲಂವ್ಚ್ಯಾ ಪತ್ರಾಂಕ್ ಲೊಕಾ ಥಾವ್ನ್ ಮೆಳ್ಚೊ ಪ್ರೋತ್ಸಾಹ್ , ಪಾಟಿಂಬೊ ಆನಿ ಸಹಕಾರ್ ಹೆರ್ ಪತ್ರಾಂಕ್ ಮೆಳಾನಾ ತೆಂ ಸತ್.  ಪತ್ರಾಚಿ ಮಾತ್ ನ್ಹಯ್ ಜಾಯ್ತೆ ಹೆರ್ ಗಜಾಲೀಯ್ ಹಾಂಗಾ ಧರ್ಮಿಕಾಂಚ್ಯಾ ಮುಟಿಂತ್ ಆಸಾತ್ ತೇಂಯಿ ಸತ್. ಹೆರಾಂಕ್ ಪತ್ರಾಂ ಚಲವ್ನ್ ಸಮಾಜ್ ಸೆವಾ ಕರುಂಕ್ ಆಶಾ ಆಸ್ಚೆಂಯೀ ವಾಜ್ಭಿ. ಪೂಣ್  ಬರಂವ್ಚೆಂ , ಸಾಂಗ್ಚೆಂ ಅರ್ಥ್ ಕರ್ನ್ ಘೆಂವ್ಚಿ ತಾಂಕ್ ಲೊಕಾಕ್ ನಾ ವಾ ಹೆ ಲೊಕಾನ್ ಸಮ್ಜಾಸಾರ್ಕೆಂ ಹೆ ಬರಯ್ನಾಂತ್ ತೆಂ ಸಾಂಗೊಂಕ್ ಕಶ್ಟ್. ದೆಕುನ್ ಆಸಾ ತಸೆಂ ಸಾಂಗ್ತಾನಾ ಲೊಕಾಕ್ ಸಮ್ಜಾಸಾರ್ಕೆಂ ಸಾಂಗ್ಚಿ ಗರ್ಜ್ ಆಸಾ –  ಅಶೆಂ ಮ್ಹಜೆಂ ಚಿಂತಪ್.

ಧರ್ಮಿಕ್ ಮ್ಹಣ್ಚಿಂ ಸಗ್ಳಿಂ ಪತ್ರಾಂ ಕಾಣಿಯೊ, ಸಾಂಕಳ್ ಕಾಣಿಯೊ, ಕವಿತಾ, ವಿಡಂಬನಾಂ ಘಾಲ್ನ್ ವರ್ಗಣ್ಯೊ ಜಮಯ್ತಾನಾ ತುಮಿ ಧಾಂವ್ಣೆಂತ್ ಪಾಟಿಂ ಪಡ್ಚೆನಾಂತ್ ? 

ಆಮ್ಕಾಂ ಖಂಯ್ಚ್ಯಾಯೀ ಪತ್ರಾಕಡೆ ಕೊಂಪಿಟಿಶನ್ ನಾಂಚ್. ಆಮ್ಕಾಂ ವಾಚ್ಪ್ಯಾಂ ಥಾವ್ನ್ ಆಯಿಲ್ಲ್ಯಾ ಫೀಡ್ ಬ್ಯಾಕಾ ಪ್ರಕಾರ್ ಆಮ್ಚೊ ಮ್ಯಾಗಜಿನ್ ಯೂನಿಕ್ ಜಾವ್ನಾಸಾ. ಆಮಿ ಸಾಟ್ ಠಕ್ಕೆ ಧರ್ಮಿಕ್ ಆನಿ ಉರ್ ಲ್ಲೆಂ ಚಾಳಿಸ್ ಠಕ್ಕೆ ಸಮಾಜಿಕ್ ಬರಪ್ ದಿತೇ ಆಸಾಂವ್. ದುಸ್ರಿಂ ಮ್ಯಾಗಜಿನಾಂ ಪಳಯ್ಲ್ಯಾರ್ ತಾಂತು ಏಕ್ ವಿಶಯ್ ಆಸ್ತಾ ಆನಿ ಸಗ್ಳೆ ಲೇಕಕ್ ತ್ಯಾಚ್ ವಿಶಯಾ ವಿಶ್ಯಾಂತ್ ಸಾಂಗ್ತಾತ್. ವಾಚುಲ್ಲೆಂತ್ ಕಿತ್ಲೆಂ ವಾಚ್ಚೆಂ ? ದೆಕುನ್ ಆಮಿ ವೆರಾಯ್ಟಿ ದಿತಾಂವ್. ಸರ್ವ್ ವಿಶಯ್. ದೆಕುನ್ ತೆಂ ವಾಚ್ಪ್ಯಾಂಕ್ ಬರೆಂ ದಿಸ್ತಾ.  

ಪತ್ರಾಂತ್ ಕಾಂಯ್ ಬದ್ಲಾವಣ್ ಹಾಡುಂಕ್ ಚಿಂತ್ಲ್ಯಾ ?

ಆತಾಂ ಆಸ್ಚ್ಯಾ 42 ಪಾನಾಂಕ್ 8 ಪಾನಾಂ ಕುಡ್ಸಿಜೆ ಮ್ಹಣ್ ಆಸಾ ಆನಿ ಹ್ಯಾ ಪಾನಾಂನಿ ಹಾಂವೆ ಎದೊಳ್ ಚ್ ಸಾಂಗ್ ಲ್ಲೆಪರಿಂ ಕೆನನ್ ಲೊ ಆನಿ ಹೆರ್ ಸಂಕೀರ್ಣ್ ಧರ್ಮಿಕ್ ಗಜಾಲಿ ವಿಶ್ಯಾಂತ್ ಮಾಹೆತ್ ದಿಂವ್ಚಿಂ ಲೇಕನಾಂ – ಸವಾಲಾಂ ಜಾಪಿ ದಿಂವ್ಚೆಂ ಮ್ಹಣ್ ಯೆವ್ಜಿಲಾಂ.

ಕಾರ್ಮೆಲಿತಾಂಚ್ಯಾ ನಮಾನ್ ಬಾಳೊಕ್ ಜೆಜು ಪತ್ರಾಚಾ ಸಂಪಾದಕೀ ಮಂಡಳೆಂತ್ ಬಾ. ಆಲ್ವಿ ಕಾರ್ಮೆಲಿತ್ , ಜೊ. ಸಿ . ಸಿದ್ಧಕಟ್ಟೆ ತಸಲೆ ದೆಣ್ಯಾವೊಂತ್ ಕವಿ ಆಸಾತ್ ಮಾತ್ ನ್ಹಯ್,ಆಧುನಿಕ್ ಕೊಂಕ್ಣಿ  ಪತ್ರ್ ಗಾರಿಕೆಂತ್ ಕ್ರಾಂತಿ ಕೆಲ್ಲ್ಯಾ ಮಾವ್ರಿಸ್ ಡೆಸಾಚೊ ಸಾಥ್ ಆಸಾ. ಬಾ. ಸ್ಟೀವನ್ ಆತಾಂಚೆಂ ಕಮಿಟ್ ಮೆಂಟ್ ಉರವ್ನ್ ಘೆತ್ ತರ್ ಹೆಂ ಪತ್ರ್ ಖಂಡಿತ್ ಜಾವ್ನ್ ಕೊಂಕ್ಣೆಚೆಂಯಿ ದಾಯ್ಜ್ ಜಾತೆಲೆಂ ಮ್ಹಣ್ಚ್ಯಾಂತ್ ದುಬಾವ್ ನಾ.

– ಎಚ್ಚೆಮ್

ಸಮಾರಂಭಾಚೊ ಅಧ್ಯಕ್ಶ್ ಜಾವ್ನ್ ಮಂಗ್ಳುರ್ ವಿಶ್ವ್‌ವಿದ್ಯಾಲಯಾಂತ್ ಕನ್ನಡ ವಿಭಾಗಾಚೊ ಮುಖ್ಯಸ್ತ್ ಡಾ. ಕೆ. ಅಭಯಕುಮಾರ್ ಆನಿ ಸಯ್ರೊ ಜಾವ್ನ್ ಬೆಂಗ್ಳೂರ‍್ಚೊ ಉಪನ್ಯಾಸಕ್ ಡಾ. ಸಿ. ಜೆ. ಲಕ್ಶ್ಮೀಪತಿ ಹಾಜರ್ ಆಸ್‌ಲ್ಲೆ. ಡಾ. ಲತಾ ಅಭಯಕುಮಾರ್ ಹಿಣೆ ಚಲವ್ನ್ ವೆಲ್ಲ್ಯಾ ಹ್ಯಾ ಕಾರ್ಯಾಂತ್ ಬೂಕ್ ಉದ್ಘಾಟಕ್ ಜಾವ್ನ್ ಖ್ಯಾತ್ ಚಿಂತ್ಪಿ ಆನಿ ‘ಗೌರಿ ಲಂಕೇಶ್’ ಪತ್ರಾಚೊ ಅಂಕಣ್‌ಕಾರ್ ಶಿವಸುಂದರ್ ಹಾಜರ್ ಆಸ್‌ಲ್ಲೊ.

ಹ್ಯಾ ಕಾರ್ಯಾ ಉಪ್ರಾಂತ್  ತಾಚೆಲಾಗಿಂ ಕಿಟಾಳ್ ಜಾಳಿಜಾಗ್ಯಾನ್ ಘೆತ್‌ಲ್ಲೆಂ ಮಟ್ವೆಣ್ ಸಂದರ್ಶನ್ :

?  ಆತಾಂ ಆಮ್ಚ್ಯಾ ರಾಜ್ಯಾಂತ್ ಸಗ್ಳ್ಯಾನಿತ್ಲ್ಯಾನ್ ಕಾವೇರಿ ನ್ಹಂಯ್‌ವಿಶಿಂ ಸುಪ್ರೀಂ ಕೋರ್ಟಾಚ್ಯಾ ಆದೇಶಾಕ್ ವಿರೋದ್ ಕರುನ್ ಪ್ರತಿಭಟನ್ ಚಲ್ತೇ ಅಸಾ. ಹ್ಯಾ ಪ್ರತಿಭಟನಾವಿಶಿಂ ತುಮ್ಚಿ ಅಬಿಪ್ರಾಯ್ ಕಿತೆಂ?

