ಸುನಂದ್ ಕುಲ್ಶೆಕರ್

’ಸುನಂದ್’ ಲಿಖ್ಣೆ ನಾಂವಾನ್ ಬರಂವ್ಚೊ ಕುಲ್ಶೆಕರ್ಚೊ ಜೊಸೆಫ್ ಡಿ’ಮೆಲ್ಲೊ, ಪ್ರಸ್ತುತ್ ಆಸ್ಟ್ರೇಲಿಯಾಂತ್ ಆಪ್ಲ್ಯಾ ಕುಟ್ಮಾ ಸಂಗಿಂ ಜಿಯೆತಾ. ಕೊಂಕ್ಣೆಂತ್ ಬರಂವ್ಚಿ ಉರ್ಬಾ ಲ್ಹಾನ್ಪಣಿ ಉದೆಲ್ಲಿ ತಿ, ಪಾದ್ವಾ ಹೈಸ್ಕೂಲಾಂತ್ ಶಿಕ್ತಾನಾ, ಮಾನೆಸ್ತ್ ಲಿಯೊ ಸೊಜ್, ಕದ್ಳೆ, ಹಾಚಾ ಮಾರ್ಗ್-ದರ್ಶನಾ ಸವೆಂ ಫಳಾದೀಕ್ ಜಾವ್ನ್ ಆಯ್ಲಿ. ತ್ಯಾ ಉಪ್ರಾಂತ್‌ ‌ʼಸಾಳಕ್‌ʼ ಪ್ರಕಾಶನಾಚೊ ದೆವಾದೀನ್ ಸಿರಿವಂತ್, ಮಾಜಿ ʼಕಾಣಿಕ್ʼ ಸಂಪಾದಕ್ ಆವಿಲ್ ರಾಸ್ಕೀನಾ, ʼಉಮಾಳೊʼ ಪತ್ರಾಚೊ ದೆವಾದೀನ್ ಮಾನೆಸ್ತ್‌ ವಿಲ್ಫಿ ರೆಬಿಂಬಸ್‌, ಆನಿ ರಾಕ್ಣೊ ಮಾಜಿ ಸಂಪಾದಕ್‌, ದೆವಾದೀನ್ ಫಾ| ವಿ.‌ ವಿ. ಮಿನೆಜಾಚಾ ಉತ್ತೇಜನಾನ್, ತಾಚ್ಯೊ ಜಾಯಿತ್ತ್ಯೊ ಕ್ರತಿಯೊ ಉಜ್ವಾಡಾಕ್ ಆಯ್ಲ್ಯೊ. ವಾಂಕ್ಡ್ಯೊ ವಾಟೊ, ಶಿರ್ಶಿರೊ, ರಾಯ್ ಉಂದಿರ್, ಭುಂಯ್‌ಕಾಂಪ್ - ತಾಚಿಂ ಎದೊಳ್ ಫಾಯ್ಸ್ ಜಾಲ್ಲಿಂ ಪುಸ್ತಕಾಂ.