ವಿಲ್ಸನ್, ಕಟೀಲ್
ವಿಲ್ಸನ್, ಕಟೀಲ್ ಹ್ಯಾ ಲಿಕ್ಣೆನಾಂವಾರ್ ಬರಂವ್ಚೊ ವಿಲ್ಸನ್ ರೋಶನ್ ಸಿಕ್ವೇರಾ ಕಟೀಲ್ ಫಿರ್ಗಜೆಚೊ. ಕವಿತಾ, ಕಾಣಿಯೊ, ಲೇಕನಾಂ ಆನಿ ಪ್ರಬಂದ್ ಅಶೆಂ ವಿಲ್ಸನಾಚೆಂ ಬರಪ್ ಫಾಯ್ಸ್ ಜಾಯ್ನಾತ್ಲೆಂ ಪತ್ರ್, ಜಾಳಿಜಾಗೊ ಕೊಂಕ್ಣೆಂತ್ ಬೋವ್‌ಶಾ ಆಸಾ. ದಸರಾ ಕವಿಗೋಷ್ಠಿ, ರವೀಂದ್ರನಾಥ್ ಠಾಗೋರ್ 150 ಜಲ್ಮಾಫೆಸ್ತಾಚಿ ಕವಿಗೋಷ್ಠಿ ಅಶೆಂ ಜಾಯ್ತ್ಯಾ ಕವಿಗೋಷ್ಠಿಂನಿ ತಾಣೆ ವಾಂಟೊ ಘೆತ್ಲಾ. ಆಕಾಶ್‌ವಾಣಿ, ದೂರ್‌ದರ್ಶನಾಂತ್ ತಾಚ್ಯೊ ಕವಿತಾ ಪ್ರಸಾರ್ ಜಾಲ್ಯಾತ್. ಪದಾಂಚ್ಯಾ ಉತ್ರಾಂ ಖಾತಿರ್ ದೊನ್ ಪಾವ್ಟಿಂ ಕೊಂಕಣಿ ಗ್ಲೋಬಲ್ ಮ್ಯೂಸಿಕ್ ಎವಾರ್ಡ್ ತಾಣೆ ಆಪ್ಣಾಯ್ಲಾ. ತಮಿಳ್ ಭಾಸ್ ಜಾಣಾ ಆಸ್ಚೊ ತೋ ಕನ್ನಡಾಂತೀ ಬರಯ್ತಾ. ’ದೀಕ್ ಆನಿ ಪೀಕ್’ (ಪ್ರಗತಿ ಛಾಪೊ) ಕವಿತಾ ಜಮೊ, ಪಾವ್ಳೆ(ಕವಿತಾ ಟ್ರಸ್ಟ್) ಚುಟುಕಾಂಚೊ ಜಮೊ ತಾಚೆ ಪರ್ಗಟ್ ಜಾಲ್ಲೆ ಬೂಕ್. ’ತಸ್ವೀಂತ್’ ಬುಕಾಂತ್ ಕಲಾಕಾರ್ ವಿಲ್ಸನ್ ಕಯ್ಯಾರಾಚಾ ತಸ್ವೀರ‍್ಯಾಂಕ್ ತಾಣೆ ಕವಿತಾ ಬರಯ್ಲ್ಯಾತ್. ತಾಚಿ ಪತಿಣ್ ಪ್ರಿಯಾ ಮರಿಯಾ ಸಿಕ್ವೇರಾ ಕವಿತಾ ಬರಯ್ತಾ.
Recent Archives
- ಗರ್ದನಾ ಗೊಟ್ಯಾಚ್ಯೊ ಕವಿತಾ
- 9 ವ್ಯಾ ವರ್ಸಾಕ್ ರೇಡಿಯೋ ಸಾರಂಗ್
- ಪದ್ ಆಜೂನ್ ಧಾಡುಂಕ್ ನಾ...
- ಏಕ್ ಫುಲ್, ರಾಸ್ ಖೊಲೆ
- ದಾಯ್ಜಿವಲ್ಡ್ ಟಿವಿಚೆರ್ ’ವಿಲ್ಪಿ’ಚೊ ತಾಳೊ ಗಾಯ್ತಲೊ
- ಭೊಗ್ಣಾಂ ಪಿಯೆಲ್ಲಿಂ ಸಂಗೀತ್ ಲ್ಹಾರಾಂ - ನಶಾ!
- ಬಾಯೆಚೆಂ ಮಾಗ್ಣೆಂ
- ಏಕ್ ’ಜೀಬ್’ ಪ್ರಸಂಗ್ !