  ಖಂಚ್ಯಾಯ್ ಪ್ರತಿಭಟನ್ ವಾ ಚಳ್ವಳೆಕ್ ಲೊಕಾವಿಶಿಂ ಆಸ್ಚೊ ಹುಸ್ಕೊ ಮುಖ್ಯ್. ಪೂಣ್ ಫಕತ್ ರಸ್ತ್ಯಾಂನಿ ದೆಂವೊನ್ ಪ್ರತಿರೋದ್ ದಾಕಯ್ಲ್ಯಾರ್ ಸಮಸ್ಸ್ಯಾಕ್ ಪರಿಹಾರ್ ಮೆಳನಾ. ಹಾಚೆಪ್ರಾಸ್ ವರ್ತೆಂ ‘ರಗತ್ ತರೀ ದಿತಾಂವ್ ಪೂಣ್ ಉದಕ್ ದಿಂವ್ಚೆನಾಂವ್’ ಮ್ಹಣ್ಚೆಂ ಅಸಂಬದ್ದ್ ಉಲವ್ಣೆಂ.

? ಆತಾಂ ಕನ್ನಡ ಸಿನೆಮಾಚೆ ಚಡ್ತಾವ್ ಮನಿಸ್ ಅಸಲ್ಯಾ; ಮ್ಹಣ್ಜೆ ಖಂಯ್ಚ್ಯಾಯ್ ವಾದ್ ವಿವಾದಾಂತ್ ಸಾಂಪ್ಡಾನಾತ್ಲ್ಯಾ ಪ್ರತಿಭಟನೆಂತ್ ಮಾತ್ರ್ ರಸ್ತ್ಯಾಕ್ ದೆಂವ್ತಾತ್. ಹ್ಯಾ ಶಿವಾಯ್ ಕನ್ನಡ ಸಿನೆಮಾ ಸಂಸಾರ್ ಕರ್ನಾಟಕಾಚ್ಯಾ ಸಾದ್ಯಾ ಲೊಕಾಂಚ್ಯಾ ಸಮಸ್ಸ್ಯಾಂಕ್ ಕಿತ್ಯಾಕ್ ಸ್ಪಂದನ್ ಕರಿನಾ?

   ಆತಾಂಚ್ಯಾ ಕನ್ನಡ ಸಿನೆಮಾ ಸಂಸಾರಾಂತ್ಲೆ ಪ್ರೊಡ್ಯೂಸರ್ ಸಗ್ಳೆ ರಿಯಲ್ ಎಸ್ಟೇಟ್ ಬಿಜ್ನೆಸಾಥಾವ್ನ್ ಪಯ್ಶೆ ಘೆವ್ನ್ ಆಯ್ಲೆಲೆ. ತಾಂಕಾ ದೀಸ್ ಉಜ್ವಡ್ಚೆಭಿತರ್ ಪಯ್ಶೆ ಜೊಡುಂಕ್ ವಾ ಲಾಭ್ ಕರುಂಕ್ ಜಾಯ್. ತಾಣಿ ಫಿಲ್ಮಾಂ ಕಾಡ್ಚಿ ಸಯ್ತ್ ಚಡ್ತಾವ್ ತಾಂಚ್ಯಾ ವಿಲಾಸಿ ಜಿಣಿಯೆಚ್ಯಾ ಪಿಸಾಯೆಖಾತಿರ್. ಆದ್ಲ್ಯಾ ಥೊಡ್ಯಾ ಕಲಕಾರಾಂಕ್ ಪುಣಿ ಲೊಕಾಚೊ ಹುಸ್ಕೊ ಆಸ್‌ಲ್ಲೊ. ಪೂಣ್ ಆಜ್‌ಕಾಲ್ ಹೆಂ ಕಾಂಯ್ ದಿಸೊನ್ ಯೇನಾ. ಸಿನೆಮಾವಾಲ್ಯಾಂಚಿ ಗಜಾಲ್ ಸೊಡ್ಯಾಂ, ಆತಾಂಚ್ಯಾ ರಾಜಕೀಯ್ ಮ್ಹನ್ಶ್ಯಾಂಕ್‌ಚ್ ಲೊಕಾಚೊ ಹುಸ್ಕೊ ನಾ ಕಂಯ್ !

? ಪ್ರಸ್ತುತ್ ಕನ್ನಡ ಕಾವ್ಯಾವಿಶಿಂ, ಕವಿವಿಶಿಂ ಕಿತೆಂ ಮ್ಹಣ್ಟಾತ್ ತುಮಿ?

  ಆತಾಂಚ್ಯಾ ಕಾಳಾರ್ ಕವಿತಾಶೆತಾಂತ್ ಜಾಯ್ತೆಂ ದೇಸೀ ಬೆಳೆಂ ಜಾತೇ ಆಸಾ. ಬರೆ ಕವಿಯ್ ಆಸಾತ್. ಆದ್ಲ್ಯಾಂಚ್ಯಾಬರಿ ಆತಾಂಚ್ಯಾ ಕವಿಂನಿ ಚಳ್ವಳೆಂನಿ ಶೀದಾ ಭಾಗ್ ಘೆಂವ್ಚೆಂ ಉಣೆಂ ತರೀ, ಚಡ್ತಾವಾಂಚ್ಯಾ ಕೃತಿಯಾಂನಿ ಲೊಕಾಚೊ ಹುಸ್ಕೊ ಆಸ್ತಾ. ಹಿ ಏಕ್ ಬರಿ ವಾಡಾವಳ್.

? ಸಾಮಾಜಿಕ್ ಗಜಾಲಿಂನಿ ಮಂಗ್ಳುರೀ ಕಿರಿಸ್ತಾಂವ್ ಲೊಕಾಂಚೆಂ ಮೆತೆರ‍್ಪಣ್ ಉಣೆಂ ಆಸಾ ಮ್ಹಣ್ ಭೊಗ್ತಾಗಿ ತುಮ್ಕಾಂ?

  ಖಂಡಿತ್ ಉಣೆಂ ಆಸಾ ಮ್ಹಣ್ ಭೊಗ್ತಾಲೆಂ. ಪೂಣ್ ಮಂಗ್ಳುರಾಂತ್ ಇಗರ್ಜಾಂಚೆರ್ ಧಾಡ್ ಪಡ್ಲ್ಯಾ ಉಪ್ರಾಂತ್ , ಆತಾತಾಂ ತಾಂಚೆಥಂಯ್ ಮಾತ್ಶಿ ಸಮ್ಜಣಿ ಯೆತೇ ಆಸಾ ಮ್ಹಣ್ ಭೊಗ್ತಾ. ಹಿ ಉರವ್ನ್ ಘೆತ್ಲ್ಯಾರ್ ಕಿರಿಸ್ತಾಂವ್ ಸಮುದಯಾಚ್ಯಾ ಫುಡಾರಾಕ್ ಬರೆಂ ಪಡತ್.

? ’ಕಿಟಾಳ್’ ಕೊಂಕ್ಣೆಂತ್ ಏಕ್  ವಯ್ಚಾರಿಕ್ ಸಾಹಿತ್ಯಾಚೊ ಜಾಳಿಜಾಗೊ. ಏಕ್ ಮಟ್ವೊ ಸಂದೇಶ್ ?

 ಕಿಟಾಳ್ ಮ್ಹಣ್ಚೆಂ ನಾಂವ್‌ಚ್ ಬರೆಂ ಲಾಗ್ಲೆಂ. ವಯ್ಚಾರಿಕತೆಂತ್ ಕಿಟಾಳಾಚೊ ಪಾತ್ರ್ ಮಹತ್ವಾಚೊ. ಕಿಟಾಳ್ ನಾಸ್ತಾಂ ಉಜೊ ಪೆಟನಾ; ಆನಿ ಉಜೊ ನಾಸ್ತಾಂ ಉಜ್ವಾಡ್ ಫಾಂಕನಾ. ತುಮ್ಚೆಂ ಲೊಕಾಥಂಯ್ ಅನ್ನ್ಯಾಯಾವಿರೋದ್ ಆಕ್ರೋಶ್ ಉಬ್ಜಂವ್ದಿ ಆನಿ ಸಂಘರ್ಶಾಚೊ ಉಜೊ ಲಾಂವ್ದಿ ಮ್ಹಣ್ ಆಶೆತಾಂ.

ಸಂದರ್ಶನ್ : ವಿಲ್ಸನ್ ಕಟೀಲ್

ತಸ್ವಿರ‍್ಯೊ ಕುರ್ಪಾ : ಡೊ| ಬಾರ್ಕೂರು ಉದಯ

ತುಮಿ ಏಕ್ ನಾಟಕಿಸ್ತ್. ಕೊಂಕ್ಣಿ ನಾಟಕಾಂಚಿ ಆಯ್ಚಿ ಪರಿಗತ್ ಕಿತೆಂ? ನವೆಂಸಾಂವಾಕ್ ಕಿತ್ಲೆ ಅವ್ಕಾಸ್ ಆಸಾತ್ ?

