ವಿಲ್ಸನ್, ಕಟೀಲ್
ವಿಲ್ಸನ್, ಕಟೀಲ್ ಹ್ಯಾ ಲಿಕ್ಣೆನಾಂವಾರ್ ಬರಂವ್ಚೊ ವಿಲ್ಸನ್ ರೋಶನ್ ಸಿಕ್ವೇರಾ ಕಟೀಲ್ ಫಿರ್ಗಜೆಚೊ. ಕವಿತಾ, ಕಾಣಿಯೊ, ಲೇಕನಾಂ ಆನಿ ಪ್ರಬಂದ್ ಅಶೆಂ ವಿಲ್ಸನಾಚೆಂ ಬರಪ್ ಫಾಯ್ಸ್ ಜಾಯ್ನಾತ್ಲೆಂ ಪತ್ರ್, ಜಾಳಿಜಾಗೊ ಕೊಂಕ್ಣೆಂತ್ ಬೋವ್‌ಶಾ ಆಸಾ. ದಸರಾ ಕವಿಗೋಷ್ಠಿ, ರವೀಂದ್ರನಾಥ್ ಠಾಗೋರ್ 150 ಜಲ್ಮಾಫೆಸ್ತಾಚಿ ಕವಿಗೋಷ್ಠಿ ಅಶೆಂ ಜಾಯ್ತ್ಯಾ ಕವಿಗೋಷ್ಠಿಂನಿ ತಾಣೆ ವಾಂಟೊ ಘೆತ್ಲಾ. ಆಕಾಶ್‌ವಾಣಿ, ದೂರ್‌ದರ್ಶನಾಂತ್ ತಾಚ್ಯೊ ಕವಿತಾ ಪ್ರಸಾರ್ ಜಾಲ್ಯಾತ್. ಪದಾಂಚ್ಯಾ ಉತ್ರಾಂ ಖಾತಿರ್ ದೊನ್ ಪಾವ್ಟಿಂ ಕೊಂಕಣಿ ಗ್ಲೋಬಲ್ ಮ್ಯೂಸಿಕ್ ಎವಾರ್ಡ್ ತಾಣೆ ಆಪ್ಣಾಯ್ಲಾ. ತಮಿಳ್ ಭಾಸ್ ಜಾಣಾ ಆಸ್ಚೊ ತೋ ಕನ್ನಡಾಂತೀ ಬರಯ್ತಾ. ’ದೀಕ್ ಆನಿ ಪೀಕ್’ (ಪ್ರಗತಿ ಛಾಪೊ) ಕವಿತಾ ಜಮೊ, ಪಾವ್ಳೆ(ಕವಿತಾ ಟ್ರಸ್ಟ್) ಚುಟುಕಾಂಚೊ ಜಮೊ ತಾಚೆ ಪರ್ಗಟ್ ಜಾಲ್ಲೆ ಬೂಕ್. ’ತಸ್ವೀಂತ್’ ಬುಕಾಂತ್ ಕಲಾಕಾರ್ ವಿಲ್ಸನ್ ಕಯ್ಯಾರಾಚಾ ತಸ್ವೀರ‍್ಯಾಂಕ್ ತಾಣೆ ಕವಿತಾ ಬರಯ್ಲ್ಯಾತ್. ತಾಚಿ ಪತಿಣ್ ಪ್ರಿಯಾ ಮರಿಯಾ ಸಿಕ್ವೇರಾ ಕವಿತಾ ಬರಯ್ತಾ.
Recent Archives
- ಗರ್ದನಾ ಗೊಟ್ಯಾಚ್ಯೊ ಕವಿತಾ
- 9 ವ್ಯಾ ವರ್ಸಾಕ್ ರೇಡಿಯೋ ಸಾರಂಗ್
- ಪದ್ ಆಜೂನ್ ಧಾಡುಂಕ್ ನಾ...
- ಏಕ್ ಫುಲ್, ರಾಸ್ ಖೊಲೆ
- ದಾಯ್ಜಿವಲ್ಡ್ ಟಿವಿಚೆರ್ ’ವಿಲ್ಪಿ’ಚೊ ತಾಳೊ ಗಾಯ್ತಲೊ
- ಭೊಗ್ಣಾಂ ಪಿಯೆಲ್ಲಿಂ ಸಂಗೀತ್ ಲ್ಹಾರಾಂ - ನಶಾ!
