Kittall Media Network

Kittall Media Network

KITTALL is a unique Konkani literary website. It is the dream project of well-known Konkani writer and critic Henry Mendonca popularly known as H M Pernal. Kittall carries short stories , poems , essays , novel series, columns by reknowned writers, interview with writers and artists , videos, review on new books , music and art . It also publishes Special reports of Konkani events and news related to konkani literature , art and music. KITTALL was inaugurated on 5th February 2011 by celebrated Konkani poet , President , Kavita Trust and Director (operations) of Daijiworld Media Private Limited, Mr. Melvyn Rodrigues.

Recent Archives

ವಿಶ್ವ ಕೊಂಕಣಿ ಕೇಂದ್ರ - ಪ್ರೇರಣಾ ಸಮಾವೇಶ 2017

Kittall Media Network        2017-02-22 15:52:02
  |     |  



 

ವಿಶ್ವ ಕೊಂಕಣಿ ಕೇಂದ್ರ ವಿದ್ಯಾರ್ಥಿ ವೇತನ ನಿಧಿಚೆ ಫಲಾನುಭವಿ ವಿದ್ಯಾರ್ಥಿಂನಿ ಸ್ಥಾಪನ ಕೆಲೆಲೆ 'ವಿಶ್ವ ಕೊಂಕಣಿ ಅಲ್ಯುಮ್ನಿ ಸಂಘ' ಸರ್ವ ವಿದ್ಯಾರ್ಥಿಂಗೆಲೆ ಏಕ ದಿವಸಾಚೆ ಪ್ರೇರಣಾ ಸಮಾವೇಶ ಟಿ. ವಿ. ರಮಣ ಪೈ ಕಾನ್ವೆನ್‌ಶನ ಸಭಾಂಗಣ ಕೊಡಿಯಾಲ ಬೈಲ್ ಮಂಗಳೂರಾಂತ ದಿ. 18-02-2017 ತಾರ್ಕೆರ ಚಲ್ಲೆಂ.

 

 

 

 

 

ಮಣಿಪಾಲ ಗ್ಲೋಬಲ್ ಎಜುಕೇಶನ ಸಂಸ್ಥೆ ಅಧ್ಯಕ್ಷ ಶ್ರೀ ಟಿ. ವಿ. ಮೋಹನದಾಸ ಪೈನ ವಿದ್ಯಾರ್ಥಿಂಕ ಉದ್ದೇಶಸುನ ಆಯಚೆ ದಿವಸಾಂತ ಸಮಾಜಾಂತ ಮಸ್ತ ಇತಲೆ ಬದಲಾವಣ ಜಾಯತ ಆಸಾ. ಸರ್ವ ಜನಾನಿ ತಾಂಗೆಲೆ ಭವಿಷ್ಯಾಂತ ಕಸಲೇಯ ಆಯಲಾರ ಎದುರಸುಚಾಕ ಸನ್ನದ್ಧ ಜಾವನ ಆಸುಕಾ. ಅಮೇರಿಕಾ, ಬ್ರಿಟನ್, ಆನಿ ಇತರ ದೇಶಾಂತ ಸ್ಥಳೀಯಾಂಕ ಉದ್ಯೋಗ ಅವಕಾಶ ದಿವಚೆ ಪ್ರಕ್ರಿಯಾ ಚಾಲತಿ ಆಸಾ. ಹಾಜೆ ಸಾಂಗಾತಾಕ ಅಟೋಮೇಶನ್ ಆನಿ ರೋಬೋಟ್ ತಂತ್ರಜ್ಞಾನಾಚೆಯ ಅನ್ವಯ ಚಲತಾ ಆಸಾ. ಹಾಜೆ ಪರಿಣಾಮ ಆಯಚೆ ಯುವಜನಾಂಕ ದೇಶಾಂತ ಆನಿ ವಿದೇಶಾಂತ ಉದ್ಯೋಗ ಅವಕಾಶ ಊಣೇ ಜಾಯತ ಆಸಾ. ತಾಕಾ ಆಮಗೆಲೆ ತರ್‍ನಾಟಾಂನಿ ತಾಂಗೆಲ ಭವಿಷ್ಯ ಉತ್ತಮ ಜಾವಚೆ ತಶಿ ಸ್ನಾತಕೋತ್ತರ ಪದವಿ ಆನಿ ಪಿ.ಎಚ್. ಡಿ ಅಸಲೆ ಉನ್ನತ ಶಿಕ್ಷಣ, ಪಠ್ಯ ಪುಸ್ತಕ ನಂತಾ ಭಾಯಲೆ ಜ್ಞಾನ ಸಂಪಾದನಾ, ಆಧುನಿಕ ತಂತ್ರಜ್ಞಾನ ಸಂಪಾದನಾ, ಆಧುನಿಕ ತಂತ್ರಜ್ಞಾನಾಚೆ sಸಮ್ಜಣುಕಾ, ಸಂವಹನ ಕೌಶಲ್ಯ, ಸಮಸ್ಯಾ ಪರಿಹಾರ ಕರಚೆ ಕೌಶಲ, ಆತ್ಮ ವಿಶ್ವಾಸ, ಪರಿಶ್ರಮ, ಅರ್ಪಣಾ ಮನೋಭಾವ ಸೇವಾ ಇತಲೆ ಗುಣ ಆಪಣಾವನ ಘೆವಕಾ. ಉಚ್ಛ ಶಿಕ್ಷಣ - ವಿದೇಶಾಂತ ಘೆತಲ್ಯಾರಿ ಉತ್ತಮ ಉದ್ಯೋಗ ಅವಕಾಶ ಮೆಳಚಾಕ ಸಾಧ್ಯ ಆಸಾ. ಅಮೇರಿಕಾಂತ ಉಚ್ಛ ಶಿಕ್ಷಣಾ ಸ್ವಲ್ಪ ದುಬಾರಿ. ಐರೋಪ್ಯ ದೇಶಾಂತ ಶಿಕ್ಷಣಾಚೆ ಶುಲ್ಕ ಊಣೆ ಆಸಾ. ಅಶಿಂ ಶ್ರೀ ಟಿ. ವಿ. ಮೋಹನದಾಸ ಪೈನ ಸಾಂಗಲೆಂ.