ಹಾಂಗಾ ದೋನ್ ಗಜಾಲಿ ಆಸಾತ್. ಮ್ಹಜ್ಯಾ ಇತ್ಲ್ಯಾ ವರ್ಸಾಂಚ್ಯಾ ಅನ್ಭೋಗಾಚೆರ್ ಹೊಂದೊನ್ ಸಾಂಗ್ಚೆಂ ತರ್ ಜಿ ಎಸ್ ಬಿ ಕೊಂಕ್ಣೆಂತ್ ನಾಟಕಾಂನಿ ಕಾಂಯ್ ಕಮರ್ಶಿಯಲ್ ಮೂಮ್ ಮೆಂಟ್ ಹಾಡುಲ್ಲೆಂ ಮ್ಹಳ್ಯಾರ್ ರಮಾನಂದ ಚೂರ್ಯ ಹಾಣಿ. ತಾಂಚ್ಯಾ ನಂತರ್ ಕಸಲೆಂಚ್ ಮೂವ್ ಮೆಂಟ್ ಜಿ ಎಸ್ ಬಿ ಕೊಂಕಣಿ ನಾಟಕಾಂನಿ ಜಾಲ್ಲೆಂ ನಾ. ಉಪ್ರಾಂತ್ ಎನ್ ಬಿ ಕಾಮತ್ ಹಾಣಿ ಕಾಂಯ್ ಇಲ್ಲೆಂ ಕೆಲ್ಲೆಂ ಆಸಾ. ಪೂಣ್ ಸೂಕ್ಶಿಮಾಯೆನ್ ಪಳೆಯ್ಲ್ಯಾರ್ ಜಿ ಎಸ್ ಬಿ ಕೊಂಕಣಿಂತ್ ಥಿಯೆಟರ್ ಮೂವ್ ಮೆಂಟ್ ನಾಂಚ್ ಮ್ಹಣ್ಯೆತ್. ಸಗ್ಳೆ ಅಮೆಚೂರ್ ಆನಿ ಫಕತ್ ಪರ್ನ್ಯಾ ಕಂಪೆನಿ ನಾಟಕಾಂಚಿ ಸ್ಟಾಯಿಲ್. ಸಬ್ಜೆಕ್ಟ್ ನಾ. ಜನಾಂಕ್ ಹಾಸೊಂವ್ಕಾ ಮ್ಹಳ್ಳೆಲೆ ಏಕ್ ಚ್ ಸಬ್ಜೆಕ್ಟ್. ದೆಕುನ್ ಹಾಂವೆ ನಿಚೆವ್ ಕೆಲೊ, ಕಿತ್ಯಾಕ್ ಆಮಿ ಥೊಡೆ ಬರೆ ನಾಟಕ್ ಕರುಂಕ್ ಭಾಶಾಂತರ್ ಕರ್ನ್ ಹಾಡುಂಕ್ ನಜೊ ? ಹಾಂವೆ  ಹೆರ್ ಭಾಸಾಂನಿ ಜಾಯ್ತೆ ಬರೆ ನಾಟಕ್ ಪಳಯ್ಲ್ಯಾತ್.  ಆಮ್ಚೆ ಮಧ್ಗಾತ್ ಕೋಣ್ ಬರೆ ನಾಟಕ್ ಬರಯ್ನಾಂತ್.  ಹೆರ್ ಭಾಶೆಂತ್ಲೆ  ಬರೆ ನಾಟಕ್ ಕೊಂಕ್ಣೆಕ್ ಹಾಡ್ಲ್ಯಾರ್ ಕಶೆಂ?  ಹೆಂ ಮತಿಂತ್ ದವರ್ನ್ ಹಾಂವೆ ಮಲಯಾಳಂ, ಬೆಂಗಾಲಿ, ರಶ್ಯನ್ ಆನಿ ಕನ್ನಡ ಭಾಸಾಂ ಥಾವ್ನ್ ಥೊಡೆ ನಾಟಕ್ ಕೊಂಕ್ಣೆಕ್ ಹಾಡ್ನ್ ಸಾದರ್ ಕೆಲೆ.ಬರೆ ಆನಿ ಗಂಭೀರ್ ನಾಟಕ್. ಪೊರ್ಚೆ ಪೋರ್ ದೋನ್ ಲ್ಹಾನ್ ನಾಟಕಾಂಚೊ ಏಕ್ ಪ್ರಯೋಗ್ ಕೆಲೊ – ಲಂಕೇಶಾಚೊ ಕರ್ಮಾಧೀನ್ ( ಕನ್ನಡಾ ಥಾವ್ನ್ ) ಆನಿ ಎನ್ ಎಮ್ ಪಿಳ್ಳೈ ಹಾಚೊ ಎಕ್ಲೊ ಅನ್ಯೆಕ್ಲೊ ( ಮಲೆಯಾಳಂ ಥಾವ್ನ್) ಫಕತ್ ಪಾಂಚ್ ಕಲಾಕಾರ್ ಪಡ್ದ್ಯಾ ಮುಕ್ಲ್ಯಾನ್  ಆನಿ ಏಕ್ಲೊ ಪಡ್ದ್ಯಾ ಪಾಟ್ಲ್ಯಾನ್  – ಅಶೆಂ ಫಕತ್ ಸ ಜಣಾಂಚೊ ಪಂಗಡ್ ಬಾಂದುನ್ ಹಾಂವ್ ಹೆ ನಾಟಕ್ ಘೆವ್ನ್ ಗಾಂವ್ ದೇಸ್ ಭಂವ್ಲೊಂ ಆನಿ ಗಲ್ಪಾಕ್ ಪಾವ್ ಲ್ಲೊ ಹೊ ಪಯ್ಲೊ ಜಿ ಎಸ್ ಬಿ ಕೊಂಕಣಿ ನಾಟಕ್.

ಪಯ್ಲೆಂ ಪಯ್ಲೆಂ ಥೊಡ್ಯಾಂನಿ ಮ್ಹಕಾಯೀ ಮ್ಹಳೆಂ ಸೀರಿಯಸ್ ನಾಟಕ್ ಕೋಣ್ ಪಳೆತಾ? ತುಕಾ ವರ್ಕ್ ಅವ್ಟ್ ಜಾಯ್ನಾ. ಪೂಣ್ ಹಾಂವೆ ಪಾಟಿಂ ಪಳೆಂವ್ಕ್ ನಾ ಆನಿ ಮ್ಹಜ್ಯಾ ಪ್ರೇತನಾಚೊ ಫಳ್ ಮ್ಹಾಕಾ ಮೆಳ್ಳೊ. ಹಾಂವ್ ಕಿತೆಂ ಸಾಂಗೊಂಕ್ ಆಶೆತಾಂ ಮ್ಹಳ್ಯಾರ್ – ಲೋಕ್ ನವೆಂಸಾಂವ್ ಖಾಯ್ಸ್ ಕರ್ತಾ. ದೆಕುನ್ ಹಾಂವ್ ಮ್ಹಣ್ಟಾಂ ಆಮ್ಚ್ಯಾ ನಾಟಕ್ ಬರಯ್ಣಾರಾಂನಿ ನವೆಂಸಾಂವಾಂ ವಿಶ್ಯಾಂತ್ ಚಿಂತಿಜೆ. ಆನಿ ನಾಟಕ್ ಬರಯ್ಜೆ.

ಆತಾಂ, ಕಿರಿಸ್ತಾಂವ್ ಕೊಂಕಣಿ ನಾಟಕಾಂ ವಿಶ್ಯಾಂತ್ ಉಲಂವ್ಚೆಂ ಜಾಲ್ಯಾರ್ – ಹಾಂಗಾ ಬರಿಚ್ ವಾಡಾವಳ್ ಜಾಲ್ಯಾ. ಆತಾಂತಾ ಇಲ್ಲೆಂ ಚೀಫ್ ಕೊಮೆಡಿ ಧರ್ಮಾನ್ ಮಟ್ಟ್ ದೆಂವ್ಲಾಂ ತಶೆಂ ದಿಸ್ತಾ ತರೀ  ಪಯ್ಲೆಂ ಡೊನ್ ಬೊಸ್ಕೊ ಹೊಲಾಂನಿ ಡ್ರಾಮಾ ಫೆಸ್ಟಿವಲ್ ಜಾತಾನಾ ಹೊಲ್ ಭರ್ತಾಲೆಂ. ಹಾಂವೆ ಬಂಗಾಳಿಚೊ ’ಕಾಂಚನಾಗಂಗಾ’ ನಾಟಕ್ ’ಗಾಂಟಿ’ ನಾಂವಾನ್ ಉಡುಪಿಂತ್ ಅಕಿಲ್ ಭಾರತ್ ಕೊಂಕ್ಣಿ ನಾಟಕ್ ಸ್ಪರ್ದ್ಯಾಂತ್ ಸಾದರ್ ಕೆಲ್ಲೆ ತವಳ್ ಮ್ಹಾಕಾ ಸಾತ್ ಇನಾಮಾಂ ಮೆಳ್ಳಿಂ.  ತವಳ್ ಥಂಯ್ ಏಕ್ ಕಿರಿಸ್ತಾಂವ್ ಕೊಂಕಣಿ ನಾಟಕ್ ಹಾಂವೆ ಪಳಯ್ಲೊ ’ಪರತ್ ಏಕ್ ಪಾವ್ಟಿಂ’ ಕಾಂಯ್ ವ್ಹಡ್ ಸೆಟ್ಟಿಂಗ್ ನಾಸ್ತಾನಾ ಥೊಡಿಂಚ್ ಪರಿಕರಾಂ ವಾಪರ್ನ್ ತೊ ತಾಣಿ ಸಾದರ್ ಕೆಲ್ಲೊ ಆನಿ ತ್ಯಾ ನಾಟಕಾಕ್ ಉತ್ತಿಮ್ ನಾಟಕ್ ಇನಾಮ್ ಮೆಳ್ಳೆಂ. ಮ್ಹಳ್ಯಾರ್ ತವಳ್ ಕಿರಿಸ್ತಾಂವ್ ಕೊಂಕಣಿ ನಾಟಕಾಂಚೆಂ ಸ್ಕ್ರಿಫ್ಟ್ ಬರೆಂ ಆಸ್ಲೆಂ. ಸಬ್ಜೆಕ್ಟ್ ದಾಟ್ ಆಸ್ಲೊ. ತವಳ್ಚೆಂ ಮೂವ್ ಮೆಂಟ್ ಆತಾಂ ದಿಸಾನಾ. ಆತಾಂ ನಾಟಕ್ ಸ್ಪರ್ಧೆಯಿ ಚಲನಾಂತ್ ಕಿತ್ಯಾಕ್ ಮ್ಹಳ್ಯಾರ್ ಬರೆ ನಾಟಕ್ ನಾಂತ್. ಕಾಂಯ್ ವರ್ಸಾಂ ಆದಿಂ ಮೆಕ್ಸಿಮ್ ರೊಡ್ರಿಗ್ಸಾನ್ ಮಾಂಡ್ ಸೊಭಾಣಾ ಖಾತಿರ್ ಏಕ್ ರಷ್ಯನ್ ರುಪಾಂತರ್ ನಾಟಕ್ ಸಾದರ್ ಕೆಲ್ಲೊ. ಕಿರಿಸ್ತಾಂವಾಂಚ್ಯಾ ಕೊಂಕಣಿಂತ್ ಗಂಭೀರ್ ಆನಿ ಬರೆ ನಾಟಕ್ ಆಯಿಲ್ಲೊ ಕಾಳ್ ಆಸ್ಲೊ. ಪೂಣ್ ಆತಾಂ ಥಂಯ್ ಸಯ್ತ್ ಚೀಫ್ ಸಬ್ಜೆಕ್ಟಾಚೆ ನಾಟಕ್ ಯೇಂವ್ಕ್ ಲಾಗ್ಲ್ಯಾತ್ – ಹಿ ಬೆಜಾರಾಯೆಚಿ ಗಜಾಲ್.

ಪುಣ್ ಜಿ ಎಸ್ ಬಿ ಕೊಂಕಣಿಂತ್ ಹಾಂವೆ ಕೆಲ್ಲೆಂ ತಿತ್ಲೆಂ ಪ್ರೇತನ್ ಖಂಯ್ಸರೀ ಜಾಲ್ಲೆಂ ದಿಸಾನಾ. ದೆಕುನ್ ಹಾಂವ್ ಸಾಂಗೊಂಕ್ ಆಶೆತಾಂ ಅಸಲಿಂ ಮೂವ್ ಮೆಂಟಾಂ ಜಾಯ್ಜೆ. ಆನಿ ಅಕಾಡೆಮಿ ಮಾರ್ಪಾತ್ ಬರೆ ನಾಟಕ್ ಬರಂವ್ಚೆ ವಿಶ್ಯಾಂತ್ ಥಳಾವ್ಯಾ ಹಂತಾ ಥಾವ್ನ್ ಮ್ಹಣ್ಜೇ ಶಾಳಾ ಕೊಲೆಜಿಂ ಥಾವ್ನ್ ಕಾಮಾಂ ಜಾಯ್ಶೆಂ ಕರ್ಯೆತ್.

