Kittall Media Network

Kittall Media Network

KITTALL is a unique Konkani literary website. It is the dream project of well-known Konkani writer and critic Henry Mendonca popularly known as H M Pernal. Kittall carries short stories , poems , essays , novel series, columns by reknowned writers, interview with writers and artists , videos, review on new books , music and art . It also publishes Special reports of Konkani events and news related to konkani literature , art and music. KITTALL was inaugurated on 5th February 2011 by celebrated Konkani poet , President , Kavita Trust and Director (operations) of Daijiworld Media Private Limited, Mr. Melvyn Rodrigues.

Recent Archives

ಕೊಂಕಣಿ 'ವಚನ' ಸಂಪುಟ ಲೋಕಾರ್ಪಣಾ ಸುವಾಳೊ

Kittall Media Network        2017-12-19 19:03:17
  |     |  



 

ಬಸವ ಸಮಿತಿ, ಬೆಂಗಳೂರು ಹಾಂಗೆಲೊ ಬಹುಭಾಷಾ ವಚನ ಅನುವಾದ ಯೋಜನೆರಿ ಕನ್ನಡಾಚೆ 175 ವಚನಕಾರಾಂನಿ 2500 ವಿಂಚುನ ಕಾಳೆಲೆ ವಚನ ಪ್ರಾತಿನಿಧಿಕ ಸಂಕಲನ 73 ಭಾರತೀಯ ಭಾಷಾಕ ಅನುವಾದ ಕರನು ಗ್ರಂಥ ರೂಪಾರಿ ಪ್ರಕಟ ಕೆಲಾಂ. ಹೆ ಯೋಜನೆರಿ ದಿವಂಗತ. ಡಾ. ಎಂ. ಎಂ. ಕಲಬುರ್ಗಿ ಹಾಂಗೆಲೊ ಪ್ರಧಾನ ಸಂಪಾದಕತ್ವಾರಿ 73 ಭಾಷಾ ಸಂಪಾದಕಾಂನಿ ತಶೀಂಚಿ 200 ಕೀ ಚಡ ಅನುವಾದಕಾರಾಂನಿ ಮೆಳನು ಹೆಂ 73 ಭಾಷಾ ವಚನ ಅನುವಾದ ಸಂಪುಟ 2017 ಎಪ್ರಿಲ್ 29, ಬಸವ ಜಯಂತಿ ಸಂದರ್ಭಾರಿ ನವದೆಹಲಿ ಚಾ ವಿಜ್ಞಾನ ಭವನಾಂತ ಸನ್ಮಾನ್ಯ ಪ್ರಧಾನ ಮಂತ್ರಿ ಶ್ರೀ ನರೇಂದ್ರ ಮೋದಿನ ಲೋಕಾರ್ಪಣ ಕೆಲೆಲೆಂ.

 

  

 

 

 

ಹೇಂ ಕೊಂಕಣಿ ಭಾಷೆಕ ಅನುವಾದ ಜಾವನು 'ವಚನ' ಸಂಪುಟ ಲೋಕಾರ್ಪಣಾ ಕಾರ್ಯಾವಳ ಬಸವ ಸಮಿತಿ - ಬೆಂಗಳೂರು ವತೀನ ಮಂಗಳೂರಚಾ ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನ ಸಹಯೋಗಾನ ಶಕ್ತಿನಗರ ವಿಶ್ವ ಕೊಂಕಣಿ ಕೇಂದ್ರಂತ 2017 ಡಿಸೆಂಬರ್ 10 ತಾರ್ಕೆರ ವಚನ ಕೊಂಕಣಿ ಅನುವಾದ ಗ್ರಂಥ ಪ್ರಸಿದ್ಧ ಉದ್ಯಮಿ ಆನಿ ದಾನಿ ತಶೀಂಚಿ ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನ ಚೆಯರ್‌ಮೆನ್, ಡಾ| ಪಿ. ದಯಾನಂದ ಪೈ ಹಾನ್ನಿ ಲೋಕಾರ್ಪಣ ಕೆಲೆಂ. ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ ಹಾಂಗೆಲೆ ಅಧ್ಯಕ್ಷತೇರಿ ಕಾರ್ಯಕ್ರಮ ಚಲ್ಲೆಂ.