ಬಾರತೀಯ ಸೇನೆಚೆ ನಿವೃತ್ತ ಅಧಿಕಾರಿ ಬ್ರಿ. ಸಿ. ಎಂ. ಎಫ್. ಪ್ರಭುನ ಕಾರ್ಯಕ್ರಮ ಉದ್ಘಾಟನ ಕರನ ಹಾಂವ ಮಿಲಿಟರಿ ಕುಟುಂಬಾಂತ ಜಲ್ಮಲಲೊ. ಮೆಗೆಲೊ ಅಜ್ಜೊ ಆನಿ ಬಾಪಯ ಭಾರತೀಯ ಸೇನಾಂತ ಸೇವಾ ದಿಲೆಲೆ. ಹಾಂವ ಸೇನೇಂತ ಭರ್ತಿ ಜಾತಾನಾ ಮಸ್ತ ಶಿಕನಿ ಆಶಿಲೊ ಜಾಲಯಾರಿ ಸೇನೆಂತ ಭರ್ತಿ ಜಾಲೆ ನಂತರ ಮಸ್ತ ಇತಲೆ ಶೀಕಚಾಕ ಮೆಳ್ಳೆಂ. ಖಂಚೇಯ ಕ್ಷೇತ್ರಾಂತ ಕಠಿಣ ಶ್ರಮ ಘಾನು ವಾವ್ರ ಕೆಯಾರಿ ಮಾತ್ರ ಆಮಗೆಲೆ ಪರಿಶ್ರಮಾಕ ಫಲ ದಿತಾ. ತಶೀಂಚಿ ಆಮಗೆಲೆ ಆತ್ಮ ಸ್ಥೈರ್ಯ, ಸ್ವೀಕೃತಾ ಮನೋಭಾವ, ಸ್ವಯಂ ಶಿಸ್ತು, ಪ್ರಾಮಾಣಿಕತಾ ಆನಿ ಕೌಶಲ ಆಮಕಾ ಯಶ ಪಾವಯತಾ ಅಶಿಂ ಸಾಂಗಲೆಂ.

