ಕಾಂಯ್ ಥೊಡ್ಯಾಚ್ ದಿಸಾಂ’ಧಿ ಹ್ಯಾಚ್ ಜಾಳಿಸುವಾತೆರ್  ಮಂಗಳಯಾನ ಮಿಸಾಂವ್ ಚಲೊನ್ ಆಸ್ತಾನಾ ರಾಜಕೀಯ್ ಮುಕೆಲ್ಯಾಂನಿ ಇಸ್ರೊಂತ್ ರಿಗೊನ್ ನಾಜೂಕ್ ಘಡ್ಯೆ  ವಿಗ್ಯಾನಿಂಚ್ಯಾ ಕಾಮಾಕ್ ಅಡ್ಕಳ್ ಹಾಡ್‌ಲ್ಲೆವಿಶಿಂ ಪ್ರಮೋದ್ ರೊಡ್ರಿಗಸ್ ಹಾಣೆ ಬರಯಿಲ್ಲೆಂ ವಾಚುನ್ ಪುರ‍್ತೆಂ ಜಿರೊನ್ ವೆಚ್ಯಾ ಪಯ್ಲೆಂಚ್ ಮಾದ್ಯಮಾಂನಿ ಮಂಗುರ‍್ಚ್ಯಾ ಸರ‍್ಕಾರಿ ಸ್ತ್ರಿಯಾಂಚ್ಯಾ ಆಸ್ಪತ್ರೆಂತ್ ಥಳೀಯ್ ಶಾಸಕ್ ಆನಿ ತಾಚ್ಯಾ ಪಾಟ್ಲಾಮಾಚ್ಯೊ ತಸ್ವಿರ‍್ಯೊ ಪಳೆವ್ನ್ ಅಜಾಪ್ ಜಾಲೆಂ. ಹೆ ವಿಶಿಂ  ಪತ್ರ್‌ಕಾರ್ ಮಿತ್ರ್, ವಿಜಯ ಕರ್ನಾಟಕಾಚ್ಯಾ ಅರೀಫ್ ಮಹಮ್ಮದ್ ಹಾಣೆ ಬರಯಿಲ್ಲೆಂ ವಾಚ್ತಾನಾ, ತ್ಯಾ ನಿಷ್ಪಾಪಿ ಬಾಂಳ್ಟಿಂಚೆಂ ಆನಿ ಬಾಳ್ಶ್ಯಾಂಚೆಂ ಹಾಲ್ ಚಿಂತೂನ್ ಜೀವ್ ಅಕ್ಲಾಸ್ಲೊ.  ಜಾಂವ್ ಮಂತ್ರಿ ವಾ ಮುಕೆಲಿ, ಏಕ್ ಮನಿಸ್ ಮನಿಸ್ ಜಾಲ್ಲ್ಯಾನ್ ಇತ್ಲೋಯ್ ಅಸಂವೇದನಾ ಶೀಳ್ ಜಾಂವ್ಚೆಂ ತರೀ ಕಶೆಂ?

ಅರೀಫ್ ಬರಯ್ತಾ : " ಶಾಸಕರೊಬ್ಬರು ಮಂಗಳೂರಿನ ಮಹಿಳೆಯರ ಸರಕಾರಿ ಆಸ್ಪತ್ರೆಗೆ ಭೇಟಿ ಕೊಡುತ್ತಾರೆ. ಒಟ್ಟಿಗೆ ಸಾಕಷ್ಟು ಮಂದಿ ಪತ್ರಕರ್ತರು, ಫೋಟೊ, ವೀಡಿಯೋಗ್ರಾಫರ್‌ಗಳು, ಶಾಸಕರ ಹಿಂಬಾಲಕರು. ಎಂದಿನಂತೆ ಜಾಗದ ಕೊರತೆಯಿಂದ ಸಿಕ್ಕ ಜಾಗದಲ್ಲೆಲ್ಲಾ ಬಾಣಂತಿ ತಾಯಂದಿರು ಶಿಶುಗಳಿಗೆ ಹಾಲುಣಿಸುತ್ತಾ ಮಲಗಿದ್ದಾರೆ. ಬಾಣಂತಿಯರ ವಿಭಾಗಕ್ಕೆ ತೆರಳುವ ಶಾಸಕರು, ಅಲ್ಲೇ ನಿಂತು ಆಸ್ಪತ್ರೆ ಬಗ್ಗೆ ಅಧೀಕ್ಷಕರಲ್ಲಿ ಮಾಹಿತಿ ಕೇಳುತ್ತಲೇ ಇದ್ದಾರೆ, ಅವರು ಹೇಳುತ್ತಲೇ ಇದ್ದಾರೆ. ಪಾಪ, ಬಡ ತಾಯಂದಿರು ಮಾತ್ರ ಏನೂ ಅರ್ಥವಾಗದೆ, ನೋವು, ಮುಜುಗರ ಅಡಗಿಸಲು ಪ್ರಯತ್ನಿಸುತ್ತಿರುತ್ತಾರೆ. ಒಬ್ಬರಿಗೆ ಮಾತ್ರ ಪ್ರವೇಶ, ಪಾದರಕ್ಷೆ ಕಳಚಿಟ್ಟು ಹೋಗಿ ಎಂಬ ಯಾವ ನಿಯಮವೂ ಇಲ್ಲದೆ, ನುಗ್ಗುವ ಶಾಸಕರು, ಅವರ ಹಿಂಬಾಲಕರಿಗೆ ಹೇಳುವವರು ಯಾರು?"