 

ಬೆಂಗಳೂರು ಬಸವ ಸಮಿತಿ ಅಧ್ಯಕ್ಷ ಶ್ರೀ ಅರವಿಂದ ಜತ್ತಿ ಹಾನ್ನಿ ಪ್ರಾಸ್ತಾವಿಕ ಉತ್ರಂ ಉಲೋವನ ಕೊಂಕಣಿ ಸಂಸ್ಕೃತಿ ಸಾಹಿತ್ಯ ಒಟ್ಟುಚಿ- ಕನ್ನಡ ಸಂಸ್ಕೃತಿ ಹೊಂದಿಸುಚೆ ಮಹಾನ್ ಕಾರ್ಯ ಆಜಿ ಜಾಲಾಂ ಅಶಿಂ ಸಾಂಗುನ ವಿಶ್ವ ಕೊಂಕಣಿ ಕೇಂದ್ರ ಕ ಶ್ಲಾಘನ ಕೆಲೆಂ. ಕಾರ್ಯಕ್ರಮಾಚೆ ಮುಖೇಲ ಸೊಯರೆ ಮಂಗಳೂರು ಅರವಿಂದ ಮೋಟಾರ್ಸ್ ಮ್ಯಾನೇಜಿಂಗ ಡೈರೆಕ್ಟರ್ ಶ್ರೀ ಆರೂರು ಕಿಶೋರ್ ರಾವ್ ಉಪಸ್ಥಿತಿ ಆಶಿಲಿಂಚಿ.

 

ಬಸವ ಪಥ ಹಾಜೆ ಕನ್ನಡ ಪ್ರಾಧ್ಯಾಪಕ ಆನಿ ಸಂಪಾದಕ ತಶೀಂಚಿ ಮಹಾನ್ ವಿದ್ವಾಂಸ, ಡಾ. ಮೃತ್ಯುಂಜಯ ರುಮಾಲೆ ಹಾನ್ನಿ ವಚನ ಸಾಹಿತ್ಯ ಬದ್ದಲ ಉಪನ್ಯಾಸ ದಿಲೆಂ. ಆನಿ 'ವಚನ' ಕೊಂಕಣಿಕ ಅನುವಾದ ಕೆಲೆಲೆ ಡಾ| ಗೀತಾ ಶೆಣೈ ಬೆಂಗಳೂರು ಹಾನ್ನಿ ವಚನ ಸಾಹಿತ್ಯ ಬದ್ದಲ ಪರಿಚಯ ಕರನ ವಿವರಣ ದಿಲೆಂ. ಕುಮಾರಿ ಗ್ರೀಷ್ಮಾ ಕಿಣಿನ ಕೊಂಕಣಿ ಅನುವಾದ ಜಾಲೆಲೆ ವಚನ ಸುಶ್ರಾವ್ಯ ಜಾವನ ಸಾಂಗುನ ಸರ್ವಾಂಕ ವಚನ ಸಾಹಿತ್ಯ ಬದ್ದಲ ಅಭಿಮಾನ ವಾಡ್ಡಯಲೆಂ. ಡಾ. ಮಧುರಾ ಅಶೋಕ ಕುಮಾರ ಹಾನ್ನಿ ಕನ್ನಡ ವಚನ ಸಾಂಗುನ ಪ್ರಾರ್ಥನ ಕೆಲೆಂ.

 

ಬಸವ ಸಮಿತಿಚೆ ಸಂಚಾಲಕ ಶ್ರೀ ಎಸ್. ಐ. ಭಾವಿಕಟ್ಟಿ ಹಾನ್ನಿ ಸ್ವಾಗತ ಕರನ ವಂದನಾರ್ಪಣ ಸಾಂಗಲೆಂ.

 

ಹ್ಯಾ ಸುವಾಳ್ಯಾರಿ ಡಾ| ಪಿ. ದಯಾನಂದ ಪೈ, ಶ್ರೀ ಬಸ್ತಿ ವಾಮನ ಶೆಣೈ, ಶ್ರೀ ಆರೂರು ಕಿಶೋರ ರಾವ್, ಡಾ| ಮೃತ್ಯುಂಜಯ ರುಮಾಲೆ, ಡಾ| ಗೀತಾ ಶೆಣೈ, ಶ್ರೀ ಅರವಿಂದ ಜತ್ತಿ ಹಾಂಕಾ ಬಸವ ಸಮಿತಿ ವತೀನ ಸನ್ಮಾನ ಸಮಾರಂಭಯ ಚಲ್ಲೆಂ.

 

 

COMMENTS