ಸಂಪನ್ಮೂಲ ವಕ್ತಿ ಜಾವನ ಸಿ. ಎನ. ಬಿ. ಸಿ. ಟಿ.ವಿ-18 ಸಂಪಾದಕಿ ಸೋನಿಯಾ ಶೆಣೈ, ಐ.ಎಫ್. ಎಮ್. ಆರ್. ಕ್ಯಾಪಿಟಲ್ ಸಂಸ್ಥೆ ವ್ಯವಸ್ಥಾಪಕ ನಿರ್ದೇಶಕಿ ಕ್ಷಮಾ ಫೆರ್ನಾಂಡಿಸ್, ಕೋಕೋ ಕೋಲಾ (ಇಂಡಿಯಾ) ಚೆ ಆನಿ ಸೌತ್ ವೆಸ್ಟ ಏಶಿಯಾ ವಿಭಾಗಾಚೆ ಅಧ್ಯಕ್ಷ ಶ್ರೀ ವೆಂಕಟೇಶ ಕಿಣಿ, ನವ ದಿಲ್ಲಿ ಭರೋಸಾ ಕ್ಲಬ್ ಸ್ಥಾಪಕ ಪ್ರಕಾಶ ಪೈ. ಮಂಗಳೂರು ಎ.ಜೆ. ಆಸ್ಪತ್ರೆ ಯುರಾಲಾಜಿ ವಿಭಾಗಾಚೆ ಮುಖೇಲ ಡಾ. ಸುನಿಲ್ ಶೆಣೈ, ಮುಂಬಯಿ ಇಂಡೊಕೊ ರೆಮಿಡೀಸ್ ಕಂಪೆನಿ ಜಂಟಿ ವ್ಯವಸ್ಥಾಪಕ ನಿರ್ದೇಶಕ ಶ್ರೀ ಸಂದೀಪ ಬಾಂಬೋಲಕರ ಹಾನ್ನಿ ತಾಂಗೆಲೆ ಜೀವನಾಚೆ ಅನುಭವ ಯುವಕಾಂಕ ವಿವರಣ ದಿಲ್ಲೆಂ.

 

ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಶ್ರೀ ಬಸ್ತಿ ವಾಮನ ಶೆಣೈ, ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿ ಕಾರ್ಯದರ್ಶಿ ಶ್ರೀ ಪ್ರದೀಪ ಜಿ. ಪೈ, ಮುಖೇಲ ಸಲ್ಲಾಗಾರ ಆನಿ ಮುಂಬಯಿ 'ಆನಂದರತಿ' ಸಂಸ್ಥೆಚೊ ಶ್ರೀ ಸಂದೀಪ ಶೆಣೈ, ಖಜಾಂಚಿ ಶ್ರೀ ಬಿ. ಆರ್. ಭಟ್, ವಿಶ್ವ ಕೊಂಕಣಿ ಕೇಂದ್ರ ಉಪಾಧ್ಯಕ್ಷ ಶ್ರೀ ವೆಂಕಟೇಶ ಎನ. ಬಾಳಿಗಾ, ಕಾರ್ಯದರ್ಶಿ ಶ್ರೀ ಬಿ. ಪ್ರಭಾಕರ ಪ್ರಭು, ಸಿ.ಎ. ಶ್ರೀ ಗಿರಿಧರ ಕಾಮತ್, ಯೋಗೇಂದ್ರ ಪ್ರಭು, ಅಖಿಲ ಭಾರತ ಕೊಂಕಣಿ ಖಾರ್ವಿ ಮಹಾಜನ ಸಭಾ ಅಧ್ಯಕ್ಷ ಶ್ರೀ ಕೆ. ಬಿ. ಖಾರ್ವಿ, ವಿಶ್ವ ಕೊಂಕಣಿ ಭಾಷಾ ಸಂಸ್ಥಾನ ಸಹಾಯಕ ನಿರ್ದೇಶಕ ಶ್ರೀ ಗುರುದತ್ತ ಬಂಟ್ವಾಳಕಾರ, ವಿಶ್ವ ಕೊಂಕಣಿ ಅಲ್ಯುಮ್ನಿ ಸಂಘ ಅಧ್ಯಕ್ಷ ದಿನೇಶ ಕೆ. ಪೈನ ಸ್ವಾಗತ ಕೆಲೆಂ. ಮಾಜಿ ಅಧ್ಯಕ್ಷಾ ಲೆನಿಟಾ ಮಿನೇಜಸ್ ಸಮಾವೇಶಾಂತ ಉಪಸ್ಥಿತ ಆಶಿಲಿಂಚಿ. ವೈಭವ ಡಿಸೋಜಾ ಆನಿ ನವಮಿ ಆರ್. ಕಿಣಿನ ಕಾರ್ಯಕ್ರಮ ನಿರೂಪಣ ಕೆಲೆಂ.

 

COMMENTS