ತುಮಿ ಕರ್ನಾಟಕ ಕೊಂಕಣಿ  ಸಾಹಿತ್ಯ ಅಕಾಡೆಮಿಕ್ ಅಧ್ಯಕ್ಶ್. ಕೊಂಕ್ಣಿ ಸಾಹಿತಾಂತ್ ಕಾದಂಬರಿ ಮಾತ್ ನ್ಹಯ್ ಕಾಣಿಯಾಂ ಪ್ರಕಾರ್ ಸಯ್ತ್ ಅಸ್ಕತ್ ಜಾಂವ್ಕ್ ಕಾರಣಾಂ ಕಿತೆಂ ಆಸ್ಯೆತ್?

ಆತಾಂ ವಾಚ್ಪಿಚ್ ಉಣೆ ಜಾಲ್ಯಾತ್ ಆನಿ ಲಾಂಬ್ ಲಾಂಬ್ ವಾಚ್ಚೆ ತಿತ್ಲೆಂ ಸಮಾಧಾನ್ ಕೊಣಾಕ್ ಆಸಾ?  ಟಿವಿ ಆನಿ ಹೆರ್ ದೃಶ್ಯ್ ಮಾಧ್ಯಮಾಂ ವರ್ವಿಂ ವಾಚಪ್ ಉಣೆಂ ಜಾಲಾಂ.  ಕನ್ನಡ ಪುಸ್ತಕ ಪ್ರಾಧಿಕಾರ ಹಾಂಗಾ ಗೆಲ್ಯಾರ್ ಬುಕಾಂಚಿ ರಾಸ್ ಪಡ್ಲ್ಯಾ ಆನಿ ವಾಚ್ತೆಲೆ ನಾಂತ್. ಹಾಂವ್ ಕಿತೆಂ ಮ್ಹಣ್ಟಾಂ ಮ್ಹಳ್ಯಾರ್- ಹೊ ಸಮಸ್ಸೊ ಫಕತ್ ಕೊಂಕ್ಣೆಚೊ ಮಾತ್ ನ್ಹಯ್. ತೋ ಹರ್ ಭಾಶೆಂತ್ ಆಸಾ. ಕೊಂಕ್ಣೆಂತ್ ಹೊ ಸಮಸ್ಸೊ ಇಲ್ಲೊ ಚಡ್ ಮ್ಹಣ್ ಕಿತ್ಯಾಕ್ ಭೊಗ್ತಾ ಮ್ಹಳ್ಯಾರ್ ಹಾಂಗಾ ಹರ್ 50  ಕಿಲೊಮೀಟರಾಕ್ ಆಮ್ಚಿ ಭಾಸ್ ಬದಲ್ತಾ. ಕಾಸರಗೋಡಾಚಿ ಕೊಡ್ಯಾಳಾಂತ್, ಕೊಡ್ಯಾಳಾಚಿ ಕಾರವಾರಾಂತ್ – ಸಮ್ಜೊಂಕ್ ಕಶ್ಟ್. ಕ್ಯಾಲಿಕಟ್ ವಾ ಕಣ್ಣಾನೂರ್ ಗೆಲ್ಯಾರ್ ತೆ ಖಂಯ್ಚಿ ಭಾಸ್ ಉಲಯ್ತಾತ್ ಮ್ಹಣ್ ತುಮ್ಕಾಂ ಸಮ್ಜಾನಾ. ಗೊಂಯಾ ಗೆಲ್ಯಾರ್ ತಿ ಆನಿ ವೆಗ್ಳಿಚ್ ಭಾಸ್.

ಆಮಿ ಜರೀ ಇತ್ಲೆ ಫರಕ್ ಆಸೋನೀ ಮ್ಹಣ್ಟಾಂವ್ ಹಿ ಆಮ್ಚಿ ಕೊಂಕಣಿ ಭಾಸ್ – ಹೆಂ ಅಮ್ಚೆಂ ವ್ಹಡ್ಪಣ್. ಆಮಿ ಮ್ಹಣ್ಟಾಂವ್ ಸಿದ್ಧಿ ಲೋಕ್ ಕೊಂಕಣಿ, ಆಮಿ ಮ್ಹಣ್ಟಾಂವ್ ನವಾಯತ್ ಲೋಕ್ ಕೊಂಕಣಿ , ಸಾರ್ಕೆಂ – ಪುಣ್ ಜೆ ತೆಂ ಬರಯ್ತಾತ್ ತೆಂ ತುಮ್ಕಾಂ ಸಮ್ಜಾತಾ? ಅಜ್ ಫಕತ್ ಕಿರಿಸ್ತಾಂವಾಂವ್ಚೆಂ ಆನಿ ಜಿ ಎಸ್ ಬಿ ಮಾತ್ ಕೊಂಕಣಿ ಬರಯ್ತಾತ್ ಆನಿ ವಾಚ್ತಾತ್ ಶಿವಾಯ್ ಹೆರ್ ಖಂಯ್ಸರೀ ಕೊಂಕಣಿ ಬರಯ್ತೆಲೆ ನಾಂತ್. ತರೀ ತಾಂಕಾ ಆಮಿ ಕೊಂಕಣಿ ಲೋಕ್ ಮ್ಹಣ್ ವಳ್ಕತಾಂವ್. ತಾಂಚೆ  ಥಂಯ್ ಸಾಹಿತಿಕ್ ಮ್ಹಳ್ಳೆಂ ಕೊಂಕಣಿಂತ್ ಕಿತೆಂ ಆಸಾ ?

ತಶೆಂ ಮ್ಹಣ್ ತಾಂಕಾ ತಶೆಂಚ್ ಸೊಡ್ಚೆಂ ನ್ಹಯ್. ತಾಂಕಾ ಕೊಂಕಣಿ ವ್ಹಾಳ್ಯಾಂತ್ ಹಾಡಿಜೆ ತರ್ ಆಮಿ ತಾಂಚೆ ಲಾಗ್ಗಿಂ ವಚೊನ್ ತಾಂಕಾ ಶಿಕಯ್ಜೆ. ವ್ಹಡ್ ಮಟ್ಟಾರ್ ನ್ಹಯ್ ಥಳಾವ್ಯಾ ಹಂತಾರ್ ಥಾವ್ನ್ ಸುರು ಕರಿಜೆ.  ಖಾರ್ವಿ, ಸಿದ್ಧಿ, ನವಾಯತ್ – ಹ್ಯಾ ಲೊಕಾ ಮಧೆಂ ವಚುನ್ ಸಾಹಿತಿಕ್ ಆನಿ ಸಾಂಸ್ಕೃತಿಕ್  ಕಾರ್ಯಾಕ್ರಮಾಂ ಮಾಂಡುನ್ ಹಾಡಿಜೆ. ಪಯ್ಲೆಂ ತಾಂಕಾ ತರ್ಭೆತ್ ಕರಿಜೆ ಶಿವಾಯ್ ಆಮ್ಚ್ಯಾ ಫಾಯ್ದ್ಯಾಕ್ ತಾಂಕಾ ವಾಪರ್ಚೆಂ ನ್ಹಯ್. ಕಿರಿಸ್ತಾಂವ್ ಕೊಂಕಣಿ ಲೊಕಾ ಮಧೆಂ ಜಾಯ್ತೆ ವ್ಹಡ್ ವ್ಹಡ್ ಬರವ್ಪಿ ಹುಶಾರ್ ಅಸಾತ್, ಹಾಣಿ ಹೆ ವಿಶ್ಯಾಂತ್ ಕಾಂಯ್ ತರೀ ಚಿಂತಿಜೆ.

ತರ್ ಬರವ್ಪ್ಯಾಕ್ ಅಕಾಡೆಮಿಚೊ ಅಧ್ಯಕ್ಶ್ ಕೆಲ್ಯಾರ್ ಬರೆಂ ನ್ಹಯ್ ?

ಹಾಂವ್ ವೊಪ್ತಾಂ , ಮ್ಹಾಕಾ ವಿಶೇಸ್ ಸಾಹಿತ್ ಗೊತ್ತಾಸಾ ಮ್ಹಣ್ ಹಾಂವ್ ಸಾಂಗಾನಾ. ಪುಣ್ ಮ್ಹಾಕಾ ಥಿಯೆಟರ್ ಗೊತ್ತಾಸಾ , ಹಾಂವ್ ಏಕ್ ನಟ್ ಆನಿ ಮ್ಹಾಕಾ ಸಾಹಿತ್ಯಾಚಿ ಸಮ್ಜಣಿ ಆಸಾ ಆನಿ ಹೆರಾಂಕೀ ಹಾಂವ್ ಸಮ್ಜೊಂವ್ಕ್ ಸಕ್ತಾಂ. ಹಾಂವ್ ಏಕ್ ಸಂಘಟಕ್. ಕಾರ್ಯಕ್ರಮಾಂ ಕಶಿಂ ಮಾಂಡುನ್ ಹಾಡ್ಚಿಂ ಆನಿ ಜಣಾಂಕ್ ಕಶೆಂ ಒಟ್ಟು ಘಾಲ್ಚೆಂ ಮ್ಹಣ್ ಮ್ಹಾಕಾ ಬರ್ಯಾನ್ ಗೊತ್ತಾಸಾ. ಹಾಂವ್ ತುಜೆಂ ಉತರ್ ಮಾನ್ತಾಂ ಸಾಹಿತ್ಯ ಅಕಾಡೆಮಿಕ್ ಸಾಹಿತ್ಯ್ ಜಾಣಾಸ್ಚ್ಯಾನ್ ಅಧ್ಯಕ್ಶ್ ಜಾಯ್ಜೆ.

