“ಹಾಂವೆಂ ಕಠೀಣ್ ಪಿಡೆನ್ ವಳ್ವೊಳ್ಚ್ಯಾ ಪಿಡೆಸ್ತಾಂಕ್ , ಬೀಕರ್ ಆವ್ಘಡಾಂನಿ ಘಾಯೆಲ್ಲ್ಯಾಂಕ್ , ಆತ್ಮಹತ್ಯಾ ಕೆಲ್ಲ್ಯಾಂಕ್ ಪಳೆಯ್ಲಾಂ , ತಾಣಿಂ ಕಷ್ಟೊಂಚೆಂ ಪಳೆಯ್ಲಾಂ , ತಾಣಿಂ ಬೊರೆಂ ಜಾವ್ನ್ ಘರಾ ಯೆಂವ್ಚೆಂ ಪಳೆಯ್ಲಾಂ , ತಾಂಚೆಂ ಮರಣ್ ಪಳೆಯ್ಲಾಂ…”
“ಹಾವೆಂ ಜೆಜು ಕ್ರೀಸ್ತಾನ್ ಲಾಜರಸಾಕ್ ಮರ್ಣಾಂತ್ಲೊ ಜಿವಂತ್ ಉಟಯ್ಲೊ ತೆಂ ಬೈಬಲಾಂತ್ ವಾಚ್ಲಾಂ…”
ಪುಣ್ ಎಕ್ ಮ್ಹನಿಸ್ ಪರ್ತುನ್ ಪರ್ತುನ್ ಮೊರೊನ್ ಪರ್ತೆಕ್ ಪರ್ತೆಕ್ ಜಿವಂತ್ ಜಾಂವ್ಚೆಂ ತೆಂ ಮ್ಹಜ್ಯಾ ದೊಳ್ಯಾಂನಿ ದೆಖ್ಲಾಂ… ತಾಚ್ಯಾಚ್ಚ್ ಉತ್ರಾಂನಿ ಸಾಂಗ್ಚೆಂ ತರ್ “ಹಾಂವೆಂ ಮೊಜೆ ಸರ್ವ್ ಕಷ್ಟ್ ದೆವಾಕ್ ಭೆಟೊವ್ನ್ ದಿಲೆ , ಹಾಂವೆ ಮ್ಹಾಕಾಚ್ಚ್ ತಾಕಾ ಸಮರ್ಪಣ್ ಕೆಲೆಂ ಆನಿ ತಾಣೆ ಮ್ಹಜೊ ಹಾತ್ ಸೊಡುಂಕ್ ನಾ , ದೇವ್ ಮ್ಹಜೆ ಸಂಗಿಂ ಆಸಾ ಮ್ಹಣ್ಚ್ಯಾಕ್ ಹಾಂವ್ ತುಮ್ಚೆ ಮುಖಾರ್ ಉಬೊಂ ಆಸಾಂ ತೆಂಚ್ಚ್ ಏಕ್ ವ್ಹಡ್ ಉದಾಹರಣ್”.
ಅಶೆಂ ಮ್ಹಣ್ಚೊ ಮ್ಹನಿಸ್ ದುಸ್ರೊ ಕೋಣ್ ನಯ್, 20.09.2024 ವೆರ್ ಆಪ್ಲ್ಯಾ ಜಿಣಿಯೆಚಿಂ 60 ವರ್ಸಾಂ ಸಂಪೊಂವ್ಚೊ, ಪ್ರಸ್ತುತ್ ಆಮ್ಚ್ಯಾ ತೊಟ್ಟಾಮ್ ಫಿರ್ಗಜೆಚೊ ವಿಗಾರ್ , ಮ್ಹಜೊ ಮಾರ್ಗದರ್ಶಕ್ , ಮ್ಹಜೊ ಪ್ರೇರಕ್ , ಏಕ್ ಉತ್ತೀಮ್ ಯಾಜಕ್, ಅವ್ವಲ್ ಪ್ರಸಂಗ್ದಾರ್, ಅಂತರ್ ಧರ್ಮಿಯ್ ಸೌಹರ್ದಾತೆಚೊ ರಾಯ್ದೂತ್, ಇತ್ಲೆಂ ಮಾತ್ ನಯ್ – ಏಕ್ ಕಲಾತ್ಮಾಕ್ ಕಂತಾರಾಂ ಘಡ್ಣಾರ್ ತಶೆಂಚ್ ಸಂಗೀತ್ಗಾರ್ ಜಾವ್ನಾಸ್ಚೊ ಮಾ| ಬಾ| ಡೆನಿಸ್ ಡೆಸಾ.
