Kittall Media Network

Kittall Media Network

KITTALL is a unique Konkani literary website. It is the dream project of well-known Konkani writer and critic Henry Mendonca popularly known as H M Pernal. Kittall carries short stories , poems , essays , novel series, columns by reknowned writers, interview with writers and artists , videos, review on new books , music and art . It also publishes Special reports of Konkani events and news related to konkani literature , art and music. KITTALL was inaugurated on 5th February 2011 by celebrated Konkani poet , President , Kavita Trust and Director (operations) of Daijiworld Media Private Limited, Mr. Melvyn Rodrigues.

Recent Archives

ಡೊ| ಜೆರಿ ನಿಡ್ಡೋಡಿ ಮಿಲಾಗ್ರೆಸ್ ಕೊಲೆಜಿಚೊ ಪ್ರಾಚಾರ್ಯ್

Kittall Media Network        2016-07-10 19:50:32
  |     |  



 

ಜೆರಿ ನಿಡ್ಡೋಡಿ ( ಜಲ್ಮಾ ತಾರಿಕ್ : 25 ಮೆ 1957 ಗಾಂವ್ : ಕುದ್ರಿಪದವು, ನಿಡ್ಡೋಡಿ, ದಕ್ಷಿಣ ಕನ್ನಡ ಜಿಲ್ಲೊ) ಹ್ಯಾ ಲಿಕ್ಣೆನಾಂವಾನ್ ಕೊಂಕ್ಣಿ ಸಾಹಿತ್ಯ್ ಸಂಸಾರಾಂತ್ ಒಳ್ಕೆಚೊ ಡೊ| ಜೆರಾಲ್ಡ್ ಪಿಂಟೊ ಹಾಂಕಾ ಉಡುಪಿ, ಕಲ್ಯಾಣ್ಪುರ್ ಮಿಲಾಗ್ರೆಸ್ ಕೂಲೆಜಿಚೊ ಪ್ರಾಚಾರ್ಯ್ ಜಾವ್ನ್ ನೇಮಕ್ ಕೆಲಾ ಆಸುನ್ ಜುಲೈ 1 ತಾರಿಕೆ ಪಾಸುನ್ ತಾಣೆ ಆಪ್ಲೊ ಹುದ್ದೊ ಸಾಂಬಾಳ್ಳಾ.

 

ಬೌತ್ ಶಾಸ್ತಿರಾಂತ್ ಸ್ನಾತಕೋತ್ತರ್ ಸನದ್ ( ಮಯ್ಸೂರ್ ವಿಶ್ವವಿದ್ಯಾಲಯ್ 1981 ) ಆನಿ ನ್ಯೂಕ್ಲಿಯರ್ ಬೌತ್ ಶಾಸ್ತಿರಾಂತ್ ಮಂಗ್ಳುರ್ ವಿಶ್ವವಿದ್ಯಾಲಯಾಥಾವ್ನ್ ಡೊಕ್ಟರೇಟ್ ( 1992) ಜೋಡ್ನ್ ಪಾಟ್ಲ್ಯಾ 35 ವರ್ಸಾಂ ಪಾಸುನ್ ಮಿಲಾಗ್ರೆಸ್ ಕಲ್ಯಾಣ್ಪುರ್ ಹಾಂಗಾಸರ್ ಭೌತ್ ಶಾಸ್ತಿರಾಚೊ ಪ್ರಾಧ್ಯಾಪಕ್ ಜಾವ್ನ್ ತೊ ವಾವುರ್ನ್ ಆಸಾ. ಹೆ ಭಾಯ್ರ್ ತಾಣೆ ಪತ್ರಿಕೋದ್ಯಮಾಂತ್ ಡಿಪ್ಲೊಮಾ ( 1982) ಆನಿ ಕೊಂಕ್ಣೆಂತ್ ಪದ್ಯುತ್ತರ್ ಡಿಪ್ಲೊಮಾ (1981) ಡಿಸ್ಟಿಂಕ್ಶನಾಸವೆಂ ಜೊಡ್ಲಾ.

