ಪಾಟ್ಲ್ಯಾ 36 ವರ್ಸಾಂಥಾವ್ನ್ ಯುಎಯಿಂತ್ ದುಬೈ ಆನಿ ಶೆಜಾರ್ಚ್ಯಾ ಶೆರಾನಿಂ ವಸ್ತಿ ಕರ್ಚ್ಯಾ ಕೊಂಕಣಿ ಲೊಕಾಚಿಂ ಕಾಳ್ಜಾ ಮನಾಂ ಜಿಕ್ಲೆಲೆಂ, ಆಪ್ಲ್ಯಾ ನಿಸ್ವಾರ್ಥ್ ಆನಿ ಸಮಾಜೆಚ್ಯಾ ಉದರ್ಗತೆಕ್ ಪೂರಕ್ ಜಾಂವ್ಚ್ಯಾ ತಸಲ್ಯಾ ಯೋಜನಾಂ ಮುಕಾಂತ್ರ್ ಗಲ್ಫ್ ರಾಶ್ಟ್ರಾನಿಂ ಮಾತ್ರ್ ನಂಯ್ ಆಸ್ತಾಂ, ಆಪ್ಲ್ಯಾ ಮಾಂಯ್ ಗಾಂವ್ಚ್ಯಾ ಸಭಾರ್ ಕುಟ್ಮಾಂಕ್, ಭಲಾಯ್ಕೆ ಕೇಂದ್ರಾಂಕ್, ದೇವ್ ತೆಂಪ್ಲಾಂಕ್, ಪಿಡೆಸ್ತಾಂಕ್, ವಿದ್ಯಾರ್ಥಿಂಕ್ ಕುಮ್ಕೆಚೊ ಖಾಂದ್ ಜಾಲ್ಲೆಂ ಮ್ಯಾಂಗಲೋರ್ ಕೊಂಕಣ್ಸ್ ದುಬೈ, ಫ್ಯಾಮಿಲಿ ಫಿಯೆಸ್ಟಾ 2024 ಮ್ಹಳ್ಳೆಂ ವ್ಹಡ್ ಮನೋರಂಜನಾಚೆಂ ಕಾರ್ಯೆಂ ಘೆವ್ನ್ ಮುಕಾರ್ ಆಯ್ಲಾಂ.
ಶ್ಯಾಥಿವಂತ್ ಆನಿ ಕೊಂಕ್ಣೆಚೊ ವ್ಹಡ್ ಸಮರ್ಥಕ್ ಮ್ಹಣ್ ನಾಂವಾಡ್ಲೆಲೊ, ಉದ್ಯಮ್ ಮಾತ್ರ್ ನಂಯ್ ಸಮಾಜ್ ಸೆವೆಂತ್ ಸಯ್ತ್ ನಾಂವ್ ಜೊಡ್‌ಲ್ಲೊ, ಮ್ಯಾಂಗಲೋರ್ ಕೊಂಕಣ್ಸ್ ದುಬೈ ಹಾಚೊ ಅಧ್ಯಕ್ಷ್ ಜೇಮ್ಸ್ ಮೆಂಡೋನ್ಸಾ ಹಾಚ್ಯಾ ಮುಕೆಲ್ಪಣಾರ್, ಸ್ಟೇಫನ್ ವಾಮಂಜೂರ್ ಹಾಚ್ಯಾ ಮುಖೆಲ್ ಸಂಯೋಜನಾರ್, ಮ್ಯಾಂಗಲೋರ್ ಕೊಂಕಣ್ಸ್ ದುಬೈ ಹಾಚೆ ಸಾಂದೆ ಡಿಸೆಂಬರಾಚ್ಯಾ ಆಟ್ ತಾರ್ಕೆರ್ ಶಾರ್ಜಾ ವಾಂಡರರ್ಸ್ ಕ್ಲಬ್ ಹಾಂಗಾಸರ್ ಚಲ್ಚ್ಯಾ ಫ್ಯಾಮಿಲಿ ಫಿಯೆಸ್ಟಾ 2024 ಕಾರ್ಯಾಕ್ ವ್ಹಡಾ ಸಂಭ್ರಮಾನ್ ತುಮ್ಕಾಂ ಯೆವ್ಕಾರ್ ಮಾಗ್ತಾತ್.
ಜೇಮ್ಸ್ ಮೆಂಡೋನ್ಸಾ
ಹ್ಯಾ ಕಾರ್ಯಾಂತ್ ನಾಚ್, ಸಂಗೀತ್, ಡಿಜೆ, ಕ್ರಿಸ್‌ಮಸ್ ಕ್ಯಾರೊಲ್ಸ್, ಮಿನಿ ಸಾಂತಾಕ್ಲೊಸ್, ದೊರಿ ವೊಡ್ಚೊ ಸ್ಪರ್ಧೊ, ಜೈವ್ ಡ್ಯಾನ್ಸ್, ತೋಂಡ್ ಪಿಂತ್ರಾವ್ಣಿ, ಭುರ್ಗ್ಯಾಂಕ್ ವಿವಿಧ್ ಖೆಳ್, ಗಾಂವ್ಚ್ಯಾ ಆನಿ ವಿವಿಧ್ ದೇಶಾಚಿಂ ಖಾಣಾಂ ಪಕ್ವಣಾಂ, ಲಕ್ಕಿ ಗೇಮ್ಸ್ ಆಶೆಂ ಲ್ಹಾನಾಥಾವ್ನ್ ವ್ಹಡಾಂಪರ್ಯಾಂತ್ ಭರ್ಪೂರ್ ಮನೋರಂಜನಾಚೆಂ ಫೆಸ್ತ್‌‌ಚ್ ಚಲ್ತೆಲೆಂ. ಭಾರತಾಥಾವ್ನ್ ವಿಶೇಸ್ ಜಾವ್ನ್ ಹ್ಯಾ ಕಾರ್ಯಾಚಿ ಸೊಭಾಯ್ ಚಡಂವ್ಚ್ಯಾಕ್ ಕಲಾಕಾರಾಚೆಂ ಯೆಣೆಂ ಜಾತೆಲೆಂ.
ಮ್ಯಾಂಗಲೋರ್ ಕೊಂಕಣ್ಸ್ ಆಪ್ಲ್ಯಾ ಉತ್ತೀಮ್ ಕಾಲೆತಿಚ್ಯಾ ಕಾರ್ಯಾ-ಸೊಭಾಣಾಖಾತಿರ್ ನಾಂವ್ ವೆಲಾಂ ಜಾಲ್ಲ್ಯಾನ್, ಹ್ಯಾ ವ್ಹಡ್ ಕಾರ್ಯಾತೆವ್ಶಿಂ ಯುಎಯಿಚೆ ಸಯ್ರೆ ದೀಶ್ಟ್ ತೆಂಕುನ್ ಆಸಾತ್. ಚಡಿತ್ ವಿವರಾಕ್ ಮ್ಯಾಂಗಲೋರ್ ಕೊಂಕಣ್ಸ್ ಸಾಂದ್ಯಾಂಕ್ ಸಂಪರ್ಕ್ ಕರುಂಕ್ ವಿನತಿ ಆಸಾ. ಮುಕ್ಲ್ಯಾ ದಿಸಾನಿಂ ಚಡಿತ್ ವಿವರ್ ಫಾಯ್ಸ್ ಜಾತಲೊ.