Mi Tula Sodnnar Nahi – Marathi version of Ho Sounsar Tuka Sandit Tari | Fr. Denis Dsa
ಮಾ|ಬಾ| ಡೆನಿಸ್ ಡೆಸಾ ಆಮ್ಚ್ಯಾ ಫಿರ್ಗಜೆಕ್ ಯೆತಾ ಮುಣ್ತಾನಾ ಮ್ಹಾಕಾ ಜಾಲ್ಲೊ ಸಂತೊಸ್ ಮ್ಹಜ್ಯಾ ಚಿಂತ್ಪಾ ಭಾಯ್ಲೊ. ತಾಚ್ಯಾ ಸಕ್ತೆಕ್ ಆಮ್ಚಿ ಫಿರ್ಗಜ್ ಬೋವ್ ಲ್ಹಾನ್ ತರೀ ಆಮ್ಚ್ಯಾ ಫಿರ್ಗಜೆಚ್ಯಾ ಸರ್ವಾಂಗೀಣ್ ಉದರ್ಗತೆ ಖಾತಿರ್, ಆಮ್ಚ್ಯಾ ಭುರ್ಗ್ಯಾಂಚ್ಯಾ ಬೊರ್ಯಾ ಫುಡಾರಾಚ್ಯಾ ಮಾರ್ಗದರ್ಶನಾ ಖಾತಿರ್ , ಆಮ್ಚ್ಯಾ ಫಿರ್ಗಜೆಚ್ಯಾ ಗರ್ಜೆವಂತಾಂಚ್ಯಾ ಸಂತೊಸಾ ಖಾತಿರ್ ಸದಾಂಖಾಲ್ ತೊ ಆಮ್ಚ್ಯಾ ಫಿರ್ಗಜೆಚೊ ಫಿರ್ಗಜ್ ವಿಗಾರ್ ಜಾವ್ನ್ ಆಸೊಂದಿ ಮ್ಹಣೊನ್ ಚಿಂತ್ಚೆ ತಿತ್ಲೊ ಸ್ವಾರ್ಥಿ ಆತಾಂ ಹಾಂವ್ ಖಂಡಿತ್ ಜಾಲಾಂ. ಹಾಕಾ ಸರಿ ಜಾವ್ನ್ ಬಾ| ಡೆನಿಸ್ ಡೆಸಾ ವಿಗಾರ್ ಜಾವ್ನ್ ಆಯ್ಲ್ಯಾ ಉಪ್ರಾಂತ್ ಎಕ್ ನವೆಸಾಂವಾಂಚೆಂ ವಾರೆಂ ಆಮ್ಚ್ಯಾ ಫಿರ್ಗಜೆಂತ್ ವ್ಹಾಳೊಂಕ್ ಲಾಗ್ಲಾಂ. ( ತಶೆಂ ಮುಣೊನ್ ಆದ್ಲ್ಯಾ ವಿಗಾರಾಂನಿ ಕೆಲ್ಲೊ ವಾವ್ರ್ ಕಾಂಯ್ ಉಣೊ ನಯ್)