ಜರಿ ಆಮ್ಚೆ ಮುಕೆಲಿಚ್ ಮನ್ಶ್ಯಾ ಜಿವಾಚೆಂ ತೇಂಪ್ಲ್ ಜಾವ್ನಾಸ್ಚ್ಯಾ ಆಸ್ಪತ್ರೆಂನಿ, ತೇಂಯ್ ಬಾಂಳ್ಟಿಂಚ್ಯಾ ಆಸ್ಪತೆಂನಿ, ಅಸಲ್ಯಾ ಜಿವಾವಿರೋದಿ ವರ‍್ತನಾಚೆಂ ಪ್ರದರ್ಶನ್ ಕರ‍್ತಿತ್ ತರ್,  ಉರ‍್ಲೆಂ ತರೀ ಕಿತೆಂ?

ಮುಕೆಲ್ಯಾಂಕ್ ಫೊಟೊ - ಪ್ರಚಾರ್ ಜೊಡುಂಕ್ ಹೆರ್ ಜಾಯ್ತ್ಯೊ ವಾಟೊ ಆಸಾತ್. ಕಿತ್ಲಿಂ ಜಾಯ್ ತಿತ್ಲಿಂ ರಿಬ್ಬನಾಂ ಕಾತ್ರುಂದೀ, ಬಾಂದ್ಪಾಂಕ್ ಮುಲ್ಯಾ ಫಾತೊರ್ ದವರುಂದೀ, ಉಗ್ತಾಂವ್ದೀ ಆನಿ ಪಂಟ್ಯೊ ಪೆಟಂವ್ದೀ - ಕಾಂಯ್ ನಜೊ. ಪೂಣ್ ಮನ್ಶ್ಯಾಜಿವಾಚಿ ಗಜಾಲ್ ಯೆತಾನಾ ಮಾತ್ ಕುಸ್ಕುಟ್ ತರೀ ಮನ್ಶ್ಯಾಪಣ್ ದಾಕಂವ್ಚಿ ಗರ್ಜ್ ಆಸಾ.

 ಸರ‍್ಕಾರಿ ಆಸ್ಪತ್ರೆಂನಿ ಕಿತ್ಲಿ ನಿತಳಾಯ್ ಆಸಾ, ಲೊಕಾಕ್ ಕಿತ್ಲೆ ಬರ‍್ಯೊ ಸವ್ಲತ್ಯೊಮೆಳ್ಟಾತ್  ಮ್ಹಳ್ಳೆವಿಶ್ಯಾಂತ್ ಸರ‍್ವಾಂಕ್ ಮಾಹೆತ್ ಆಸಾ. ಖಾಸ್ಗಿ ಮೆಡಿಕಲ್ ಕೊಲೆಜಿಂನಿ ಸರ‍್ಕಾರಿ ಆಸ್ಪತ್ರೆಚಿಂ ವಾರ‍್ಡಾಂ ಎದೊಳ್‌ಚ್ ಆಪ್ಲಿಂ ಪ್ರಯೋಗ್‌ಶಾಳಾ ಜಾವ್ನ್ ತಬ್ದಿಲಿ ಕೆಲ್ಯಾಂತ್ ಮ್ಹಳ್ಳೆ ಆರೋಪ್ ವೆಗ್ಳೆ ಆಯ್ಕೊಂಕ್ ಮೆಳ್ಟಾತ್. ( ಆರ್ಸೊ ಪತ್ರಾ ಖಾತಿರ್  ಹೆಂ ಸಂಪಾದಕೀಯ್ ಬರಯ್ತಾನಾ ಮ್ಹಜೆ ಆನ್ಯೇಕ್ ಪತ್ರ್‌ಕಾರ್ ಮಿತ್ರ್ ಗುರ್ಪುರ್‌ಚ್ಯಾ ನವೀನ್ ಮಿನೆಜಸಾನ್ ಮಂಗ್ಳುರ‍್ಚ್ಯಾ ಎಕಾ ಖಾಸ್ಗಿ ಮೆಡಿಕಲ್ ಕೊಲೆಜಿನ್ ಸರ್ಕಾರಿ ವೆನ್ಲಾಕ್ ಆಸ್ಪತ್ರ್ ಆಪ್ಲ್ಯಾ ವಿದ್ಯಾರ್ಥಿಂಚ್ಯಾ ಶಿಕ್ಪಾಕ್ ವಾಪರ್‌ಲ್ಲಿ ಕೊರೊಡಾಂಚಿಂ ಫೀಸ್ ಫಾರಿಕ್ ಕರಿನಾಸ್ತಾನಾ ಬಾಕಿ ದವರ್‌ಲ್ಲೆವಿಶಿಂ, ಸರ‍್ಕಾರಿ ಆದೇಶಾ ಉಪ್ರಾಂತ್ ಏಕ್ ವಾಂತೊ ಫಾರಿಕ್ ಕೆಲ್ಲೆವಿಶಿಂ ಸವಿಸ್ತಾರ್ ವರ‍್ದಿ ಫಾಯ್ಸ್ newskarnataka.com ಹ್ಯಾ ಜಾಳಿಸುವಾತೆರ್ ಫಾಯ್ಸ್ ಕೆಲ್ಯಾ - ಗಾಂಚ್ : KMC succumbs to pressure, pays pending clinical fees to Wenlock  )