ಹಾಂವ್ ಏಕ್ ಕಲಾಕಾರ್, ಸಂಘಟಕ್ ಮಾತ್ ನ್ಹಯ್ ಏಕ್ ಬರೊ ಅಯ್ಕೊವ್ಪಿ ಆನಿ ಹಾಂವ್ ಹೆರಾಂಕ್ ಆಯ್ಕಾತಾಂ. ಎಕಾ ಮುಕೆಲ್ಯಾಕ್ ಅಸಜೆಚ್ ಜಾಲ್ಲೊ ಗೂಣ್ ಮ್ಹಳ್ಯಾರ್ ತಾಣೆ ಪಯ್ಲ್ಯಾನ್ ಪಯ್ಲೆಂ ಏಕ್ ಬರೊ ಆಯ್ಕೊವ್ಪಿ ಜಾಯ್ಜೆ ಶಿವಾಯ್, ಹೆರಾಂಕ್ ಫರ್ಮಾಂವ್ಚೆಂ ನ್ಹಯ್. ಅಧ್ಯಕ್ಶ್ ಜಾಲ್ಲ್ಯಾನ್ ಸಾಂದ್ಯಾಂಚೇಂಯ್ ಅಯ್ಕಾಜೆ ಆನಿ ಬರೆಂ ಆಸ್ಚೆಂ ಮಾನುನ್ ಘೆಜೆ ಆನಿ ಕಾಮಾಂ ಪ್ರಜಾತಾಂತ್ರಿಕ್ ಥರಾನ್ ಆನಿ ಟೀಂ ಸ್ಫಿರಿಟಾನ್ ಜಾಯ್ಜೆ

ಹೆ ಪಾವ್ಟಿಂ ಕೊಂಕ್ಣಿ ಶಾಳಾಂನಿ ಧಾವೆಕ್ ಪಾವ್ಲ್ಯಾ. ನಿರ್ಣಾಯಕ್ ಘಡಿ ತರೀ ಭಿತರ್ಲೆ ಭಿತರ್ ಕಾನಡಿ ನಾಗರಿ ಮುರ್ಮುರೊ ಆಸಾ…

ಕಾನಡಿಂತ್  ನಾಗರಿಂತ್ ಮ್ಹಣ್ ಇಸ್ಕೊಲಾಂತ್ ಶಿಕ್ಪಾಚೆಂ ವೊದ್ದುವೊರಾಂಟ್ ಚಲ್ತಾ ತಿ ಖಬರ್ ಆಸಾ ಮ್ಹಾಕಾ ಆನಿ ಹಿ ಬೋವ್ ಸೂಕ್ಶಿಮ್ ಗಜಾಲ್. ಹಾಂವ್ ಫಕತ್ ಹ್ಯಾ ಎಕಾ ಗಜಾಲಿಚೆರ್ ಗುಮಾನ್ ದೀತ್ ಬಸಾನ್ ತರ್ ಹೆರ್ ಕಾಮಾಂ ಜಾಂವ್ಚಿಂ ಕೆದಾಳಾ? ದೆಕುನ್ ಶಾಳಾಂನಿ ಕೊಂಕಣಿಚೆಂ ಶಿಕಪ್ ಆಜ್ ಪರ್ಯಾಂತ್ ಕಶೆಂ ಚಲೊನ್ ಆಯ್ಲಾಂ ತಶೆಂಚ್ ಮುಕಾರೀ ಚಲೊನ್ ವಚೊಂದೀ.

ಸ್ವಾಮಿ ವಿವೇಕಾನಂದಾನ್ ಮ್ಹಳಾಂ ಸುರ್ಯೊ ಬುಡ್ಲೊ ಮ್ಹಣ್ ರಡೊನ್ ಬಸ್ಲ್ಯಾರ್ ನಕ್ತಿರಾಂ ಪಳೆಂವ್ಚೆಂ ಭಾಗ್ ಕಶೆಂ ಮೆಳ್ಟೆಲೆಂ? ದೆಕುನ್ ಫಕತ್ ಘರ್ಶಣಾಚೀಚ್ ಗಜಾಲ್ ಉಲೊವ್ನ್ ಬಸ್ಲ್ಯಾರ್ ಹೆರ್ ಸಗ್ಳೆ ಗಜಾಲಿ ಮಸ್ಕ್ ಜಾತಾತ್. ವೇಳ್ ಯೆತಾನಾ ಸರ್ವ್ ಮುಕೆಲ್ಯಾಂಕ್ ಸಾಂಗಾತಾ ಘೆವ್ನ್ ಎಕಾ ನಿರ್ಣಯಾಕ್ ಖಂಡಿತ್ ಯೆವ್ಯೆತ್, ಬರೆಂ ಮನ್ ಆಸ್ಲ್ಯಾರ್. ಕನ್ನಡಾಂತ್ ಬರಯ್ತೆಲೆ ಕನ್ನಡಾಂತ್ ಬರಯಾ. ರಾಶ್ಟ್ರೀಯ್ ಮಟ್ಟಾರ್ ಪಾವಾಜೆ ಮ್ಹಣ್ಟೆಲೆ ನಾಗರಿಂತ್ ಬರಯಾ. ಅಂತರಾಶ್ಟ್ರೀಯ್ ಮಟ್ಟಾಕ್ ಪಾವಾಜೆ ಮ್ಹಣ್ಟಲೆ ಇಂಗ್ಲಿಶಾಂತ್ ಬರಯಾ. ತಿ ತುಮ್ಚಿ ವಿಂಚವ್ಣ್. ಏಕ್ ದಾಕ್ಲೊ ದಿತಾಂ : ಸ್ವಪ್ನ ಸಾರಸ್ವತ ಕನ್ನಡ ಕಾದಂಬರಿ. ತ್ಯಾ ಲೇಕಕಾಕ್ ತಾಚಿ ಕೃತಿ ಚಡ್ ಲೊಕಾಕ್ ಪಾವಾಜೇ ಮ್ಹಣ್ ಆಸಾ ದೆಕುನ್ ತೋ ತಿ ಇಂಗ್ಲಿಶಾಂತ್ ಘಾಲ್ತಾ ನ್ಹಂಯ್ ಗೀ ? ಹಿಂದಿಂತ್ ನ್ಹಯ್. ಗೋಪಾಲಕೃಶ್ಣ ಪಯ್ ಹಾಕಾ ಹೆ ವಿಶ್ಯಾಂತ್  ವಿಚಾರುಲ್ಲ್ಯಾ ವೆಳಾರ್ ತಾಣೆಂಚ್ ಮ್ಹಾಕಾ ಮ್ಹಳ್ಳೆಂ ಆಸಾ – ಮ್ಹಾಕಾ ಅಂತರಾಶ್ಟ್ರೀಯ್ ಮಾರ್ಕೆಟ್ ಜಾಯ್. ಹೆಂ ಸಮ್ಜೊನ್ ಘೆನಾಸ್ತಾನಾ ಫಕತ್ ಲಿಪಿ ವಿಶ್ಯಾಂತ್ ಕಾಂಯ್ ಬರಯ್ನಾತ್ಲೆ ಮುಕೆಲಿ ಕಿತ್ಯಾಕ್  ಝಗಡ್ತಾತ್ ? ಜೊ ಬರಯ್ತಾ ತಾಕಾ ಖಂಯ್ಚ್ಯಾ ಲಿಪಿಂತ್ ಬರಯ್ಜೆ ಆನಿ ಫಾಯ್ಸ್ ಕರಿಜೆ ಮ್ಹಣ್ ವಿಂಚವ್ಣ್ ಕರ್ಚೆಂ ಸ್ವತಂತ್ರ್ ನಾಂಗೀ? ಕಿತ್ಯಾಕ್ ಬರಯ್ಣಾಂಚೆರ್ ತುಮಿ ಹುಕುಮ್ ಚಲಯ್ತಾತ್. ಫಾಲ್ಯಾಂ ಎಕ್ಲೊ ತಮ್ಳಾಂತ್ ಕೊಂಕಣಿ ಬರಯ್ತ್ ಆನಿ ಮ್ಹಣತ್ – ಮ್ಹಜೀಚ್ ಸಾರ್ಕಿ. ತವಳ್ ?

ಕಿತ್ಲೆಶ್ಯಾ ವರ್ಸಾಂಚೊ ಇತಿಹಾಸ್ ಆಸ್ಚ್ಯಾ ಕನ್ನಡ ಲಿಪಿಯೆಂತ್ಲ್ಯಾ ಬುಕಾಂಕ್ ಸಾಹಿತ್ಯ ಅಕಾಡೆಮಿ ಪುರಸ್ಕಾರಾಕ್ ಲೆಕಾಕ್ ಧರಿನಾ ನ್ಹಯ್ ?

ಸಾಹಿತ್ಯ ಅಕಾಡೆಮಿನ್ ಹೊ ನಿರ್ಣಯ್ ಜರ್ ಕೆಲಾ ತರ್ ತಾಂತು ಆಮಿ ಮೆತೆರ್ ಜಾಂವ್ಚೆಂ ಕಿತ್ಲೆಂ ಸಾರ್ಕೆಂ? ತೊ ತಾಂಚೊ ನಿರ್ಣಯ್. ತಾಂಚೊ ಬೈ ಲೊ ಆಮಿ ಕಸೊ ಬದ್ಲೊಂಚೊಂ? ತಾಂಕಾ  ತಾಂಚಿಂ ಕಾಯ್ದೆ ಕಾನುನಾಂ ಲಾಗು ಜಾತಾತ್ . ಆಮ್ಕಾಂ ರಾಶ್ಟ್ರೀಯ್ ಪಾಂವ್ಡ್ಯಾರ್ ಮಾನ್ ಜಾಯ್ ತರ್ ಆಮಿ ತಾಣಿ ಘಾಲ್ಲ್ಯೊ ರುಲಿ ರೆಗ್ರೊ ಪಾಳಿಜೆ.

ಮುಕ್ಲ್ಯಾ ತೀನ್ ವರ್ಸಾಂಕ್ ದರ್ಶನ್ –  ಯೆವ್ಜಣ್ಯೊ ಕಿತೆಂ?

ಏಕ್ ► ಕೊಂಕ್ಣೆಂತ್  ತರ್ನ್ಯಾ ಜನಾಂಗಾಕ್ ಮುಕೆಲ್ ವ್ಹಾಳ್ಯಾಕ್ ಹಾಡಿಜೆ ಆನಿ ಕೊಂಕ್ಣಿ ಕಾಮಾಂತ್ ತಾಂಕಾ ಮೆತೆರ್ ಕರಿಜೆ. ಸಾಹಿತಿಕ್, ಸಾಂಸ್ಕೃತಿಕ್ ಕಾರ್ಯಾಂನಿ ತಾಂಕಾ ಚಡ್ ಆನಿ ಚಡ್ ಮೆತೆರ್ ಕರಿಜೆ. ನಾಟಕ್ ಆನಿ ಹೆರ್ ಕಲೆ ಮುಕಾಂತ್ರ್ ತಾಂಚೆ ಥಂಯ್ ಕೊಂಕ್ಣಿ ಆಸಕ್ತ್ ಉಬ್ಜಯ್ಜೆ.

ದೋನ್ ► ಶಿಬಿರಾಂ ಆನಿ ಸ್ಪರ್ಧೆ. ಭುರ್ಗ್ಯಾಂಕ್ ಸಾಹೀತಿಕ್  ಶಿಬಿರಾಂ, ನಾಟಕ್ ಶಿಬಿರಾಂ, ಸಾಂಸ್ಕೃತಿಕ್ ಶಿಬಿರಾಂ ಆನಿ ಸ್ಪರ್ಧೆ.  ಫಕತ್ ಭುರ್ಗ್ಯಾಂಕ್ ಮಾತ್ ನ್ಹಯ್ ವ್ಹಡಾಂಕೀ ವೆವೆಗ್ಳೆ  ಸಾಹಿತಿಕ್ ಆನಿ ಸಾಂಸ್ಕೃತಿಕ್ ಸ್ಪರ್ಧೆ.