- ಡಬ್ಬಿಂಗ್ ಸಮಸ್ಸೊ ಆನಿ ಮಲಯಾಳಮ್ ಸಿನೆಮಾಂಚಿ ದೇಕ್
- ಬಿದಿವೇಶ್ಯೆಕ್ ಏಕ್ ಮೊಗಾಪತ್ರ್
- ಹಾಂವ್ ಆನಿ ಎಚ್ಚೆಮ್- ಸಾಹಿತಿಕ್ ಒಳೊಕ್!
- ಸೊಭಾಣಾಂ ಆನಿ ಸಂಗೀತ್
- ಮ್ಹಜೆಂ ಪಯಿಲ್ಲೆಂ ತಮಿಳ್ ಪದ್!
- ಕೊಂಕ್ಣಿ ಸಮಾಜೆಚೆಂ ನಾಂವ್ ’ರೋಶನ್’ ಕೆಲ್ಲೊ ತರ್ನಾಟೊ - ರೋಶನ್, ಬೆಳ್ಮಣ್
- ಖಡ್ಪಾಚ್ಯಾ ತಡಿರ್ ಬಸೊನ್...
- ಸುರ್ ಸುಂರ್ಗಾರ್ - ಸೊಭಂವ್ಕ್ ಯೆಯಾ!
- ಪಪ್ಪಾಕ್
- ಭಿಕಾರಿ ಆನಿ ಪಿಜ್ಜಾ
- ಉಡೊನ್ ಪಡೊನ್ ಧಾಂವ್ಚ್ಯಾ ರೊದಾ...
- ದೀ ಗೊ ಆವಾಜ್...
- ರಾಜಕೀಯಾಚಿ ನ್ಹಿಸಣ್ ಚಡೊಂಕ್... ಅಕಾಡೆಮಿ ಸ್ಟೂಲ್ ?
- ನೆಲ್ಲು ಆಯ್ಲಾ ಘೆವ್ನ್ ನವೊ ನಾಟಕ್ - SBG ಟ್ರಾವೆಲ್ಸ್
- ಮೋಗ್ಚ್ ದೇವ್ ಮ್ಹಣ್ ಲೆಕ್ತೆಲ್ಯಾಂಕ್ ವಿಲ್ಫಿಚಿ ಪದಾಂಚ್ ಕಂತಾರಾಂ!
- ಟಿ.ವಿ. V/S ಬೂಕ್
- ಜಾಗೋ ಸಾಹಿತಿ ಜಾಗೋ...!
- ಪದ್ ಫುಲ್ಚ್ಯಾ ವೆಳಾ...
- ಮಾಸಾ ಆಂಗಡ್
- ಸಂಗೀತಾಚೊ ಸುಂರ್ಗಾರ್ - ತುಜೆಂ ರುಪ್ಣೆಂ
- Dony's ಹೀರೋ - Always Ours!
- ಜಲ್ಮಾದಿಸಾ
- ಕೊಂಕ್ಣಿ ಮಾನ್ - ನಶ್ಟಾ ದೀಸ್ !
- ಮ್ಹಾಕಾಯ್ ಸಾಹಿತಿ ಜಾಯ್ಜೆ !
- ವಾಟ್ಸುರ್ಯಾಚೆ ಆಕ್ಲಾಸ್
- ಸ್ಖಲನ್
- ಉತ್ರಾಂಕ್ ಚಾಕ್ಣ್ಯಾಚೆಂ ಮೋಲ್ ?
- ಮ್ಹಜ್ಯಾ ವೊಡ್ತಾಂತ್ಲಿಂ ಫುಲಾಂ
- ಏಕ್ ಸಂದರ್ಶನ್ - ದೆವಾಚ್ಯಾ ನಾಂವಾನ್
- ಪಿಯಾವಾಚಿಂ ಕಾಂಯ್ ದುಕಾಂ
- ದಾಭೋಲ್ಕರಾಕ್ ಶ್ರದ್ಧಾಂಜಲಿ
- ಕಾಶ್ಟೆ ಪರ್ಯಾಂತ್ ಪಾವ್ಲ್ಲೆಂ ಕೊಂಕ್ಣಿ ದುರಂತ್ - ಮ್ಯೂಝಿಯಂ !