 

ಪಾಟ್ಲ್ಯಾ 42 ವರ್ಸಾಂ ಪಾಸುನ್ ಕೊಂಕ್ಣಿ ಭಾಸ್ ಆನಿ ಸಾಹಿತ್ಯಾಕ್ ವಾವ್ರ್ ದೀವ್ನ್ ಆಸ್ಚ್ಯಾ ತಾಚ್ಯಾ ಲಿಕ್ಣೆಥಾವ್ನ್ ಆಜ್ ಪಾಸುನ್ 7 ಕಾದಂಬರಿ, 2 ಮಟ್ವ್ಯಾ ಕಾಣಿಯಾಂ ಸಂಗ್ರಹ್ ಆನಿ 7 ಹೆರ್ ಪುಸ್ತಕಾಂ ಉದೆವ್ನ್ ಆಯ್ಲ್ಯಾಂತ್. ಸುಮಾರ್ 1600 ಲೇಕನಾಂ ಬರಯಿಲ್ಲ್ಯಾ ತಾಣೆ ’ಆಮ್ಚೊ ಸಂದೇಶ್’ ಪತ್ರಾಚೊ ಸಂಪಾದಕ್ ಜಾವ್ನ್ 7 ವರ್ಸಾಂ ಸೆವಾ ದಿಲ್ಯಾ ಮಾತ್ ನ್ಹಯ್, 1994 ವ್ಯಾ ವರ್ಸಾ ಪಾಸುನ್ ’ಮಿಲಾರ್ಚಿಂ ಲ್ಹಾರಾಂ’ ಫಿರ್ಗಜ್ ಪತ್ರಾಚೊ ಸಂಪಾದಕ್ ಜಾವ್ನ್ ತಶೆಂ 2000 ವ್ಯಾ ವರ್ಸಾ ಪಾಸುನ್ ’ಸಂಪರ್ಕ’ ಕನ್ನಡ ತ್ರೈಮಾಸಿಕ್ ಪತ್ರಾಚೊ ಸಂಪಾದಕ್ ಜಾವ್ನ್ ತೊ ಸೆವಾ ದೀವ್ನ್ ಆಸಾ. ಪ್ರಕಾಶನ್ ಶೆತಾಕ್ ಸೆವಾ ದಿಲ್ಲ್ಯಾ ತಾಣೆ ಆಪ್ಲ್ಯಾ ’ದಿವ್ಯದೀಪ ಪ್ರಕಾಶನ’ ಮುಕಾಂತ್ರ್ 8 ಕೊಂಕ್ಣಿ ಪುಸ್ತಕಾಂ ಫಾಯ್ಸ್ ಕೆಲ್ಯಾಂತ್. ಕೊಂಕ್ಣಿ ಸಂಸೊಧ್ ಶೆತಾಂತ್ ಗುಮಾನ್ ವೊಡ್ಚೆತಸಲೊ ಜಾಲ್ಲೊ ವಾವ್ರ್ ಕೆಲ್ಲ್ಯಾ ತಾಣೆ, ಕುಡ್ಮಿ ಕೊಂಕ್ಣಿ ಲೋಕ್‌ವೇದ್ ಹ್ಯಾ ವಿಶ್ಯಾಂತ್ ಸಂಸೊದ್ ಕರ್ನ್ ಪುಸ್ತಕ್ ಪರ್ಗಟ್ ಕೆಲಾ. ಗುಮ್ಟಾ ಪದಾಂ, ಕಾಜಾರ್ ಆನಿ ಫೆಸ್ತಾಂಚ್ಯೊ ತಸ್ವೀರ‍್ಯೊ ಸಂಗ್ರಹ್ ಕರ್ನ್ ಬುಕಾ ರುಪಾರ್ ಪರ್ಗಟ್ ಕೆಲ್ಯಾತ್. ಮಾತ್ ನ್ಹಯ್, ’ವಿಸಾವ್ಯಾ ಶತಮಾನಾಚೆ ಮ್ಹಾನ್ ಕೊಂಕ್ಣಿ ಮನಿಸ್’ ಪುಸ್ತಕ್ ಬರಯ್ಲಾಂ.”ಸುವರ್ಣ ಕರ್ನಾಟಕಾಂತ್ ಕೊಂಕ್ಣಿ ಲೋಕ್’ ಹ್ಯಾ ಗ್ರಂಥಾಚೊ ಸಂಪಾದಕ್ ಜಾವ್ನ್ ವಾವ್ರ್ ದಿಲಾ.

