ಅಲ್ಪೋನ್ಸ್, ಪಾಂಗ್ಳಾ

ಆತಾಂ ಉಡುಪಿ ದಿಯೆಸೆಜಿಚ್ಯಾ ಪಾಂಗ್ಳಾಂತ್ ವಸ್ತಿ ಕರುನ್ ಆಸ್ಚೊ ಅಲ್ಪೋನ್ಸ್ ಮೆಂಡೋನ್ಸಾ ಅಬುಧಾಬಿಂತ್ ಜಾಯ್ತೊ ತೇಂಪ್ ಕೊರ್ಪೊರೇಟ್ ಕಂಪ್ಣೆಂತ್ ಉಂಚ್ಲ್ಯಾ ಹುದ್ದ್ಯಾರ್ ವಾವುರ್ನ್ ಆಯ್ಲೆವಾರ್ ನಿವೃತ್ತ್ ಜಾಲಾ. ಕಲಾ ಆನಿ ಸಂಗೀತಾಂತ್ ಸಮಾನ್ ಆಸಕ್ತೆಚ್ಯಾ ಸಾಂಗಾತ್ಯಾಂಕ್ ಘೆವ್ನ್ ಅಬುಧಾಭಿಂತ್ 'ಮಂಗ್ಳುರ್ಚಿಂ ಮೊತಿಯಾಂ' PEARLS OF MANGALORE ಮ್ಹಳ್ಳೆಂ ಸಂಘಟನ್ ಸುರ್ವಾತುನ್, ಜಾಯ್ತಿಂ ವರ್ಸಾಂ ಕಾರ‍್ಯಾಳ್ ಸಾಂದೊ ಜಾವ್ನ್ ತಾಣೆ ಸೆವಾ ದಿಲ್ಯಾ. ಯುಎಇ ಥಾವ್ನ್ ಮೆಂಗ್ಲೂರಿಯನ್ ಡೊಮ್ ಕೊಮ್ ಆನಿ ಬೆಳ್ಳೆವಿಶನ್ ಹ್ಯಾ ಜಾಳಿಜಾಗ್ಯಾಂಕ್ ಪ್ರತಿನಿಧಿ ಜಾವ್ನ್ ಸೆವಾ ದಿಲಾ. 70 ಚ್ಯಾ ದಶಕಾಂತ್ ಮಂಗ್ಳುರ್ ದಿಯೆಸೆಜಿಂತ್ ಸಿವೈಎಮ್ ಆನಿ ಐಕಫ್ - ಹ್ಯಾ ಸಂಘಟನಾಂನಿ ತೋ ಕಾರ್ಯಾಳ್ ಜಾವ್ನಾಸ್ಲೊ. ಏಕ್ ಗಾವ್ಪಿಯ್ ಜಾವ್ನಾಸ್ಚ್ಯಾ ತಾಣೆ ಅಬುಧಾಬಿಂತ್ KCO ಸಂಘಟನಾಂತೀ ಕಾಮ್ ಕೆಲಾಂ. ಏಕ್ ಉತ್ತೀಮ್ ಫೊಟೊಗ್ರಾಫರ್ ಆನಿ ವರ್ದೆಗಾರ್ ಜಾವ್ನಾಸ್ಚ್ಯಾ ತಾಚೆ ವಿಶೇಸ್ ವರ್ದ್ಯೊ ಚಡುಣೆ ಸರ್ವ್ ಇಂಗ್ಲಿಷ್ ಜಾಳಿಜಾಗ್ಯಾಂನಿ ಫಾಯ್ಸ್ ಜಾತೇ ಆಸಾತ್. ಕಿಟಾಳ್ ಜಾಳಿಜಾಗ್ಯಾರ್ ಅಲ್ಪೋನ್ಸ್ ಮೆಂಡೋನ್ಸಾಚ್ಯೊ ಕವಿತಾ, ಲೇಕನಾಂ ತವಳ್ ತವಳ್ ಫಾಯ್ಸ್ ಜಾವ್ನ್ ಆಸಾತ್.