ಮಿಸಾಂವ್ 2025 ಕಾರ್ಯಗತ್ ಕರ್ಚ್ಯಾಂತ್ ಆಮ್ಚ್ಯಾ ಭಿಸ್ಪಾಚ್ಯಾ ಹಾತಾಕ್ ಹಾತ್ ದೀವ್ನ್ ಸದಾಂಚ್ ತೊ ಉಬೊ ಆಸಾ. ಪಯ್ಲೆಂ ಪಯ್ಲೆಂ ತಾಚ್ಯಾ ಚುಕಾನಾತ್ಲ್ಲ್ಯಾ ಕಾರ್ಯಾಂ ಲಾಗೊನ್ ಲೊಕಾಕ್ ಥೊಡಿ ಉಬ್ಗೊಣ್ ಆಯಿಲ್ಲಿ ತರೀ ಆತಾಂ ಲೋಕ್ಚ್ ಮುಕಾರ್ ಯೇವ್ನ್ ತಾಂಚ್ಯಾ ತಾಂಚ್ಯಾ ಆಯೋಗಾಂಚಿಂ ಕಾರ್ಯಿಂ ಬೊವ್ ಬರ್ಯಾನ್ ಶಿಸ್ತೆಭರಿತ್ ರಿತಿನ್ ಕರುನ್ ಆಸಾತ್. ಆಶೆಂ ತೊ ಏಕ್ ಉತ್ತೀಮ್ Facilitator ಮ್ಹಣ್ಚ್ಯಾಕ್ ಕಿತೆಂಚ್ ದುಭಾವ್ ನಾ. ವೆವೆಗ್ಳಿಂ ಕಾರ್ಯಿಂ ಆಸಾ ಕರುನ್ ಆಮ್ಚ್ಯಾ ಫಿರ್ಗಜ್ಗಾರಾಂ ಥಂಯ್ ಆಸ್ಲ್ಲಿಂ ದೆಣಿಂ ಸಂಸಾರಾ ಮುಕಾರ್ ಹಾಡ್ಚ್ಯಾಂತ್ ತಾಂಕಾ ವರ್ತಿ ಉರ್ಬಾ. ಭುರ್ಗ್ಯಾಂ ಆನಿ ತರ್ನಾಟ್ಯಾಂ ಥಂಯ್ ತಾಂಚೊ ಮೋಗ್ ವಿಶೇಸ್. ಭುರ್ಗ್ಯಾಂ ಸಂಗಿಂ ಭುರ್ಗೊ ಜಾವ್ನ್ , ತರ್ನಾಟ್ಯಾಂ ಸಂಗಿಂ ತರ್ನಾಟೊ ಜಾವ್ನ್ ತಾಣಿಂ ಭರ್ಸುಂಚೆಂ ತೆಂ ಪಳೆಂವ್ಕ್ ದೊಳ್ಯಾಂಕ್ ಏಕ್ ಫೆಸ್ತ್ಚ್ ಸಯ್.
ಎಕ್ ಪಾವ್ಟಿಂ ತಾಚ್ಯಾ ಭಾವಾ ವಿಲ್ಸನಾಲಾಗಿಂ ಹಾವೆಂ ವಿಚಾರಿಲ್ಲೆಂ ಆಸಾ. ಪಾದ್ರ್ಯಾಬಾಕ್ ಖರ್ಚಾಕ್ ಕಾಂಯ್ ದಿತಾಯ್ಗೀ ಮುಣೊನ್. ತಾಕಾ ತಾಣೆ ಜವಾಬ್ ದಿಲ್ಲಿ ಆಸಾ ತಾಚ್ಯಾ ಲಾಗಿಂ ಖರ್ಚಾಕ್ ಪಯ್ಶೆ ಜಾಯ್ಗೀ ಮ್ಹಣ್ ವಿಚಾರ್ಚೆಂ ಭೊವ್ಚ್ಚ್ Risky. ವಿಚಾರ್ಲ್ಯಾರ್ 7-8 ಭುರ್ಗ್ಯಾಂಚಿ ಇಸ್ಕೊಲಾಚಿ Fees ಬಾಂದ್ ಮುಣೊನ್ ಪಟ್ಟಿ ಮುಕಾರ್ ದವರ್ತಾ.