- ಬಾಯೆಚೆಂ ಮಾಗ್ಣೆಂ
- ಏಕ್ ’ಜೀಬ್’ ಪ್ರಸಂಗ್ !
- ಡಬ್ಬಿಂಗ್ ಸಮಸ್ಸೊ ಆನಿ ಮಲಯಾಳಮ್ ಸಿನೆಮಾಂಚಿ ದೇಕ್
- ಬಿದಿವೇಶ್ಯೆಕ್ ಏಕ್ ಮೊಗಾಪತ್ರ್
- ಹಾಂವ್ ಆನಿ ಎಚ್ಚೆಮ್- ಸಾಹಿತಿಕ್ ಒಳೊಕ್!
- ಸೊಭಾಣಾಂ ಆನಿ ಸಂಗೀತ್
- ಮ್ಹಜೆಂ ಪಯಿಲ್ಲೆಂ ತಮಿಳ್ ಪದ್!
- ಕೊಂಕ್ಣಿ ಸಮಾಜೆಚೆಂ ನಾಂವ್ ’ರೋಶನ್’ ಕೆಲ್ಲೊ ತರ್ನಾಟೊ - ರೋಶನ್, ಬೆಳ್ಮಣ್
- ಖಡ್ಪಾಚ್ಯಾ ತಡಿರ್ ಬಸೊನ್...
- ಸುರ್ ಸುಂರ್ಗಾರ್ - ಸೊಭಂವ್ಕ್ ಯೆಯಾ!
- ಪಪ್ಪಾಕ್
- ಭಿಕಾರಿ ಆನಿ ಪಿಜ್ಜಾ
- ಉಡೊನ್ ಪಡೊನ್ ಧಾಂವ್ಚ್ಯಾ ರೊದಾ...
- ದೀ ಗೊ ಆವಾಜ್...
- ರಾಜಕೀಯಾಚಿ ನ್ಹಿಸಣ್ ಚಡೊಂಕ್... ಅಕಾಡೆಮಿ ಸ್ಟೂಲ್ ?
- ನೆಲ್ಲು ಆಯ್ಲಾ ಘೆವ್ನ್ ನವೊ ನಾಟಕ್ - SBG ಟ್ರಾವೆಲ್ಸ್
- ಮೋಗ್ಚ್ ದೇವ್ ಮ್ಹಣ್ ಲೆಕ್ತೆಲ್ಯಾಂಕ್ ವಿಲ್ಫಿಚಿ ಪದಾಂಚ್ ಕಂತಾರಾಂ!
- ಟಿ.ವಿ. V/S ಬೂಕ್
- ಜಾಗೋ ಸಾಹಿತಿ ಜಾಗೋ...!
- ಪದ್ ಫುಲ್ಚ್ಯಾ ವೆಳಾ...
- ಮಾಸಾ ಆಂಗಡ್
- ಸಂಗೀತಾಚೊ ಸುಂರ್ಗಾರ್ - ತುಜೆಂ ರುಪ್ಣೆಂ
- Dony's ಹೀರೋ - Always Ours!
- ಜಲ್ಮಾದಿಸಾ
- ಕೊಂಕ್ಣಿ ಮಾನ್ - ನಶ್ಟಾ ದೀಸ್ !
- ಮ್ಹಾಕಾಯ್ ಸಾಹಿತಿ ಜಾಯ್ಜೆ !
- ವಾಟ್ಸುರ್ಯಾಚೆ ಆಕ್ಲಾಸ್
- ಸ್ಖಲನ್
- ಉತ್ರಾಂಕ್ ಚಾಕ್ಣ್ಯಾಚೆಂ ಮೋಲ್ ?