 

ಡೊ| ಜೆರಿ ಹಾಂಚಿ ಸಾಹಿತ್ಯಾಚಿ ಸೆವಾ ಮಾನುನ್ ಘೆವ್ನ್, ತಾಣಿ ಬರಯಿಲ್ಲ್ಯಾ ’ ಉನ್ನತ ಶಿಕ್ಷಣ ಮತ್ತು ಉದ್ಯೋಗ ಅವಕಾಶಗಳು’ ಕನ್ನಡ ಪುಸ್ತಕಾಕ್ 1997 ವ್ಯಾ ವರ್ಸಾ ದಾಂತಿ ಸಾಹಿತ್ಯ ಪುರಸ್ಕಾರ್, 2007 ವ್ಯಾ ವರ್ಸಾ ಎಕಾ ಪಾಟ್ಲ್ಯಾನ್ ಎಕ್ ಮ್ಹಳ್ಳೆಪರಿಂ, ದಿವೊ ಸಾಹಿತ್ಯ್ ಪುರಸ್ಕಾರ್, ಕೊಂಕಣಿ ಫ್ರೆಂಡ್ಸ್, ಇಂಗ್ಲೆಡ್ ಹಾಣಿ ದಿಂವ್ಚೊ ಕೊಂಕಣ್ ಸ್ಟಾರ್ ಪುರಸ್ಕಾರ್ ಆನಿ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೊ ಗವ್ರವ್ ಪುರಸ್ಕಾರ್ ಅಶೆಂ ತೀನ್ ಪುರಸ್ಕಾರ್ ಫಾವೊ ಜಾಲ್ಯಾತ್. ಹ್ಯಾಚ್ ವರ್ಸಾ ’ತಿಸ್ರಿ ತಕ್ಲಿ’ ಹ್ಯಾ ಕಾದಂಬರಿಕ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಥಾವ್ನ್ ಪುಸ್ತಕ್ ಪುರಸ್ಕಾರ್ ಲಾಭ್ಲಾ ತರ್ 2011 ವ್ಯಾ ವರ್ಸಾ ಪ್ರತಿಷ್ಠಿತ್ ದಾಯ್ಜಿ ದುಬಯ್ ಸಾಹಿತ್ಯ್ ಪುರಸ್ಕಾರ್ ಫಾವೊ ಜಾಲಾ.

 

ಸಮಾಜ್ ಸೆವೆಂತ್ ವಿಶೇಸ್ ವಾವ್ರ್ ದಿಲ್ಲ್ಯಾ ತಾಣಿ ಮಂಗ್ಳುರ್ ದಿಯೆಸೆಜಿಚ್ಯಾ ಕಥೊಲಿಕ್ ಸಭಾ ಸಂಘಟನಾಚೊ ಅಧ್ಯಕ್ಷ್ ಜಾವ್ನ್ 1996 ಥಾವ್ನ್ 1998 ಪರ್ಯಾಂತ್, ಮಾನಸ ಪಾಂಬೂರ್ ಹಾಚೊ ಸ್ಥಾಪಕ್ ಟ್ರಸ್ಟಿ ಆನಿ ಕಾರ್ಯದರ್ಶಿ ಜಾವ್ನ್ ಸೆವಾ ದಿಲ್ಯಾ. ಉಡುಪಿ ಜಿಲ್ಲ್ಯಾಚ್ಯಾ ಉಣ್ಯಾಸಂಕ್ಯಾತಾಂಚ್ಯಾ ವೇದಿಚೊ ಅಧ್ಯಕ್ಷ್ ಜಾವ್ನ್ ತೊ ವಾವುರ್ಲಾ. 600 ವಯ್ರ್ ವೃತ್ತಿ ಮಾರ್ಗದರ್ಶನ್ ಶಿಬಿರಾಂಕ್ ಸಂಪನ್ಮೂಳ್ ವೆಕ್ತಿ ಜಾವ್ನ್ ಹಾಜರ್ ಜಾಲಾ.