ಹೆಂ ಎಕ್ಚ್ಚ್ ಘಡಿತ್ ನ್ಹಂಯ್ , ಗರ್ಜೆವಂತಾಂಕ್ ಕಿತೆಂಚ್ ಸಹಕಾರ್ ಜಾಯ್ ಮ್ಹಳ್ಳ್ಯಾರ್ ತಾಚ್ಯಾ ಆಪಾರ್ ಆಭಿಮಾನಿ ವೃಂದಾ ಮುಖಾಂತ್ರ್ ತೆಂ ತೊ ಸಂಪೂರ್ಣ್ ಕರ್ತಾ. ಕುಟ್ಮಾಂತ್ ಕೊಣೀ ಪಿಡೇಸ್ತ್ ಆಸ್ಲ್ಯಾರ್ ತೆ ಲಾಗ್ಶಿಲೊ ಕುಟ್ಮಾ ಸಾಂದೊ ತಶೆಂ ತಾಂಚ್ಯಾ ಜತ್ನೆಕ್ ಪಾವ್ತಾತ್. ಫಿರ್ಗಜ್ಗಾರಾಂಚ್ಯಾ ಸಂತೊಸಾಂತ್ ತೇಯ್ ಸಂತೊಸ್ ಪಾವ್ತಾತ್ ತಶೆಂಚ್ ಫಿರ್ಗಜ್ ಕುಟ್ಮಾಚ್ಯಾ ದುಖಿಂತ್ ತಾಂಕಾಂ ಎಕ್ಸುರಿಂ ಸೊಡಿನಾಸ್ತಾನಾ ತಾಂಚ್ಯಾ ಸಂಗಿಂ ತೇಯ್ ರಡ್ತಾತ್. ಖಂಡಿತ್ ಜಾವ್ನ್ ತೆ ಸಿಮೆಂಟಿಚಿಂ ಬಾಂದ್ಪಾಂ ಬಾಂದ್ಚೆ ಯಾಜಕ್ ನಂಯ್ ಬಗಾರ್ ಲೊಕಾಂಚ್ಯಾ ಕಾಳ್ಜಾಂ ಮನಾಂನಿ ಮಾಯಾಮೊಗಾಚಿಂ ಬುರುಜಾಂ ಉಬಾರ್ಚೆ ಪಾದ್ರ್ಯಾಬ್. ಸರ್ವ್ ಧರ್ಮಾಂಕ್ ಎಕಾಚ್ ದಿಶ್ಟಿಂತ್ ದೆಕ್ಚೆ ತೆ ಸರ್ವ್ ಧರ್ಮಾಂ ಮದೆಂ ಮಾಯಾಮೊಗಾಚೊ ಸಾಂಕೊವ್. ತಾಣಿಂ ಘಡ್ಲ್ಲ್ಯಾ ’ಸಮನ್ವಯ ಸರ್ವ ಧರ್ಮ ಸಂಘಟನಾಂ’ವರ್ವಿಂ ಆಜ್ ಆಮ್ಚ್ಯಾ ಗಾಂವಾಂತ್ ಸರ್ವ್ ಧರ್ಮಾಂಚೆ ಎಕಾಮೆಕಾ ಆನಿಕೀ ಲಾಗಿಂ ಆಯ್ಲ್ಯಾತ್ ತಿ ಆಮ್ಕಾಂ ವರ್ತ್ಯಾ ದಾಧೊಸ್ಕಾಯೆಚಿ ಗಜಾಲ್. ಎಕಾ ಉತ್ರಾನ್ ಸಾಂಗ್ಚೆಂ ತರ್ ಆಮ್ಚೊ ಪಾದ್ರ್ಯಾಬ್ “ಘೆಂವ್ಚೊ ಪಾದ್ರ್ಯಾಬ್ ನ್ಹಂಯ್ ಬಗಾರ್ ದಿಂವ್ಚೊ ಪಾದ್ರ್ಯಾಬ್”.