- ಮ್ಹಜ್ಯಾ ವೊಡ್ತಾಂತ್ಲಿಂ ಫುಲಾಂ
- ಏಕ್ ಸಂದರ್ಶನ್ - ದೆವಾಚ್ಯಾ ನಾಂವಾನ್
- ಪಿಯಾವಾಚಿಂ ಕಾಂಯ್ ದುಕಾಂ
- ದಾಭೋಲ್ಕರಾಕ್ ಶ್ರದ್ಧಾಂಜಲಿ
- ಕಾಶ್ಟೆ ಪರ್ಯಾಂತ್ ಪಾವ್ಲ್ಲೆಂ ಕೊಂಕ್ಣಿ ದುರಂತ್ - ಮ್ಯೂಝಿಯಂ !
- ಆತಾಂ ಮೊನಿ ರಾಂವ್ಚ್ಯಾಂಕ್ ಏಕ್ ದೀಸ್ ಬೂದ್ ಕಳ್ಟೆಲಿ - ಸುರೇಶ್ ಭಟ್, ಬಾಕ್ರೆಬಯ್ಲ್
- ರಾಜಕೀಯ್ ಮನ್ಶ್ಯಾಂಕ್ ಲೊಕಾಚೊ ಹುಸ್ಕೊ ನಾ - ಶಿವಸುಂದರ್
- ಸಾಹಿತ್ಯ್ ಜಿಣ್ಯೆ ಅನ್ಬೋಗಾಂತ್ಲ್ಯಾನ್ ಯೇಜೆ - ಬಾ| ವಾಲ್ಡರ್
- ರೋಳ್ಣ್
- ಪಾಡ್ಕೊ
- ವೈಗ್ಯಾನಿಕ್ ಜ್ಯೋತಿಶಿಚೆಂ ಬೊಲ್ಮೆಂ
- ರುಕಾರ್ ದುಡು ಜಾಯ್ನಾ . . .
- ಕಸ್ಲಿ ಧಾರುಣಾಯ್!
- ಅಸ್ಪ್ರಶ್ಯ್
- ಬಿಯೆರ್ ಬೊತ್ಲೆಕ್
- ದುರಂತ್ ಕಾಣಿ ಜಾಲ್ಲೊ ಆನಂದಾಗರ
- ಸೀನಪ್ಪಣ್ಣಾಚಿ ಆಮ್ಲೆಟ್ ಗಾಡಿ
ರುಕಾರ್ ದುಡು ಜಾಯ್ನಾ . . .
"ರುಕಾರ್ ದುಡು ಜಾಯ್ನಾ"
- ಮನಮೋಹನ್ ಸಿಂಗ್, ಪ್ರಧಾನ್ ಮಂತ್ರಿ
ವ್ಹಯ್, ತುಮ್ಚೆ ಪರ‍್ಮಾಣೆ
ರುಕಾರ್ ದುಡು ಜಾಯ್ನಾ.
***
ಸಾಕಾಳಿಂ ಸಾಂಜೆಚೊ ಮಂದ್ ಉಜ್ವಾಡ್
ಮಳ್ಬಾಕ್‍ಯಿ ಆಮಾಲ್ ಚಡ್ಚೊ ವೇಳ್!
ಕಾಂತಯಿಲ್ಲ್ಯಾ ಮೆಟಾಂಚೆರ್ ಪಾಂಯ್ ದವರುನ್
ತಳ್ಟ್ಯಾ ರುಕಾಚ್ಯಾ ತಕ್ಲೆಕ್ ಚಡೊನ್
ಸದಾಂಯ್ ಸುರ್ ಮುರ‍್ಚ್ಯಾ ದಿವ್ರಾಂಚ್ಯಾ ಮುದರಣ್ಣಾನ್
ಕೊಣಾಚ್ಯಾಯ್ ಕುಮ್ಕೆಕ್ ಹಾತ್ ಒಡ್ಡಾಯ್ನಾಸ್ತಾಂ
ಆವಯ್ಚ್ಯಾ ಧೊಂಪ್ರಾಗಾಂಟಿಚೆಂ ಒಪ್ರೆಶನ್ ಕರಯ್ಲಾಂ!
ವ್ಹಯ್, ತುಮ್ಚೆ ಪರ‍್ಮಾಣೆ
ರುಕಾರ್ ದುಡು ಜಾಯ್ನಾ.