ಆಜ್, ಸೂಪರ್ ಸ್ಪೆಶಾಲಿಟಿ ಆಸ್ಪತ್ರೆಂಚ್ಯಾ ಸುತ್ತುರಾಕ್ ವಚೊಂಕ್ ತಾಂಕ್ ನಾತ್‌ಲ್ಲೆ ದುಬ್ಳೆ ಮಾತ್ ಸರ‍್ಕಾರಿ ಆಸ್ಪತ್ರೆಂಕ್ ವೆತಾತ್. ಪಯ್ಲೆಂಚ್ ತಾಂಚಿ ಸ್ಥಿತಿ ನಾಜೂಕ್ ಜಾಲ್ಲಿ ಆಸ್ತಾ. ಮಂತ್ರಿ - ಮುಕೆಲ್ಯಾಂಚ್ಯಾ ಮೊಚ್ಯಾಂಚ್ಯಾ ಧುಳಿಕ್ ಆನಿ ಮಾದ್ಯಮ್‌ಗಾರಾಂಚ್ಯಾ ಕೆಮೆರಾಂಚ್ಯಾ ಜಗ್ಲಣ್ಯಾಕ್ ತಿ ಪುರ್ತಿ ಭಿಗಡ್ಚಿ ಸಾಧ್ಯತಾ ಆಸಾ. ಕೋಣ್ ಆಸಾ ತಾಂಕಾ ವಿಚಾರ‍್ತಲೊ? ಬಾಂಳ್ಟಿಕ್ ವಾ ಬಾಳ್ಶ್ಯಾಕ್ ಇನ್ಫೆಕ್ಶನ್ ಜಾವ್ನ್ ಜಿವಾಕ್ ಅಪಾಯ್ ಜಾಲೊ ತರ್ ಕೋಣ್ ಜವಾಬ್ದಾರ್? ಗರೀಬಾಚ್ಯಾ ಜಿವಾಕ್ ಹ್ಯಾ ದೆಶಾಂತ್ ಮೋಲ್‌ಚ್ ನಾ? ತಾಂಚ್ಯಾ ಜಿವಾಸಾಂಗಾತಾ ಖೆಳೊನ್ ಮುಕೆಲ್ಯಾಂಕ್ ಫೊಟೊ ಕಾಡ್ನ್  ಪ್ರಚಾರ್ ಜೊಡ್ಚಿ ಪಿಸಾಯ್ ಕಿತ್ಯಾಕ್? ಹಿ ಖಂಯ್ಚ್ಯಾ ಕಾಸ್ತಾಚಿ ಧಾರುಣಾಯ್?