ಖಂಚೆಂಯ್ ಕಾರ್ಯೆಂ ಜಾಂವ್ದಿ ದಿಲ್ಲ್ಯಾ ವೆಳಾರ್ ಆರಂಭ್ ಕರ್ನ್ ಸಾಂಗ್ಲ್ಲ್ಯಾ ವೆಳಾರ್ ಆಕೇರ್ಸುನ್ ವೆಳಾಕ್ ತಾಣೆ ದಿಂವ್ಚೆಂ ಮಹತ್ವ್ ಆಮ್ಕಾಂ ಸರ್ವಾಂಕ್ ಪ್ರೇರಿತ್ ಕರ್ತಾ. ಖಂಯ್ ಕಾರ್ಯೆಂ ಆರಂಭ್ ಜಾಂವ್ಕ್ ವೇಳ್ ಜಾಲ್ಯಾರ್ , ಸಾಂಗ್ಲ್ಲ್ಯಾ ವೆಳಾರ್ ಆಖೇರ್ ಜಾಯ್ನಾ ತರ್ ಲೋಕಾ ಸಂಗಿಂ ಕ್ಷಮಾ ಆಪೇಕ್ಸುಂಚೆಂ ವ್ಹಡ್ ಮ್ಹನ್ ತಾಚ್ಯಾ ಲಾಗಿಂ ಆಸಾ. ಏಕ್ Perfectionist ಪಾದ್ರ್ಯಾಬ್. ತಾಚ್ಯಾ Perfection ಚೊ ಪ್ರಭಾವ್ ಆತಾಂ ಆಮ್ಚ್ಯಾ ಸರ್ವಾಂ ವಯ್ರ್ ಜಾಲಾ. ಕೊಯರಾಚಿಂ ಕಂತಾರಾಂ, ಫುಲಾಂಚಿಂ ವಾಜಾಂ, ಮೈಕಾಂಚಿ ಮಾಂಡಾವಾಳ್ ಸರ್ವ್ ತಾಕಾ ವ್ಯವಸ್ಥಿತ್ ರಿತಿನ್ ಜಾಯ್ಜೆ. ತಾಚೆ ಶೆರ್ಮಾಂವ್ ಜಿಣ್ಯೆಚಿಂ ಪ್ರಾಯೋಗಿಕ್ ಉದಾಹರಣಾಂ. ಶೆರ್ಮಾಂವ್ ಆಯ್ಕೊಂಚೆ ಮ್ಹಳ್ಳ್ಯಾರ್ ಕಾನಾಂ – ಮನಾಕ್ ಫೆಸ್ತ್.
ತಾಂಚ್ಯಾ ಜಲ್ಮಾ ದಿಸಾಚ್ಯಾ ಹ್ಯಾ ಭಾಗಿ ಸುವಾಳ್ಯಾರ್ ತಾಂಕಾಂ ಜಲ್ಮಾ ದಿಸಾಚೆ ಪರ್ಬಿಂ ಆನಿ ಉಲ್ಲಾಸ್ ಪಾಟಯ್ತಾಂ. ತಾಂಚೆಂ ಸಮರ್ಪಣ್, ಬುದ್ವಂತ್ಕಾಯ್ ಆನಿ ಥಿರಾಸಾಣೆನ್ ಭರ್ಲ್ಲಿ ಪಾತ್ಯೆಣಿ ಆಮ್ಚ್ಯಾ ಸಮುಧಾಯೆಕ್ ದೈವಿಕ್ ಪ್ರೇರಣಾನ್ ಭರ್ಲ್ಲಿ ಸಕತ್ ಜಾವ್ನಾಸಾ ಆನಿ ವಿಶೇಸ್ ಕರುನ್ ಆಮ್ಚ್ಯಾ ಫಿರ್ಗಜೆಕ್. ಆಮ್ಚ್ಯಾ ಫಿರ್ಗಜೆಂತ್ ತಾಂಚ್ಯಾ ಮಾರ್ಗದರ್ಶನಾಖಾಲ್ ಪಾಶಾರ್ ಜಾಲ್ಲ್ಯಾ ವರ್ಸಾಂತ್ ಜಾಲ್ಲಿಂ ವಿವಿಧ್ ಕಾರ್ಯಿಂ ತಶೆಂಚ್ ಆಮ್ಚ್ಯಾ ಫಿರ್ಗಜ್ಗಾರಾಂ ಖಾತಿರ್ ವಿಶೇಷ್ ಕರುನ್ ಆಮ್ಚ್ಯಾ ಯುವಜಣಾಂಚ್ಯಾ ವಿಕಸನಾ ಖಾತಿರ್ ತಾಣಿ ಆಸಾ ಕೆಲ್ಲಿಂ ವಿವಿಧ್ ಕಾರ್ಯಿಂ ಹಾಕಾ ಸಾಕ್ಸ್ ಜಾವ್ನಾಸಾತ್.