***
ತಾಪ್‍ಲ್ಲ್ಯಾ ಸುರ‍್ಯಾಚ್ಯಾ ಕಟೀಣ್ ವೊತಾಂತ್
ಪರ್ಜಳ್ತಾ ಪಾಚ್ವಿ ಪ್ರಕ್ರಿತಿ!
ಹಿತ್ಲಾಭಿತರ‍್ಲ್ಯಾ ಥಂಡ್ ಸಾವ್ಳೆಂತ್‍ಯಿ
ಘಾಮೆವ್ನ್, ಮಾಡ್-ಮಾಡಿಯೊ ಚಡೊನ್
ಪೊಪ್ಳಾಂ, ನಾರ‍್ಲ್ ಕಾಡ್ಚೊ ಪೊರ‍್ಬು ಮಾರ‍್ಸೆಲ್
ಭಾಯ್ಲಿ ಸಯ್ರಿಕ್ ನೆಗಾರುನ್, ಸ್ವಂತ್ ಖರ‍್ಚಾನ್
ಆಶ್ರ್ಯಾಂತ್ಲ್ಯಾ ಚೆಡ್ವಾಲಾಗಿಂ ಕಾಜಾರ್ ಜಾಲಾ!
ವ್ಹಯ್, ತುಮ್ಚೆ ಪರ‍್ಮಾಣೆ
ರುಕಾರ್ ದುಡು ಜಾಯ್ನಾ.
***
ಥೊಡಿ ಪಾನಾಂ ನಿಸ್ತ್ಯಾಕ್ ಮಾತ್ರ್ ನ್ಹಂಯ್;
ಜಿಣಿಯೆಕ್‍ಯಿ ರೂಚ್, ಪರ‍್ಮಳ್ ದಿತಾತ್!
ಗಾಂವಾನ್ ಗಾಂವ್, ಘರಾನ್ ಘರ್ ಭೊಂವೊನ್
ಆಪ್ಣಾಕ್ ತಾಂಕ್ತಾತಿತ್ಲೆ ಫಾಂಟೆ ವೊಡುನ್
ಬೆವಾಸೊಪಾಚೊ ವ್ಯಾರ್ ಕರ‍್ಚ್ಯಾ ಕುಣ್ಬಿಣ್ ಕುಸುಮಕ್ಕಾನ್
ಆಪ್ಲ್ಯಾ ನಾತಿಚ್ಯಾ ಜಲ್ಮಾ ದಿಸಾಕ್
ರುಪ್ಯಾಚಿ ಮುದಿ ಕರುಂಕ್ ಘಾಲ್ಯಾ!
ವ್ಹಯ್, ತುಮ್ಚೆ ಪರ‍್ಮಾಣೆ
ರುಕಾರ್ ದುಡು ಜಾಯ್ನಾ.
***
ಥೊಡ್ಯಾ ಅಸ್ಕತ್ ವ್ಹಾಲಿಂಕ್‍ಯಿ
ಜಿಣಿಯೆಕ್ ಧಿಗೊ ದಿಂವ್ಚಿ ತಾಂಕ್ ಆಸ್ತಾ!
ಘರಾಮುಕ್ಲ್ಯಾ ತಿರ‍್ಕುಟ್ ಸುವಾತೆರ್
ಬೇಲ್ ಲಾವ್ನ್, ಸಾರೆಂ ಘಾಲುನ್, ಪೋಸ್ ಕರುನ್
ಸಾಂತೆಂತ್ ಪಾನಾಂ ವಿಕ್ಚ್ಯಾ ವಿಧವ್ ತೆರೆಜ್‍ಬಾಯೆನ್
ಕುಟ್ಮಾಚ್ಯಾ ಸಸಾಯೆವಿಣೆಂ ಧುವೆಕ್ ನರ‍್ಸಿಂಗ್ ಶಿಕಯ್ಲಾಂ!
ವ್ಹಯ್, ತುಮ್ಚೆ ಪರ‍್ಮಾಣೆ
ರುಕಾರ್ ದುಡು ಜಾಯ್ನಾ.