- ಆತಾಂ ಮೊನಿ ರಾಂವ್ಚ್ಯಾಂಕ್ ಏಕ್ ದೀಸ್ ಬೂದ್ ಕಳ್ಟೆಲಿ - ಸುರೇಶ್ ಭಟ್, ಬಾಕ್ರೆಬಯ್ಲ್
- ರಾಜಕೀಯ್ ಮನ್ಶ್ಯಾಂಕ್ ಲೊಕಾಚೊ ಹುಸ್ಕೊ ನಾ - ಶಿವಸುಂದರ್
- ಸಾಹಿತ್ಯ್ ಜಿಣ್ಯೆ ಅನ್ಬೋಗಾಂತ್ಲ್ಯಾನ್ ಯೇಜೆ - ಬಾ| ವಾಲ್ಡರ್
- ರೋಳ್ಣ್
- ಪಾಡ್ಕೊ
- ವೈಗ್ಯಾನಿಕ್ ಜ್ಯೋತಿಶಿಚೆಂ ಬೊಲ್ಮೆಂ
- ರುಕಾರ್ ದುಡು ಜಾಯ್ನಾ . . .
- ಕಸ್ಲಿ ಧಾರುಣಾಯ್!
- ಅಸ್ಪ್ರಶ್ಯ್
- ಬಿಯೆರ್ ಬೊತ್ಲೆಕ್
- ದುರಂತ್ ಕಾಣಿ ಜಾಲ್ಲೊ ಆನಂದಾಗರ
- ಸೀನಪ್ಪಣ್ಣಾಚಿ ಆಮ್ಲೆಟ್ ಗಾಡಿ
ಬಿಯೆರ್ ಬೊತ್ಲೆಕ್
[ ಕೊಂಕಣಿಂತ್ ಬರಂವ್ಚ್ಯಾ ಮಂಗ್ಳುರ್ಚ್ಯಾ ಕವಿಂ ಪಯ್ಕಿ ಕಟೀಲ್ಚೊ ವಿಲ್ಸನ್ , ಸಂವೇದನಾಶೀಲ್ ಕವಿ. ಆಪ್ಲ್ಯಾ ಭಂವ್ತಣಿಚ್ಯಾ ಸಮಾಜೆಂತ್ ಘಡ್ಚ್ಯಾ ಅಸಮತೋಲಿತ್ ಘಡಿತಾಂಚಿ ನಾಡ್ ಪಾರ್ಕುನ್, ಉತ್ರಾಂನಿಂಚ್ ಜಬರ್‌ದಸ್ತ್ ಸ್ಪಂದನ್ ಕರ್ಚಿ ತಾಂಕ್ ತಾಚ್ಯಾ ಕಾವ್ಯಾಕ್ ಆಸಾ. ಮತಾಂದ್ಳ್ಯಾಂನಿ ಮಂಗ್ಳುರಾಂತ್ ಇಗರ್ಜಾಂಚೇರ್ ಭಜ್ರಂಗಿಂನಿ ಧಾಡ್ ಘಾಲ್ಲೇ ತವಳ್, ಪಬ್ಬಾಚೆರ್ ರಾಮಾಚ್ಯಾ ಸಯ್ನಾಚ್ಯಾಂನಿ ಧಾಡ್ ಘಾಲ್ಲೇ ತವಳ್ , ಸರ್ಕಾರಾನ್ ಗೊರ್ವಾಂ ಕಸಾಯ್ ಕಾಯ್ದೊ ಥಾಪುಂಕ್ ಪಳೆತಾನಾ ಆನಿ ರಯ್ತ್ ಗ್ರೆಗರಿ ಪತ್ರಾವೊಚಿ ಫಳಾಧಿಕ್ ಭುಂಯ್ ಗಿಳುಂಕ್ ಪಳೆತಾನಾ , ಫಕತ್ ಕೊಂಕ್ಣೆಂತ್ ಮಾತ್ ನಯ್, ಕನ್ನಡಾಂತೀ ಬರವ್ನ್ ಆಪ್ಲ್ಯಾ ಕಾವ್ಯಾಂತ್ ಪ್ರತಿರೋಧ್ ದಾಕಯಿಲ್ಲೊ ಕವಿ ತೋ. ತಾಚ್ಯೊ ಅಸಲ್ಯೊ ಜಾಯ್ತೆ ಕವಿತಾ ಕನ್ನಡಾಂತ್ ಗೌರಿ ಲಂಕೇಶ್ ಪತ್ರಾರ್ ಫಾಯ್ಸ್ ಜಾಲ್ಯಾತ್. ಮಂಗ್ಳುರಾಂತ್ ಆಯ್ಲೆವಾರ್ ಹೋಮ್‌ಸ್ಟೇಂತ್ ಜಲ್ಮಾದೀಸ್ ಆಚರ್ಸುಂಚ್ಯಾ ಭುರ್ಗ್ಯಾಂಚೆರ್ ಜಾಲ್ಲ್ಯಾ ಹಲ್ಲ್ಯಾ ವಿಶ್ಯಾಂತ್ ಹಿ ಕವಿತಾ ಉಲಯ್ತಾ, ವಿಲ್ಸನಾಚ್ಯಾ ಖಾಸ್ ಶಯ್ಲೆಂತ್. ಮಂಗ್ಳುರಾಂತ್ ಜಾಲ್ಲೆಂ ಹೆಂ ಅಮಾನುಶ್ ಘಡಿತ್ ಖಂಡನ್ ಕರ್ನ್ ಕೊಂಕ್ಣಿ ಕವಿಂನಿ ಬರಯಿಲ್ಲ್ಯೊ ಕವಿತಾ ಕವಿತಾ. ಕೊಮ್ ( konkanipoetry.com ) ಹಾಂಗಾಸರ್ ಆಸಾತ್ ]
ಬಿಯೆರ್ ಬೊತ್ಲೆ, ಬಿಯೆರ್ ಬೊತ್ಲೆ
ತಕ್ಲೆರ್ ತಾಂಚ್ಯಾ ಫುಟ್!