ತೀನ್ ► ಕೊಂಕಣಿ ಸ್ಟ್ರೀಟ್ ಮೂವ್ ಮೆಂಟ್. ಕಲಾ ಸಾಮಾನ್ಯ್ ಮ್ಹನ್ಸ್ಯಾ ಥಂಯ್ ವರ್ಚಿ. ಲಾರಿ ನಾಟಕ , ಯಕ್ಷ ತೇರು , ಅಶೆಂ ಸಾಹಿತ್ಯ ಸಂಸ್ಕೃತಿ ಘೆವ್ನ್ ಲೊಕಾ ಮಧೆಂ ವಚಜೆ.

ಅಶೆಂ ಜಾಯ್ತಿಂ ಯೋಜನಾಂ ಆಸಾತ್. ಅಕಾಡೆಮಿಂತ್ ಫಕತ್ ಮ್ಹಜೆಕಡೆ ಮಾತ್ ನ್ಹಯ್ ಸಾಂದ್ಯಾಂ ಥಂಯ್ ಸಯ್ತ್ ಜಾಯ್ತೆ  ಬರೆ ಆಲೊಚೆನ್ಯೊ ಆಸ್ತಿತ್ ತೇಯಿ ಮಾನುನ್ ಘೆವ್ನ್ ಕಾರ್ಯಾಗತ್ ಕರ್ಚಿ ಜವಾಬ್ದಾರಿ ಮ್ಹಾಕಾ ಆಸಾ. ಹಾಂವೆ ಫಕತ್ ಮ್ಹಜೆಂ ಮಾತ್ ಕರುಂಕ್ ಜಾಯ್ನಾ. ಪರ್ಜೆರಾಜಾಚಿಂ ತತ್ವಾಂ ಪಾಳಿಜೆ.

ಹ್ಯಾ ಪಾವ್ಟಿಂ ತುಮ್ಕಾಂ ಖಂಯ್ಚ್ಯಾ ಸಕ್ತೆ ಕೇಂದ್ರಾಚೊ ಪಾಟಿಂಬೊ ಆಸ್ಲೊ?

ಸಕ್ತೆ ಕೇಂದ್ರ್ ? ನ್ಹಯ್,  ಹಾಕಾ ಅಧ್ಯಕ್ಶ್ ಕರಾ, ತಾಕಾ ಅಧ್ಯಕ್ಶ್ ಕರಾ ಮ್ಹಣ್ ಸಾಂಗೊಂಕ್ ತುಮಿ ಕೋಣ್? ತುಮ್ಕಾಂ ಕೊಣೆಂ ತೊ ಅಧಿಕಾರ್ ದಿಲಾ? ತುಮ್ಚ್ಯಾ ಸಂಸ್ಥ್ಯಾಚೊ ಸಾಂದೊ ಜಾಯ್ನಾ ಜಾಲ್ಯಾರ್ ಹಾಂವ್ ಕಿತೆಂ ಕೊಂಕಣಿ ಮ್ಹನಿಸ್ ನ್ಹಯ್? ಲಾಂಬ್ ತೇಂಪ್ ಕೊಂಕ್ಣೆಚೆಂ ಕಾಮ್ ಕೆಲ್ಲೊ ಮ್ಹಜೆ ತಸಲ್ಯಾ ಮ್ಹನ್ಶ್ಯಾಕ್ ಹಾಂವ್ ಚ್ ಏಕ್ ಸಂಸ್ಥೊ. ಪಾಟ್ಲ್ಯಾ ಕಿತ್ಲೆಶ್ಯಾ ವರ್ಸಾಂನಿ ಹಾಂವೆ ಕಿತ್ಲೆಶ್ಯಾ ಲೊಕಾಕ್ ಕೊಂಕ್ಣಿ ನಾಟಕ್ ಶೆತಾಕ್ ಹಾಡ್ಲಾಂ ದೆಕುನ್ ಹಾಂವ್ ಮ್ಹಾಕಾಚ್ ಏಕ್ ಸಂಸ್ಥೊ ಮ್ಹಣ್ಟಾಂ. ಹಾಂವ್ ತೃತೀಯ ಶಕ್ತಿ. ಸರ್ವ್ ಕೊಂಕ್ಣಿ ಮ್ಹನ್ಶ್ಯಾಂಕ್ ಆನಿ ಸಂಸ್ಥ್ಯಾಂಕೀ ಮ್ಹಜಿ ವಿನತಿ ಆಸಾ ಸಗ್ಳೆಂ ವಿಸ್ರೊನ್ ಕೊಂಕ್ಣೆಚ್ಯಾ ಆಮ್ಚ್ಯಾ ಆವಯ್ ಭಾಶೆಚ್ಯಾ ಫುಡಾರಾ ಖಾತಿರ್ ಸಾಂಗಾತಾ ಮೆಳೊನ್ ವಾವುರ್ಯಾಂ. ಆಮ್ಚಿ ಕೊಂಕಣಿ ಆವಯ್  ಆಮ್ಕಾಂ ಸದಾಂಚ್ ತಿಚ್ಯಾ ಬೆಸಾಂವಾಂನಿ ಭರ್ತೆಲಿ.

ಕರ್ನಾಟಕಾಚ್ಯಾ ಕೊಂಕಣಿ  ಅಕಾಡೆಮಿಕ್ ಕೇರಳಾಚೊ ಮ್ಹನಿಸ್  ಕಿತ್ಯಾಕ್ ಮ್ಹಳ್ಳೆಂ ಉಲೊಣೆಂ ಚಲ್ಲಾಂ. ಕಿತೆಂ ಮ್ಹಣ್ತಾತ್ ?

ಅರೇ , ತುಮಿಚ್ ಮ್ಹಣ್ಟಾತ್ ಕಾಸರಗೋಡು ಕರ್ನಾಟಕಾಚ್ಯಾ ಸಾಂಸ್ಕೃತಿಕ್ ಜಿವಿತಾಚೋಚ್ ವಾಂಟೊ. ರಾಜ್ಯಾಚೊ ಮುಕೆಲ್ ಮಂತ್ರಿ ಮ್ಹಣ್ಟಾ : ಏಕ್ ಇಂಚ್ ಕಾಸರಗೋಡ್ ಭುಂಯ್ ಸೊಡ್ನ್ ದೀನಾಂವ್. ತುಮ್ಚ್ಯಾ ಕಾರ್ಯಾಂಕ್ ಆಮ್ಕಾಂ ಆಪಯ್ತಾತ್, 42 ಪಂಗ್ಡಾಂತ್ ಅಮ್ಕಾಂ ಲೆಕಾಕ್ ಧರ್ತಾತ್ ಆನಿ ಅಕಾಡೆಮಿಚಿ ಗಜಾಲ್ ಯೆತಾನಾ ಕಶೆ ಆನಿ ಕಿತ್ಯಾಕ್ ಆಮಿ ಗಡಿ ಭಾಯ್ಲೆ ಜಾತಾಂವ್? ಆಮಿ ಕಿತೆಂ ತುಮ್ಕಾಂ ಫಕತ್ ಲೆಕಾಕ್ ಮಾತ್  ಜಾಯ್ ?

1956 ಇಸ್ವೆಂತ್ ಕಾಸರಗೋಡ್ ಕರ್ನಾಟಕಾಂತ್ ಆಸ್ಲೆಂ. ಭಾಶೆವಾರ್ ಪ್ರಾಂತ್ಯ್ ರಚ್ತಾನಾ ಕಾಸರಗೋಡು ಕೇರಳಾಕ್ ಗೆಲೆಂ. ಆಜ್ ಯೀ ಕಾಸರಗೋಡ್ ಯೇವ್ನ್ ಪಳೆಯಾ ತೆಂ ಕರ್ನಾಟಕಾಚ್ಯಾ ಸಂಸ್ಕೃತೆಚೋಚ್ ಏಕ್ ವಾಂಟೊ. ತುಮ್ಕಾಂ ಕಿತೆಂ ನವೆಂಬರ್ ಎಕಾ ತಾರಿಕೆರ್ ಮಾತ್ ಕಾಸರಗೋಡು ಉಡಾಸ್ ಯೆತಾ? ಹಾಂಗಾ ಕ ಸಾ ಪ ಶಾಖೊ ಆಸಾ. ಕನ್ನಡ ಪುಸ್ತಕ ಪ್ರಾಧಿಕಾರ ಶಾಖೊ ಆಸಾ. ಕನ್ನಡ ಇಸ್ಕೊಲಾಂ ಆಸಾತ್. ಪಾಠ್ ಪುಸ್ತಕಾಂ ವಾಂಟ್ಟಾತ್. ಸರ್ವ್ ಅಕಾಡೆಮಿಕ್ ಹಾಂಗಾ ಥಾವ್ನ್ ಸಾಂದೆ ಆಸಾತ್.