ಆಮ್ಚ್ಯಾ ಆಧ್ಯಾತ್ಮಿಕ್ ಜಿಣಿಯೆಂತ್ ಆಮ್ಚೆ ಖರೆ ಮಾರ್ಗದರ್ಶಕ್ ಆನಿ ಬೊರೊ ಗೊವ್ಳಿ ಜಾವ್ನಾಸ್ಲ್ಲ್ಯಾ ತಾಂಚ್ಯಾ ಜಿವಿತಾಂತ್ ಬೊರಿ ಭಲಾಯ್ಕಿ , ಸಂತೊಸ್ ಆನಿ ಸಮಧಾನ್ ಆಮ್ಚಿ ಪಾತ್ರೊನ್ ಸಾಂತ್ ಆನ್ನಾ ಮಾಯ್ ಆಪ್ಲ್ಯಾ ನಾತ್ವಾ ಲಾಗಿಂ ಮಾಗೊನ್ ದಾಡುಂದಿ. ಆಮ್ಚೆ ಫಿರ್ಗಜೆಕ್ ಲಾಗೊನ್ ತಾಂಚೆಂ ಸಮರ್ಪಣ್ ಖಂಡಿತ್ ಜಾವ್ನ್ ಹೊಗ್ಳಿಕೆಕ್ ಪಾವೊ ಆನಿ ಹ್ಯಾ ತಾಂಚ್ಯಾ ವಾವ್ರಾ ಲಾಗೊನ್ ಆಮಿಂ ಸದಾಂಚ್ ತಾಂಕಾಂ ಆಭಾರಿ ಜಾವ್ನಾಸಾಂವ್. ದೆವಾಚಿ ಕುರ್ಪಾ ತಾಂಚೆ ವಯ್ರ್ ಆಜ್ ಆನಿ ಸದಾಂಚ್ ಪರ್ಜಳೊಂದಿ. ತಾಂಚೆಂ ಜಿವಿತ್ ಮೋಗ್ , ಸಂತೊಸ್ ಆನಿ ಅಗಣಿತ್ ಆಶಿರ್ವಾದಾಂನಿ ಬೊರುಂದಿ ಮುಣೊನ್ ಪರ್ತೇಕ್ ತಾಂಚ್ಯಾ ಜಲ್ಮಾ ದಿಸಾಚೆ ಉಲ್ಲಾಸ್ ಪಾಟೊವ್ನ್ ತಾಂಕಾಂ ಸರ್ವ್ ಬೊರೆಂ ಮಾಗ್ತಾಂ.
ಜಲ್ಮಾ ದಿಸಾಚ್ಯಾ ವಜ್ರೋತ್ಸವಾಚೆ ಉಲ್ಲಾಸ್ ಮಾ| ಬಾ| ಡೆನಿಸ್ ಡೆಸಾ.
■ ನಾನು ಮರೋಲ್, ತೊಟ್ಟಾಮ್
9 comments
ಸಾರ್ಕೆಂ ಸಾಂಗ್ಲೆಂಯ್ ನಾನು ಬಾಬ್…..ಕಾಳೊಕಾಂತ್ ಆಸ್ಲ್ಲ್ಯಾ ತಾಲೆಂತಾಂಕ್ ಉಜ್ವಾಡಕ್ ಹಾಡ್ಚೊ ಮಹಾನ್ ಮಾನವತವಾದಿ…..