 

ಮಂಗ್ಳುರ್ ವಿಶ್ವವಿದ್ಯಾಲಯಾಚ್ಯಾ ಬೌತ್ ಶಾಸ್ತಿರ್ ಶಿಕ್ಷಕ್ ಸಂಘಾಚೊ ಅಧ್ಯಕ್ಷ್ ಜಾವ್ನ್ ಸೆವಾ ದೀವ್ನ್ ಪ್ರಸ್ತುತ್ ಮಂಗ್ಳುರ್ ವಿಶ್ವವಿದ್ಯಾಲಯಾಂತ್ ಬೌತ್ ಶಾಸ್ತಿರ್ ಶಿಕ್ಪಾ ಮಂಡಳೆಚೊ ಸಾಂದೊ ಜಾವ್ನ್ ಸೆವಾ ದೀವ್ನ್ ಆಸಾ ಮಾತ್ ನ್ಹಯ್ ವಿಜ್ಞಾನ್ ವಿಭಾಗಾಂತ್ ಸಾಂದೊ ಜಾವ್ನ್ ಆಸಾ. ಮಿಲಾಗ್ರೆಸ್ ಕೊಲೆಜಿಂತ್ NAAC ಸಂಯೋಜಕ್ ಜಾವ್ನ್, NSS ಅಧಿಕಾರಿ ಜಾವ್ನ್, ಪ್ಲೇಸ್ ಮೆಂಟ್ ಅಧಿಕಾರಿ ಜಾವ್ನ್ ತಾಣೆ ಸೆವಾದಿಲ್ಯಾ.

 

COMMENTS

MELVIN PERES , MANGALORE Jul 13, 2016

CONGRATULATIONS & ALL THE VERY BEST.

Harold Rodrigues , Udupi / UAE Jul 13, 2016

Congratulations Sir. You are a great teacher and motivator. May the Institution u r heading scale greater heights in your tenure. 

Hilda Dsouza , Abu Dhabi ,UAE Jul 13, 2016

Congratulations Dr.Gerald.God Bless you abundantly.

Geralad Carlo , Hassan Jul 11, 2016

ಶಿಕ್ಪಾ ಶೆತಾಂತ್ ಕ್ರಿಸ್ತಾಂವಾಂಚಿ ದೇಣ್ಗಿ ಉಲ್ಲೇಕನೀಯ್ ಜಾಲ್ಯಾರೀ ಆಮ್ಚೆ ಚಡಾವತ್ ಸಂಸ್ತೆ ಧಾರ್ಮಿಕಾನಿಂ ಚಲಂವ್ಚೆ. ಹ್ಯಾ ಸಂಸ್ತ್ಯಾನಿಂ ಸಬಾರ್ ಲಾಯಿಕ್ ಕಾಮ್ ಕರುನ್ ಆಸಾತ್ ತರೀ ಆಡಳ್ತೆಂ, ಅಧಿಕಾರ್ ಚಲಂವ್ಚೊ ಚಡಾವತ್ ಧಾರ್ಮಿಕಾನಿಂ.ಹ್ಯಾ ದೃಷ್ಟೆನ್ ಡೊ. ಜೆರಿಕ್ ಕಲ್ಯಾಣ್‌ಪುರ್ ಮಿಲಾಗ್ರಿಸ್ ಕೊಲೆಜಿಚೊ ಪ್ರಾಚಾರ್ಯ್ ಜಾವ್ನ್ ನಿಯುಕ್ತ್ ಕೆಲಾ ಮ್ಹಣೊನ್ ಆಯ್ಕೊನ್ ಖುಷಿ ಜಾಲಿ. ಉನ್ನತ್ ಶಿಕ್ಷಣ್ ಜೊಡ್ಲೆಲೆ ಶಿಕ್ಪಿ ಕೊಂಕ್ಣೆಂತ್ ಉಲಂವ್ಕಚ್ ಪಾಟಿಂ ಮುಕಾರ್ ಕರ್ಚೆ ವೆಳಿಂ ದೊ. ಜೆರಿ ಎಕ್ಲೊ ಕೊಂಕ್ಣಿ ಲೇಖಕ್ ಸೈತ್ ಮ್ಹಣೊನ್ ಅಭಿಮಾನ್ ಭಗ್ತಾ. ದೊ. ಜೆರಿಕ್ ಅಭಿನಂದನ್ ಆನಿ ಉಲ್ಲಾಸ್.