ಮೆಂದ್ವಾಕ್ ಖೊಂವ್ಚಿ ತೊಪುನ್ ವಿಚಾರ್
‘ಸುಟಯ್ಜೆ ಹಿಂದುತ್ವಾ ಭುತ್?’
ಬಿಯೆರ್ ಬೊತ್ಲೆ, ಬಿಯೆರ್ ಬೊತ್ಲೆ
ತೊಂಡಾಂತ್ ತಾಂಚ್ಯಾ ಫುಟ್!
ವೊಂಟಾಂಕ್ ಖೊಂವ್ಚಿ ತೊಪುನ್ ವಿಚಾರ್
‘ತುಂಯ್ ವೊಡಿನಾಂಯ್ ಘೊಟ್?’
ಬಿಯೆರ್ ಬೊತ್ಲೆ, ಬಿಯೆರ್ ಬೊತ್ಲೆ
ಹರ್ದ್ಯಾರ್ ತಾಂಚ್ಯಾ ಫುಟ್!
ಕಾಳ್ಜಾಕ್ ಖೊಂವ್ಚಿ ತೊಪುನ್ ವಿಚಾರ್
‘ರಗ್ತಾಂತ್ ಪಾರ‍್ಕಿಶಿ ಜಾತ್?’
ಬಿಯೆರ್ ಬೊತ್ಲೆ, ಬಿಯೆರ್ ಬೊತ್ಲೆ
ಬೊಂಬ್ಲೆರ್ ತಾಂಚ್ಯಾ ಫುಟ್!
ಆನ್ಕಿಟೆಕ್ ಖೊಂವ್ಚಿ ತೊಪುನ್ ವಿಚಾರ್
‘ಪೊಟಾಕ್ ಖಾತಾಯ್ ಶಿತ್?’
ಬಿಯೆರ್ ಬೊತ್ಲೆ, ಬಿಯೆರ್ ಬೊತ್ಲೆ
ಪೆಂಕ್ಡಾರ್ ತಾಂಚ್ಯಾ ಫುಟ್!
ಬಾಯ್ಲಾಂಕ್ ಮಾರ‍್ಚೆಂಚ್ ಪುರುಶತ್ವ್ ತರ್
ತೆಂ ದಾಕ್ಶೆನಾಸ್ತಾಂ ಭೆತ್!
***
ಬಿಯೆರ್ ಬೋತ್ಲ್ ತಾಪ್ಲಿ ಆತಾಂ
ಸುರ‍್ವೆರ್ ಆಸ್ಲಿ ಥಂಡ್
ಗುಡ್ದಿ ತಿಚಿ ಉಗಡ್ಚೆ ಆದಿಂ
ಹಾಂವ್‌ಚ್ ಉಗಡ್ತಾಂ ತೋಂಡ್
ಬಿಯೆರ್ ವಿಕ್ಚ್ಯಾ ಸರ‍್ಕಾರಾ ತುಕಾ
ವಿಚಾರ‍್ತಾಂ ಸವಾಲ್ ಏಕ್-
ಹಕ್ಕಾಚೊ ಓಪನರ್ ಹಾತಾಂತ್ ಆಸ್ತಾಂ
ಪಿಯೆಂವ್ಚ್ಯಾಂತ್ ಕಸ್ಲಿ ಚೂಕ್?
-ವಿಲ್ಸನ್, ಕಟೀಲ್