ಹಾಂವ್ ಸುಜಿರ್ಚೊಂ. ಮ್ಹಜೆಂ ಮೂಳ್ ಹಾಂಗಾ. ಆಜೊ ಆಜಿ ಹಾಂಗಾಚಿಂಚ್. ತರೀ ಹಾಂವ್ ಕಸೊಂ ತುಮ್ಕಾಂ ಗಡಿ ಭಾಯ್ಲೊಂ ಜಾತಾಂ ? ಜರಿ ತುಮಿ ಮ್ಹಣ್ಟಾತ್ ಚಿನ್ನಾ ಕಾಸರಗೋಡುಚೊ ಆನಿ ಮ್ಹಜ್ಯಾ ಕೊಂಕ್ಣಿ ವಾವ್ರಾಕ್ ಹಾಂಗಾ ಮಾನ್ಯತಾ ನಾ ತರ್ ಕುಂಬ್ಳೆ ಸುಂದರರಾವ್, ಶೇಣಿ ಗೋಪಾಲಕೃಶ್ಣ ಭಟ್,ಮಂಜೇಶ್ವರ ಗೋವಿಂದ ಪಯ್ – ಹೆ ಸಗ್ಳೆ ಖಂಯ್ಚೆ?  ಆತಾಂ ತುಮಿ ಕಿತ್ಯಾಕ್ ಉಲಯ್ತಾತ್ ಮ್ಹಳ್ಯಾರ್ ತುಮ್ಕಾಂ ಫಕತ್ ಅಧಿಕಾರ್ ಜಾಯ್. ಆನಿ ತೋ ತುಮ್ಚ್ಯಾಚ್ ಹಾತಾಂತ್ ಸಾಸ್ಣಾಕ್ ಉರೊಂಕ್ ಜಾಯ್. ತುಮ್ಚ್ಯಾ ಜುಬ್ಲೆವಾಚ್ಯಾ  ದಬಾಜಿಕ್ ಫೆಸ್ತಾಕ್ ತುಮಿ ಮ್ಹಾಕಾ ಆಪಯ್ತಾತ್ ಆನಿ ತುಜಿಂ ನಾಟಕಾಂ ಕರ್ ಮ್ಹಣ್ತಾತ್ ಆನಿ ಅಕಾಡೆಮಿಚಿ ಗಜಾಲ್ ಯೆತಾನಾ – ಗಡಿ ಭಾಯ್ಲೊ ಕಿತ್ಯಾಕ್ ಕರ್ತಾತ್ ? ಅರೇ ಹಾಂವ್ ಯಿ ಕೊಂಕ್ಣೆ ಖಾತಿರ್ ಕಾಮ್ ಕರ್ತಾಂ ಆನಿ ಕೇರಳಾ ಸರ್ಕಾರಾನ್ ಮ್ಹಾಕಾ ಕೊಂಕ್ಣೆ ಖಾತಿರ್ ಕಾಮ್ ಕರ್ತಾ ದೆಕುನ್ ಎವಾರ್ಡ್ ದಿಲಾಂ. ಕರ್ನಾಟಕಾಚ್ಯಾ  ನಾಟಕ್ ಅಕಾಡೆಮಿ ಆನಿ ಹೆರ್ ಅಕಾಡೆಮಿಂನಿ ಹಾಂವ್ ಸಾಂದೊ ಜಾಲೊಂ. ತವಳ್ ಕೊಣೆಂ ಕಾಂಯ್ ಮ್ಹಣೊಂಕ್ ನಾ.  ಫಕತ್ ಕೊಂಕ್ಣೆಚಿ ಗಜಾಲ್ ಯೆತಾನಾ ಮಾತ್  – ಚಿನ್ನಾ ಕೇರಳಾಚೊ. ಆಮಿ ಸಗ್ಳೆ ಎಕಾ ಆವಯ್ಚೆ ಮ್ಹಣ್ಟೆಲ್ಯಾಂನಿ ಫಕತ್ ಎಕಾ ಪೋಸ್ಟಾ ಖಾತಿರ್ ಇತ್ಲೆಂ ಲ್ಹಾನ್ ಜಾಯ್ನಾಯೆ. ಆತಾಂ ಸಗ್ಳೆಂ ವಿಸರಾ ಆನಿ ಮಾಯೆಮೊಗಾನ್ ಜಿಯೆಯಾ.

ಹೆಂ ’ಕೋಮು ಹಿಂಸಾಚಾರ ನಿಯಂತ್ರಣ ಮಸೂದೆ’ ಮ್ಹಳ್ಯಾರ್ ಕಿತೆಂ? ಹೆಂ ಕಿತ್ಯಾಕ್ ಜಾಯ್? ಹ್ಯಾ ವಿಶ್ಯಾಂತ್ ಇತ್ಲೊ ಗುಮಾನ್ ದಿಂವ್ಚೊ ಗರ್ಜ್ ಮ್ಹಣ್ ಭೊಗ್ತಾ ಗಿ?

ಹೊ ಚೊರಾಂಕ್ ಕಯ್ದ್ ಕರ್ಚೊ ಕಾಯ್ದೊ.  ಹೊ ಶಿಕಪ್ ನಾತ್ಲ್ಯಾ ಮ್ಹನ್ಶ್ಯಾಂನಿ ಕೆಲ್ಲೊ ಕಾಯ್ದೊ ನ್ಹಂಯ್; ಬಗಾರ್ ರಾಶ್ಟ್ರೀಯ್ ಮಟ್ಟಾಚ್ಯಾ ಚಿಂತ್ಪ್ಯಾಂನಿ ಬಸೊನ್, ದೆಶಾಚೊ ಫುಡಾರ್  ಮತಿಂತ್ ದವರುನ್ ಕೆಲ್ಲೊ ಕಾಯ್ದೊ. ಹೊ ಕಾಯ್ದೊ ಎದೊಳ್‌ಚ್ ಆಯಿಲ್ಲೊ ತರ್ ಅಸಲಿಂ ಅನ್ನಾಡಿಂ ಘಡಿತಾಂ ಘಡ್ತಿಂ ನಾಂತ್.

ಹ್ಯಾ ಕಾಯ್ದ್ಯಾಚೊ ಉದ್ದೇಶ್ ಕಸ್ಲೊ?

ಉದ್ದೇಶ್ ಜರೂರ್  ಪರಿಣಾತ್ಮಕ್ ಆಸಾ. ಆತಾಂ ಆಸ್ಚೆ  ಕಾಯ್ದೆ ಕೋಮು ದೌರ್ಜನ್ಯಾಕ್ ಪರಿಣಾಮ್‌ಕಾರಿ ಥರಾನ್ ತಡ್ವುಂಕ್ ಸಕಾನಾಂತ್. ತೆ ಹ್ಯಾ ಅನ್ನಾಡಿ ಗಜಾಲಿಂ ಮುಕಾರ್ ಮೊಸ್ತು ಲಾಚಾರ್ ಜಾಲ್ಯಾತ್.   ಅಸಲೆಂ ಚಿಂತಪ್ ಸಾದ್ಯಾ ಮ್ಹನ್ಶ್ಯಾಂಥಂಯ್ ಆಯ್ಲಾಂ. ದೆಕುನ್ ಹ್ಯಾ ಸಾಮಾಜಿಕ್ ಚಿಂತ್ಪಾಕ್, ಸಾದ್ಯಾ ಮ್ಹನ್ಶ್ಯಾಂಚ್ಯಾ ರಾಕ್ವಣೆಕ್ ಬಳ್ ದಿಂವ್ಚ್ಯಾಕ್ ಹೆಂ ಕಾನೂನ್ ಬೋವ್ ಗರ್ಜೆಚೆಂ.

ಪೂಣ್ ಹಾಚೆ ವಿರೋದ್ ಕಲ್ಲಡ್ಕ ಪ್ರಭಾಕರ ಭಟ್ಟ ತಸಲೆ ಉಲ್ಟೆ ಪ್ರಚಾರ್ ಕರ್ತಾತ್ ಮು?

ವ್ಹಯ್ ಹೊ ಉಲ್ಟೊ ಪ್ರಚಾರ್‌ಚ್. ಅಲ್ಪ್ ಸಂಕ್ಯಾತ್ ಮ್ಹಳ್ಯಾರ್ ಫಕತ್ ಜಾತಿನ್ ನ್ಹಂಯ್, ಬಗಾರ್ ತೆ ಭಾಶೆನ್ ಜಾವ್ಯೆತ್ ವಾ ಹೆರ್ ಖಂಯ್ಚ್ಯಾಯ್ ಸಂಗ್ತಿಂನಿ. ಹೊ ಕಾಯ್ದೊ ಫಕತ್ ಮುಸ್ಲಿಮಾಂಕ್ ಮಾತ್ರ್ ರಾಕ್ಚೊ ಕಾಯ್ದೊ ನ್ಹಂಯ್. ಇತ್ಲ್ಯಾಕೀ ಹಾಂತು ಮುಸ್ಲಿಮಾಚೆಂ ನಾಂವ್ ಚ್ ಉಲ್ಲೇಖ್ ನಾ. ತಶೆಂ ಪಳೆಂವ್ಕ್ ಗೆಲ್ಯಾರ್ ಕಾಶ್ಮೀರಾಂತ್ ಹಿಂದು ಅಲ್ಪ್ ಸಂಖ್ಯಾತ್. ಹೊ ಕಾಯ್ದೊ ತಾಂಕಾ  ತಾಂಚ್ಯಾ ರಕ್ವಣೆಖಾತಿರ್ ಲಾಗು ಜಾತಾ. ಹೆ ವಿಶಿಂ ಕಿತ್ಯಾಕ್ ಉಲಯ್ನಾಂತ್ ಹೆ ?

ಪೂಣ್ ಹಾಣಿ ಹ್ಯಾ ಕಾಯ್ದ್ಯಾವಿರೋದ್ ಇತ್ಲೊಯ್ ಅಪಪ್ರಚಾರ್ ಕರುಂಕ್ ಕಾರಣ್  ತರೀ ಕಿತೆಂ?

ಕಾರಣ್ ಆಸಾ, ಸಾಂಗ್ತಾಂ ಆಯ್ಕಾ. ಹ್ಯಾ ಕಾಯ್ದ್ಯಾಚೊ ಉದ್ದೇಶ್ ಫಕತ್ ಭಜರಂಗಿ ವಾ ರಾಮಸೇನೆಚ್ಯಾ ಉಪ್ರಾಟಿ ಪೊಕೊಳ್ ಮತಿಚ್ಯಾ ಚೆಡ್ಯಾಂಕ್ ಮಾತ್ರ್ ಶಿಕ್ಶ್ಯಾ ದೀಜೆ ಮ್ಹಳ್ಳೊ ನ್ಹಂಯ್; ಬಗಾರ್  ಹೊ ಕಾಯ್ದೊ ಆಯ್ಲ್ಯಾರ್ ತರ್ನ್ಯಾಟ್ಯಾಂಚ್ಯಾ ಉಪ್ರಾಟಿಪಣಾಕ್ ಕಾರಣ್ ಜಾಲ್ಲ್ಯಾ ಸರ್ವಾಂಕ್ ಶಿಕ್ಶ್ಯಾ ಜಾತಾ. ಮ್ಹಣ್ಜೇ ಚಿಲ್ಲರ್ foot soldier ಮಾತ್ ನ್ಹಯ್ , ರೂವಾರಿ ಶಿಲ್ಫಿ ಸಗ್ಳೆ ಭಿತರ್ ಪಡ್ಟಾತ್. ಹೊ ಕಾಯ್ದೊ ಆಯ್ಲ್ಯಾರ್ ಪ್ರಚೋದನಾತ್ಮಕ್ ಭಾಶಣಾಂ ದೀವ್ನ್ ಲೊಕಾಕ್ ಉಚಾಂಬೊಳ್ ಕರ್ಚೆ, ಚಾಳಂವ್ಚೆ , ಕಲ್ಲಡ್ಕ ಮುತಾಲಿಕ್ ತಸಲೆಯ್ ಭಿತರ್.  ತೆಂ ಭ್ಯೆಂ ಹಾಂಕಾ ಲಾಗ್ಲಾಂ ಜಾಲ್ಲ್ಯಾನ್ ಹೆ ಅಪಪ್ರಚಾರ್ ಕರ್ತಾತ್. ಹ್ಯಾ ಕಲ್ಲಡ್ಕ ತಸಲ್ಯಾಂಕ್ ಧಯ್ರ್ ಮೆಳ್‌ಲ್ಲೆಂಚ್ ಭಾಳ್ ಠಾಕ್ರೆ ತಸಲ್ಯಾಂಥಾವ್ನ್. ತಾಚಿ ಸುಪ್ರೀಮ್ ಕೊಡ್ತಿಂತೀ ಖುಲಾಸಾ ಜಾಲಿ ನ್ಹಯ್. ದೆಕುನ್ ಹೇಯಿ ಚಿಂತಾತ್ ಆಮಿಂಯ್ ಕಿತೇಂಯ್ ಕರ್ನ್ ಸುಲಭಾಯೆನ್ ಸುಟ್ಯೆತ್.  ಆನಿ ರಾಜಕೀಯಾಂತ್ಲೆ ಮನಿಸ್ ಹಾಂಕಾ ಪೂರಾ ತಾಂಚ್ಯಾ ಫಾಯ್ದ್ಯಾಕ್ ಬರೆಚ್ ವಾಪಾರ್ತಾತ್. ದೆಕುನ್ ಅಸಲ್ಯಾಂಕ್ ಹಂಕಾರ್ ಮಾಂಡ್ತಾ. ಸತ್ ಸಾಂಗ್ಚೆಂ ತರ್, ಸ್ವಾತಂತ್ರ್ ಕಾಳಾಚ್ಯಾ ಝುಜಾಂತ್ ಹೊ ಆರ್.ಎಸ್.ಎಸ್. ಬ್ರಿಟಿಶಾಂಚ್ಯಾ ಪಾಡ್ತೆಕ್ ಆಸ್ಲೊ.  ಆತಾಂ ಆಮಿ ದೇಶ್ ಪ್ರೇಮಿ ಮ್ಹಣ್ ಖಂಯ್ಚೆಂ ತೋಂಡ್ ಘೆವ್ನ್ ಹೆ ಉಲಯ್ತಾತ್ ?