ಬಾಪ್ ಡೆನಿಸ್ ಡೆಸಾನ್ ಸುಮಾರ್ 2007 – 2008 ವ್ಯಾ ವರ್ಸಾಂತ್ ಅಯ್ತಾರಾಚ್ಯಾ ಎಕ್ ಸಾಂಜೆಚ್ಯಾ ಮಿಸಾಕ್ ವಾಲೆನ್ಸಿಯಾ ಫಿರ್ಗೆಜೆಂತ್ ದಿಲ್ಲೊ ಶೆರ್ಮಾಂವ್ ಅಯ್ಕೊನ್ ಹೊ ಯಾಜಾಕ್ ಅಮ್ಚ್ಯಾ ಫಿರ್ಗಜೆಚ್ಯೊ ವಿಗಾರ್ ಜಾಂವ್ನ್ ಅಯಿಲ್ಲೊ ತರ್ ಕಿತ್ಲೆ ಬರೆ ಆಸ್ತೆ ಮುಣೊನ್ ಭೊಗ್ಲೆಲೆ ಮಕಾ. ಉಪ್ರಾಂತ್, ಹಾಂವ್ ಫಾದರ್ ಮುಲ್ಲರ್ ಅಸ್ಪತ್ರೆಭಿತರ್ ಅಸ್ಚ್ಯಾ ಕೊಪೆಲಾಕ್ ಅಯ್ತಾರಾಚೆ ಮಿಸಾಕ್ ವಸೊಂಕ್ ಸುರು ಕೆಲೆ.. ಇಂಗ್ಲೀಷ್ ಮೀಸ್ ತೆ ತರಿ ಗಾಯನ್ ಪಂಗಡ್ ಆನಿ ಶೆರ್ಮಾಂವ್ ಮಕಾ ಅಯ್ತಾರಾಚೊ ದೀಸ್ ಮಾತ್ರ್ ನಂಯ್ ಸಗ್ಳೊ ಹಪ್ತೊ ಉತ್ಸಾಹ್ ಬರಿತ್ ಕರ್ತಾಲೊ. ತೊಟ್ಟಾಂ ಫಿರ್ಗಜ್ಗಾರ್ ತುಮಿ ನಿಜಾಯ್ಕಿ ಭಾಗಿ ಅಸಲೊ ಎಕ್ ಯಾಜಾಕ್ ತುಮ್ಚೊ ವಿಗಾರ್ ಜಾಂವ್ನ್ ಅಯ್ಲಾ. Happiest Birthday Fr Denis Dsa. Wishing you many more happy, healthy and peaceful years ahead. Where ever you stand your surrounding will be filled with prosperity of positive and energetic thoughts and deeds.
Nanu Marol, with a short note beautifully you have explained person behind personality, diamond characteristics of our dynamic priest, down to earth, humble, compassionate, a role model Fr. Denis. He is worthy emulating. His homily is highly motivational and inspirational. In reality he walks the talk with honesty, dignity and integrity. Wishing you happy 60th Birthday Fr. Denis.
You have rightly said dear Nanu that Fr. Denis is a perfectionist in every thing.. Not only that he is very talented, a great singer, great orator, organizer and above all a great humanitarian..
I have known Fr. Denis since his days in Kuntalnagar.. Since my retirement I was part time working in Moodubelle and at the same time associated with Bellevision. Hence a regular visitor for Kuntalnagar Parish for a Hall project and also covering the parish programs. Sometimes he invited me for lunch and offered whatever available.. I was always welcome there.. Then he became a PRO of our diocese and have watched him closely organzing every event of the diocese timely and perfectly.. His sermons are given last impressions and I have recorded a few just to listen again and again..
During his days in Shirva he travelled on a rocky boat facing all the mighty tempest and storms and yet he was bold enough to overcome all the stormy situations..
On the occasion of his Diamond Jubilee I wish all the best and good health and God’s blessings on Fr. Denis for the continuation of his Mission..