ಜರಿ ಮಂತ್ರಿಕ್ ಆನಿ ಮುಕೆಲ್ಯಾಂಕ್ ಫೊಟೊ, ಪ್ರಚಾರ್ ಜೊಡುಂಕ್‌ಚ್ ಆಸಾ, ಮನ್ಶ್ಯಾಜಿವಾಕ್ ಅಪಾಯ್ ನಾತ್ಲೆ ವಾಟೊ ತಾಣಿ ವಾಪರುಂಕ್ ಜಾಯ್. ಜವಾಬ್ದಾರಿ ಆಸ್ಚ್ಯಾ ಮಾದ್ಯಮಾಂನಿ ಮಂತ್ರಿ ಮುಕೆಲಿ ಆಪಯ್ತಾತ್ ಮ್ಹಣ್ ತಾಂಚೆ ಪಾಟ್ಲ್ಯಾನ್ ಮನ್ಶ್ಯಾಜೀವ್ ಉಸ್ವಾಸ್ ಘೆವ್ನ್ ಆಸ್ಚ್ಯಾ ಅಸಲ್ಯಾ  ಸುವಾತೆಂಕ್ ವೆಚೆಂ, ಫೊಟೊ ಕಾಡ್ನ್, ಖಬರ್ ಕರ್ನ್, ಮಂತ್ರಿ -ಮುಕೆಲ್ಯಾಂಕ್  ಪ್ರಚಾರ್ ದಿಂವ್ಚೆಂ ರಾವಯ್ಜೆ. ಜರಿ ಮಾದ್ಯಮಾಚ್ಯಾಂನಿ ಆಪ್ಲಿ ಜವಾಬ್ದಾರಿ ಸಮ್ಜೊನ್ ಏಕ್ ದೋನ್ ಪಾವ್ಟಿಂ ಅಸಲ್ಯಾ  ಖಬ್ರಾಂಕ್ ಕುಶಿನ್ ಲೊಟುನ್ ಪ್ರಚಾರ್ ದೀಂವ್ಕ್ ನೆಗಾರ‍್ಲೆಂ ತರ್, ಮಂತ್ರಿ - ಮುಕೆಲಿ ಅಪಾಪಿಂಚ್ ವಾಟೆಕ್ ಯೆತೆಲೆ.

- ಎಚ್ಚೆಮ್

ಕಿಟಾಳ್ ಜಮ್ಯಾಚೆಂ ಕೊಂಕ್ಣಿ ಪಂದ್ರಾಳೆಂ ಪತ್ರ್ ಆರ್ಸೊ, ಹರ‍್ಯೆಕಾ ಮಯ್‌ನ್ಯಾಚಾ ಪಯ್ಲ್ಯಾ ಆನಿ ಪಂದ್ರಾ ತಾರಿಕೆರ್ ಮಂಗ್ಳುರ್ ಥಾವ್ನ್ ಫಾಯ್ಸ್ ಜಾತಾ ಆನಿ 5 ಆನಿ 20  ತಾರಿಕೆರ್ ಪೋಸ್ಟ್ ಜಾತಾ. ಭಾರತಾಂತ್ ಆರ್ಸೊ ವರ್ಗಣಿ : ವರ್ಸಾಕ್ : ರು.250/-  ದೋನ್ ವರ‍್ಸಾಂಕ್ : ರು. 500/-  ಪಾಂಚ್ ವರ‍್ಸಾಂಕ್ : ರು.1,000/-  ಕೊಂಕ್ಣೆಂತ್ ನಿತಳ್ ವೈಚಾರಿಕ್ ಆನಿ ಗುಣಾಮೊಲಾಚೆಂ ಸಾಹಿತಿಕ್ ವಾಚಪ್ ಆಶೆತೆಲ್ಯಾಂನಿ ಜಿವಿತಾವ್ಧೆಚಿ ವರ್ಗಣಿ ರು.5,000/- ಭರ್ನ್ ಆಮ್ಕಾಂ ಪಾಟಿಂಬೊ ದಿವ್ಯೆತ್. ವರ್ಗಣಿ ಮನಿಯೊರ್ಡರ್ / ಚೆಕ್ ಮುಕಾಂತ್ರ್   ARSO, Catholic Centre , Hampanakatta, Mangalore - 575 001 ಹಾಂಗಾಸರ್ ಧಾಡುನ್ ದಿವ್ಯೆತ್ ವಾ ನೆಟ್ ಬ್ಯಾಂಕಿಂಗಾ ಮುಕಾಂತ್ರ್ ಆರ್ಸೊ ಬ್ಯಾಂಕ್ ಎಕಾಂವ್ಟಾಕ್ ಜಮೊ ಕರ‍್ಯೆತ್. Email : arsofortnightly@gmail.com

Account Name : ARSO  Account No : 321002000000003  Account Type : Current Account Bank : Indian Overseas Bank  Branch : Kankanady  IFSC Code : IOBA0003210  Swift Code : IOBAINBB054