ಪೂಣ್ ಅಸಲ್ಯಾ ಸಂಘಾಕ್ ಇತ್ಲೊಯ್ ಲೊಕಾಚೊ ಪಾಟಿಂಬೊ ಮೆಳೊಂಕ್ ಕಾರಣ್ ಕಿತೆಂ?

ಕಾರಣ್ ಏಕ್‌ಚ್ ಆನಿ  ತೆಂ ಮ್ಹಳ್ಯಾರ್ ಹಿಂದುತ್ವ್. ಮ್ಹಣ್ಟಾತ್ ನ್ಹಯ್ , ರಿಲಿಜನ್ ಈಸ್ ಒಪಿಯಮ್ ಮ್ಹಣ್, ತಶೆಂ. ಹಾಂಗಾ ಹಾಂಚೆ ಆಫೀಮ್  ಮ್ಹಳ್ಯಾರ್ ರಾಜಕೀಯ್ ಮಿಶ್ರಿತ್ ಹಿಂದುತ್ವ್ ಮ್ಹಳ್ಳೊ ಸಿದ್ದಾಂತ್. ರಾಜಕೀಯ್ ಸಿದ್ದಾಂತಾಕ್ ಧರ್ಮ್ ಮಿಕ್ಸ್ ಕರುನ್ ಲೊಕಾಚೊ ಪಾಟಿಂಬೊ ಆಶೆತಾತ್.  ಹ್ಯಾ ಬುನ್ಯಾದಿಚೆರ್ ಭಾಶಣಾಂ ದಿತಾತ್. ಅಸಲ್ಯಾ ಭಾಶಣಾಂಕ್ ಪಾತ್ಯೆಂವ್ಚ್ಯಾ ಸಾದ್ಯಾ ಲೊಕಾಕ್ ತಾಳ್ ಮೂಳ್ ಕಳಿತ್ ಆಸಾನಾ. ತೊ ಗಜಾಲಿ ತಜ್ವೀಜ್ ಕರುಂಕ್ ವಚನಾ. ಫಕತ್ ಹಾಂಚ್ಯಾ ಉತ್ರಾಂಚ್ಯಾ ಪಿಶ್ಯಾರ್ ಪಡೊನ್ ಪಾತ್ಯೆತಾ ಆನಿ ಗಲಾಟೊ ಕರ್ತಾ.

ಮಾಗಿರ್ ಶ್ರೀ ರಾಮ ಸೇನೆ…..

ಹೆ ಮತಾಂತರ್ ಮತಾಂತರ್ ಮ್ಹಣ್ ಬೊಬೊ ಮಾರ್ತಾತ್. ಪೂಣ್ ಹ್ಯಾ ಗಾಂವಾಂತ್ ಕಿರಿಸ್ತಾಂವಾಂಚೊ ಸಂಕೊ ದೆಂವೊನ್ ಆಸಾ ತೆಂ ಕೊಣಾಕೀ ಕಳಿತ್ ನಾ. ಶ್ರೀರಾಮಸೇನೆ ಏಕ್ ಭಾಡ್ಯಾಚಿ ಕಂಪೆನಿ. ಇತ್ಲೆ ಪಯ್ಶೆ ದಿತಾಂ ಮ್ಹಣ್ ಕಂತ್ರಾಟ್ ದಿಲ್ಯಾರ್ ತೆ ಖಂಯ್ಚ್ಯಾಕೀ  ತಯಾರ್. ಭಜರಂಗ್ ದಳ್ ಆನಿ ರಾಮಸೇನೆ ಮಧೆಂ ತಕ್ರಾರ್ ಆಯಿಲ್ಲೊಚ್ ಪಯ್ಶ್ಯಾಂ ಖಾತಿರ್ ದಿಸ್ತಾ. ಬೋವ್‌ಶಾ ವಾಟ್ಣಿ ಕರ್ತಾನಾ ಚಡ್‌ಉಣೆ ಜಾವ್ನ್.

ತುಮಿ ಅಶೆಂ ಲೊಕಾಥಂಯ್ ಸಮ್ಜಣಿ ಹಾಡ್ಚೆಂ ಪ್ರೇತನ್ ಕರೀತ್ ಆಸಾತ್.  ಪೂಣ್ ಖಂಯ್ ಗೀ ತುಮ್ಕಾಂ ಸಮ್ಜೊಂಚೆಂ ಉಣೆ ಜಾತಾತ್ ಮ್ಹಣ್ ಭೊಗ್ತಾ ಗಿ?

ಆಮಿ ಆಮ್ಚ್ಯಾ ಪರಿದೆಭಿತರ್ ಕಾಮ್ ಕರ್ತೆ ಆಸಾಂವ್. ಕೊಣಾಕ್ ತರೀ ಹೆಂ ಪಾವ್ತಾ ಮ್ಹಳ್ಳಿ ಪಾತ್ಯೆಣಿ ಆಮ್ಚೆ ತಸಲ್ಯಾಂಚಿ. ಸಮ್ಜತಲೆ ಜರೂರ್ ಸಮ್ಜತಾತ್.

ಆತಾಂ ಪೋರ್ ಶಿಮೊಗಾಂತ್ ವಿವೇಕಾನಂದಾಚೆರ್ ಏಕ್ ಲೇಖನ್ ಫಾಯ್ಸ್ ಜಾಲ್ಲ್ಯಾಕ್ ಪ್ರಜಾವಾಣಿ ದಫ್ತರ್ ಫುಟಯ್ಲೆಂ. ಉಪ್ರಾಂತ್ ಎ.ಬಿ. ವಿ.ಪಿ. ಚ್ಯಾಂನಿ  ಹಾಂಗಾಯ್ ಕೊಡ್ಯಾಳಾಂತ್ ವಿವೇಕಾಂದಾಚೊ ಜಲ್ಮಾ ಉತ್ಸವ್ ಒಡ್ಲೊ ಕರುಂಕ್ ಪಳಯ್ಲೆಂ…

ಅಸಲ್ಯೊ ಪೂರಾ ಗಜಾಲಿ ಶಿಕ್ಪಾ ಕ್ಶೇತ್ರಾಚ್ಯಾ ಮ್ಹಳ್ಯಾರ್ ಕೊಲೆಜಿಚ್ಯಾ ಭಿತರ್ ಯೇವ್ನ್ ವಿದ್ಯಾರ್ಥಿಂಮಧೆಂ ಫುಟ್ ಹಾಡಂವ್ಚಿ ಖರಿಚ್ ಬೋವ್ ದುಕಿಚಿ ಗಜಾಲ್. ಆನಿ ಹೆಂ ಆಮ್ಚ್ಯಾ ಮುಕ್ಲ್ಯಾ ಪಿಳ್ಗೆಕ್ ಬೋವ್ ಮಾರೆಕಾರ್ ಸಯ್ತ್. ಹಾಚೊ ಪರಿಣಾಮ್ ಆಮ್ಚಿಂ ಭುರ್ಗಿ ಹ್ಯಾ ದೆಶಾಚಿ ಪ್ರಜಾ ಜಾತಾನಾ ಕಳ್ತಾ. ಆತಾಂ ಮೊನಿ ರಾಂವ್ಚ್ಯಾಂಕ್ ತೆದಾಳಾ ಬೂದ್ ಕಳ್ತಲಿ.

ಆಮ್ಚ್ಯಾ ಜಿಲ್ಲ್ಯಾಂನಿ ಹೊ ಕೋಮುವಾದ್ ಪ್ರಸಾರುಂಚ್ಯಾಂತ್ ಪೊಲಿಸಾಂಚೊ ಪಾತ್ರ್ ಕಸ್ಲೊ?

ಪೊಲಿಸಾಂ ಭಿತರ್ ಯಿ ಸಂಘ್ ಪರಿವಾರಾಚ್ಯಾ ಸಿದ್ದಾಂತಾಕ್ ಮಾನ್ಚೆ ಜಾಯ್ತೆ ಆಸಾತ್. ದ.ಕ ಆನಿ ಉಡ್ಪಿ ಜಿಲ್ಲ್ಯಾಂತ್ ಆತಾಂ ಜೆಂ ಕಿತೆಂ ಜಾತೇ ಆಸಾ ತೆಂಚ್ ಗುಜ್ರಾತ್ ಹಿಂಸಾಚಾರಾಚ್ಯಾ ಪಯ್ಲೆಂ ಥಂಯ್ ಯೀ  ಜಾಲ್ಲೆಂ. ಸರ್ಕಾರ್ – ಸರ್ವ್ ಅದಿಕಾರಿ, ಪೊಲಿಸ್ ಆನಿ ಹುದ್ದ್ಯಾರ್ ಆಸ್ಚ್ಯಾಂಕ್ ಆಪ್ಲ್ಯಾ ಮುಟಿಭಿತರ್ ಘೆತೆ ಆಸಾ. ಮಾಗಿರ್ ತಾಂಚಿ ಕಾಮಾಂ ಕರುಂಕ್ ತಾಂಕಾ ಸುಲಭ್.

ಸಂದರ್ಶಕ್ : ವಿಲ್ಸನ್ ಕಟೀಲ್ 

ತಸ್ವಿರ್ಯೊ : ಎಚ್ಚೆಮ್