***
ಪೆಂಕ್ಡಾಪರ‍್ಯಾಂತ್‍ಯಿ ವಾಡನಾತ್ಲಿಂ ಥೊಡಿಂ ಝಡಾಂ
ಜಿಣೆಂ ರೊಂಬೊನ್ ವಚನಾಶೆಂ ರಾಕೊನ್ ವರ‍್ತಾತ್!
ಖಂಯ್‍ಥಾವ್ನ್‍ಗಿ ಮೊಲಾಯಿಲ್ಲೆಂ ಭಾತೆಣ್
ವೆಪಾರಾಕ್ ಮೊಸಾಚೊ ಕೇದ್ ಲಾಗನಾಶೆಂ ವಿಕ್ಚೊ
ಧವೆಂ ಖೊಮಿಸ್, ಧವ್ಯಾ ಪುಡ್ವ್ಯಾಚೊ ನಾಯ್ತೊ ಇದಿನಬ್ಬಾನ್
ನವ್ಯಾ ಘರಾಕ್ ಬುನ್ಯಾದ್ ಘಾಲ್ಯಾ!
ವ್ಹಯ್, ತುಮ್ಚೆ ಪರ‍್ಮಾಣೆ
ರುಕಾರ್ ದುಡು ಜಾಯ್ನಾ.
***
ಮೊಗ್ರ್ಯಾಂಕ್ ಮೋಲ್ ಬಾಂದ್ಯೆತ್
ಪೂಣ್ ತಾಂಚ್ಯಾ ಪರ‍್ಮಳಾಕ್?
ಗುಡ್ಸುಲಾಮುಕ್ಲ್ಯಾ ನೆಂಟ್ಯಾ ಆಂಗ್ಣಾಂತ್ ಲಾವ್ನ್,
ಉದಕ್ ವೊತ್‍ಲ್ಲ್ಯಾ ಕಳ್ಯಾ ಜಡಾಕ್ ಆಂಕ್ರಿ ಫುಟೊನ್
ಎಕಾ ಸಾಕಾಳಿಂ ದೆಕ್‍ಲ್ಲೊ ಪಯ್ಲೊ ಬೊಂಗೊ ಪಳೆವ್ನ್
ರಿಣಾಚಿ ಖಂತ್ ವಿಸ್ರೊನ್ ಹಾಂವ್‍ಚ್ ಫುಲೊನ್ ರಾವ್ಲಾಂ!
ವ್ಹಯ್, ತುಮ್ಚೆ ಪರ‍್ಮಾಣೆ
ರುಕಾರ್ ದುಡು ಜಾಯ್ನಾ.
***
ಮಾತಿಯೆಂತ್ ರೂಕ್ ಝಡಾಂ ವಾಡ್ಟಾತ್
ತಾಂತು ದುಬ್ಳ್ಯಾಂಚೆಂ
ಜಿವಿತ್ ಫುಲ್ತಾ.
ತುಮ್ಚ್ಯಾ ಲೆಕಾಪ್ರಕಾರ್
ದುಬ್ಳ್ಯಾಂಚ್ಯಾ ಜಿಣಿಯೆಕ್ ಮೋಲ್ ನಾ
ತಶೆಂ, ’ರುಕಾರ್ ದುಡು ಜಾಯ್ನಾ’...
ದುಡ್ವಾಮಂತ್ರಿಂಕ್ ಕಳ್ನಾತ್ಲಿ ಗಜಾಲ್ ಗಿ ಹಿ-
ಜಾಯ್ತ್ಯಾಂಕ್ ದುಡು ಮೆಳ್ಳ್ಯಾರಿ
ಜಿವಿತ್ ಮೆಳ್ನಾ...
ದುಡ್ವಾನ್ ಜಿವಿತ್ ಮೊಲಾಂವ್ಕ್ ಜಾಯ್ನಾ!
- ವಿಲ್ಸನ್, ಕಟೀಲ್
(ಸ್ಪೂರ‍್ತಿ: ಸೆಪ್ತೆಂಬರ್ ೨೪ ತಾರಿಕೆಚ್ಯಾ, ’ವಾರ‍್ತಾಭಾರತಿ’ ಕನ್ನಡ ದಿಸಾಳ್ಯಾಚೆಂ ಸಂಪಾದಕೀಯ್)