Geo D' Silva , Agrar ( Via Facebook ) Jul 11, 2016

Congrats Jerry Sir

Edwin J F , Mangaluru Jul 11, 2016

A noble achievement in a noble profession.

Austin Prabhu , ಚಿಕಾಗೊ Jul 11, 2016

ಪೊರ್ಬಿಂ ತುಕಾ ದೊತೊರ್ ಜೆರಿ. ತುಜೆಂ ಶಿಕ್ಪಾ ಶಿಖರ್ ಭಾರಿಚ್ ಉಭಾರ್ ತಸೆಂಚ್ ಕೊಂಕ್ಣಿ ಸಾಹಿತಾಚೊ ವಾವ್ರ್ ಅಖಂಡ್ ಆನಿ ಅಪಾರ್. ದೇವಾಚೆಂ ವಿಂಚ್ಣಾರ್ ಆಶೀರ್ವಾದ್ ತುಕಾ; ಉಗ್ಡಾಸ್ ಆಸಾ ತುಂವೆ ಮ್ಹಜೆಂ "ಮೊತಿಯಾಂ" ಪುಸ್ತಕ್ ತುಜ್ಯಾ ಸಾಹಿತ್ ಪ್ರಕಾಶನಾ ಮುಖಾಂತ್ರ್  ಉಜ್ವಾಡಾಯಿಲ್ಲೆಂ.

Mark Denis Dsouza , Sharjah / UAE. Jul 11, 2016

I take this opportunity to congratulate Dr.Gerald Pinto for his great achievement by his simplicity and humanity serving attitude,I wish him every success in his future endures and God bless him and his family.

ಬಾ| ಜುಜೆ ವಾಜ್. ಎಸ್.ವಿ.ಡಿ , ಇಂದೋರ್ Jul 11, 2016

ಡೊ| ಜೆರಿಕ್ ಕಾಳ್ಜಾಥಾವ್ನ್ ಬೊರೆಂ ಮಾಗ್ತಾಂ.

Walter Lasrado, Nakre , Malad, Mumbai Jul 10, 2016

ದೊತೊರ್ ಜೆರಾಲ್ಡ್ ಪಿಂಟೊಕ್ ಕಲ್ಯಾಣ್ಪುರ್ ಮಿಲಾಗ್ರಿಸ್ ಕೊಲೆಜಿಚೊ ಪ್ರಾಚಾರ್ಯ್ ಜಾವ್ನ್ ನೇಮಕ್ ಕೆಲ್ಲಿ ಸಂಗತ್ ಆಮ್ಕಾಂ ಸರ್ವಾಂಕ್ ಅಭಿಮಾನಾಚಿ ಜಾವ್ನಾಸಾ. ಯೆದೊ ವಡ್ ಶಿಕ್ಪಿ ಆನಿ ವ್ಯಸ್ತ್ ಮಾನೆಸ್ತ್ ಖಳಾನಾಸ್ತಾನಾ ಕೊಂಕ್ಣಿ ಸಾಹಿತ್ಯಾಚಿ ಸೇವಾ ಕರ್ನ್ ಆಸಾ. ತಾಚ್ಯಾ ಥೊಡ್ಯ್ಯಾ ವ್ರತ್ತಿ ಮಾರ್ಗ್ ದರ್ಶನ್ ಶಿಬಿರಾಂಕ್.ಹಾಜರ್ ಜಾಂವ್ಚೊ ಆವ್ಕಾಸ್ ಮ್ಹಾಕಾ ಲಾಬ್ಲಲೊ ಆಸಾ.ಸರ್ಕಾರಿ ನವ್ಕರಿ ಆಪ್ಣಾಂವ್ಕ್ ತಾಣೆ ಯುವಜಣಾಂಕ್ ಬರೆಂಚ್ ಪ್ರೇರಿತ್ ಕೆಲಾಂ ಆನಿ ಮಾರ್ಗ್ ದರ್ಶನ್ ದಿಲಾಂ. ದೊತೊರ್ ಬಾಬಾಕ್ ಮ್ಹಜೆ ಹಾರ್ದಿಕ್ ಉಲ್ಲಾಸ್.

Hillary Dsilva , Miraroad Jul 10, 2016

Jerry Sir you deserve the awards well...... wish you every success in your future endavor