Finally, you Thottam parishioners are really lucky to have a dinamic priest like Fr. Denis
ಬಾಬ್ ನಾನು ಮರೋಲ್,
ಫಾ ಡೆನಿಸ್ ಡೆಸಾ ಹಾಂಚ್ಯಾ ವಿಶಿಂ ಭೋವ್ ಅಪುರ್ಬಾಯೆಚೆ ಲೇಖನ್ ತುಮಿಂ ಸಾದರ್ ಕೆಲಾಂ. ಫಾ ಡೆನಿಸ್ ಡೆಸಾ ಹಾಂಚ್ಯಾ ಮಿಸಾಂವ್ ವಾವ್ರಾಚ್ಯೊ ಹರ್ಯೇಕ್ ಘಡಿಯೊ ಲೊಕಾಂಕ್ ಪ್ರೇರಿತ್ ಆನಿ ಪ್ರಭಾವಾನ್ ಭರ್ತಾತ್, ಜಾಂವ್ ಅಧ್ಯಾತ್ಮಿಕ್, ಜಾಂವ್ ಧಾರ್ಮಿಕ್, ಜಾಂವ್ ಸಾಮಾಜಿಕ್ ಯಾ ಸಂಗೀತ್ ಪ್ರಕಾರಾಂತ್. ಹೊ ಏಕ್ ಭರ್ಲೆಲೆ ಕಣಸ್. ಆಮಿ ಫಕತ್ ತಾಚೊ ಸ್ವಾದ್ ಜೊಡುನ್ ಆಸಾಂವ್. ತಾಂಚೊ ಘಜ್ಘಜಿತ್ ತಾಳೊ, ವಿಂಚುನ್ ಕಾಡ್ಚಿ ವಿಂಚ್ಣಾರ್ ಉತ್ರಾಂ ಆಯ್ಕೊವ್ಪ್ಯಾಂಕ್ ದುಸ್ರ್ಯಾಚ್ಚ್ ಸಂಸಾರಾಂತ್ ಧಲಯ್ತಾತ್. ಜೊಕ್ತ್ಯಾ ವೆಳಾರ್ ಹೆಂ ಲೇಖನ್ ಪ್ರಸ್ತುತ್ ಕೆಲ್ಲ್ಯಾ ಬಾಬ್ ನಾನು ಮರೋಲ್ ತುಮ್ಕಾಂಯೀ ದೇವ್ ಬರೆಂ ಕರುಂ.
ಫಾ ಡೆನಿಸ್ ಡೆಸಾ ತುಮ್ಕಾ ಜಲ್ಮಾ ದಿಸಾಚೆ ಶುಭಾಶಯ್ ಆನಿ ತುಮ್ಚ್ಯಾ ಮುಖ್ಲ್ಯಾ ವಾವ್ರಾಕ್ ಬರೆಂ ಅಶೆತಾಂ.
ಲಾಂಬ್ ಜಿಯೊಂ ಕೊಂಕಣಿ, ಕೊಂಕಣಿಚೆ ಬರೆಂ ಜಾಂವ್
Congratulations Dear Fr. Denis DSa on the occasion of your 60th birthday. May Almighty God bless you with good health and happiness. Your service to the Diocese of Udupi as PRO has been exemplary. Nanu Marol Thottam has highlighted the finer qualities of Fr. Denis DSa in this comprehensive article.
I am a big fan of Fr. Denis D’Sa, and Nanu I really enjoyed your article. It’s impressive how he has handled significant responsibilities in the past and is now serving as the parish priest of a small church like Thottam. His ability to unite parishioners and promote harmony among different religions is truly inspiring.
Fr. D’Sa is a true example of what we need from our religious leaders. Happy birthday, Fr. D’Sa! May God bless you with good health and peace so that you can continue to inspire many with your unique qualities.
Absolutely true Nanu. Fr. Denis is not only a priest with immense talents but a person who will go all out to support the talents of others. A true diamond to our community. Happy Diamond B’day Fr. Denis.
ವಜ್ರಾ ಥಾವ್ನ್ ಪ್ಲಾಟಿನಮ್
ಪ್ಲಾಟಿನಮ್ ಥಾವ್ನ್ ಸೆಂಚುರಿ
ಜಿಯೆಯಾ ಹ್ಯಾ ಸಂಸಾರಿಂ
ಫಾವೊ ಜಾವ್ನ್ ಭಲಾಯ್ಕಿ ಬರಿ
ಭಾಗಿ ಜಲ್ಮಾದೀಸ್ ಮಾಗ್ತಾಂ
ಮಿಸಾಂವಾಕ್ ಬರೆಂ ಆಶೆತಾಂ